إعـــــــلان

Collapse

.

,
See more
See less

محتار اختار مين فيهم (فيرنا ولا اسبيرنزا) ...........

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    محتار اختار مين فيهم (فيرنا ولا اسبيرنزا) ...........

    انا هشتري بأذن الله عربية ومحتار اشتري اية وعايز اشتري في حدود 73.000 جنية
    وفي ناس بتقول اشتري هيونداي فيرنا 1600 مانوايل فول اوبشن
    وفي ناس بتقولي اشتري اسبيرنزا A516

    وانا رحت اتفرجت علي العربيتين من جوة وبرة وشكلهم حلو وفيهم الكمليات كلها والأسبيرنزا في كمليات كتير اوي
    لكن في ناس تانية تقول اسبيرنزا صيني وكدة وناس تانية تقول الفيرنا بتعمل حواداث ومش ثابتة علي ألأرض
    مع العلم اني سواقتي هادية ومش بعدي 120 كم / ساعة

    فاياريت ياأهل الخبرة حد يقولي اختار اية او اجيب اية في حدود الفلوس دي بس محدش يقول لي جيب مستعمل انا عايز عربية جديدة

    وياريت تقولوا لي اية عيب ومميزات الفيرنا
    وعيب ومميزات الأسبيرنزا A516

    واتمني ان اللي يرد عليا يكون حد مجرب العربية اللي هيتكلم عنها علشان هو بيكون علي معرفة اكتر من اللي سمع عنها
    وشكرا لكم جميعا
    الكلمات الدلالية (Tags): 1600, 20, 2007, 2008, 316, 50, fiat, lanos, اخبار, اسبيرنزا, اسعار, اسكندرية, افيو, التوكيل, الجديدة, الصيانة, الضمان, الفئة, اللانسر, اللي, اوبشن, بنزين, بنزين 92, ثبات, جنوط, خدمة, دايو, دايو لانوس, دفع رباعى, سبرنزا, سعر, سيارة, شراء, شيفروليه, شيفورليه, صيانة, عايز, عربية, عفشه, عن, عيوب, غبور, غيار, فولكس, في, فيرنا, فيهم, قطع, قطع الغيار, كاوتش, كل, كماليات, لانسر, لانوس, محتار, مركز, مستعمل, مشاكل, مصر, مع, معرض, ملاك, مميزات, مميزات الفيرنا, من, مين, نوبيرا, هل, هي, هيونداي, هيونداي فيرنا, ولا
  • #2
    شيفورليه افيو
    وبعديها الاسبيرانزا
    الفيرنا متفكرش وادخل منتدي الهيونداي وشوف كمية عيوب الصناعة اللي فيها

    Comment

    • #3
      انا من تجربتى مع الفيرنا ارشحهالك و الاسبرنزا مع واحد صحبى هيه فعلا عربيه فيها كماليات كتير جدا جدا تقدر تقول عليها جردل كماليات لكن فى الاخر عفشه ناشفه صوت ماتور عالى جدا جدا مقارنه بالفيرنا

      عيب الفيرنا من و جهه نظرى الثبات و ده حله انك تغير الكاوتش و الجنوط

      اه حاجه تانيه التوكيل بيستهبل فى اسعار الصيانه بصراحه لكن فى المجمل عربيه ممتازه جدا جدا و مش شايف فيها عيوب تقفيل خالص او صناعه غير حالات نادره و بتتعالج على نفقه الدوله ( قصدى على نفقه التوكيل )

      و فى الاخر انت لازم تستخير ربنا لكن ابعد عن الاسبرنزا
      [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
      [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
      [/SIZE][/COLOR][/COLOR][/SIZE][/CENTER]

      Comment

      • #4
        بص انا مجربتش ولا واحدة
        بس في اتنين مقربين مني جابوا فيرنا ( عمي وواحد جاري ) وسألتهم بعد الشكاوي والأرف اللي سمعت عنه في المنتدى وشفتة في التوكيل والحدفة والفرامل والكلام دا قالوا مفيش حاجة من الحاجات دي ، طبعا سيبك من حكم راجل كبير عالعربية بس جاري قاللي مش بتحدف قلت يمكن مش بيجري قاللي مية وسبعين ومعظم الطرق بتاعته الدائري والقطامية وكدة!!! وعمي شكرلي فيها عيبها انها واطية
        وانا عن تجربة شخصية مرة أجرنا واحد كانت عاملة 25000كم وانا اللي كنت مسئول عنها تماماً وانا اللي مضيت شيكاتها حتى وكانت فول اوبشن مانيوال قعدت معانا يومين سافرنا الغردقة ورجعنا، والعربية في الطريق السريع وجوة البلد كانت زي الفلومافيهاش غير عيب واحد، وهو ان فراملها وهي ماشية على 190 او 200 كم / ساعة مش بتبقى جامدة يعني كنا نشوف الفتحة اللي احنا عايزينها واحنا على السرعة المهولة دي مانلحقشي نقف عند الملف ونقف بعدة ونرجع مارشيدير.
        بأمانة العربية ماكانشي فيها مشاكل واحنا كنا عايزين نأجر لانسر عشان واحد مننا عندة لانسر وبسبب الكلام اللي بنسمعة عن الفيرنا ومالقيناش غير العربية دي والحمد لله عجبتنا كلنا حتى صاحب العربية اللانسر عجبته
        طبعا احنا مافتريناش على العربية وكنا بنعاملها زي عربية اي حد فينا وحطينا فيها بنزين 92 عشان حسينا ان العربية نظيفة مع انها متأجرة وعاملة 25000كم
        اللي فهمته ان غبور بيعتمد على التوكيل وصيانة الألف عشان تفنيش العربية والزوايا والأكر بتاعة البواب والحاجات دي - هي دي المشاكل اللي صادفت الناس اللي أعرفهم أول ماجابوها وكلها بتتظبط في صيانة الألف كم !! وبعد كدة بتطلع العربية زي الفل
        وعموماً انت ممكن تشوف هنا في المنتدى في قسم الهيونداي والاسبرانزا ملاك العربية بيقولوا ايه وجمع الآراء ومبروك مقدماً

        Comment

        • #5
          أنا اشتريت فيرنا 1600 وقريت عنها كل العيوب اللي في منتدى هيونداي ولكن الحمد لله لا يوجد عندي منها أي عيب ولا حدفة ولا عيوب ثبات ولا شيء ولم أغير ولا كاوتش ولا جنوط والعربية جراية وموتورها هو نفسه موتور الماتريكس وتكييفها ممتاز وكمان مبتحسش إن العربية اتكتفت أو ثقلت لما تشغله وبصراحة بالنسبة لسعرها وانتشارها بين الناس وبالتالي توفر قطع الغيار ، أعتقد هي دي العربية المناسبة لمصر . أنا ما شفتش الإسبيرانزا لكن عددها أقل من الفيرنا ولكن كمالياتها أكثر وسمعت-لكن مشفتش- أن لها عيب غريب في التصميم وهو أن مواسير الفرن التي تجمع غازات العادم وتوجهها نحو ماسورة الشكمان الرئيسية موجودة خلف المحرك أي بينه وبين مقصورة الركاب على عكس جميع السيارات التي دائما ما تكون أمام المحرك أي ناحية مقدمة السيارة وعموما إسأل وشوف

          Comment

          • #6
            فيرنا ممتازه طبعا بلاش سبرنزا
            [SIGPIC][/SIGPIC]

            Comment

            • #7
              من حيث الشكل الاسبيرانزا طبعااااااااااااااااااااااااااا.
              [aldl]http://www.nilemotors.net/Nile/signaturepics/sigpic18771_2.gif[/aldl]
              [CENTER][B][SIZE=6]نوبيرتى الحبيبة - يارب يخليكى ليا و يقدرنى على رد جمايلك[/SIZE][/B][/CENTER]

              Comment

              • #8
                اضم صوتى لبلاش الصينى
                مصر هتفضل غالية عليا
                -------------------------------
                الديك الحلبي هايفضل يدن لغاية ما يتدبح

                Comment

                • #9
                  انا معايا فيرنا 1600 فول أوبشن 2007 ، ماشي بيها حوالي 27000 كم ، المشكلة الأساسية اللي حسيتها ان نوعية الكاوتش مش قد كده ... مقبولة بس مش ممتازة ... البعض بيشتكي و البعض بيمشي حاله (زي حالتي كدا)
                  أنا برده كنت محتار نفس الحيرة دي ... بس لما شفت الاسبرانزا ... التقفيل سيء و الخامات ضعيفة ... و قفلت الباب خلتني أبعد عنها ... حسيت اني بقفل أو أفتح باب لادا ...

                  الفيرنا مش أحسن عربية ... دا أكيد .... و من ناحية فيها عيوب ايوة فيها عيوب ... بس انا شايف ان الواحد ممكن يتعامل معاها و العيوب دي ما وصلتش لحد المشكلة .

                  مثلا الكاوتش ... دا عيب موجود و انا متماشي معاه و كله تمام
                  زنة مواسير التكيف ... دا عيب موجود (لو بتسموا عيب)
                  التوكيل ... مقرف شوية بس انا بحاول أعمل الصيانة في أقرب مركز معتمد (الهينداي ماليا البلد)

                  و دي هي الحاجات اللي عندي في العربية ...و دي العيوب اللي عرفتها قبل شراء السيارة و كانت واضحة أمامي قبل الشراء ... و أنا قبلت شراء السيارة مقابل العيوب دي و بعدت عن العيوب المجهولة و التضارب في الاراء حول الاسبرانزا ..

                  و دا مش معناه ان الاسبرانزا وحشة ... ليها ناسها برده ...

                  و اخيرا ......... استخير ربنا

                  Comment

                  • #10
                    زنة مواسير التكيف ... دا عيب موجود (لو بتسموا عيب)
                    المشكله دى اتحلت فى موديل 2008
                    لو عايز تحلها ممكن ارتب معاك و اظبطهالك
                    [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
                    [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
                    [/SIZE][/COLOR][/COLOR][/SIZE][/CENTER]

                    Comment

                    • #11
                      يا أحمد باشا (انا بردو اسمي أحمد) انا الحمد لله حليت المشكلة من خلال المنتدى الجميل ده و كنت متابع الأخوة لحد ماعرفو مصدر الزنة و حلوها ....

                      يعني مش عارف أقولك ايه على زوقك ده :k8:

                      و يشرفني أرتب معاك و أعزمك على كباية سحلب ...

                      Comment

                      • #12
                        المشاركة الأصلية كتبت بواسطة Amrrr مشاهدة المشاركة
                        بص انا مجربتش ولا واحدة
                        بس في اتنين مقربين مني جابوا فيرنا ( عمي وواحد جاري ) وسألتهم بعد الشكاوي والأرف اللي سمعت عنه في المنتدى وشفتة في التوكيل والحدفة والفرامل والكلام دا قالوا مفيش حاجة من الحاجات دي ، طبعا سيبك من حكم راجل كبير عالعربية بس جاري قاللي مش بتحدف قلت يمكن مش بيجري قاللي مية وسبعين ومعظم الطرق بتاعته الدائري والقطامية وكدة!!! وعمي شكرلي فيها عيبها انها واطية
                        وانا عن تجربة شخصية مرة أجرنا واحد كانت عاملة 25000كم وانا اللي كنت مسئول عنها تماماً وانا اللي مضيت شيكاتها حتى وكانت فول اوبشن مانيوال قعدت معانا يومين سافرنا الغردقة ورجعنا، والعربية في الطريق السريع وجوة البلد كانت زي الفلومافيهاش غير عيب واحد، وهو ان فراملها وهي ماشية على 190 او 200 كم / ساعة مش بتبقى جامدة يعني كنا نشوف الفتحة اللي احنا عايزينها واحنا على السرعة المهولة دي مانلحقشي نقف عند الملف ونقف بعدة ونرجع مارشيدير.
                        بأمانة العربية ماكانشي فيها مشاكل واحنا كنا عايزين نأجر لانسر عشان واحد مننا عندة لانسر وبسبب الكلام اللي بنسمعة عن الفيرنا ومالقيناش غير العربية دي والحمد لله عجبتنا كلنا حتى صاحب العربية اللانسر عجبته
                        طبعا احنا مافتريناش على العربية وكنا بنعاملها زي عربية اي حد فينا وحطينا فيها بنزين 92 عشان حسينا ان العربية نظيفة مع انها متأجرة وعاملة 25000كم
                        اللي فهمته ان غبور بيعتمد على التوكيل وصيانة الألف عشان تفنيش العربية والزوايا والأكر بتاعة البواب والحاجات دي - هي دي المشاكل اللي صادفت الناس اللي أعرفهم أول ماجابوها وكلها بتتظبط في صيانة الألف كم !! وبعد كدة بتطلع العربية زي الفل
                        وعموماً انت ممكن تشوف هنا في المنتدى في قسم الهيونداي والاسبرانزا ملاك العربية بيقولوا ايه وجمع الآراء ومبروك مقدماً
                        ايه يا راجل ده. بتمشي على 190 و 200 كم/ساعه؟ وكمان بترجع مرشدير على طريق زي كده! أنا مكملتش قراءه تعليقك و قلت أعلق على تهورك (ولا مؤاخذه).

                        Comment

                        • #13
                          المشاركة الأصلية كتبت بواسطة itsonlyme مشاهدة المشاركة
                          ايه يا راجل ده. بتمشي على 190 و 200 كم/ساعه؟ وكمان بترجع مرشدير على طريق زي كده! أنا مكملتش قراءه تعليقك و قلت أعلق على تهورك (ولا مؤاخذه).
                          انت فهمتني غلط على فكرة
                          ياباشا انا هادي جدا في سواقتي بس العربية موتورها بيفرك ويغريك تشوف آخره وطول السكة كنا مية وعشرين وأربعين بالكتير لكن السرعة دي على حتت معينة في طريق الغردقة وعشان الحق كان بيبقى الطريق منحدر سنة ومكانشي في عربيات حوالينا الطريق هو(بكسر الهاء) ومفيش نقل ولا مشاة يعني مفيش اي اعداء ليك ممكن يطلعولك على غفلة عشان من رأيي ان السرعة دي مينفعشي تفرمل على غفلة مرة واحدة في اي عربية عموما بقى باستثناء الألماني
                          انا معظم المشي بتاعي 90 وحتى وانا رايح اسكندرية مش بزود عن ماية وعشرة (أحياناً) ومعظم الطريق على تسعين (انا عندي آتوس1100سي سي )ومن زمان وانا بحب الهيونداي - كمل بقى قراية تعليقي انا مش متهور خالصصصصصص!! دي لحظات شيطانية وعدت على خير ومتكررتشي تاني الحمد لله

                          Comment

                          • #14
                            فيرنا طبعااااااااااااااااااااااااااااا

                            دا لو المقارنة بينها و بين الاسبيرانزا

                            بس بقولك متبص بصة على الBrilliance FRV

                            دى نصيحة بس
                            [CENTER][IMG]http://www10.0zz0.com/2008/11/03/17/905049422.jpg[/IMG][/CENTER]
                            [CENTER][FONT=Arial][SIZE=4][COLOR=purple]Dr. Ahmed Sarhan[/COLOR][/SIZE][/FONT][/CENTER]

                            Comment

                            • #15
                              فيرنا طبعا
                              اكيد احسن من الاسبرانزا
                              لا اله الا انت سبحانك اني كنت من الظالمين

                              Comment

                              السابق 1 2 3 4 template التالي
                              Working...
                              X