مقارنة مهمة قوى بين الكيا شوما والنوبيرا و الفيرنا

[alzelafy]

بص انا ركبت و سوقت التلات عربيات دول اولا خرج الفيرنا من المقارنه ..... انا عارف ان الشوما شكلها انسيابى اكتر و شبابى عن النوبيرا لكن كركوبه و عفشه و موتور و صاج و شاسيه و قطع غيار النوبيرا تكسب طبعا بمراحل وزى ما قال العضو الكريم هى فثه تانيه خالص غير العربيتين التانيين ... انا لو هجيب لنفسى هجيب النوبيرا

[tasaka]

الشوما اعلى من نوبيرا .. و النوبيرا اعلى من الفيرنا .. الكلام ده كفئه سياره من حيث الحجم .. حتى كسعر الشوما كانت وقت ظهورها زمان اعلى بمراحل

الاوبشن عالى جدا فى الشوما لما تأخذها بحالتها الاصليه .. و لو الاوروبى حتزيد اتوماتيك و فتحه سقف و الموتور ال 1600

.انا كان معى شوما و سيفيا فى نفس الوقت .. لمده 4 او 5 سنين

الشوما لو نظيفه تتباع فى نفس اليوم .. انا بعت عربيتى بعد ساعتين من الاعلان على النت

قطع الغيار عاديه جدا و متوفره للشوما .. زى اى عربيه كورى .. او اغلى حاجه بسيطه

عيب الكيا القديم ده .. حساس للحراره قخلى بالك دايما من دوره التبريد لان لو حصل حاجه فى دوره التبريد بتجيب وش سلندر فى دقيقتين مشى .. يحتاج صيانه كويسه و عدم اهمال

بصفه عامه هى ما بتسخنشى الا لو حصل حاجه غلط فى دوره التبريد .. موتورها قوى .. و تقرص عليها زى ما انت عايز متعرفشى تفوت موتورها .. اعطال الموتور فى الشوما قليله

ثبات الكيا القديم .. جيد من وجهه نظرى و ليس ممتاز .. و الشوما ثباتها افضل من السيفيا و دائما خلى المساعدين بحاله كويسه علشان الثبات يكون افضل