عيال كتبوا لي على كبوت العربيه

[age]

كنت راكن عربيتي تحت بيت والدي لمده ساعه نزلت لاقيت حد كاتب لي على العربيه على الكبوت مش عارف عامل الكلام ده بايه بس هو مش حافر جامد الكلام ده من شهر
ومن يومين العربيه في الجراج طالع بيها الصبح لقيت خربشه جامده عل الكبوت هو في كلاب صغيره في الجراج مش عارف هي اللي عمله كده ولا ايه
ايه الحل في الخدوش والخرابيش دي مش عايز ارش الكبوت علشان لو حبيت ابيع العربيه
في حل ليها يا ريت تساعدوني

[Ahmed Nasser]

احمد ربنا انها خرابيش بس

انا بقى كان فى شوية عيال بيتبادلو الشتائم بالكتابة على الكبوت
دلوقتى الكبوت مش متخربش بس لأ دا مكتوب شتيمة والة ادب
وفى الآخر كدة واحد راح كاتب ( ........... بتاع الملاكى )
يعنى بعد ماشتموا بعض براحتهم جابونى فى النص

[tarek_2005]

العيال قعدوا فوق الكبوت ولعبوا استغماية عليه وشالولي البوية من علي الصاج

( الي يشوف بلوة غيره تهون عليه بلوته )

واخيراً الحمد لله

[mostafa mahmod]

لو خرابيش بسيطه استخدك كومباوند لو بوليش اسمه ميدو بتجيبه من اى موان و تعمل بيه مكان الخرابيش هيظبطهالك

[age]

انا لو شفت واحد بيعمل كده في عربيتي او عربيه اي واحد حمسح بكرامته الارض

[zakar0tta]

عارف لما تدي لعيل صغير عنده سنتين قلم وورقه وتسيبة 10 دقايق بيحصل إيه.............
هو دة حاليا اللي موجود علي كبوت عربيتي. الحمد لله

وعلشان مانبعدش عن الموضوع أنا سالت عن طريقة العلاج وكان الرد زي ما قال الأخ ساسا بوليش ماركة ميدو بس انا لسه ماجربتوش لكن بعد ما الموضوع ده هجربة ان شاء الله والسعر في حدود 6 جنيه علي حسب ما سمعت برده.

[moko_2004]

المشكلة انهم بيتفننو باستخدام اخر الأختراعات للخرشة واخرها الخربشة بالجنية الفضة عشان متاح للجميع

[age]

شكرا على الرد
4