دماغى وقفت - ممكن مساعدة

[figoo2001010]

ممكن حد يفيدنى فى المقارنة دى هيا غريبة شوية بس معلش أستحملونى:
أوبل فيكترا 2003
أوبل أسترا 2004

ليجانزا 99
نوبيرا 2
من الواضح انى عايز عربية مريحة وأوتو لو أمكن ويكون فيها كماليات كويسة وبرضة منتشرة وثبات و تكون شكل كويس انا عارف انى فى اختلف كبير بين الكورى و الالمانى بس انا شايف انها مقارنة تستهل برضة عشان رنج العربية من 50 الى 60

فى انتظار ردودكم

[zago]

هات فيكترا 2003

[M.Alaa92]

فيكترا بس شرط الحاااالة لو لقيت حالة ممتازة يبقى تمام
النوبيرا عربية منتشرة ......الخ لو انت مش من هواة الحرق ع الغيارات و كدة يبقى الاوتو 100% معاك

[figoo2001010]

طيب لية فيكترا مع أن الناس بتقول على قطع غيرها حراقة
طيب الليجانزا اية نظمها ؟؟؟

[zago]

اقولك ليه بيقولك حراقه
لان الصنايعيه بيتعاملوا مع اللي راكب اوبل زي بتاع البي ام والمرسيدس
كان عندك شجره فلوس وبتقطف منها
لكن لو انت فاهم وعارف سعر قطع الغيار محدش حيضحك عليك
مثلا يعني .. عندي طرمبه البنزين باظت
والميكانيكي قاللي حيفكها ينضفها ومش عارف ايه وحتشتغل
قلتله لا هاتها جديده وخلاص
قاللي حتعمل 400 جنيه
قلتله ماشي وامري لله
جبتها وركبتها وزي الفل
كانت بوش الماني على فكره
بعد فتره كنت في الحرفيين
لقيتها هي نفسها بالظبط
ب 250 جنيه بس
يعني ابن ال $%^#@ حط في جيبه 150 جنيه على قفايه
طبعا من يومها بعد ما اتعلمت الدرس وانا قطع الغيار عندي ارخص من الدايو لانوس تقريبا
:)

[crayvor]

الحصر كله بين النوبيرا والفيكترا..
الليجانزا قطع غيارها غالية وهي أساسا مش منتشرة.. علي أساس انها كانت بتعامل معاملة الكروز حاليا. أما مقارنة سريعة بين الأسترا والفيكترا ترجح الفيكترا الا لو مهتم بسنة الصنع..

أنا عن نفسي مهتم بسنة الصنع وحاقولك نوبيرا..
أنت ممكن تجيب نوبيرا فابريقة بالكامل أوتو مو2006 ويمكن كمان مرفوعة فترة بأقل من السعر اللي حاتجيب بيه فيكترا اوتو مو99 أو 2000 رشة خوارج ولو مش رشة كلها سنة وانت اللي حاترشها
بالنسبة للفرق بين الكوري والألماني.. بيبان أوي أوي أوي في المانوال.. بس في الأوتو مش بيبان للدرجة اللي تخليك مقروف مثلا أو مش عاوز تركبها أو الكلمتين اللي ملهمش لازمة دوول. ماااااااا علينا مش مجاله.
الألماني دايما معروف.. طالما انه فابريقة اضربله تعظيم سلام.. طول ما اللي بيتغير فيه حاجات علي قدها مش مشكلة.. انما لما يفتح بقه قوول علي قلوسك السلام. لو عيب جامد يا اما تروك للتوكيل ومش حاكمل حايحصل اييه.. يا اما تلاقي واحد يعرف يعملهالك (بعد ما خمسة قبله لعبو فيها) ويعملك فيها أبو العريف وبرضه كمات تلات ايام حاتطلع ع التوكيل. طب لييه وجع الدماغ ده؟؟ طالما قدامك المضمون بتخاطر علي أساس اييه؟؟ وحتي لو مافيش مخاطرة.. هل فرق ال 6 سنين دا مش مشكلة؟؟ بأبسط الأحوال بعد 3 سنين حاتكون الفيكترا دي أتمت 14 سنة من البهدلة ف الشوارع المصرية.

حارجع وأقول دا رأي شخصي.. ولو كل الناس رأيها هو رأيي ماحدش كان حايشتري ألماني مستعمل.. أهم حاجة غير كل ده الفحص.. ولو برة التوكيل خلي معاك سمكري نضيف عشان انا كنت حاتعك ف مشوار مش لطيف قبل كدة.

[minicooper20]

فيكترا 2003

[benmatar]

السلام عليكم
طبعا الأوروبي وبلا شك أفضل من نواحي كتير أولها كفاءة المحرك ومعدلات الأمان والقوة والألماني أفضل الأوروبي، فبالتأكيد الفيكترا تكون أفضل الخيارات اللي حضرتك ذكرتها بس أنصح دائما بالصيانات للأوبل عند فني متخصص (مش توكيل ولا ميكانيكي عشوائي) زي البيجو والسكودا والفولفو. لو حضرتك اشتريت فيكترا حالة جيدة جدا وتابعت الصيانات عند متخصص أوبل هتستريح كتير. وبالنسبة لغلاء قطع الغيار مش بالصورة الناس متخيلاها، يعني اللي بتشتريه بضعف الياباني أو الكوري بيعيش أكتر منهم ثلاث أضعاف وده عن تجربة، وبالتوفيق

[afrecano2011]

انا نفس الحيرة بتاعتك وفي نفس الرينج الفلوس
بس بفكر في جين تو 2007 اتوماتيك موديل عالي وكفاءه وقطع الغيار اصبحت منتشرة
بس للاسف لسه بدور ومحتاااااااار
كمان دخلت في الحيرة معاهم هوندا سيتي 2005

[blazer]

نوبيرا 2006
ياما لو لقيت فيكتى 2002 مثلا حاله نضيفه اتوكل على الله

[figoo2001010]

انا نفس الحيرة بتاعتك وفي نفس الرينج الفلوس
بس بفكر في جين تو 2007 اتوماتيك موديل عالي وكفاءه وقطع الغيار اصبحت منتشرة
بس للاسف لسه بدور ومحتاااااااار
كمان دخلت في الحيرة معاهم هوندا سيتي 2005

أية يا عم دة انا ناقص لخبطة بس على العموم بشكر مشركتك

[figoo2001010]

الحصر كله بين النوبيرا والفيكترا..
الليجانزا قطع غيارها غالية وهي أساسا مش منتشرة.. علي أساس انها كانت بتعامل معاملة الكروز حاليا. أما مقارنة سريعة بين الأسترا والفيكترا ترجح الفيكترا الا لو مهتم بسنة الصنع..

أنا عن نفسي مهتم بسنة الصنع وحاقولك نوبيرا..
أنت ممكن تجيب نوبيرا فابريقة بالكامل أوتو مو2006 ويمكن كمان مرفوعة فترة بأقل من السعر اللي حاتجيب بيه فيكترا اوتو مو99 أو 2000 رشة خوارج ولو مش رشة كلها سنة وانت اللي حاترشها :ka_che1[1]:
بالنسبة للفرق بين الكوري والألماني.. بيبان أوي أوي أوي في المانوال.. بس في الأوتو مش بيبان للدرجة اللي تخليك مقروف مثلا أو مش عاوز تركبها أو الكلمتين اللي ملهمش لازمة دوول. ماااااااا علينا مش مجاله.
الألماني دايما معروف.. طالما انه فابريقة اضربله تعظيم سلام.. طول ما اللي بيتغير فيه حاجات علي قدها مش مشكلة.. انما لما يفتح بقه قوول علي قلوسك السلام. لو عيب جامد يا اما تروك للتوكيل ومش حاكمل حايحصل اييه.. يا اما تلاقي واحد يعرف يعملهالك (بعد ما خمسة قبله لعبو فيها) ويعملك فيها أبو العريف وبرضه كمات تلات ايام حاتطلع ع التوكيل. طب لييه وجع الدماغ ده؟؟ طالما قدامك المضمون بتخاطر علي أساس اييه؟؟ وحتي لو مافيش مخاطرة.. هل فرق ال 6 سنين دا مش مشكلة؟؟ بأبسط الأحوال بعد 3 سنين حاتكون الفيكترا دي أتمت 14 سنة من البهدلة ف الشوارع المصرية.

حارجع وأقول دا رأي شخصي.. ولو كل الناس رأيها هو رأيي ماحدش كان حايشتري ألماني مستعمل.. أهم حاجة غير كل ده الفحص.. ولو برة التوكيل خلي معاك سمكري نضيف عشان انا كنت حاتعك ف مشوار مش لطيف قبل كدة.

انا مش عارف اقولك اية على الكلام الجميل دة
بس انا عايز اقولك انا معايا كورسا 97طلعت عين أبوها ومع ذلك أصيلة و برضو اخويا نوبيرا 2002 كانت اوتو بس للاسف اسبوعين والاتو باظ وريح نافسو وقلب مانيوال وبيقولك بقى النوبيرا يعيبها الاوتو دة كلام سمعتوا هل دة كان صدفة والا حقيقى

طلب أخير ايهما أحسن بقى كا ركوبة فيكترا والا نوبيرا

[crayvor]

انا مش عارف اقولك اية على الكلام الجميل دة
بس انا عايز اقولك انا معايا كورسا 97طلعت عين أبوها ومع ذلك أصيلة و برضو اخويا نوبيرا 2002 كانت اوتو بس للاسف اسبوعين والاتو باظ وريح نافسو وقلب مانيوال وبيقولك بقى النوبيرا يعيبها الاوتو دة كلام سمعتوا هل دة كان صدفة والا حقيقى

طلب أخير ايهما أحسن بقى كا ركوبة فيكترا والا نوبيرا

بالنسبة للي حصلك دا شيء عادي.. علي ما يبدو انه واحد غشيم كان بيشد جامد مع الاوتو وجابه الأرض فا لصمه وباعه لي حد وأخوك طبعا لبس الليله. أوووو ان أخوك نفسه غشيم ف الشد بيها . لو عاوز قصة تانية قريبي جايب فيكترا والكهربا بتاعتها مدوخاه مش بتتظبط اسبوع علي بعضه واكتشف في التوكيل ان حد مفورلها ضفيرة قبل كدة.. طبعا غير الضفيرة ولسة بتهيس منه. أنا مش باحببك في دي أو اكرهك في دي أنا باتكلم في ان دي عيوب سوء استعمال مش عيوب بسبب العربية نفسها فا دي مش مقياس.
في الحالتين عيب النوبيرا الوحيد ف جلب المقصات بتغيرها مرة كل 50 ل 80 ألف كيلو والتوكيل بيغيرهم دايما فا مش حاجة عويصة. وفيه ناس عدت بيها ال 100 ولسة ماغيرتش دا بقي بيعتمد علي كمية المطبات اللي بتاكلها في الثانية الواحدة

كا ركوبة أكيد طبعا الأوبل ودا مفروغ منه. بس طبعا من ناحية تانية لازم تصرف عليها صح (زي أي الماني) عشان تفضل ركوبة صح.

بص أقولك.. لو معاك حد خبير بجد يا اما في التوكيل.. لو الفيكترا مش ملعوب في أي حاجة جواها توكل علي الله.. لو فيها أي حاجة جوة الكابوت متغيرة اهرب منها. وبعدين أنا حاسس انك رابط نفسك رابطة وحشة أوي علي فكرة.. لو بصيت برة حتلاقي بدائل.

مثلا بعيدا عن قلق الفيكترا بص علي كريستالة مو 2001 مثلا.. أوتو ويكون حد مسقطلها موتور عالي. عربية ياباني وحلوة وماحدش بيشتكي منها وقطع غيارها رخيصة جدا.. برضه لو تزود سنة صغيرة ف الفلوس تدخل في صني 2003 أو 2004 أو ممكن مثلا جيتز. ممكن حتة أكسنت 2007 برضه نضيفة ومريحة وكله بيفهم فيها. لو مصمم علي ألماني بس مش لازم أوتو اعلي شوية وخليك ف كورسا سيدان 2005 والله عربية ممتازة رغم ان صالونها أكيد أصغر من الفيكترا. لو عاوز حاجة ألماني ومميزة شوية بس قطع الغيار حاتبقي مع التوكيل شوف بوينتر 1600. بلااااااااااااش خش ف قرب ال 60 وهاتلك اوكتافيا 2000 أو 2001 والله ف نظري تضرب الفيكترا.. نفس الكلام أوائل الميجان 2.

ماتربطش نفسك بحاجة معينة عشان حاتتوه.. قارن مجموعة كبيرة وكل حاجة ليها عيوبها.. شوف اللي عيوبها بالنسبة لك كبيرة احذفها لغاية ما توصل للي محتاجه. وبالتوفيق ان شاء الله ف اختيارك.

[lion1111]

انا كماااااااااان دوخت وراسى طقت خلاص طيب كل عربيه ليها عيوب ومميزات
والاختيارات كتير نعمل ايه هو الافضل نختار الموديل ولا الماركه

[medo111]

لاسترا من حيث الكفاءه والاعتماديه زي الفل مفيش كلام فيها غير كدا الاسترا اه موديل قديم بس الباور كهربا ودواسه البنزين كهربا غير كدا فيها اتنين ايرباج وabs وحدات رفع طبعا من الريموت قطع الغيار صدقني مش غاليه بالشكل الي في دماغك الناس بتبالغ وفي منها استيراد وفي بديل لل gm اسباني وكوري وهندي وطبعا صيني وفيها لينسز في الفاونيس تقدر تظبطها فوق وتحت وزرار ال sport وزرار عشان لو في مطر بيخلي العربيه متتزحلقش منك وعلي عكس المعروف عن الاوبل في موضوع الحراره مبتسخنش الحمد لله واللهي مره كنت ماشي بيها رايح اصلح الريداتير عشان كان اتخرم ومكنش فيها نقطه ميه وكانت ماشيه تمام غير ان فيها شويه اوبشنز هتعرفها لو ربنا وفقك وجبتها
دي كانت مشاركتي في موضوع تاني ودا كل الي اقدر اقولهولك عن الاسترا