بعض التساؤلات حول موتور السيارة

[MohammedAladel]

لما آجى أغير زيت للعربية فيه نوعين للتغيير شفط وتغيير عادى بفك الطبة بتاعت الزيت أكيد فك الطبة أفضل ؟ ولكن هل للشفط أضرار ؟ وهل بيسحب كل الزيت الموجود بالمحرك من غير ما يضره ؟ وانا بالنسبة لعربيتى ميجان 2007 عضو نصحنى بإنى لما أغير أحط 5 كيلو بالفلتر و5 إلا ربع لو مش هغير الفلتر إيه السبب ؟ وقالى كمان أن لو غيرت 5 كيلو من غير الفلتر العربية هتجيب سى أويل ما هو السى أويل ؟ وليه ممكن يحصل كدا ؟وهل خطر لو زودت الزيت عن الحد المسموح بيه فى أى عربية ؟ أنا غيرت زيت 10000 كيلو كوارتز توتال هل أسيبه لحد ما تخلص ال 10000 كيلو ؟ ولا أغير قبل الميعاد ؟ ولما أغير لازم المحرك يبقى بارد جدا ولا عادى والعربية سخنة بس مش سخنة قوى يعنى ؟ بالنسبة لفلتر الهوا وفلتر البنزين أمتى أحس انهم محتاجين تغيير ؟ والبوجيهات إعرف أزاى ان كفائتها قلت ؟ أنا عربيتى مصممة لبنزين 92 وانا بحطلها 90 لأن عندنا فى المنيا مفيش بنزين أزمة فظيعة كله سوق سودا والحكومة نايمة وكمان ممكن أحطلها 80 إيه تأثير دا ع الموتور ؟

[MohammedAladel]

؟؟؟؟؟؟؟؟؟؟؟؟؟؟؟؟

[truss]

أولاً شفط الزيت من المحرك ليس له اى اضرار و على فكرة دى طريقة معتمدة فى كثير من مراكز الصيانة المحترمة عند تغيير الزيت.

وبالنسبة لتغيير الزيت اذا لم يتم تغيير الفلتر يتم و ضع كمية اقل من الزيت بحوالى ربع لتر ,ليه؟ لأن حضرتك لو نزلت الزيت و ما فكيتش الفلتر هيكون فى كمية زيت محجوزة بداخله , عشان كدة بنحط زيت اقل ربع لتر لو مغيرناش الفلتر , و على ما اعتقد الميجان فعلاً سعة خزان الزيت حوالى 5 لتر.

المشكلة ان لو الزيت زاد عن الحد ( يعنى زودت كمية الزيت كلها من غير ما تغير الفلتر مثلا) الزيت ممكن يعلى و يخبط فى عمود الكرنك و مع السخونة ممكن يؤدى الى فورانه و زيادة استهلاك الزيت بدون داعى , و مش عارف بصراحة اذا كان فى خطورة على اويل سيل الكرنك زى ما العضو قاللك ولا لأ.

زيت توتال كوارتز 10000 ممكن يقعد ل 10000 كيلو بدون مشاكل الفكرة انه يستحسن تغيير الزيد قبل ميعاده فى ظروف القيادة الشاقة و حرارة الصيف , و عند تغيير الزيت مش مشكلة ان العربية تكون سخنة بالعكس ده هيزود سريان الزيت و يسهل نزوله من الطبة.

فلتر الهواء نضفه بهواء مضغوط كل 10000 كم (خلى اللى بيغيرلك زيت ينضفهولك) و غيره فى ميعاده حسب كتالوج الصيانة و كذلك البوجيهات.

بنزين 90 مفيش فرق كبير بينه و بين 92 , بس لا يستحسن 80 فى المواتير الجديدة لأنه ممكن يخلى الموتور "يسقف" و دة له اضرار على المدى الطويل طبعاً مع انخفاض اداء السيارة , و كدة كدة البنزين الوجود فى البلد معظمه مغشوش :)

[hugan]

عن نفسي افضل الطريقه التقليديه
فك الطبه اسفل الموتور
لان اندفاع الزيت الي الاسفل وبقوه بينزل بالرواسب والاوساخ الموجوده داخل الموتور
اما الشفط ممكن شويه يتركنو كده ولا كده ولان الشفط بيكون في نقطه واحده

[MohammedAladel]

شكرا جدا لحضراتكم بس السؤال بقى هو بيشفط منين ؟ من مقياس الزيت ولا من فوق من المكان اللى بتكب منه الزيت تانى ؟

[hugan]

من مقاس الزيت

[aboo_aead]

من الطبه افضل .......