مقارنه بين اكسنت 2015 وكيا ريو

[sara ebrahim]

السلام عليكم
لوسمحت ارجو المساعده فاختيار اول سياره ليا
انشاء الله السياره في حدود 130 ل 135
وكنت محتاره بين هيونداي اكسنت 2015 الفول اوبشن وكيا ريو 2015 ال Ex من ناحيه كل حاجه وايضا الارتفاع عن الارض والمطبات ودي اول عربيه ليا وحديثه فالسواقه
وسمعت ان في عيب في هيونداي اكسنت 2015 انها لو وضعتها علي الDبتتحرك من غير متدوس بنزين
ارجو المساعده وشكرا

[ENG.MaRk]

حضرتك المقارنة ديه اتهرت لت و عجن ... ممكن حضرتك تقرأي كل التقارير و المقارنات السابقة سواء من الملاك أو المقبلين علي الشراء و إن شاء الله هتوصلي للقرار السليم و إن كنت أنا أفضل الريو :)

[Khaled9498]

بصى ياأستاذة سارة فعلاً فى مقارنات كتير بخصوص الموضوع ده إتعملت وأنا كنت واحد من اللى طلبوا عمل مقارنة زى حضرتك بالضبط وأقولك الخلاصة ....
فيه فئة فى الريو السيدان الأتوماتيك ABS+DAB سعرها أصلاً 41500 جنيه والوكيل عامل خصم 4000 على كل موديلات الريو السيدان فبقى سعرها 137500 وممكن تشتريها من أحد المعارض الكبيرة وتاخدى خصم إضافى من 500 إلى 1000 جنيه ونبقى كده تقريباً قربنا من الميزانية.... الميزه فى الفئه دى إن فيها 2 ايرباج وفرامل مانعة للإنغلاق ABS ودى أبسط حقوقنا فى الأمان وانصح بالفئة دى ورأيى الشخصى إن تابلوه الريو أفضل من الأكسنت وكذلك الشكل الخارجى وخصوصاً لو ليكى وبالفعل إحنا إشتريناها لزوجتى وادخلى على اللينك ده هتلاقى المقارنة وأراء الأعضاء ومن ضمنهم عضو فاضل إشترى الأكسنت وبيشكر فيها لكن قاللى لو الزمن رجع تانى هاشترى اللى فيها وسائل الأمان (يقصد اليو) وتحت أمك فى أى إستفسار

http://www.nilemotors.net/Nile/446210-rb-3.html