النترا مانيوال ولا رينو سيمبول اتومتك

[eng.khater]

السلام عليكم
اتمني ان تشاركوني في هذا الاستفتاء بين النترا مانيوال ام الرينو سيمبول الاتومتك اوتمني ذكر سبب الاختيار

[mbisar]

الينو سيمبول محدش جربها لسه بس انا اخترتها بصراحه عشان دى فرنساوى و دى كورى وانا بصراحه مش بحب الكورى بس انا لو منك هجيب ميجان مستعمله استعمال نضيف افضل من الأتنين و كمان هتبقا ارخص منهم

[AshTurbo]

حضرتك عامل مقارنة صعبة ومحدش يقدر يفيدك كويس دلوقتي لأن الرينو سيمبول لسة نازلة من أسبوعين ومحدش عرف عيوبها ومدي أعتماديتها ولا قطع غيارها بينما الألنترا عربية ليها أحترامها في السوق وقطع غيارها معروفة وعيوبها ومميزاتها من الأكصدام للأكصدام معروفة فأنا حأظلم الرينو لو أخترت الألنترا دلوقتي لكن لو مصر أنا أنصحك بالألنترا والكوري دلوقتي بقى كويس مش وحش وبينافس في أمريكا زي الهيونداي والكيا العربيات دي عاملة شغل جامد في أمريكا بس فئات غير الفئات التعبانة اللي عندنا وعموما السيمبول تركي مش فرنساوي يعني جاية من تركيا ولن يقل بأي حال من الاحوال نسبة المكونات التركية فيها عن 40 % يعني مش فرنساوي وإلا كان سعرها بقى أغلى ... أستنى شهر 2 تكون الرينو سيمبول أتعرفت سواء عيوب أو مميزات وتكون الأسعار خفت شوية بأذن الله .

[midokorea]

مفيش احسن من الفرنساوي

[احمدعبدالعزيز]

الالنترا عربيه منتشره وحققت نجاح كبير

[HANGMAN]

انا اختارت رينو عشان اتوماتيك عشان البلد بتزحم يوم بعد يوم
بس علي فكرة هي تقفيل تركي و1400 cc
انا عجباني جدا سيمبول
1-الكونسول اللي في الوسط
2-اعدتها مريحة (طولي 185 )
3-الصالون جوة شيك

احد عيوبها زاراير الازاز اللي مبيان الكرسين مش هتحس بالعيب دة غير لما يكون عندك اطفال
ومفتاح تانك البنزين

بس لما جيت اشتري اشتريت النترا اتوماتيك

[sasam6]

السيمبول جمدا جدا وكفاية انها رينو

[bishoy02010]

ياباشا حضرتك مش محدد المقارنة من ناحية إيه
الشكل مثلا :- النترا فى رائى
الموتور والجرى :- النترا بدون منازع
فخامة :- انا شايف الألنترا
عيوب :- معرفش عيوب السيمبول بس الألنترا تكاد تكون معدومة العيوب
سعر :- انا شايف سعر الالنترا معقول قوى عليها ... سيمبول معرفش
توكيل :- سيمبول يكسب طبعا
إعادة بيع :- اعتقد النترا افضل
فرامل وثبات :- معرفش إيه اخبار السيمبول مع انى سمعت ان فراملها ضعيفة وواحد هنا فى المنتدى عمل حدثة بسبب فراملها بالنسبة للألنترا فرامل ممتازة وثبات رائع و ده لينك ممكن حضرتك تشوفة فيه تسارع العربية وانا كاتب نظام ثبتها كان إيه ( على فركة ديه كانت اوتوماتيك المانيول اسرع بكتير ) الرابط :- http://www.nilemotors.net/Nile/showthread.php?t=69660
ياريت ققدر اكون فدتك بمعلوماتى البسيطة ولو عندك أى استفسار فى الالنترا انا تحت امرك :)

[ashrafsadaany]

الاستاذ الفاضل البتكلم على الالنترا ميعرفش ان الانترا اصلأ لا تصلح لشوارعنا بسبب اخفضها الشديد وخاصتآ لو حملتها حمولة بسيطة ثانيآ الانترا فراملها سيئة جدآ لدرجة انها خارج التقييم الوربى فى مستوا الفرامل ودا تقدر تسآل فية اى حد ركبها وانا بتكلم على الخالية من Abs ثالثآ الخامات المستخدمة فى التبلوة فى السيمبول اجود كتيير من الالنترا قوة احتمال السيمبول لا تقارن اصلآ بلالنترا ودا تقدر تسآل عليية اى حد معاة كليو وهيا الشب القدييم وممكن تعرف حققيقة ضعف مكونات النترا من مالكيها الكثيير منهم انا اعرفهم ظهر لهم عيوب مثل تلف المساعديين الخلفية او مشاكل فى الكوبلن وغيير ذلك ودا ممكن تعرفو من التوكييل فى سيارات لم تتعدى 50 الف كيلو والى مهون المشاكل دى ان غالبية العربيات دى لسة فى الضمان فاصحبها لسة محسوش بلمشكلة

[bishoy02010]

الاستاذ الفاضل البتكلم على الالنترا ميعرفش ان الانترا اصلأ لا تصلح لشوارعنا بسبب اخفضها الشديد وخاصتآ لو حملتها حمولة بسيطة ظهر لهم عيوب مثل تلف المساعديين الخلفية او مشاكل فى الكوبلن وغيير ذلك ودا ممكن تعرفو من التوكييل فى سيارات لم تتعدى 50 الف كيلو والى مهون المشاكل دى ان غالبية العربيات دى لسة فى الضمان فاصحبها لسة محسوش بلمشكلة

طبعا ومبدئيا واضح ان حضرتك متحيز جدا للسيمبول وحضرتك لسة مشتري سيمبول جديد فالأول الف مبروك على العربية وربنا يديك خيرها ويكفيك شرها

طبعا انا معاك فى نقطة ان الألنترا بتحك فى المطبات مع الحمولة عشان المسافى بين قاعدة العجلات كبيرة بس حلها بسيط يعنى شوية تعود انك تاخد المطبات بجنب وانا واحد من الناس النقطة ديه مش عاملة مشكلة معايا وانا سايق الالنترا :) وفيه عربياااااات كتير قوى واطية ويمكن اكتر والناس بتحبها وبتفضلها زى الهوندا سيفيك ف ده مش مقياس ديه اول حاجة

ثانيآ الانترا فراملها سيئة جدآ لدرجة انها خارج التقييم الوربى فى مستوا الفرامل ودا تقدر تسآل فية اى حد ركبها وانا بتكلم على الخالية من Abs اعرفهم

مع احترامى الكامل لكلامك حضرتك فإسمحلى اختلف معاك 180 درجة

فرامل الالنترا ممتازة بمعنى كلمة ممتازة وانا بردة بتكلم على الفاضية من غير ال ABS وعايز ققول لحضرتك الكلام ده كلة عن تجربة أكتر من سواقة النترا 3000 كيلو متر
وتجربتها على سرعات عالية جدااااا وكانت فعلا ممتازة

بالنسبة للسيمبول زى مقلت حضرتك انا معرفش فراملها عاملة إزاى بس على كلام عضو فى المنتدى هنا أكيد حضرتك شوفت الموضوع اللى كان عاملة انة بيسوق من مدة طويلة جداااا وبيقول ان الفرامل والله اعلم كانت السبب وملمتش العربية

ثالثآ الخامات المستخدمة فى التبلوة فى السيمبول اجود كتيير من الالنترا قوة احتمال السيمبول لا تقارن اصلآ بلالنترا ودا تقدر تسآل عليية اى حد معاة كليو وهيا الشب القدييم وممكن تعرف حققيقة ضعف مكونات النترا من مالكيها الكثيير منهم انا

انا مشفتش خامات طابلوه السيمبول من جوة بس شكل الطابلوة مش من العربيات اللى تلفت النظر وركبت كليو كتير جدااا وشكل الطابلوة وخاماتة انا شايفها عادية جداااا وشكل الطابلوة غير ملفت نهائى يعنى ... بالنسبة لطبلوه الالنترا فدة مش رائى انا وبس ده رائى ناس كتير قوى من أشيك الأشكال فى الدنيا تحفة ( طبعا ديه وجهات نظر بردة ) وحاولت ادور على صور الطابلوة ياريت يكون هوة ده


رينوه سيمبول ياريت تكون هيا ديه لأنى دورت على النت ومعرفش شكلها على الحقيقة



وهيونداى النترا


نسيب الناس تحكم وفى الأخر ديه أذواق بردة

ظهر لهم عيوب مثل تلف المساعديين الخلفية او مشاكل فى الكوبلن وغيير ذلك ودا ممكن تعرفو من التوكييل فى سيارات لم تتعدى 50 الف كيلو والى مهون المشاكل دى ان غالبية العربيات دى لسة فى الضمان فاصحبها لسة محسوش بلمشكلة

بالنسبة للنقطة ديه فأنا عن نفسى مشوفتش العيوب ديه بالرغم ان فيه كذا حد فى المنتدى عدواا بعربياتهم ال 50 الف ومحدش فى المنتدى كلة أشتكى من عيوب نهائى وعمتا العيوب اللى ذكرتها بسيطة قوى واتعاجت فى الضمان والحاجة الجميلة واللى تفرح ان الضمان بقى 100 الف كيلو ( على العفشة كلها بالمساعدين و الفتيس والموتور ) وأعتقد هما لو شافوا ان فيه اى مشاكل فى العربية مكانوش هيعملوا ضمان 100 الف وكمان بأثر رجعى وده بيأكد كلامى

غير كدة السيمبول لسة مشفنهاش بعد ال 50 الف ولا إيه !!!

و فى الأخر طبعا إختلاف الرأى لا يفسد للود قضية ولازم يكون فى اختلاف فى وجهات النظر وسعيد بمعرفتك

[ashrafsadaany]

بشكر حضرتك على اسلوبك الراقى فى المناقشة والاختلاف فى الرأى بشكل ينم على زوق عالى ولاكن انا كنت عامل المقارنة دى فعلآ لأنى كنت ناوى اشترى الالنترا فعلأ بس انا فعلآ اكتر حاجة ممكن تحسسنى بلعجز هى انى الائى العربية داخلا على مطب ومشعارف اروح منو فيين او ادخل فى شارع ضيق ويكون فى غطاء بلاعة مقلوب مثلآ واقعد اتشاهد وانا معدى عليية اما بلنسبة لصورة التابلوة فدا بتاع الكليو القديم اما السيمبول اشك كتيير هحاول ارفع صورتة لاكن انا بتكلم عن جودة الخامات مش التصمييم الى الالنترا بتتفوق فية ودا يرجع للزوق الفرامل بتاعة الانترا سيئة وانا بتكلم عن تقييم اوربى وليس تقييم شخصى بجانب تقييم 3 من اصدقائى ركبنها لكن السيمبول هيا الكليو فى غلبية المكونات مع تعديل فى الشكل وبعض التطوير البسيط {http://www.fannat.com/ItemProperties.aspx?itemID=1729}

[bishoy02010]

بشكر حضرتك على اسلوبك الراقى فى المناقشة والاختلاف فى الرأى بشكل ينم على زوق عالى ولاكن انا كنت عامل المقارنة دى فعلآ لأنى كنت ناوى اشترى الالنترا فعلأ بس انا فعلآ اكتر حاجة ممكن تحسسنى بلعجز هى انى الائى العربية داخلا على مطب ومشعارف اروح منو فيين او ادخل فى شارع ضيق ويكون فى غطاء بلاعة مقلوب مثلآ واقعد اتشاهد وانا معدى عليية اما بلنسبة لصورة التابلوة فدا بتاع الكليو القديم اما السيمبول اشك كتيير هحاول ارفع صورتة لاكن انا بتكلم عن جودة الخامات مش التصمييم الى الالنترا بتتفوق فية ودا يرجع للزوق الفرامل بتاعة الانترا سيئة وانا بتكلم عن تقييم اوربى وليس تقييم شخصى بجانب تقييم 3 من اصدقائى ركبنها لكن السيمبول هيا الكليو فى غلبية المكونات مع تعديل فى الشكل وبعض التطوير البسيط {http://www.fannat.com/ItemProperties.aspx?itemID=1729}

أولا انا بجد اللى بشكرك على اسلوبك الراقى ياريت كل المناقشات تكون بالطريقة ديه فى المنتدى وبجد ربنا يباركلك فى العربية وعقبال متعمل بيها صيانة المليووووون :) وفعلا معاك حق فى الخامات المستخدمة فى الطابلوة باين فى الصور اللى بعتها ان الخامات أفضل طبعا وشكلة حلو بردة بس لسة الالنترا الطابلوه يكسب بس انا مكنتش بركزو قوى للخامات طالما الخامات معقولة ومديانى شكل شيك قوى ( هيا هتفرق فى إيه ده سؤال على جنب كدة عايز اعرفة ) يعنى معتقدش ان فيه حاجة بتقشر وكدة وكلة تمام بردة

وفعلا عندك حق فى الموضوع بتاع المطبات بس يمكن عشان انا عمرى متعودت أركب عربية عالية متخبطش فى المطبات الجميلة بتاعتنا ههههههههه

بردة الفرامل أختلف معاك تانى فيها
بص حضرتك اللينك ده

http://www.nilemotors.net/Nile/showthread.php?t=69660

انا بعد مخلص دوست فرامل جامدة سنة وان مكنتش ببالغ وصلت سرعة 100 فى حوالى 4 او 5 ثوانى فده اللى بيخلينى ققول الفرامل ممتازة بغض النظر عن انها مش ABS طبعا

بالنسبة لفرامل السيمبول فنا مجربتهاش فطبعا متنساش تسيبلى لفة بقى ههههههههههههه وبجد مبروك على العربية :k10:

[sheeko00]

انا رايى ولا دى ولا دى مع احترامى للعربييتين ووجهات نظر الاعضاء بس انا بقول تبص على كيا سيراتو ونيسان صنى وقولى رايك