ما هو الأستهلاك الطبيعى للوقود

[ibnelfared]

سيارتى لادا 2107 موتورها 1600 ماهو الأستهلاك الطبيعى للوقود لأنى بفول كل أسبوع 45 لتر ومشوارى اليومى 3 كيلوا رايح جاى .

أيه الحل

[lad]

يعنى 3 كيلو فى سبع ايام يساوى 21 كيلو فى الاسبوع ؟

[ibnelfared]

يعنى 3 كيلو فى سبع ايام يساوى 21 كيلو فى الاسبوع ؟

يعنى كويس ولا وحش ؟؟؟
أنا جارى عربيتة 1800 وبيفول كل 25 يوم وبيروح مسافات أكبر منى

[ramy_gamal]

دى بتنصف البنزين اكيد فى حاجه بتسرب او الكربراتير بايظ

[tarek2011]

21km =45litr
اكيد انت كاتب حاجه غلط
وحتى لو210km

[lameey]

اكيد فيه تسريب بنزين ركز على ريحة البنزين فيه ريحه والعربيه واقفه او العربيه ماشيه

[hassanin_lada]

ايوه ركز مع خرطوم البنزين من او مايطلع من التنك عشان ممكن يكون مقطوع من عند القفيس لغايه المتور لو فيش اي تسريب في الخرطوم يبقي اكس وشباك..لان الاستهلاك بتاع البنزين تقريبا 210 علي الطريق و 180 في البلد وانشألله خير

[_hema]

سيارتى لادا 2107 موتورها 1600 ماهو الأستهلاك الطبيعى للوقود لأنى بفول كل أسبوع 45 لتر ومشوارى اليومى 3 كيلوا رايح جاى .

أيه الحل

اخى الكريم
السلام عليكم ورحمه الله وبركاته

دى وصفه مجربه لآستهلاك البنزين معى شخصيا وهيه طريقه دائماً اتبعها عن قياس استهلاك السياره للبنزين

سواءا كانت العربيه اوتو او عادى فيتم حساب استهلاك البنزين طبقا للموضح بعد

اولا:
فول عربيتك لحد الزور ( يعنى اما عينك تشوف البنزين) مش اول ماالمسدس يفصل الواد بتاع المحطه يقولك كدا فولت ( لان العربيه بتاخد تقريباً 3 او 4 لتر بعد فصل المسدس. وطبعاً حضرتك تكون جايب مصفر عداد الرحلات

ثانياً:
تشمى فى طريق سريع بسرعه ثابته وهى (90) كم بدون تكيف لمسافه 100 كم او 150 او200 حسب طول المسافه.

ثالثاً:
تدخل اقرب محطه بنزين وتفول زى اول مره لغايه الزور وتشوف العربيه خدت كام لتر تقسموا على المسافه يطلع استهلاك السياره بالضبط

بعد ما تشوف العربيه خدت كام لتر تقسموا على المسافه يطلع استهلاك السياره بالضبط

*اضرب الناتج الى طلع ×20 ( اى الصفحيه) يطلع العربيه بتعمل كام كيلو متر فى الـ 20 لتر ( اى الصفيحه)

مثال على ذلك

لو انت مشيت 200 كيلو متر وحطيت بنزين 15 لتر يكون 15/200 =13.33 كم

اى ان اللتر الواحد عمل 13.33 كم تقريباً

نضرب الـ 13.33× 20 لتر بنزين ( الصفيحه) = 266.67 كم تقريباً

اى ان الـ 20 لتر ( الصفيحه ) تعمل 266 كيلو متر تقريباً

اما داخل البلد فانه لايمكن باى حال من الاحوال حساب ذلك بدقه

لان الاماكن التى يتم السير فيها مختلفه من ناحيه السرعه والزحام الموجود فيها ولاكن احنا بنحسبها بالتقريب وكما داخل فيها تشغيل التكيف

ارجو ان اكون افدت حضرتك

ولك كل الشكر

وجرب واحيكلى

مع تحياتى