الموتور قفش

[Ashraf_Ibrahim]

ازيكم يا شباب
النهردة وانا راجع كنت ماشي في النزهة الجديدة
المهم فجأة لقيت العربية اللي قدامي امركت ولفت وبقا وشها ليا وضهرها عكس الطريق
المهم قمت فاتح فليشر والحمد لله سرعتي مكانتش عالية فوقفت وقمت راكن على جنب عشان اشوف ايه حصل وليه حصل ولو فيه حاجة اقدر اقدمها
المهم عربية ملاكي كمان وقفت وتاكسي وقف وبصراحة انا مبسوط جدا لسة فينا خير الحمد لله
المهم نزلنا واطمنا على سواقها وكدة ونقلنا العربية شلناها حطيناها على جنب الرصيف اليمين -هي كانت أقرب للشمال بس أنا أصريت على اليمين-
المهم بعد ما نقلناها وكدة سواق التاكسي بص عليها وقال الموتور دا قفش
سواق العربية يقله هي قفشت فتيس الفتيس مش راضي بتحرك
قله لا الموتور هو اللي قافش مش الفتيس
دلوقتي انا عايز اعرف ايه الاسباب اللي تخلي الموتور يقفش والعربية ماشية؟!
وعذرا على الاطالة

[mrastra]

لو الموتور اللى قفش يبقى اكيد مشكلة فى دورة التزييت خلت البساتم تقفش فى الشمايز او ان يكون بيل كسر الفارغة
بس من وصفك للموضوع حاسس ان الفتيس هو اللى قفش مش الموتور

[hemalotfy]

ممكن تكون طرمبة الزيت عطلت ادت الى المشكلة

[MOUSTAFA_SAAD]

الماتور لو قفش عمره ماحيعمل كده

[Ashraf_Ibrahim]

لو الموتور اللى قفش يبقى اكيد مشكلة فى دورة التزييت خلت البساتم تقفش فى الشمايز او ان يكون بيل كسر الفارغة
بس من وصفك للموضوع حاسس ان الفتيس هو اللى قفش مش الموتور

هو صاحب العربية بيقول الفتيس قافش ودا فعلا حصل لأنه قافش
سواق التاكسي بيقول الموتور اللي قافش وبص على الزيت قله الزيت بتاعها ناقص جدا

ممكن تكون طرمبة الزيت عطلت ادت الى المشكلة

الله اعلم
طب هل فيه اسباب تانية!؟

[Ashraf_Ibrahim]

الماتور لو قفش عمره ماحيعمل كده

امال يعمل ايه؟!

[elpasha1]

واحد صاحبى الماتور بتاع عربيتة قفش بسبب انه من ساعة ماجاب العربية عمره ما غير فلتر الزيت
كان فاكر انه مالوش لزمة علشان يتغير

[tifa55555]

طب هو لو قفش ممكن العربيه تلف كده؟؟؟

[Ashraf_Ibrahim]

واحد صاحبى الماتور بتاع عربيتة قفش بسبب انه من ساعة ماجاب العربية عمره ما غير فلتر الزيت
كان فاكر انه مالوش لزمة علشان يتغير

تمام يبقا دا سبب تاني

طب هو لو قفش ممكن العربيه تلف كده؟؟؟

في الحقيقة معرفش بس دا اللي حصل قدامي !

[aboomar22]

الموتور لو قفش مش بيقفش كده مرة واحدة العربية بتسخن جامد وبتلاقيها بتتقل ومش قادرة تمشى لحد ماتقف ومتتحركش لو الموتور قافش العربية مش هتدور يعنى المارش مش هيقدر يدور الحدافة لو الفتيس اللى قافش الموتور هيدور لكن الفتيس مش هيتحرك ومن كلام حضرتك انكم حركتوها وهى اتوماتيك لو فتيس قفش مش هتتحرك ولا هتتزق هتتشال بس برضه هيوقف العربية ومش هتعمل كده ان هقول لحضرتكم موقف حصل معايا زى كده كنت طالع الدائرى من المعادى وفجاه اخدت مطب جامد لقيت العربية بتفرمل وبتلف بتعمل امريكانى الحمد لله ربنا ستر اللى جاى ورايا بقى يابنى انت شارب ولا بتلعب قلتله والله مش عارف فيه ايه المهم فرامل اليد قفشت وانا مشى ازاى معرفش الميكانيكى قال يمكن السلك كان مدلدل وشبك فى حاجة فى الطريق او المطب الجامد ده عمل حاجة المهم بس قلت اقول اللى حل معايا يمكن يكون تفير لحاجة زى كده

[Memo_Lancer]

بس يا جماعه صاحبي قبل كده كان معاه كورسا و حصل نفس الكلام و الموتور قفش و العربيه امركت بيه
ربنا يسترها علينا

[kar!m]

كان نوعها ايه العربية دى؟

[Ashraf_Ibrahim]

الموتور لو قفش مش بيقفش كده مرة واحدة العربية بتسخن جامد وبتلاقيها بتتقل ومش قادرة تمشى لحد ماتقف ومتتحركش لو الموتور قافش العربية مش هتدور يعنى المارش مش هيقدر يدور الحدافة لو الفتيس اللى قافش الموتور هيدور لكن الفتيس مش هيتحرك ومن كلام حضرتك انكم حركتوها وهى اتوماتيك لو فتيس قفش مش هتتحرك ولا هتتزق هتتشال بس برضه هيوقف العربية ومش هتعمل كده ان هقول لحضرتكم موقف حصل معايا زى كده كنت طالع الدائرى من المعادى وفجاه اخدت مطب جامد لقيت العربية بتفرمل وبتلف بتعمل امريكانى الحمد لله ربنا ستر اللى جاى ورايا بقى يابنى انت شارب ولا بتلعب قلتله والله مش عارف فيه ايه المهم فرامل اليد قفشت وانا مشى ازاى معرفش الميكانيكى قال يمكن السلك كان مدلدل وشبك فى حاجة فى الطريق او المطب الجامد ده عمل حاجة المهم بس قلت اقول اللى حل معايا يمكن يكون تفير لحاجة زى كده

العربية مانيوال ومكانتش بتتزق
العجل قافش في الارض ومكانش بيتحرك معانا
احنا اتجمعنا عليها وزقيناها بالاكراه والعجل مكانش بيتحرك وانما كان بيزحف

بس يا جماعه صاحبي قبل كده كان معاه كورسا و حصل نفس الكلام و الموتور قفش و العربيه امركت بيه
ربنا يسترها علينا

ربنا يسترها على الجميع يارب

كان نوعها ايه العربية دى؟

دي سيات زقرده
العربية الصغيرة دا اللي موتورها ورا !

[A7MED_PHARMA]

ربنا بيستر .. يسلم
كويس إنه طلع منها سليم....

[Ashraf_Ibrahim]

ربنا بيستر .. يسلم
كويس إنه طلع منها سليم....

الحمد لله رب العالمين