مشكله عجيبة جدا

[hlluk]

عندى كاسيت كينوود المفروض بدوس ع الزارا احول بين ال يواس بي والراديو والي يو اكس والس دى مره واحد التحويل لل س دى اختفى اصلا مبقاش غير usb . aux .radio دى الاولى
التانية البطاريه جديده لنج بتشغل كل حاجه كويس وزى الفل بس ف مشكله ان لما ادوس فرامل قبل مادور العربية العربية مدورش ونور التابلوه يضعف كل ما ادوس ع الفرامل والعربية كل دا لسه مدارتش

[ahmedfouad]

روح لكهربائى خليه يكشفلك على الارضى المهرب وخليه يعملهولك

[haisam ali]

ممكن يكون الكاسيت هيس عادى :-

١- ممكن تشيل فيوز الصالون بحيث الكهرباء تتفصل عن الكاسيت وتوصل تانى يقوم يرستر

٢- ممكن تشيل كابل البطارية خالص وتوصله تانى

٣- ممكن تلاقى تحت وش الكاسيت خرم رفيع جدا يدوبك يدخل دبوس ممكن تدخل الدبوس وده بيرستر برضه الكاسيت

٤- لو تعرف تفك الكاسيت من ورا بتلاقى الفيوز بتاعه شيله دقيقتين كده وركبه تانى

وباذن الله المشكله تتحل

[hlluk]

اخوانى شكرا لكم هرجب الحلول وارد عليكم

[the_master848]

بص انا هقولك على حلجة معرفش موجودة عندك وﻻ ﻵ بس انا معايا كاسيت بايونير ليه ظبطه كده بتخلينى احدد ايه الى يشتغل ف الكاسيت يعنى مثلا ممكن اقفل ال يو اس بى يعنى لو واحد قعد يحط ف فلاشات للصبح وﻻ هتأثر اصلا

[hlluk]

الحل منفعش بتاع الكاسيت عملت ريستارت من الكاسيت نفسة شلت قشاط البطارية وركبته تانى والكاسيت راستر فعلا بس السي دى مش موجود مش عاوز يقلبه لانى مش موجود اصلا

[momo44]

بالنسبة للكاسيت
ده اوبشن
ممكن تلغى ال aux او ال usb بحيث انك اما تقلب ميبقوش موجودين اصلا

[sonaeg]

اتاكد ان مفيش سي دي محشور جوه. ساعتها ممكن لا يقراه اصلا وبرده ماتلاقيش اوبشن سي دي لما تقلب بالزرار. حصلت معايا في كاسيت بايونير وساعتها جبت سي دي تاني وحاولت ازق اللي جوه لحد ما اتقرا واشتغل تمام.

والله اعلم

[hlluk]

فعلا انا عندى سي دى محشور جوا :d

[sonaeg]

فعلا انا عندى سي دى محشور جوا :d

طب الحمد لله ... اعتقد ده السبب ان شاء الله ... ممكن تحاول تزقه بسي دي تاني لحد ما ياخد مكانه جوه ويقراه وبعد مايشتغل بدقيقة دوس علي زرار ال eject ان شاء الله يطلع معاك .... لو ماطلعش حاول والسي دي وهو بيحاول يطلع تحط سي دي تاني تحتيه وترفع لفوق وتزق لبره حيطلع معاك ان شاء الله بس غالبا حيتخدش ....


لحد دلوقت بعمل كده ﻻن العربية قديمة وكل شوية يلم تراب وانضفه وهكذا وال eject يعلق ...

والله أعلم ،،