مقارنة تفصيلية مبين تويوتا كورولا 2015 و سكودا a7 2015

[Mohamed.Hany]

يا استاذ هاني انا عارف انك بتحاول دايما للاحسن وملاحظتي اظاهر زعلت ناس كتير ليك حبايبك بقي


والله ينور علي التعديلات
وبالمناسبه قعدة الاوكتافيا ورا في النص وحشه بسبب وجود الارتفاع الي في الارض فا الي بيعد في النص هيبقي مضايق
هل دا في الكورولا كدا ولا لا

عيب يا استاذ احمد الكلام ده ، معقول اني ازعل من اي شخص في المنتدي و خصوصا لو شخص محترم زي حضرتك .

الكورولا مختلفة عن الاوكتافيا في النقطة دي و مفيش الارتفاع اللي ورا في النص ، الحتة دي في الكورولا بتبقي متساوية و منخفضة flat لراحة الركاب ووسع مساحة القدم خصوصا للراكب اللي في النص .
اتمني تكون التعديلات كلها كملت و في انتظار اي اسئلة اخري .

[mr.moustafa]

الكورولا تتفوق بجدارة و بدون نقاش

[K.Ossama]

الكورولا تتفوق بجدارة و بدون نقاش

العربيتين فيهم مزايا وعيوب
مافيش واحدة تتفوق بجدارة
ومن غير نقاش كمان دى مستحيلة وغير منطقية

[TeRoOo]

مقارنة مفصلة تسلم عليها بس ازاي مش قادر افهم الكورولا الهايلاين مافيهاش ولا فتحة سقف ولا زينون!!!!! الزينون وعادي طب وفتحة السقف دي اكيد مش لاغراض تسويقية ده الشكل القديم فيه فتحة سقف

[Mohamed.Hany]

مقارنة مفصلة تسلم عليها بس ازاي مش قادر افهم الكورولا الهايلاين مافيهاش ولا فتحة سقف ولا زينون!!!!! الزينون وعادي طب وفتحة السقف دي اكيد مش لاغراض تسويقية ده الشكل القديم فيه فتحة سقف

اكيد طبعا عند حضرتك حق .
الزينون بيركب قي التوكيل ب 700 جنيه او 2000 جنيه حسب النوع .
اما فتحة السقف فدي حاجة تسويقية بحتة و غالبا هينزلوها السنة اللي جاية مع تغيير في الفانوس و تبقي فيس ليفت عشان يشدو الناس ليها و ميحطوش كل حاجة من الاول

[TeRoOo]

اكيد طبعا عند حضرتك حق .
الزينون بيركب قي التوكيل ب 700 جنيه او 2000 جنيه حسب النوع .
اما فتحة السقف فدي حاجة تسويقية بحتة و غالبا هينزلوها السنة اللي جاية مع تغيير في الفانوس و تبقي فيس ليفت عشان يشدو الناس ليها و ميحطوش كل حاجة من الاول

كدة اكيد ظلموا الناس اللي جايبة الهاي لاين ومفيهاش حاجة زي دي وخصوصا للناس اللي زي وفتحة السقف دي اوبشن شبه اساسي بالنسبة لهم واكيد في اوبشنز تانية تشد الناس ليها للفيس لفت ممكن يستخدموها ربنا بقي يسهل ونبقي نشوف الفيس ليفت هيعملوا فيه ايه

[pwnar]

ايه ده ايه الی جاب القلعه جنب البحر؟؟؟؟!! ، اوكتافيا وشششش وانا مغمض ، للاسف بعض تصرفات توكيل اسكودا السیء
خلت بعض الناس يقارنوها باليابانی و الكوری
و من متبعتی لردود الناس و خصوصا صاحب الموضوع
استاذ محمد ممكن حضرتك تسمحلی اسال حضرتك سؤال بس يا ريت حضرتك يتسع صدرك للسؤال ..
هوا حضرتك شغال فی توكيل تويتا او ما شابه (طبعا بجانب شغل حضرتك منسق للقسم نفسه ) ؟ ولا شغل حضرتك النشيط ما شاء الله لمقارنه جميع السيارات بالكرولا بسبب عشقك للسياره نفسها ؟ و شكرا جدا

[bassem.naguib]

استاذ محمد ممكن حضرتك تسمحلی اسال حضرتك سؤال بس يا ريت حضرتك يتسع صدرك للسؤال ..
هوا حضرتك شغال فی توكيل تويتا او ما شابه (طبعا بجانب شغل حضرتك منسق للقسم نفسه ) ؟ ولا شغل حضرتك النشيط ما شاء الله لمقارنه جميع السيارات بالكرولا بسبب عشقك للسياره نفسها ؟ و شكرا جدا

بادئ ذي بدء .. مهام التنسيق في المنتدى هنا ليست شغل أو عمل يتم تقاضي أجر عليه .. إنما هو عمل تطوعي بحت لخدمة الأعضاء .

ومن خلال معرفتي الشخصية والوثيقة للمهندس/ محمد هاني .. فهو لا يعمل في توكيل تويوتا ولا على صلة بأي أحد من التوكيل أو على علاقة من قريب أو بعيد للخواجة تويوتا نفسه (مفيش علاقة نسب بينهم) .

أظن أن الصورة وضحت .. علشان نقفل الباب ده بالضبة والمفتاح .

[K.Ossama]

بادئ ذي بدء .. مهام التنسيق في المنتدى هنا ليست شغل أو عمل يتم تقاضي أجر عليه .. إنما هو عمل تطوعي بحت لخدمة الأعضاء .

ومن خلال معرفتي الشخصية والوثيقة للمهندس/ محمد هاني .. فهو لا يعمل في توكيل تويوتا ولا على صلة بأي أحد من التوكيل أو على علاقة من قريب أو بعيد للخواجة تويوتا نفسه (مفيش علاقة نسب بينهم) .

أظن أن الصورة وضحت .. علشان نقفل الباب ده بالضبة والمفتاح .

بالضبط كدة

[Mohamed.Hany]

ايه ده ايه الی جاب القلعه جنب البحر؟؟؟؟!! ، اوكتافيا وشششش وانا مغمض ، للاسف بعض تصرفات توكيل اسكودا السیء
خلت بعض الناس يقارنوها باليابانی و الكوری
و من متبعتی لردود الناس و خصوصا صاحب الموضوع
استاذ محمد ممكن حضرتك تسمحلی اسال حضرتك سؤال بس يا ريت حضرتك يتسع صدرك للسؤال ..
هوا حضرتك شغال فی توكيل تويتا او ما شابه (طبعا بجانب شغل حضرتك منسق للقسم نفسه ) ؟ ولا شغل حضرتك النشيط ما شاء الله لمقارنه جميع السيارات بالكرولا بسبب عشقك للسياره نفسها ؟ و شكرا جدا

انا اسف اني ضايقت حضرتك وقللت من الاوكتافيا لما قارنتها بالياباني ،
لو حضرتك مش عجباك المقارنة ده حقك و رايك و انت حر فيه بس انا قعدت جمعت معلومات و تعبت جامد و نزلت لفيت عشان اسهل علي الناس و افيدهم للي محتارين مبين العربيتين و ده بعد طلبات كتيرة من الاعضاء الافاضل المحترمين زي حضرتك ، لو حضرتك عندك اي اعتراض علي اي كلمة تقنية موجودة خطأ او تحتاج لتصحيح اهلا و سهلا بيها و هتتعدل و تتظبط.

نيجي بقا للنقطة الاهم بالنسبة لي ،
طبعا بجانب شغلي منسق قسم !!
اولا حضرتك عضو جديد عندك مشاركتين فقط فممكن متكونش متعود قوي او عارف تفاصيل المنتدي، منسق القسم مش مهنة و لا حاجة بتفيدني ماديا بالعكس ده شئ تطوعي بحت بتطوع فيه بوقتي و مجهودي و ساعات فلوسي عشان افيد اعضاء محترمين زي حضرتك و يبقي المنتدي مكان عاوزين يزوروه دايما عشان يلاقو فيه المعلومة اللي بيدورو عليها بسهولة .

تاني نقطة انا شغال مهندس طبي في شركة المانية و خريج هندسة طبية مش هندسة ميكانيكا و مش شغال في تويوتا و لا ليا قريب هناك و لا معرفة و لا صديق حتي و معاملتي معاهم معاملة صاحب عربية مع توكيل فقط لا غير كون اني بتطوع و اجمع للناس مقارنات عشان اسهل عليهم ده المفروض يقابل بالشكر و ليس الهجوم او الاتهام بالكلام ده و العامل المشترك دايما هو كورولا بحكم امتلاكي لها فالمقارنة بتبقي منطقية بالنسبة لي و علي فكرة انا عامل مقارنات كتيرة مجمعة لعربيات تانية غير الكورولا انت بس اللي مش بتدور و انا برضو اول واحد بدي كل عربية حقها و اللي عليها بقوله قبل اللي ليها و كنت اول واحد في المنتدي يعمل موضوع مخصوص لشرح عيوب عربيتي بالتفصيل.
كنت اتمني حضرتك تطلع غلطات موجودة في التقرير نصلحها بدل المهاجمة الغير مقبولة دي .

و بالمناسبة انا لو شغال في تويوتا كنت استلمت عربيتي اول واحد مش قعدت حجز ٣ شهور من موزع مش من التوكيل
و كنت عدلت ارتفاع عربيتي في التوكيل برضو اول واحد مش من بعد حجز شهور و شكرا لزوقك.

للاسف تعليق حضرتك و التعليقات المشابهة ليها بتقلل من حماس الواحد و بتدي طاقة سلبية جدا كافية تخلي الواحد يحتفط بمعلوماته لنفسه و يوفر المجهود البدني و الذهني ده لشغله و لحياته الشخصية.

[bassem.naguib]

للاسف تعليق حضرتك و التعليقات المشابهة ليها بتقلل من حماس الواحد و بتدي طاقة سلبية جدا كافية تخلي الواحد يحتفط بمعلوماته لنفسه و يوفر المجهود البدني و الذهني ده لشغله و لحياته الشخصية.

ما أحنا مش عاوزين نوصل للنقطة دي ..

[S O P H O S]

سلسلة رائعة

[EngAhmedSayed]

استفسار
بخصوص المقارنة
وأحييك على عمل المقارنات الجميلة و البسيطة

بخصوص نقطة و انا بقراء المقارنة أستوقفتنى

وهى

الكورولا هتزيد :

2. الفتيس ال cvt بعدد لا نهائي من النقلات

السكودا هتزيد :

1. الفتيس الاوتوماتيك 6 سرعات

بمعنى اية انى ناقل الحركة ل cvt بعدد لا نهائي من النقلات

المعروف انى اى ناقل حركة له عدد نقلات

استفسار لآنى متابعتى لليابانى و الكورى ضعيفة شوية

تحياتى بالتوفيق دائما

[bassem.naguib]

استفسار
بخصوص المقارنة
وأحييك على عمل المقارنات الجميلة و البسيطة

بخصوص نقطة و انا بقراء المقارنة أستوقفتنى

وهى

الكورولا هتزيد :

2. الفتيس ال cvt بعدد لا نهائي من النقلات

السكودا هتزيد :

1. الفتيس الاوتوماتيك 6 سرعات

بمعنى اية انى ناقل الحركة ل cvt بعدد لا نهائي من النقلات

المعروف انى اى ناقل حركة له عدد نقلات

استفسار لآنى متابعتى لليابانى و الكورى ضعيفة شوية

تحياتى بالتوفيق دائما

فكرة فتيس ال CVT ليست قائمة على التروس كأي فتيس عادي أو مانيوال .. إنما الفكرة ببساطة أنه بيتم نقل الحركة عن طريق بكرتين مرتبط بينهم سير .. وبالتالي ليس محدد أو محكوم في عدد النقلات على حسب عدد التروس الموجودة في الفتيس .. حتى لما بتنقل للمانيوال مود فهو محدد ليك 7 سرعات وهمية وليست حقيقية ..
والفتيس ليس فكرة جديدة ولكنه قديم ومستخدم في عربيات كتير .


وده فيديو توضيحي ليه :

[youtube]https://www.youtube.com/watch?v=uCEvBGT8twM[/youtube]

[ahmzd]

رأيي الكورولا أفضل من الأوكتافيا مع احترامي للآراء المخالفة .. الكورولا شهدت تطويرا كبيرا وتغييرا جذريا ، في حين أن الأوكتافيا عادت للوراء بمحرك قديم وفتيس أقدم .. توكيل الكورولا واثق من نفسه ويطور من أدائه ، في الوقت الذي يتخبط فيه توكيل الأوكتافيا في كل ما يطرح من كماليات أو حتى أساسيات السيارات.. والله أعلم.