كورسا ولا بي ام دبليو

[rookapolo]

السلام عليكم ورحمه الله

انا كان معايا بولو وبعتاها

وبفكر اجيب يا اوبل كورسا 2005 الي هي مش هاتش باك

يا bmw الموديلات الي هي من 92 ل 97

انا بس عايز افهم حاجه

هو مفيش فرق من اول اتني وتسيين لحد سبعه وتسعين ؟؟؟!!!

واسعارها بتبقه في حدود كاام لو سياره شااذه او عاديه او محتاجه مصاريف في الاوبل او البي ام ؟؟

انا في ناااس بتقوولي اركب موديل جديد
احسن متركب موديل قديم


بس انا شايف البي ام برده حااجه تانيه دفع خلفي وصبااح الجري والتخميس ..

الكورسا برده حلوه .. وتستحمل ..

انا قصدي في قطع الغيار او الصياانه عموما
ايه الي بيفتح بسرعه و كده ..

انا عارف ان ده مش شرط بس برده الموديل يحكم


عشان دي مش حتبقه ماشيه زي دي

ولا ايه

انتم ايه رايكم
انا مش عاارف ..

[moody1]

بدل ماتدفع 60 الف فعربي مستعمة 180 سنة

اشتريلك حاجة زيرو او فوق ال2000 عالاقل

ده رايى

[rookapolo]

بدل ماتدفع 60 الف فعربي مستعمة 180 سنة

اشتريلك حاجة زيرو او فوق ال2000 عالاقل

ده رايى

انت عرفتني انك مركبتش الماني بالكلمه دي قبل كده

اركب ايه ب 62 فيرنا ولا لوجاان
ثباتها علي الارض وجاريها حراام ادفع فيهم الفلووس ..

فانا كنت بفكر فحاجه كويسه وتستحمل .. وتكون استعمال ..

ولا انت رايك ايه ؟؟!

[Mohamed Fathy]

مفيش زى الألمانى اكيد bmw احسن كمان من الجديد 60 الف دى تجيبلك كورى جديد؟طيب انا هقولك حاجه انا بجمع معلومات عن ال bmw موديل 92-97 اللى هوا معروف باسم الدبانه بص يا سيدى لو دخلت فى منتدى ال bmw هتلاقى كل حاجه عنها بس انا هكتبلك اللى اقدر عليه عشان تقرر عشان انا برده نفس الرانج بتاعك 60 الف بص يا سيدى
شكل الدبانه ده من 90 لحد 97 معروف باسم e36 وده قطع غياره كويسه اما بالنسبه ل98 لحد 2002 اسمه e46 وده قطع غياره غاليه
خش على دول

http://www.nilemotors.net/Nile/150076-316-1997-a.html

http://www.nilemotors.net/Nile/171347-e36-316-1994-a.html

http://www.nilemotors.net/Nile/174232-a.html

http://www.nilemotors.net/Nile/154777-316-1990-a.html

http://www.nilemotors.net/Nile/137292-bmw-316i-m30-1990-a.html

بص ياسيدى انت لو قريت دول هتعرف تقرر وبجد هتستفيد جدا ولما حد يكلمك هتعرف ترد عليه وتقنعه كمان باللى انت هتقراه بس متنساش تقولى ايه رايك وقررت ايه فى منتدى bmw انا متابع هناك مع الناس المحترفه ربنا يبارك فيهم ويحفظهم

[Mohamed Fathy]

اوعى تنسى صلاه استخاره قبل ما تشترى وربنا يوفقك للخير ان شاء الله :)

[MBhead]

انت عرفتني انك مركبتش الماني بالكلمه دي قبل كده

اركب ايه ب 62 فيرنا ولا لوجاان
ثباتها علي الارض وجاريها حراام ادفع فيهم الفلووس ..

فانا كنت بفكر فحاجه كويسه وتستحمل .. وتكون استعمال ..

ولا انت رايك ايه ؟؟!

+11111111111111111

[rookapolo]

تمام طيب بالنسبه لكورسا محدش كلمني عنها يعني

هههههههههههه

اصل انا خقولك حاجه انا اخري اخري اخري 60 الف ..

ففكرت فالكورسا عشان موديل عالي فمش حيبقي فيها تعب كتيير

لكن ال بي ام دي حلمي من وانا صغير ..

ولسه واحد صحبي قايلي بيجو 206 وظبطها براحتك

ايه رايكم في الكلام ده

[mxz911]

Bmw الدبانه طبعا من غير نقاش .. بشرط واحد وهو انك تلاقى الحاله الشاذه هتبقى انظف من ركوبه اى عربيه جديده ف السعر ده !!

[rookapolo]

bmw الدبانه طبعا من غير نقاش .. بشرط واحد وهو انك تلاقى الحاله الشاذه هتبقى انظف من ركوبه اى عربيه جديده ف السعر ده !!

مهو صعب قلاقي حاجه شاذه ..

يعني انا ححط فلوسي ولو حاجه حصلت مش حلاقي حق تصليح فااهمني

[creative_art]

بص ... نصيحتى بلاش كورسا...الكورسا سوقها مش ماشى زي الدبانه بالإضافه انها فى نظرى عربيه ورق ( انا اسف ) مينفعش تقارن بينها وبين البى ام دابليو خاااااااالص....انا عن نفسى بعشق الدبانه والله كفايه ان اسمها bmw

[3ateef]

هى البولو بقت المانى ؟؟؟!!!!!!!!!!!!!!!!!!!!!!!!!!!

[rookapolo]

بص ... نصيحتى بلاش كورسا...الكورسا سوقها مش ماشى زي الدبانه بالإضافه انها فى نظرى عربيه ورق ( انا اسف ) مينفعش تقارن بينها وبين البى ام دابليو خاااااااالص....انا عن نفسى بعشق الدبانه والله كفايه ان اسمها bmw

والله حقولك حااجه انا قولتها

انا بحلم بال bmw مهما كانت موديلها
من وانا لسه برضع

بس ساعت الزنقه لازم الواحد يفكر ..

يعني تحت 60 الف في بي ام دبليو وميكونش معااك فلووس للتصليح
ولا تحت 50 في كوسا ويبقي معااك 10

والكورسا 20005 الي هي 1600
يعني مش ال 1000 او ال 1200

هي مش ورق قوي وثباتها علي الارض حلو..
الماني برده .

[rookapolo]

بص ... نصيحتى بلاش كورسا...الكورسا سوقها مش ماشى زي الدبانه بالإضافه انها فى نظرى عربيه ورق ( انا اسف ) مينفعش تقارن بينها وبين البى ام دابليو خاااااااالص....انا عن نفسى بعشق الدبانه والله كفايه ان اسمها bmw

هى البولو بقت المانى ؟؟؟!!!!!!!!!!!!!!!!!!!!!!!!!!!

هههههههههههههههههههههه
طيب مالك مستغرب ليه

ايوه طبعا الماني و انا سمعت ان في اسباني

لكن الي معايا الماني

فولكس فاجن

[haroun707]

بص ياباشا انا ركبت وسوقت الدبانه 92 والكورسا 2004

الاثنين مختلفين عن بعض تماما

اولاً الاثنين حلوين كل واحد فى فئته

وانت لازم تحدد انت عاوز ايه من العربيه

يعنى عاوز عربيه للشغل والمشاوير العاديه والسفر لو حبيت يبقى الكورسا فيها كل اللى انت عاوزه وثباتها حلو وماتورها جميل

لكن لو عاوز عربيه شبابى جداً وتشد بيها وغرز وكده يبقى الدبانه بلا منازع انا بحب العربيه دى جداً لاأسباب كثير اولا انها واسعه جداً ( وده لانى طويل ... جداً بردوا ههههههههههه ) وكمان علشان ثباتها والات جرها

ولو الموضوع انك تجيب عربيه وخلاص يبقى ياباشا الكورسا لأن الفرصه انك تلاقى منها حاله شاذه كثير

لكن الدبانه فرصها اقل بالنسبه للحالة

يارب اكون قدرت افيدك

[Mohamed Fathy]

انا شايف متضيعش حلمك وحققه وان كان على الحاله شاذه انت بس تابع على كونتاكت كارز ده فى واحده هناك تحفه
i316 هاى لاين اسود ميتاليك + فرش بيج , فبريقة بالداخل و الخارج, اتوماتيك, تكييف, باور, 4 زجاج كهرباء, فتحة سقف كهرباء, مرايات كهرباء, سنتر, انذار كاسيت سى دى و سماعات بايونيير, جنوط سبور BMW , السيارة اعلى فئة و لا تحتاج اي مصاريف
وب 62الف حاول معاه على 59 ساعه الكاش الغالى يبقى ببلاش وربنا يوفقك