مشكله فى بطاريه جافه

[SASA3]

السلام عليكم اولا

انا لسه جايب بطاريه جافه من كام يوم مكلتش اسبوع
المهم هيا كانت شغاله معايا كويس الى امبارح كان الجو ساقعه جداا و الدنيا كانت بتشتى
و نزلت جيت ادور العربيه كانت الكهربا فى العربيه كلها شغاله كويس و الحمد لله
اجى بقا اشغل المارش الاقيه بيشحر يعنى اكن البطاريه بتخلص شحن رغم انها لسه جديده
فا دلوقتى عاوز اعرف هل ده عادى انه يحصل فى البطاريات الجافه فى الجو الساقع و الشتا كده ؟
ولا المشكله فى البطاريه اروح اغيرها و ارجعها للراجل
مع العلم ان العربيه موتورها كبير --تويوتا كريسيدا84-- و البطاريه كلورايد 70 امبير
و فيه حاجه انا لاحظتها ان اللمبة الى بتقولك قوه البطاره الجافه الى بتكون فيها تقريباا مش جايبه اى حاجه اكنها مطفيه على طول
ارجو الافاده و شكراا

[dr.hany]

تقريبا كده انت محتاج تمشي مشوار طويل عشان تشحن البطارية طالما انها لسسسه جديده وبعد كده احكم علي العيب سواء منها او من حاجه تانيه

[SASA3]

الجديد بقا الى حصل امبارح كمان الى هوا الجو كان برضه ساقعه جيت اشغل العربيه مفييييش خالص
البطاريه ميته ميته بجد
اكنها متشاله و مفيش بطاريه فى العربيه لا نور عاوز يفتح ولا كاسيت ولا اى حاجه خالص فروحت شحنتها بتاع ساعه كده عند كهربائى و روحت حطيتها فى العريبه و اشتغلت و وديتها للراجل الى اشتريتها منه و قاسها بيقولى انه ممكن يكون عيب فى الدينامو "و انا متاكد 200% ان الدينامو سليم و بيشحن كويس" او عيب فى البطاريه
فعل فعلا حسب كلامه ان الدينامو بيتعاد ضبته اما تغير البطاريه او تغير قوتها و تحولها من سائله لجافه؟؟؟؟
و ايه الحل لو الكلام ده منفعش

[walidabdelaziz]

عشان تتاكد العيب مش من عربيتك يبقى عندك كذا حاجة تتاكد منها

اولا -الدينمو تتاكد انه شحن 12.5 -14v مش اكتر عشان ميحرقش البطارية ... تتاكد من السير دينمو مشدود كويس

تانيا-المارش سليم مش بايظ يكون فيه بوبينة او اى عطل وده مستبعد

ثالثا- ما يكونش فيه ماس فى العربية بيفرغ البطارية..زى الانذار او اضافات كهربائية

لو كله تمام يبقى العيب فى البطارية,دون جدال, على طول وضمانها بيبقى سنة... وتتغير