الي خبراء المحركات الفاهمين بجد

[MEDO84EG]

السلام عليكم و رحمه الله و بركاته
اخواني الاعزاء
طبعا من فضل الله اشتريت بيجو 305 موديل 79
و اكيد هتكون محتاجه تظبيط
و لان خبرتي تحت الصفر قلت اسالكم تلحقوني قبل ما الصنايعيه يشتغلوني

1-انا كنت سمعت من صاحب العربيه الاول ان الموتور خفيف شويه و ده اللي اكدهوله واحد تاني دئرم في السيارات السؤال دلوقتي منين اعرف انها محتاجه طقم شنبر و لا عمره كامله ؟ ياريت تفهموني





2-حاسس ان الدريكسيون تقيل حبتين تفتكرا ايه السبب ؟ هل ممكن علبه الدريكسيون ؟ و لا ايه

و في الختام لكم مني كل الشكر

[MEDO84EG]

اين الردود

[pro_samir]

الميكانيكي بيعرفها من صوت الموتور لو خشن وفي تخبيط يبقي عمره كامله

بس عموما هي عامله زي البطيخه يعني لما يفكه هيقولك ان كانت شنبر بس ولا عمره كامله .. فانت اعمل حسابك علي عمره كامله تحسبا لأسوء الأحوال

خد جوله في المنتدي علشان يبقي عندك فكره عن أجزاء الموتور ويعني إيه عمره وشنبر وبيتعمل فيها إيه علشان تبقي فاهم

بالنسبه للدركسيون اتأكد من ظبط الهوا في الكاوتش و اغسل العربيه غسله حلوه من تحت وشحمها لو فيها مشاحم في البيض أو غيره في البنزينه لأن المغاسل الخاصه معندهمش تشحيم ، وبرضو خلي عفشجي يبصلك عليها غالبا لو هي سكاترا هتكون عايزه تشحيم وكده

و ربنا يباركلك فيها

[MEDO84EG]

الميكانيكي بيعرفها من صوت الموتور لو خشن وفي تخبيط يبقي عمره كامله

بس عموما هي عامله زي البطيخه يعني لما يفكه هيقولك ان كانت شنبر بس ولا عمره كامله .. فانت اعمل حسابك علي عمره كامله تحسبا لأسوء الأحوال

خد جوله في المنتدي علشان يبقي عندك فكره عن أجزاء الموتور ويعني إيه عمره وشنبر وبيتعمل فيها إيه علشان تبقي فاهم

بالنسبه للدركسيون اتأكد من ظبط الهوا في الكاوتش و اغسل العربيه غسله حلوه من تحت وشحمها لو فيها مشاحم في البيض أو غيره في البنزينه لأن المغاسل الخاصه معندهمش تشحيم ، وبرضو خلي عفشجي يبصلك عليها غالبا لو هي سكاترا هتكون عايزه تشحيم وكده

و ربنا يباركلك فيها

جزاكم الله خيرا يا اخي
و انا ان شاء الله اول حاجه اعملها
1-هغسل العربيه غسله تمام و اشوف لو فيها مشاحم اخليهم يشحموها
2-هروح لميكانيكي امين ( بس يا رب الاقيه الاول ) و اخليه يشوف ايه اخبار الموتور
بس ليا استفسار كمان
لو الموتور مثلا محتاج طقم شنبر بس او جوان وش سيلندر و انا مشيت علي العربيه كده شويه هل العيب ممكن يكبر و لا لا و هيفضل زي ما هو ؟
و يا ريت الاخوة الزملاء يشاركونا و ميبخلوش علينا بخبراتهم

[pro_samir]

و انا ان شاء الله اول حاجه اعملها
1-هغسل العربيه غسله تمام و اشوف لو فيها مشاحم اخليهم يشحموها
2-هروح لميكانيكي امين ( بس يا رب الاقيه الاول ) و اخليه يشوف ايه اخبار الموتور
بس ليا استفسار كمان
لو الموتور مثلا محتاج طقم شنبر بس او جوان وش سيلندر و انا مشيت علي العربيه كده شويه هل العيب ممكن يكبر و لا لا و هيفضل زي ما هو ؟

هو مش هيكبر ان شاء الله بس راعي العربيه يعني متقرصش عليها و تابع الزيت والمياه باستمرار لو في نقص تزوده .. ولو بتاكل زيت قوي ممكن تحط زيت تقيل شويه لحد ما تعملها ان شاء الله

إلا لو كانت وصلت لمرحله جامده ان البوجيهات بتعرق زيت كتير و تفصل هتقرفك ..

ولو الجوان ضارب خالص وبتجيب ميه علي زيت كتير يبقي الأفضل تعمله دلوقتي علي الأقل

و اعملها شوية السيرفيس لأن متعرفش حالتها ايه من قبل كده ، يعني غير زيت الموتور والفتيس و الكارونه لو هي دفع خلفي ، وغير سير الكاتينه والدينامو .. شيك علي العفشه كلها علشان لو في حاجه خطر لاقدر الله متعملش معاك مشكله .. اعرف فيها ايه يعني علشان تطمن علي الأقل

[MEDO84EG]

جزاكم الله كل خير هجرب و اقولك عملت ايه
يا رب يبقي الموضوع بسيط

[MEDO84EG]

اين الخبراء

[benmatar]

السلام عليكم،،، بعد التحية،،، أولا مبروك لاختيارك الأسد الفرنسي بصراحة عربية كفاءة بجميع الموديلات بس بشروط لازم حضرتك تعرفها كويس أولا قطع الغيار اللي بتركبها لازم تكون أصلي ومتسرخصش بالذات في الميكانيكا، ثانيا وهو أمر هام يغفل عنه كثير ألا وهو الميكانيكي المعتمد لازم يكون متخصص بيجو طبعا مش توكيل ولا مركز صيانة بس متخصص بيجو، المهم دون أن أطيل عليك في أكثر من واحد عندهم خبرة في ميكانيكا البيجو بس حسب علمي وتعاملاتي لأن عندي أنا كمان بيجو أنصحك بواحد يتميز بالأمانة مع الخبرة هو اسمه حامد في امبابة خلف مستشفى الحميات على الكورنيش وجنبه محل قطع غيار بيجو معروف اسمه الكومي، وعندك واحد الناس بتشكر فيه اسمه الحاج محمد في جسر السويس جنب محطة بنزين التعاون، وأكيد في غيرهم.. أرجو أكون نفعتك وربنا يوفقك

[MEDO84EG]

السلام عليكم،،، بعد التحية،،، أولا مبروك لاختيارك الأسد الفرنسي بصراحة عربية كفاءة بجميع الموديلات بس بشروط لازم حضرتك تعرفها كويس أولا قطع الغيار اللي بتركبها لازم تكون أصلي ومتسرخصش بالذات في الميكانيكا، ثانيا وهو أمر هام يغفل عنه كثير ألا وهو الميكانيكي المعتمد لازم يكون متخصص بيجو طبعا مش توكيل ولا مركز صيانة بس متخصص بيجو، المهم دون أن أطيل عليك في أكثر من واحد عندهم خبرة في ميكانيكا البيجو بس حسب علمي وتعاملاتي لأن عندي أنا كمان بيجو أنصحك بواحد يتميز بالأمانة مع الخبرة هو اسمه حامد في امبابة خلف مستشفى الحميات على الكورنيش وجنبه محل قطع غيار بيجو معروف اسمه الكومي، وعندك واحد الناس بتشكر فيه اسمه الحاج محمد في جسر السويس جنب محطة بنزين التعاون، وأكيد في غيرهم.. أرجو أكون نفعتك وربنا يوفقك

و الله حضرتك احرجتني بزوقك
انا سعيد جدا علي المساعده دي
بس انا في الهرم متعرفليش حد في الهرم
و يا تري حضرتك معاك 305 بردو ؟
يا ريت يكون 305 علشان نتبادل الخبره

[MEDO84EG]

و الله حضرتك احرجتني بزوقك
انا سعيد جدا علي المساعده دي
بس انا في الهرم متعرفليش حد في الهرم
و يا تري حضرتك معاك 305 بردو ؟
يا ريت يكون 305 علشان نتبادل الخبره

انا اسف و الله مخدتش بالي من ال 406