حتشترى لانسر مصرى وله الخليجى ؟

[احمدعبدالعزيز]

السلام عليكم ورحمة الله و بركاته ...


تم تخفيض سعر الانسر المصرى حوالى ( 6 ) الاف وكان من المتوقع نزول الخليجى نفس المبلغ تقريبا ولكن الحقيقة غير ذلك الان السعر واحد

وتم الاتصال باكثر من معرض متخصص فى بيع السيارات الخليجى وكانت وجهة نظرهم انها احسن والطلب عليها اكثر وان الناس

محتاجه الضمان فى ايه السياره جديده ويابانى قليل الاعطال واكد ان لا نزول فى اسعار الخليجى ........


وارجو من الاخوه الاعضاء ترشيح السياره التى تفضلها بين المصرى او الخليجى .......

[rafeee2]

طبعاً مصرى، يعنى ايه العربية مش محتاجة ضمان؟؟!

ده أنا لو بشترى ماوس من مول الكمبيوتر بحاول آخد ضمان!

[som3aa]

اولا لا دى و لا دى نهائيا علشان يحرموا يستهفاوا الناس
يعنى بذمتك كدا فى توكيل ينزل 10000 جنيه فى عربية فى اقل من شهر بدون سبب؟؟
دا نزل 10% من السعر اللى بيبيع بيه!!!
السبب طبعا ان محدش راضى يدفع السعر المبالغ فيه الجديد فقال انزل و ابيع احسن بدل مالعربية تروح عليها لان العربية اللى الناس بتبطل تشتريها مهما رخص فيها التوكيل خلاص بتبقى راحت عليها.
يعنى توكيل ميستاهلش الواحد يشترى منه عربية.
اما الخليجى فبرده رفعوا الاسعار يعنى نفس الكلام و كمان ايه بيبيعوا بنفس سعر التوكيل عربية منغير ضمان؟؟؟؟؟؟؟؟
دى مش عايزة كلام خالص لأ طبعا للخليجى.
لو ضرورى لانسر و مش هتشترى غيرها يبقى خليك فى بتاعت التوكيلو خد الختم زى بقية الناس و خلاص!!!
للعلم اى مصنع فى العالم لازم يكون عنده نسبة خطا فى التصنيع
يعنى حتى لو مصنع مريخى (من كوكب المريخ ) لازم يكون فى نسبة خطا, تخيل فى عيب فى الموتور مثلا؟؟؟

[mina_ramsis]

انا هقول حاجة و يمكن الناس اصحاب اللانسر يزعلوا منى بس انا هقولها و خلاص
وقت ما اشتريت العربية بتاعتى من سنة بالضبط كنت بقارن بين كزة عربية و من ضمنهم اللانسر 1300 اوتوماتيك و الاوبترا اوتوماتيك
اللانسر كان سعرها 92 الف جنيه و الاوبترا كان سعرها 94 الف جنيه شوف اللانسر دلوقتى بتتباع بكام و شوف السعر طلع و نزل كام مرة فى اللانسر و كام مرة فى الاوبترا على سبيل المثال هتلاقى ان توكيل لانسر بيسعر بطريقة غريبة جدا و ينزل و يعلى فى العربية بال10 الف جنيه و هى هى نفس العربية يعنى مابعملش حساب واحد اشترى انهارده بالغالى و بعدها بكام يوم يلاقى العربية نزلت 6000 جنيه و ده حاجة هتخلى الناس تبعد عن العربية اللى سعرها غير مستقر فى السوق

[limo]

الاول سعر الخليجى كام دلوقتى ؟
بناء على فرق السعر بتحدد انهى احسن

[Hassan Khalil]

مش كل الخليجي مالهوش ضمان
الرواس بيستورد اللانسر الخليجي ( اماراتي ) و بيديهاضمان عيوب صناعة 3 سنوات او 60000 كم داخل مراكز الخدمة التابعة له ( 4 مراكز خدمة )
و هاي تريد ( مصر الجديدة ) بيجيب اللانسر السعودي و بيديها برضه ضمان داخل مركز الخدمة التابع له في جسر السويس ( بس مش عارف اد ايه )
اي تاجر تاني بيستورد من غير ما يديك ضمان علي العربية اوعي تجيب منه ..علشان دول عالم بتستهبل ..

[mada121977]

بصرف النظر عن اختلاف الاسعار وسياسه التوكيل فى رفع وخفض السعر على فترات متقاربه اختار المصرى علشان الضمان اولا وفيها كماليات مش موجوده فى الخليجى زى العتب والاكر النيكل والمخدع اللى فى الكنبه الخلفيه وان كانت الخليجى فيها الكاسيت الاصلى بس عندى كماليات المصرى لو حبيت تضيفها فى عربيه خليجى هاتتكلف كتير اما الكاسيت فمقدور عليه (انا عربيتى 1300 مصرى )

[Ramy.Gamal]

اللانسر بتاعه التوكيل احسن لانى سمعت من ناس معاهم خليجى بيقولوا ان البنزين 92 بيتعبها وبيقلل من ادائها عكس المصرى اللى ممكن تمشى كويس ب 90 مش 92

[احمدعبدالعزيز]

الاول سعر الخليجى كام دلوقتى ؟
بناء على فرق السعر بتحدد انهى احسن

الخليجى الكويتى 93000 بدون ضمان !!!!!!!!!!!!!!!!!!!!!!

المصرى بالضمان 91000 ضمان 3 سنوات


يعنى الخليجى اغلى من المصرى ولكن اعتقد ان المصرى بالسعر الجديد سوف تحقق مبيعات احسن بكتيييييييييير .....

[limo]

تعالى نفكر مع بعض
المصرى1300 زياده عن الخليجى1300 فى عتب جانبى +اكر نيكل +كنبه خلفيه سبليت +كنسول بين الراكب الامامى والسواق فرش داخلى لونين +ضمان +ارخص بحوالى الفنين جنيه

الخليجى1300 زياده عن المصرى1300 فى air bag للسائق +اموبليزر +كاسيت +طفايه حريق +شنطه اسعافات اوليه +مثلث انتظار +اريال سقف +فوانيس خلفيه كرستال
شوف انت ايه الكماليات الى تناسبك من الاثنين
بس انا لو مكانك هاخذ المصرى عشان الضمان وارخص
لو كانت الخليجى ارخص ثلاث الاف جنيه كنت فضلت الخليجى

على فكره العربتين زى بعض بالضبط مافيش واحده احسن من التانيه بس كل ما فى الموضوع اخلاف الاوبشين والسعر والضمان فقط

[Ramy.Gamal]

اللانسر الخليجى فيها عيب الجرس على 120 زى بتاع الهيونداى وده انا اعتقد انه عيب

[king_de_egypt]

طب معلش يا شباب هى الانسر الخليجى ال 1600 سبورت بكام ؟؟؟ يعنى فارقه عن المصرى وله نفس التمن ؟؟؟؟؟؟؟

[ma7moudzaied]

طب يا جماعة
اللانسر ال 1300 المانيول المصرى فيها فرش بيج ولا لأ؟

[limo]

طب يا جماعة
اللانسر ال 1300 المانيول المصرى فيها فرش بيج ولا لأ؟

كل الاوان فرش بيج ماعدا الفيرانى والفضى

[limo]

طب معلش يا شباب هى الانسر الخليجى ال 1600 سبورت بكام ؟؟؟ يعنى فارقه عن المصرى وله نفس التمن ؟؟؟؟؟؟؟

انا سئلت عليها عند هيفين كانت ب118 ونصف كويتى وضمان سنه
اعتقد ان سعرها الطبيعى فى حدود 116 او 117 بالكتير