مقارنة تفصيلية مبين تويوتا كورولا 2015 و سكودا a7 2015

[azaz_egy]

ياجماعة عايز حد ينصحنى نصيحة لوجه الله ، اشترى ايه a7 تانى فئة ولا كورولا هاى لاين؟؟ انا محتار كل فريق بيدافع عن عربيته وانا مركبتش المانى ولا يابانى قبل كده ، ياريت اللى ينصحنى يبقى من واقع تجربة السيارتين ان امكن ؟ ومنتظر النصيحة

[K.Ossama]

ياجماعة عايز حد ينصحنى نصيحة لوجه الله ، اشترى ايه a7 تانى فئة ولا كورولا هاى لاين؟؟ انا محتار كل فريق بيدافع عن عربيته وانا مركبتش المانى ولا يابانى قبل كده ، ياريت اللى ينصحنى يبقى من واقع تجربة السيارتين ان امكن ؟ ومنتظر النصيحة

انا رأيى دايماً إن اليابانى له عشاقة والأوروبي له عشاقه
وده على حسب احساس وطبيعة السواقة لكل واحد
أنا مثلاً أفضل الأوروبي
(ملحوظة صغيرة: الأوكتافيا أوروبي تشيكى مش ألمانى)

[Moratoz]

الأوكتافيا الفئه الأولي بقت بتنزل بكسيت تاتش يتم التحكم منه في سيتنج السيارة ( مش نفش نوع الفئه الثانيه )

[ahmed sa3ed]

انا رأيى دايماً إن اليابانى له عشاقة والأوروبي له عشاقه
وده على حسب احساس وطبيعة السواقة لكل واحد
أنا مثلاً أفضل الأوروبي
(ملحوظة صغيرة: الأوكتافيا أوروبي تشيكى مش ألمانى)

االماركه تشيكى وشويه جلد وكلبسات تشيكى
وبقيت العربيه وكل خرم فيها المانى

[mostafa3000]

ياجماعة عايز حد ينصحنى نصيحة لوجه الله ، اشترى ايه a7 تانى فئة ولا كورولا هاى لاين؟؟ انا محتار كل فريق بيدافع عن عربيته وانا مركبتش المانى ولا يابانى قبل كده ، ياريت اللى ينصحنى يبقى من واقع تجربة السيارتين ان امكن ؟ ومنتظر النصيحة

علشان متحتارش روح اركب الأتنين وانت هتعرف

[K.Ossama]

االماركه تشيكى وشويه جلد وكلبسات تشيكى
وبقيت العربيه وكل خرم فيها المانى

يا فندم ازاى بس.....
يعنى الكروز دلوقتي نازلة بموتور وفتيس وشاسيه الأسترا ..... تبقى عربية ألمانى.....؟؟؟

[MaZaGAngeE]

افضل الياباني بشكل عام عن الاوروبي

[Kamellio]

ممتازة
شكرًا جزيلا

[Smart_Lion]

السادة المحترمون المهتمون بموضوع المقارنة بين سكودا وتويوتا
انا اتابع باهتمام كل المناقشات والردود احب اشكر بشدة صاحب الموضوع والمقارنة الرائعة بين الماركتين
النهاردة اخدت خطوة ايجابية وروحت حفلة عاملاها ارتوك توتو وطبعا اهم حاجة ليا كانت معاينة a7 الفئة التانية والهاي لاين
بالمناسبة انا معايا فانتازيا ومعجب بيها جدا

اليكم تقييمي مقارنة بالفانتازيا وكذلك مقارنتي الخاصة بالتويوتا- لن اعيد ذكر ما تم سرده سابقا - لاني عاينت التويوتا الفئة التانية - بس مش بتأني - في نفس اليوم:
[LIST][*]الشكل الخارجي للتويوتا فيه شراسة او شبابية عن الاسكودا اللي شكلها اهدى وعائلي شوية
[*]الصالون جديد ومختلف عن الفانتازيا لكن نفس روح التصميم موجود - في رايي الصالون افخم من صالون تويوتا
[*]صدمتي في الاسكودا ان المرايات في الفئة التانية غير معتمة وهو نفس حال التويوتا و من لم يجرب المرايات المعتمة لا يعرف قيمتها والفرق الكبير بين وجودها وعدمهلكنها موجودة في الهاي لاين - وهنا لي [*]سؤال هل هناك من يؤكد وجودها في التويوتا؟
[*]كذلك الزجاج في الاسكودا ليس غامق مثل الفانتازيا وهذا يقلل من اسهم ال a7 لكن التويوتا ايضا كذلك
[*]التكييف في الاسكودا كان بكر ولا اعرف هل يمكن التحكم به من الراديو فعلا ام لا - هل هناك من يؤكد؟
[*]المحرك ليس كم هو في الفانتازيا لانه 16 صباب و108 حصان اما الفانتازيا فهو 8 صباب و102 حصان لكن الفتيس هو هو
[*]لا يوجد فارق في الشنطة بينa7 والفانتازيا لكن بدون شك اكبر من التويوتا وهذه ميزة يقف امامها كثيرا معتادي السفر!!
[*]من ناحية اخرى الكنبة الخلفية في الاسكودا بنفس عيب انها غير مريحة في حين العكس في التويتا وكذلك
[*]لايوجدا في التويوتا الفاصل في المنتصف المزعج لمن يجلس في المنتصف
[*]التويوتا ليس بها تكييف خلفي مثل الاسكودا
[*]الصراحة صدمتي في التكييف والمرايات المعتمة وكذلك حساس المطر غير موجود كانت كبيرة جدا واحساسي ان توكيل اسكودا بيلعب بمزاجه في الموديل يهين من قيمة العربية. والزيادة بين التانية والهاي لاين
كبيرة جدا على الفاضي لما تختصر في فتحة السقف وشكل الجنط والكراسي جلد

بالمناسبة الاسعار الحالية

a7 الفئة التانية في التوكيل 214 الف وفي السوق 230 الف لان بجملة الصدمات ارتوك اوتو مش عارف يفتح باب الحجز امتى ومش عارف لو في دفعة جديدة هاتيجي امتى!!!!!!!
الهاي لاين في التوكيل 262 الف وفي السوق 273 الف

التويوتا الفئة التانية 196 الف وبيقولو مفيش هاي لاين ... لما اروح التوكيل اعرف السعر هناك كم

انا لسه عايز اروح تويوتا واعاينها براحتى واشوف ايه الاخبار خصوصا وان الفتيس ال cvt مزغلل عيني جدا

احتراماتي للجميع

[Madosh]

الكورولا اول فئة مفيهاش كروم في الابواب للتصحيح بس .الاوكتافيا تاني فئة فيها فتحات تكيف خلفية .

[Mohamed.Hany]

تصحيح :

الفوج لايت الخلفي غير متوفر في السكودا الفئة الاولي (190000) و التانية (214000)

متوفر فقط في الهاي لاين (262000) جنيه

[amgomaa]

تصحيح :

الفوج لايت الخلفي غير متوفر في السكودا الفئة الاولي (190000) و التانية (214000)

متوفر فقط في الهاي لاين (262000) جنيه

متوفر فى ال3 فئات

Sent from my GT-S5282 using Forum Runner

[Mohamed.Hany]

متوفر فى ال3 فئات

sent from my gt-s5282 using forum runner

غير متوفر غير في الهاي لاين و العربية جريتها مع زملاء العمل و مفيهاش ووممكن تتأكد من ارتوك اوتو 16616

[arizaro]

غير متوفر غير في الهاي لاين و العربية جريتها مع زملاء العمل و مفيهاش ووممكن تتأكد من ارتوك اوتو 16616

موجوده عندی فی الفئه التانيه ، و اعتقد موجوده فی الاولی
اتاكد الاول و بعدين اكتب ، كل كلمه هتتحاسب عليها

[Mohamed.Hany]

كل كلمه هتتحاسب عليها

اعتقد لو حد عنده تعديل او معلومة ممكن يضيفها بطريقة لطيفة و محترمة.
شكرا يا محترم.