مقارنه مهمه

[Mohamed PH]

السلام عليكم

بعد اذنكم كنت عايز اخد رايكم ... معاي لوجان 2016 من الزيرو و مش ماشيه كتير

كنت حابب اغير لحاجه الماني و بفكر في اسكودا اوكتافيا a5 2009 ... ولا جيتا برده 2009

ايه افضل في الاتنين عموما من حيث كل حاجه تقريبا

و لو بعت هحس بلفرق ال 8 سنين دول ولا هاندم اني غيرت فعلا.

شكراااا جداااا

[MADMIDO]

بص انا مع سكودا عشان متحسش بفرق قطع الغيار مع انه واحد بس حاجات الاسكودا ارحم عل ما اظن من الفولكس و مفيش فرق ال8 سنين لان اللوجان عربيه تكنولوجيا من 10 سنين في الرينو و الداشيا خدتها حطتها في اللوجان عشان تعمل عربيه اقتصاديه

[Mohamed PH]

يعني الاسكودا افضل .. انا معاك في كده حتي كمان اعلي من الجيتا عن الارض
و في رايك اغير اللوجان يعني ؟

[MADMIDO]

ههههههههههههه انا الصراحه مش مقتنع باللوجان من زمان عشان كان شكلها مش عاطفي خالص و والدي معاه اسكورت و عايز دي مكان دي و كنت مصتصعبها لكن لما الجديده نزلت عجبتني شكلها فخم بنت اللزينه بس ناقصه بقرشين ملح عشان تظبط الطبخه زي الكلاكس و السنتر و الازاز الكهربا متوزع بين باب السواق و التابلوه و الشنطه و فجاوي الكبوت و المشكله ان بره بينزل منها من غير معظم الكلام ده ومفيش حوار كلاكس في الدراع و الشنطه بتفتح بدراع و التانك برده لكن ان جيت للحق الاسكودا تستاهل افخم و الماني و معروف اصلها و فئه تانيه بس الاختلاف الي هتحسه انك هتنزل في الموديل مقابل الرفاهيه الي في اسكودا

[Mohamed PH]

فعلا والله معاك حق اللوجان الشكل القديم شكله مش ظريف بس الجديد مقبول نوعا ما يعني ... و الكماليات دي بدات واحده واخده اتعود عليها بس برده مخوق منها هههههههه ... الرفاهيه مطلوبه برده مفيش كلام و الاسكودا ممكن تعيش عن اللوجان
... طب معلش هي اسعار الاسكودا ايه ... و اجيب a5 ولا فانتازيا احسن ... و سمعت برده ان فتيس الاسكودا الاتوماتيك فيه مشاكل يااامه جدااا ... و بصراحه عايز ابعد عن كل يوم للصنايعيه
شكرا يا كبير والله

[MADMIDO]

الفتيس dsg و من الاستعمال الغلط بيبوظ و بيتغير كله انما الاوكتفيا او الفانتزيا دي ازواق و مركبش منهم عشان احكم و الاسعار ممكن تخش عل olx و تشوف و تختار الي ترتاح لها

[hamsik303025]

السكودا ثبات عالي مع ارتفاع عن الأرض مع كماليات لذيذة اعتمادية جداااااا و بتاعت فرهدة و مشي يومي كانت مع واحد صاحبي و كنت بحترمها لكن يعيبها عن الجيتا تقل تحت ال 100 لان علي ما أتذكر وزنها تقيل لكن الجيتا ف الحتة ديه هتكون اخف منها و اعتقد هتلم سرعة اسرع منها ف عموما من راي السكودا خلطة كويسه للشارع المصري و ربنا يكرمك لكل خير انشاالله

[Mohamed PH]

ربنا يباركلك يا بااااشا شكرااا جداا ... بس فتيس الاوكتافيا كله dsg ولا موديلات و موديلات علشان لو dsg هيبقي متعب جدااا

[MADMIDO]

من اول 2013كله dsg و الجيتا برده dsg بس الفتيس بيبوظ من السخونيه و الاستعمال الغلط بدون فرامل في النقالات و كده