محطات الراديو فردية

[Akram]

واحد صاحبي جاله كاسيت Pioneer من امريكا ,
و المشكلة ان محطات الراديو اللي في الجهاز فردية ,
بمعنى ان البحث بتاعه مش بيجيب 100.6 و لكن بيجيب 100.5 أو 100.7 و بالتالي بتكون المحطة مشوشة ,
على فكرة موديل الجهاز Pioneer-DEH 1900MP
فيا ترى ممكن يعمل ايه علشان يخلي الجهاز يبحث عن كل المحطات سواء كان رقمها فردي أو زوجي .......

[NaderNabil]

للأسف علي حد معلوماتي الموضوع ده ملهوش حل خالص!!!

كان عندي واحد سوني من أمريكا و واحد صاحبي كان جايب سوني برده من أمريكا و الإتنين كان فيهم نفس المشكلة..

سمعت كهربائي بيفتي و قالي انه فيه مقاومة بتتركب جوه الكاسيت عشان تحل عقدته....بس لا أعتقد في هذا الكلام

[Akram]

شكراً للرد يا نادر ,
ويا ريت لو حد عنده معلومة تانية يفيدنا بيها .

[Lion_Heart]

اسف دخلت غلط و ال 6 دقايق سبقونى

[Lion_Heart]

معلش خطرت فى بالى فكرة مش عارف صح ولا غلط , هل يمكن تعديل السوفت وير له , او حتى تغير البوردة بأخرى مستعملة , معاك فى انتظار الخبراء .

[M.Mokhtar]

كان فى مشكله مشابه وحلناها عن طريق دائره صغيره جدا اسمها FM Shifter
هنا هتلاقى المعلومات عنه

http://www.nilemotors.net/Nile/showthread.php?t=45216

اعتقد ممكن تلاقى دائرة تعملك شفت لكل الترددات مقدار 0.1
بس كده الكاست هيجيب كل المحطات الزوجيه ومش هيجيب الفرديه

[Akram]

شكراً يا محمد بك , بس الجهاز ده بيتجاب منين و بيتظبط إزاي ,
و هل تنصح بأن الكهربائي يركبه و لا ممكن الواحد يركبه بنفسه .

[M.Mokhtar]

انت ممكن تجيبه من النخيلى وتركبه انت
بتوصل بين الاريال وبين الكاست
روح لاى واحد شغال فى كاست العربيات هيبقى عارف الموضوع ده وهيعملهولك على طول
بس اللى انا اعرفه اللى بينقل الترددات من رينج معين للرينج تانى
يعنى ينقل التردادات من 90 - 110 للتردد من 70 - 90
لكن موضوع انه ينقل الترددات 0.1 بس دى مش عارف هيبقى موجود ولا لأ

[m0stafa]

انا برضه عندى كاسيت سى دى نوعه Alpine
وجاى برضه من امريكا ولما قريت موضوعك نزلت اشوف عندى لقيت نفس الحكايه