كيف ممكن عجلة العربية تطير والعربية ماشية

[mummy_47]

انا لقيت ان الموضوع ده محدش بيأخذ باله منه كتير وربنا يستر علينا كلنا...لكن انا من كذا يوم شفت المنظر ده..عربية مرسيدس موديل قديم وطارت منها العجلة مش عارف الامامية ولا الخلفية لكن كانت السيارة بطيئة ومحصلش حاجة للسائق والحمدالله..لكن اتحكالي من ناس اعرفهم ومن مشاهدتاتهم ان الموضوع ده خطير جدا وبيقلب العربية لو السرعة عالية وكانت العجلة الامامية..ناهيك عن اخلال التوازن وطبعا حادثة لا قدر الله....انا بتسال ..ازاي ممكن اي عجلة تفك من العربية بالرغم من انه متقرط علي المسامير كويس ومعتقدش ان اي بتاع كوتش ممكن يهمل في هذا الموضوع حتى لو قاصد.ثم ازاي وانا ماشي بالعربية اشعر بذلك...وهل لازم كل يوم اتاكد ان المسامير مربوطة كويس... وفي انتظار ارائكم القيمة
.واتمنى لكم السلامه والعافية باذن الله

[samirayad]

انا بتسال ..ازاي ممكن اي عجلة تفك من العربية بالرغم من انه متقرط علي المسامير كويس

دى من أهم الأسباب اللى ممكن تعمل الحاله دى .......حيث أن الرباط القاسى المتكرر على مسامير تجميع الفرده على الطنبوره الخاصه بها بيولد أجهادات كبيره على المسامير .....وقد تنكسر المسامير أو تملص من الطنبوره مع التكرار بالرباط ذو عزم الرباط الكبير والزائد عن اللازم .....لأن كل مسمار وليه عزم رباطه وحدوده فى الرباط ......ويجب أن لانصل الى النقط الحرجه فى عزوم رباط المسامير

[Samir Elshahawy]

دى من أهم الأسباب اللى ممكن تعمل الحاله دى .......حيث أن الرباط القاسى المتكرر على مسامير تجميع الفرده على الطنبوره الخاصه بها بيولد أجهادات كبيره على المسامير .....وقد تنكسر المسامير أو تملص من الطنبوره مع التكرار بالرباط ذو عزم الرباط الكبير والزائد عن اللازم .....لأن كل مسمار وليه عزم رباطه وحدوده فى الرباط ......ويجب أن لانصل الى النقط الحرجه فى عزوم رباط المسامير

كمان لو الرباط مش متساوي علي المسامير ممكن يسبب أجهاد زائد علي احد المسامير و يتقطم و بالتالي يصبح الحمل موزع علي 3 مسامير بدل 4 و عندها تبدأ سلسلة قطم المسامير واحد ورا التاني لحد ما العجلة تفك بس ده بيأخد وقت شوية مش فوري

انا شخصيا بعمل فحص للاطارات كل أسبوع أو قبل كل سفرية و من ضمنها التاكد من الرباط خاصة بعد مشكلة حدثت مع زميل لي أثناء سفره ووجد ال 4 عجلات مساميرهم مهوية لولا ستر ربنا كان حصل ما لا يحمد عقباه

[mummy_47]

دى من أهم الأسباب اللى ممكن تعمل الحاله دى .......حيث أن الرباط القاسى المتكرر على مسامير تجميع الفرده على الطنبوره الخاصه بها بيولد أجهادات كبيره على المسامير .....وقد تنكسر المسامير أو تملص من الطنبوره مع التكرار بالرباط ذو عزم الرباط الكبير والزائد عن اللازم .....لأن كل مسمار وليه عزم رباطه وحدوده فى الرباط ......ويجب أن لانصل الى النقط الحرجه فى عزوم رباط المسامير

حضرتك كده عقدتها اكثر...يعني هو الراجل بتاع الكوتش عارف الكلام ده..وازاي اتاكد ان الربط مظبوط ومتساوي على كل المسامير؟؟

[Ashraf_Ashraf]

والله حصلى نفس الموضوع بسبب اهمال بتاع الكاوتش فى التقريط على المسامير والحمد الله انى كنت على سرعه بطيئه فجاه لقيت العربيه بتقع من ورا ولقيت العجله بتسبق العربيه ربنا مايورى حد الخضه واللى حصل ان المسامير اتكسرت وبوظت مكانها فى سره العجله ومن يومها قررت مهما كان مين اتاكد انا بنفسى من ربط العجل
ربنا يسترها علينا جميعا

[samirayad]

حضرتك كده عقدتها اكثر

ياعنى أيه عقدتها .....ما أنا بأقولك على التحليل الهندسى المقبول والخاص بخصائص المعادن عامة

يعني هو الراجل بتاع الكوتش عارف الكلام ده..

طيب ماتتابعه .....ومتخليهوش يطلع على المفتاح ويجيب الجيران معاه فوق المفتاح .....دا حتى فيه ناس بتقعد تربط وتحرق .....ويمكن تكون عاوزه تخرم الجنط

وازاي اتاكد ان الربط مظبوط ومتساوي على كل المسامير؟؟

الحاجات دى ليها عزومها وحدودها المعقوله وطرق رباطها (طريقة الصليبه ) وعندنا علشان معندناش غير الصليبه بنربط ......بالعقل .....وأنا ماشوفتش حد عندنا (وأنا منهم ) بيلتزم بعزم الرباط المقنن ......ولكننا ماشين بالبركه ( وزى ماقولتك ) [gdwl]توزيع حمل الرباط يبقى بقوة يد شبه متساويه ( بدون التحريق عن الازم ).[/gdwl].................................................. .................... ومن الآخر يجب أن نعقلها ونتوكل ............

[abzoabzo]

على فكرة عدد المسامير مبيبقاش كامل وفكك من الاجهاد
احنا شعب الفهلوة يعنى لازم تسمع صوت المسمار بيعيط فى ودانك

وبقالنا على الحال ده اكتر من سنين
الاجهاد ده للدول اللى بتفهم فلتحيا مصر واحنا فى دهيييييييييييييييييييييييييييييييييييييييييييييييي ييية

[ahmed_su]

وكمان عكس كده بيحصل كنت بلحم ثقب فى كوتش عربيتى السابقة

وتمام .... ركب يابنى ومشيت وحسيت بان العربيىة بترقص زى البطة

وصوت تك ...تك... وبيزيد سرعته مع زيادة سرعة العربية زى صوت
الزلط فى الكوتش بس معدنى ركنت ..ولقيت العجلة الخلفية فضلها سنة
قلوظ من كل مسمار وتطير ... سجدت لله شكرا وقرطت على المسامير

لان البيه اللى ماعندوش ضمير اكتفى بربط المسامير بأيده وانا كنت

بحاسب صاحب الورشة على لحام الكوتش.

[zocor742]

لان البيه اللى ماعندوش ضمير اكتفى بربط المسامير بأيده

لدرجادى فى ناس معندهاش اهمية بأرواح الناس دة كأنة لاقدر الله بينتقم والله لو منك كنت روحت حطيتة تحت عجل العربية

[swimmer25]

تخيلوا بقي لما تطلع من التوكيل والمفروض انهم كانوا بيعملولك كشف علي الطنابير وبالصدفة البحتة ترجع من ابو رواش لعباس العقاد عشان ترصص فردة كنت لحمتها قبل كده وكانت بتعمل رجة في العربية ويغلط الفني اللي في الورشة ويفكلك الفردة اليمين اللي مفيهاش شغل ترصيص ويقولك دي العجلة مفكوكة هو العامل بعد اما لحمها مربطهاش كويس
انا ساعتها تنحت يعني طلعت من التوكيل ومشيت علي الصحراوي والمحور واكتوبر والفردة مفكوكة
قلتله انت بتتكلم بجد قالي اه
قلتله مش دي اللي عايزة تترصص دي الشمال وانا كان نفسي ارجع المشوار ده كله افرغ رشاش في رؤوس كل العاملين اللي في التوكيل وكل عامل او موظف او اي حد لا يتقن عمله

سبحان الله هو القوي الجبار

"إن الله يحب إذا عمل أحدكم عملا أن يتقنه"

[A.Saad]

يعنى ايه عزم ربط
وهل فيه طريقة لقياسه

[kareembelal]

حصل الموقف ده ما اخويا وفعلا بتاع العفشه ترك امر الرباط للصبي بتاعه والصبي طفل صغير ربط المسامير اي كلام

وما فيش كيلو واحد وفي ملف فيه زحمة مرور الاربع عجلات اتفقوا انهم يسيبوا العربيه في وقت واحد ويترموا جمبها

ودا ستر من عند ربنا انها حصلت في الوقت ده

وطبعا ميكانيكي العفشه اخد حقه تهزيق

لكن نصيحه وانت جمب بتاع الكاوتش او العفشجي تأكد بنفسك وهو بيربط المسامير ان كل مسمار بيتربط باليد اولا وبسهولة وكده سن المسمار يكون ماشي في الفراغات بالطريقه الصحيحه ومش واخد سنه غلط ويبوظ

ثانيا تأكد بنفسك انه تم ربط المسمار بعد كده والتجميع عليهم والعربيه مرفوعه لتتأكد من تمام التعشيق

وبيكون الربط متوزع علي الاربع مسامير بالتساوي يعني التجميع يكون مع بعض

ثالثا بعد نزول العربيه من الرفع تأكد انه شد علي المسامير الربط اللائق وبلاش الوقوف بالقدم علي المفتاح لانها مش اخر مره هاتحل فيها العجله

وربنا يستر

[samirayad]

يعنى ايه عزم ربط

فى لغة الهندسه ...العزم = القوه x زراعها .....وبيقاس بالنيوتن متر أو بوحدات ثانيه بنفس المضمون ......ولو حبينا نشبه الحاله ....لو جبت واحد عضلات وماسك مفتاح وبيربط بيه العجله.......حيديك عزم رباط عن واحد ضعيف بيربط العجله بنفس المفتاح .............وبرضه لو ثبتنا الشخص اللى حيربط بنفس قوته ....وربط بمفتاح طويل حيديك عزم رباط أكبر من مايربط بمفتاح أأقصر [QUOTE][وهل فيه طريقة لقياسه/QUOTE] بيبقى فيه مفاتيح للرباط بالعزم .....وبيكون عيها تدريج .....بتظبط المفتاح على العزم اللى أنت عاوزه حسب التوصيف المقنن والعزم المطلوب لرباط مسمار معين ...........ولما بتكون بتربط (المفتاح ده بيعمل زى تكه كده .....بيتعرف منها أنك وصلت للعزم المطلوب ).......وده بيستخدم عندنا فى الشغل عند عمل عمرات للمحركات الكبيره ( سواء فى رباط كراسى عمود الكرنك أو رأس السلندر وخلافه ) ......أنما الحاج : بليه شغال بالبركه وبيتوصى كمان...................

[MoOoD]

مفتاح العزم ده بيبقى بكام

[Eng_A_Fahmy]

يجب الاهتمام بهذا الموضوع حيث انه خطير