عربية للمبتدئ اوتوماتيك؟؟؟؟

[doc mohamed]

السلام عليكم معلش عايز رايكوا في حاجة مهمة،دلوقتي المدام لسه متعلمة سواقة جديد وعايزة تجيب عربية تتعلم عليها انتوا عارفين طبعا لو حد اول مرة يسوق بيجيب حاجة زي 128 مثلا يخبط فيها سنة ولا اتنين لحد مايبقي متمكن بس للاسف هي متعلمه علي اوتوماتيك وهتسوق اوتوماتيك وانا مش عارف ايه العربية الاوتوماتيك المكافئة لل128 في حالة المبتدئين ويكون سعرها قليل؟؟ بحيث انها تتعلم عليها كويس وبعدين تبيعها من غير ماتخسر كتير وتشتري وحده جديدة تعيش معاها ايه رايكوا يا جماعه ياريت تساعدوني ؟؟ واسف للاطالة

[J A G U A R]

مفيش عربيات فى سعر ال 128 اوتوماتيك ولو لقيت هاتلاقى مش اقل من 25 الف وهايبقى فتيسها مليان مشاكل وتعبان جدا واكيد فى البيع هاتبقى تقيله زى مثلا دايهاتسو شاريد 90 او 91 او لو هاتعلى شويه بالسعر هاتبقى سويفت 92 او 93 .
انا رأيي خليها تجيب مانيوال وتتعلم عليها وهتلاقى عربيات كتير اوى بسعر قليل تخبط بيها وبعد كده تغير .

[doc mohamed]

مفيش عربيات فى سعر ال 128 اوتوماتيك ولو لقيت هاتلاقى مش اقل من 25 الف وهايبقى فتيسها مليان مشاكل وتعبان جدا واكيد فى البيع هاتبقى تقيله زى مثلا دايهاتسو شاريد 90 او 91 او لو هاتعلى شويه بالسعر هاتبقى سويفت 92 او 93 .
انا رأيي خليها تجيب مانيوال وتتعلم عليها وهتلاقى عربيات كتير اوى بسعر قليل تخبط بيها وبعد كده تغير .

متشكر لرد حضرتك انا عارف ان مفيش بنفس سعر ال128 انا اقصد انها تبقي رخيصه وسهلة في اعادة البيع ومتخسرش كتير،طب السويفت هتبقي كويسة ولا مشاكلها كتير وهتبقي بكام تقريبا؟؟؟ معلش طولت عليك

[J A G U A R]

متشكر لرد حضرتك انا عارف ان مفيش بنفس سعر ال128 انا اقصد انها تبقي رخيصه وسهلة في اعادة البيع ومتخسرش كتير،طب السويفت هتبقي كويسة ولا مشاكلها كتير وهتبقي بكام تقريبا؟؟؟ معلش طولت عليك

هو طالما هاتقعد فتره صغيره لغايه ما تخبط بيها وتتمكن فى السواقه يبقى ان شاء الله مفيش مشاكل بس انا بقول لحضرتك اهو هاتبقى تقيله فى البيع علشان قليل جدا لو حد بيشترى اوتو بالسعر ده .. وبالنسبه للسعر هاتعملها 27 الف او 28 .

[doc mohamed]

هو طالما هاتقعد فتره صغيره لغايه ما تخبط بيها وتتمكن فى السواقه يبقى ان شاء الله مفيش مشاكل بس انا بقول لحضرتك اهو هاتبقى تقيله فى البيع علشان قليل جدا لو حد بيشترى اوتو بالسعر ده .. وبالنسبه للسعر هاتعملها 27 الف او 28 .

متشكر لحضرتك

[J A G U A R]

متشكر لحضرتك

الشكر لله

[shiko85]

بسعر مقارب للـ 128 موديل كام ؟؟ لان الأسعار فيها تفاوت طبعا
بس صعب جدا تلاقى عربيه اوتوماتيك بسعر مقارب لأى 128 لان الأوتو بيبدأ من 35 الف "سويفت - برايد - اكسيل - النترا 90's - سيفيك 90's - شاريد " و هكذا
اشترى جديد احسن
نفرض انك لقيت عربيه مستعمله سعرها مناسب طيب هى عايزه تتعلم السواقه ولا عايزه تتعلم الصيانه ؟؟!!
مفيش عربيه بالسعر ده هتكون سليمه 100% لازم تكون محتاجه مصاريف او فتيس او عمره او او او و خصوصا فظل انعدام الأخلاق و الضمير و اعتقاد ان النصب على الناس نصاحه و شطاره يبقى صعب جدا او مستحيل تلاقى حاجه ممتازه بالمبلغ ده
و انت كده كده ناوى ان شاء الله تشترى عربيه جديده للمدام, يبقى توكل على الله و اشترى جديد من الأول
خايف العربيه تتخبط ؟؟ ما هى كده كده ها تتخبط حتى لو مركونه
و بدل ما تروح تشترى عربيه قديمه و تدفع تراخيص و صيانه و تغيير زيت و سيور و فلاتر و مساعدين و عفشه و كاوتش جديد و صيانة او تركيب تكييف و نظافه للعربيه و شد الفرش و المصاريف الكتير المعروفه و كمان وقت عند الصنايعيه و فالأخر هتلاقى نفسك دفعت مبلغ محترم بدون اى استفاده لان انت هتبيع العربيه بعد كده و لو جابت نفس السعر اللى انت جبتها بيه هتبقى خسرت المصاريف دى كلها
طيب لو جيب جديد انت هترتاح من كل ده و المدام هترتاح و هتركب عربيه جديده مش كل شويه تعطل و تتعطل هى و انت كمان تتعطل و هتلاقى نفسك متصاحب على الميكانيكى و الكهربائى. و كمان اسعار العربيات كل يوم بيزيد يعنى لو معالك مبلغ تجيب بيه عربيه السنه دى ممكن المبلغ ده ميجبش حاجه كمان سنه
يعنى بفرق الفلوس اللى هتدفعها فالمستعمل القديم اوى و المبلغ اللى هتوفره لو اشتريت جديد قبل ما الأسعار تغلى تانى تقدر تصلح اى حاجه ممكن تحصل لا قدر الله

[Ayman_Amer]

ديهاتسو ميرا اتوماتيك

[Yousef.Kamel]

انا شايف انك تعلمها تسوق مانيوال فى اﻻول وسهل انك تشترى عربيه وده اﻻفضل لها ﻻزم تسوق مانيوال للظروف

[doc mohamed]

بسعر مقارب للـ 128 موديل كام ؟؟ لان الأسعار فيها تفاوت طبعا
بس صعب جدا تلاقى عربيه اوتوماتيك بسعر مقارب لأى 128 لان الأوتو بيبدأ من 35 الف "سويفت - برايد - اكسيل - النترا 90's - سيفيك 90's - شاريد " و هكذا
اشترى جديد احسن
نفرض انك لقيت عربيه مستعمله سعرها مناسب طيب هى عايزه تتعلم السواقه ولا عايزه تتعلم الصيانه ؟؟!!
مفيش عربيه بالسعر ده هتكون سليمه 100% لازم تكون محتاجه مصاريف او فتيس او عمره او او او و خصوصا فظل انعدام الأخلاق و الضمير و اعتقاد ان النصب على الناس نصاحه و شطاره يبقى صعب جدا او مستحيل تلاقى حاجه ممتازه بالمبلغ ده
و انت كده كده ناوى ان شاء الله تشترى عربيه جديده للمدام, يبقى توكل على الله و اشترى جديد من الأول
خايف العربيه تتخبط ؟؟ ما هى كده كده ها تتخبط حتى لو مركونه
و بدل ما تروح تشترى عربيه قديمه و تدفع تراخيص و صيانه و تغيير زيت و سيور و فلاتر و مساعدين و عفشه و كاوتش جديد و صيانة او تركيب تكييف و نظافه للعربيه و شد الفرش و المصاريف الكتير المعروفه و كمان وقت عند الصنايعيه و فالأخر هتلاقى نفسك دفعت مبلغ محترم بدون اى استفاده لان انت هتبيع العربيه بعد كده و لو جابت نفس السعر اللى انت جبتها بيه هتبقى خسرت المصاريف دى كلها
طيب لو جيب جديد انت هترتاح من كل ده و المدام هترتاح و هتركب عربيه جديده مش كل شويه تعطل و تتعطل هى و انت كمان تتعطل و هتلاقى نفسك متصاحب على الميكانيكى و الكهربائى. و كمان اسعار العربيات كل يوم بيزيد يعنى لو معالك مبلغ تجيب بيه عربيه السنه دى ممكن المبلغ ده ميجبش حاجه كمان سنه
يعنى بفرق الفلوس اللى هتدفعها فالمستعمل القديم اوى و المبلغ اللى هتوفره لو اشتريت جديد قبل ما الأسعار تغلى تانى تقدر تصلح اى حاجه ممكن تحصل لا قدر الله

متشكر لحضرتك انت تقريبا لخصت الموضوع كله وعندك حق في موضوع تتعلم الصيانة مش السواقة!! ده اللي انا خايف منه فعلا وبدل مانا جايبلها عربية عشان افضي انا هشغل بتصليحها اكتر ربنا يسهل واشوفلها حاجة جديدة معقولة انت رايك اجيبلها ايه طيب؟؟؟

[doc mohamed]

انا شايف انك تعلمها تسوق مانيوال فى اﻻول وسهل انك تشترى عربيه وده اﻻفضل لها ﻻزم تسوق مانيوال للظروف

للاسف صعب اوي المانويال عليها

[shiko85]

للأسف الفلوس هى اللي هتحدد، انت عامل مزانيه فحدود كام ؟
فيه فكره تانيه، انت ممكن تشترى عربيه مستعمله من التوكيل انا عارف ان عز العرب عنده عربيات مستعمله و بيضمنها انا فاكر ان كان فيه عضو عامل موضوع عن ده و تبقي جبت عربيه اوتوماتيك ليها ضمان حديثه مش قديمه فيها كماليات و عوامل امان كتير دا مجرد اقتراح بس لو تقدر تجيب جديد يبقى توكل على الله و اشترى

[doc mohamed]

للأسف الفلوس هى اللي هتحدد، انت عامل مزانيه فحدود كام ؟
فيه فكره تانيه، انت ممكن تشترى عربيه مستعمله من التوكيل انا عارف ان عز العرب عنده عربيات مستعمله و بيضمنها انا فاكر ان كان فيه عضو عامل موضوع عن ده و تبقي جبت عربيه اوتوماتيك ليها ضمان حديثه مش قديمه فيها كماليات و عوامل امان كتير دا مجرد اقتراح بس لو تقدر تجيب جديد يبقى توكل على الله و اشترى

انا شوفت سعر البيكانتو اتصدمت بصراحة مفيش حاجة حلوة وصغيرة كده زيها بس ارخص؟؟؟؟

[shiko85]

ساجا او لوجان او stepway

[S O P H O S]

المبلغ ميجبش اوتو للاسف