برافو ولا رينو فلونس

[osamy]

برافو الب 145000 120 hp

ولا فلوانس فول اوبشن اوتوماتيك ب 140000

انا عارف انها مقارنه ممكن تكون غريبه شويه

انا عندي 25 سنه ومتجوز بقالي سنه
علشان كده ميال للبرافو شويه

بس برضه ارجع واقول الرينو برستيج برضه

مش عارف

بس انا الي بيهمني في العربيه
الشكل والاوبشن والامان
مش هبيع قبل 5 سنين وممكن تقعد 7 سنين

خايف برضه لشكل البرافو يتغير قريب

يا ريت الناس تقول رأيها في كل حاجه
علشان انا لازم اقرر قريب اوي
ودماغي هتضرب ومدايق


شكرا جدا

[fares515]

فيات براف اتوماتيك تربو هاي لاين برأيي أفضل من الرينو فلوانس بمراحل في الفخامه والاعتماديه والتميز وحط تحت التميز مية خط..
ومبروك مقدما

[osamy]

فيات براف اتوماتيك تربو هاي لاين برأيي أفضل من الرينو فلوانس بمراحل في الفخامه والاعتماديه والتميز وحط تحت التميز مية خط..
ومبروك مقدما

انا حاطط تحت التميز مليون خط
بس برضه ليه عيب ان عقليه المصري ان السيدان برستيج فكتير هيشوف البرافو من بعيد ان ده كتير عليها

بس انا شخصيا معاك في حكايه التميز

[M.Radwan]

والله أنا شايف العربيتين متميزين جدا
الفلوانس سيدان فخمة وكبيرة
والبرافو هاتشباك شبابية وقوية
حاجة تحير فعلا،

[yoko]

لأ كده البرافو طبعا

[fares515]

أنا شفت البرافو عالحقيقه وخطفت نظري علاطول لانها نادره ومشفتهاش لحد دلوقتي غير مره واحده
الى جانب انها بتيجي متفيمه وده مثبت عالرخصه وحضرتك عارف ان التفييم بيزيد شعور البريستيج والفخامه بزياده كمان عن الفلوانس يعني باين عليها انها عربيه قيمه وطبعا من جوه عالم آخر..احسم أمرك وخش بقلب جامد وادعيلي..وبالتوفيق

[ahmedsadek82]

الفلونس سيارة عائلية جميلة , فكر في ان الهاتشباك ممكن ميكونش جيد مستقبلا لما ربنا يرزقك بطفل او اتنين حتكون محتاج شنطة معقولة و مساحة كمان عشان عربية الاطفال و الcar seat ده غير لما تبقى طالع الساحل زود على الكلام ده شنط السفر.

[abdo_kmal]

لو حضرتك بتقارن بين السياراتين بدون اعتبارات أخرى يبقى اكييييييييييييد البرافو يا باشا …..لكن أكيد إنت عندك اعتبارات أخرى واحتياجات إنت عايزها في عربيتك تناسب وضعك …لإن زي ماحضرتك قلت إنك عندك 25 سنة –يعني أكيد شاب وكده البرافو تناسبك أكتر لأنها شبابية جدا – لكن حضرتك قولت إنك متزوج و –عن قريب إن شاء الله – تخلف اولاد –ربنا يخليهملك مقدما – وعندك عيلة ….وساعتها لازم نعيد التفكير لإن الفلوينس اوسع كتييييير عن البرافو وتناسب عيلة أكتر ….ده مش معناه إن البرافو لا تناسب عيلة لكن حتبقى ضيقة ….يعني ده رأيي

[yoko]

الفلونس سيارة عائلية جميلة , فكر في ان الهاتشباك ممكن ميكونش جيد مستقبلا لما ربنا يرزقك بطفل او اتنين حتكون محتاج شنطة معقولة و مساحة كمان عشان عربية الاطفال و الcar seat ده غير لما تبقى طالع الساحل زود على الكلام ده شنط السفر.

هههههههههههه شنطة البرافو 400 لتر (كبيره فحت)

[M.Radwan]

هههههههههههه شنطة البرافو 400 لتر (كبيره فحت)

متحاولش تشهد للعروسة يا يوكو..الفلوانس أكبر فى المساحة الداخلية والشنطة

[ahmad--ezzat]

محدش يقول البرافو احلى او الفلونس احلى لان دى حاجه دى حاجه تانيه


حسب استخداامك ياباشا

[yoko]

متحاولش تشهد للعروسة يا يوكو..الفلوانس أكبر فى المساحة الداخلية والشنطة

أيوه بس البرافو مش صغيره عشان الناس بتسمع هاتش باك يبقى الشنكة ماتخدش كيسين من سبينيز حتى!!!!

محدش يقول البرافو احلى او الفلونس احلى لان دى حاجه دى حاجه تانيه


حسب استخداامك ياباشا

أنا عشان عارف osamy كويس وعارف هو عاوز إيه (متطلباته) قولتله البرافو وقبل كده لما قارن بالليون قلتله الليون

[ahmedsadek82]

أيوه بس البرافو مش صغيره عشان الناس بتسمع هاتش باك يبقى الشنكة ماتخدش كيسين من سبينيز حتى!!!!

أنا عشان عارف osamy كويس وعارف هو عاوز إيه (متطلباته) قولتله البرافو وقبل كده لما قارن بالليون قلتله الليون

انا عارف انها مش صغيرة بس اسألني انا او اي واحد متزوج ..والله لما بنبقى مسافرين بحس ان ال320 اصغر من الاونو ... هي مغرية بس فكر لبعيد خاصة انه ناوي يقعد بيها سنين

[esslynx]

بص هو فى رأى لو بتلبس بدل اكتر هات فلوانس و لو بتلبس جينز اكتر هات برافو بس كده

[tameraast]

فيات برافو وش