أيهما أفضل كرولا - ياريس فول أوبشن

[احمد عزت]

ارجو المساعدة من الاخوة الافاضل انا عايز اشترى سيارة جديدة وكل ما تكون رخيصة تكون افضل المهم انا بحب السيارة الكورولا من زمان اوى ازبفكر اشترى الكورولا 1300 اللى ب107 الف لانة فى رأى تويتا عربية حمالة اسية وكمان انا مليش فى الشد اوى سواقتى عادية وحتى الشكل الجديد بيقولوا هينزل اول السنة فميزة الكورولا انى ممكن اركبها سنتين ولا تلاتة وبعد كدة ابيعها واجيب الشكل الجديد....لان اى شكل جديد بينزل احيانا بيبقى فية بعض العيوب فبيغيروها بعدها بسنة وكل سنة بيضعوا بعض الاضافات الجميلة
عموما انا اسف على الاطالة...........عموما انا عايز رأيكم فى اختيارى لهذة السيارة فى هذا التوقيت ولو حد يعرف امكانيتها بالظبط يقولى علما انا لا احب الانسر....وفعلا بحب التويتا....وهل اليارس الفول اوبشن ممكن تكون احسن زى ما البعض بيقولوا.......
اسف للاطالة.........
اشكركم ......د.احمد عزت

[hazem_khidr]

الكورولا عربيه جميله جدا و ما تقلقش من موضوع الموديل الجديد علشان مش حينزل من اليابان (اخر موديل ياباني هو الحالي فقط) حيجي بعد كده من جنوب افريقيا لو انت نقطه التقفيل دي بتفرق معاك يبقي هات الموجوده حاليا.
بالنسبه للياريس ف دي عربيه تانيه و ما تتقارنش بالكورولا اطلاقا .
الخلاصه:
عاوز عربيه عائليه و قطع غيارها متوفره و مش حتكلفك كتير عن المعقول يبقي الكورولا.
عاوز عربيه شبابيه و عندك استعداد تتعب شويه في سواقتها علي ما تتعود عليها و كل حاجه تحصل تجري بيها علي التوكيل يبقي الياريس

[أبو عبدالله]

لو الفلوس تسمح انك تجيب الكورولا يبقى بدون تردد تجيب الكورولا أفضل طبعا

[M_Abdallah]

اتوكل علي الله وهات كورولا. عملية جدا في استخدامها.







____________________
محمد عبدالله

[mokhtar]

خليك فى الكورولا دى عربيه تحفه انا عمرى ماسمعت صوت موتورها وهيا دايره بجد العربيه دى بتستحمل جامد اتوكل على الله وهاتها

..MOKHTAR..

[fahd_628]

توكل على الله و هات كورولا

[عبد الرحمن اسامه]

انا بصراحة لو كان معايا الفلوس دى كنت جبت الماتيرية.
روح بس عليها و شوفها من جوه قبل ما تشترى الكورولا.