Tweet
السلام عليكم يا بايكرز ...
إمبارح كان يوم طــــــــــويــــــــــل جداً معايا , كان معايا معاد مع حبيبي و أخويا في الرضاعه مصطفي ( تـافـا ) و أخويا الكبير و الليدر العظيم أحمد ( سيسكو ) , علشان أتفرج علي المكنه الـ 1100 بتاعت سيسكو .
وبالفعل إستيقظت مبكراً وركبت قطار الساعه 10 الصبح , ووصلت القاهره حوالي الساعه 1:30 الظهر . و القطار أتأخر كالعاده طبعاً .. وأول لما طلعت من محطة مصر لقيت الجو ( ســــــــــــــــــــــاونــــــــــــــــــــــــ ـا ) وجيت مكلم درش قالي إحنا في إنتظارك بره المحطه ... طيب هم مستنيني إذاي وهما أصلاً ميعرفوش شكلي عامل إذاي وخصوصاً إني حاطط صورة ( عمرو دياب ) علي الفيسبوك ... يعني لولا إني عارفهم من صورهم علي الفيسبوك كانوا فضلوا مستنيين لحد لما عمرو دياب يرجع بالسلامه من جولته في أمريكا .
المهم أعدنا سلمنا علي بعض وسلامات طيبون , وللعلم والله الناس إستقبالهم ليا كان إستقبال أخوات لبعضهم . بأمانه حاجه فعلاً تفرح أكننا نعرفوا بعض من سنين مش أول مره نتقابلوا .
وبعد كده أتحركنا علي كافيه ( سفاري ) اللي علي بوابة الرسوم ... طبعاً أنا ركبت ورا أحمد سيسكو ... والراجل كان مصر إصرار تام إنه يضيعلي وراكي وهو سايق علي كوبري أكتوبر من كتر الزخانيق اللي هو بيدخل فيها بين العربيات ... طبعاً الراجل معزور ... مهو لو معملش كده مش حنوصلوا في سنتنا البيضا وخصوصاً وسط الزحمه المميته اللي في القاهره ... واللهي أنا حسيت ساعتها إن إسكندريه دي عامله ذي القاهره في الستينات ....
ولما وصلنا ( سفاري ) الناس عملوا معايا الواجب وذياده وطبعاً ده مش غريب من ناس كريمه ذي تـافـا و سيسكو ...وقعدنا ندردشوا و نرغوا كتير مع بعض وأكننا نعرفوا بعض من 10 سنين علي الأقل ...
وبعد كده دخلنا في المفيد و أتفقنا علي الألمونيا ( السبيب ) وحصل الأتفاق و الحمد لله . وللأمانه المكنه تستاهل كل قرش مدفوع فيها ولله الحمد ...
بعد كده سبت سيسكو و درش و توجهت علي بنزينة On The Run علشان أظبط حالي و أشربلي شوب نسكافيه قبل الدنيا متليل و أبداً رحلة العوده للإسكندريه بالمكنه الـ 1100 .
قبل ما أطلع علي الطريق جيت لابس الخوزه ( كنت عامل حسابي وجايبها معايا إحطياطي ) وجيت لابس الكمامه وجيت ضارب الأي بود في ودني وتوكلت علي الله و أنطلقت علي بركة الله وكنت سايب 100 جنيه في جيب القميص علشان مضطرش أطلع المحفظه من الشنطه علشان لو أحتجت فلوس علشان الكارته أو لو حبيت أحط بنزين أو حتي لو حب أي بلطجي يثبتني علي الطريق ...
أول لما عديت البوابه ودخلت في الطريق الصحراوي وبعد أول 10 كيلو حسيت بملل فظيععععععععععععع , ووحده غريبههههههههههههههه ... ولم تفلح الفنانه المبدعه ( أليسا ) في إخراجي من تلك الحاله الغريبه رغم إنها قاعده تجعر في ودني ..... وبعد 10 كيلو كمان كنت أفكر جدياً إني أرجع القاهره تاني وأحمل المكنه علي عربيه نقل لحد أليكس ,,, بس قولت ( هوووووووووووووب ) ... (عشان مخليش الدمعه تفط ) وقولت أسترجل وخوض التجربه .
فضلت ماشي ماشي ماشي ماشي ماشي ماشي ماشي ماشي ماشي ماشي وأليسا لسه بتجعر في ودني والدنيا كانت لسه منوره كويس والحمد لله ...
جيت قلت أيه رأيك يا واد يا بوشي لو نجرب إمكانيات المكنه الـ 1100 ونشوف أخرها فين ,,, جيت واقف علي جنب و جيت مسكت الأخت إليسا وأعتذرت لها وجيت مشغل تراك House من اللي قلبك يحبهم ,,, وجيت قايل دعاء الركوب مره ثانيه و الشهادتين وتوكلت علي الله ....
جيت جايب بالمكنه 75 ميل ( 120 كيلومتر تقريباً ) لقيت المكنه ذي الفل و مسكه نفسها و مسكه في الأسفلت ذي الحجره ( بسم الله ما شاء الله ولا حول ولا قوة إلا بالله ) . والحمد لله الأسفلت عشان جديد كان مساعدني جداً .. وجيت مثبت السرعه شويه .
بعدها قولت طيب منرفع الرهان شويه وجيت جايب 95 ميل ( 150 كيلومتر / ساعه تقريباً ) لقيت الدنيا ذي الفل والحمد لله جيت مثبت السرعه لحد ملقيت نفسي معدي من جنب الماستر ذي الفوريره .... جيت مفرمل وراجع تاني داخل عشان أشوف أيه أخبار البنزين ولسه فاضل فيه أد أيه ...
دخلت علي البنزينه وفتحت التنك لقيت التانك فيه أقل من النص حاجه بسيطه ,,, وأعتقد إن ده معدل كويس بالنسبه للجري اللي كنت بجريه ,,,, وجيت مفول المكنه وجي أضرب إيدي في جيبي علشان أطلع الـ 100 جنيه علشان أحسبه ,,, ملقتهاش ,,, أتريها طارت في الهوا شاشي وأنا بجري بالمكنه وأنا طبعاً محستش بحاجه ... مطبعن واحد قاعد يسمع إليسا عايزه يحس بحاجه برده ,,, دا الكرسي كان ممكن يطير وبرده محسش بحاجه ,,,
المهم عوضي علي ربنا والحمد لله إنها جت في ورق ... جيت محاسب الراجل ودخلت لقيت مباراة الأسماعيلي و تليفونات بني سويف شغاله قعدت خدتلي ربع ساعه كده علشان أهدي أعصاب وأريح من المشوار المؤلم ده ... وعلشان الأدرينالين هو كمان يريح شويه علشان يكمل المشوار معايا ومخلص أدرينالين في نص الطريق .
توكلت علي الله قلت أكمل الطريق ... وكانت الدنيا ساعتها أظلمت تماماً ... حسيت ساعتها إن الحظ إداني قفاه وبيقولي قابل يا معلم .
فالأول مشيت دنجا دنجا لحد لما حسيت بالملل تاني ,,, لقيت صوت جاي من بعيددددددددددد بيقولي هو أنت أخرك علي مكنه 1100 ذي دي 150 بس ...
جيت قايله يالا بيناااااااااا . وجيت حاطط 105 ميل ( حوالي 170 كيلومتر ) ... وفضلت مثبت السرعه شويه لحد ربنا مبتلاني بعربيه ألنترا الجديده معلقه نمر ليبي صاحبها نازل من بيتهم وناوي يموت أي حد راكب موتوسيكل ... أبن العبيطه يجري يجري يجري ويجي مفرمل قدامي , جيت سايبله الحاره الشمال ومشيت في النص ,,, جه جنمي وفتح الزجاج وقعد يتكلم ... طبعاً أنا متأكد أنه مجاش في مخه أني ممكن أكون مش سمعه إن مكنش علشان الخوزه اللي أنا لابسه فمش حسمعه علشان صوت الهوا اللي يطرش ... بس تقول إيه لواحد ليبي ربنا جعل أغبي واحد فيهم رئيس جمهوريه ... وفعلاً عذرت الجدافي علي اللي بيعمله فيهم ...
المهم أخونا ده فضل يغلس شويه وبعد كده غار في داهيه والحمد لله ...
بعدها سمعت صوت جي من بعيددددددددددددد بيقولي : ده أخرك بالمكنه الـ 1100 ... جيت مزود بنزين وحاطط الـ 115 ميل ( حوالي 185 كيلومتر / ساعه ) وفضلت مثبت شويه لحد محسيت إن كل الأدرينالين اللي في جسمي متجمع في الخوزه ... وحسيت بملك الموت جي جي ... والله فعلاً يا رجاله قلقت قوي وخصوصاً إن الأسفلت بقي ذي الزفت و التريلات بدأت تكتر قوي وحسيت إن المكنه كانت ممكن تقفل العداد بعد كده ,,, لكن أنا ساعتها حكون مع اللي راقدون تحت التراب ,,, أكيد عارفينهم ...
المهم فضلت إني أرجع لبيتي وعيالي النهارده وخلي الأنتحار يوم تاني من أوله ,,, وربنا وعدني بواحد راكب عربيه نيسان 4X4 بس جينتل قوي أول لما جه جنبي قعد يديني كلكسات ويشاورلي وأيده كده (
) وجه طالع قدامي بحوالي عشرين متر وماشي بنفس سرعتي أكنه موسع الطريق قدامي ... وبعدها توكل علي الله و مشي ...
بعدها بشويه كنت حلبس كاوتش عربيه نقل تريلا من اللي بيكونوا مرميين علي الطريق , بس والحمد لله ربنا سترها علي فرق 5 سنتيمتر تقريباً .
بعدها لقيت أسطوره من أساطير العربيات النقل ... عربيه نقل فنطاس من بتوع البنزين أبن الـ ...... فاكر نفسه راكب عربيه 127 وقاعد ياخد غرز بين العربيات ... فعلاُ منظر كان لازم يتصور وكل لما ياخد غرز بيهيج التراب اللي موجود علي الأسفلت لحد لما حسيت إن حبات الرمل بتخبط في دراعي أكنها طلقت رصاصه ... وجه أبن الـ ...... ختم الشو بتاع ونزل بفرد الكاوتش الشمال كلها علي الرمله اللي علي شمال الأسفلت ... وساعتها قلب الطريق كله , كل العربيات بتجري علشان تهرب منه , وعمل سحابه من التراب ولا أكن مركز التجاره العالمي لما وقع .
المهم هربت من أمه وطلعت قدامه وجريت ... وساعتها شفت يافطه مكتوب عليها ( قرية الأسد ) وطبعاً دي معناها إننا خلاص دخلين علي إسكندريه .... فعلاً حسيت إني تعبـــــــــــــــــــــــــــــان قوي ومفرهد أخر حاجه ... وعلي طول جيت قولت ( هوووووووووووووب ) ... (عشان مخليش الدمعه تفط ) .
وبعدها شفت بوابة الأسكندريه وحسيت بأنتهاء أكثر من 200 كيلو من المعاناه و الضنا .... وقررت إني أول وأخر مره أطلع المشوار أبن الـ ...... ده تاني بالبايك .
لاكن رغم أحساسي الشديد جدا بالتعب و الأرهاق و العفانه ,,, إلا أنني كنت فرحان جداً باليايك وأنها فعلاً وبلا مبالغه تستاهل كل سحتوت أدفع فيها والحمد لله ...
وأحب أقول للأخوه الأعضاء شوية حاجات بناء علي التجربه اللي ذي الهباب دي وهي :
1-أياك أياك تطلع طلعه سودا ذي دي من غير أدوات السيفتي كامله إن أمكن .
2- منصحش حد يطلع علي الطريق ده بالليل , علشان معلهوش ولا عمود نور . والأسفلت في حتت كتير منه لسه متنيله بستسن نيله .. يعني التثبيت للركب .
3- متجريش بسرعه حتي لو جالك صوت منين يقولك متجري شويه علشان ننجز الطريق .
4- لو في إمكانيه ترفع المكنه علي عربيه نص نقل إعمالاً للمقوله الشهيره ( هين قرشك ولا تهين نفسك ) .
5- متحطش فلوس في جيب القميص وخصوصاً لو 100 جنيه .
6- لو قابلت أي واحد ليبي في الشارع قوله (( يالي أغبي واحد فيكم بقي رئيس جمهوريه )) .
7- لو قابلت أي واحد معاه عربيه نيسان 4X4 أخلع له القبعه وأشكره حتي لو متعرفوش .
8- أوعي تسمع أليسا وأنت سايق ’ عشان أنا حاسس إنها وش النحس كله .
9- لو حسيت أنك تعبان , قول ( هــــــــــــــــــوب ) وأكيد أنتم عارفين ليه .
والسلام عليكم ورحمة الله وبركاته ...
إمبارح كان يوم طــــــــــويــــــــــل جداً معايا , كان معايا معاد مع حبيبي و أخويا في الرضاعه مصطفي ( تـافـا ) و أخويا الكبير و الليدر العظيم أحمد ( سيسكو ) , علشان أتفرج علي المكنه الـ 1100 بتاعت سيسكو .
وبالفعل إستيقظت مبكراً وركبت قطار الساعه 10 الصبح , ووصلت القاهره حوالي الساعه 1:30 الظهر . و القطار أتأخر كالعاده طبعاً .. وأول لما طلعت من محطة مصر لقيت الجو ( ســــــــــــــــــــــاونــــــــــــــــــــــــ ـا ) وجيت مكلم درش قالي إحنا في إنتظارك بره المحطه ... طيب هم مستنيني إذاي وهما أصلاً ميعرفوش شكلي عامل إذاي وخصوصاً إني حاطط صورة ( عمرو دياب ) علي الفيسبوك ... يعني لولا إني عارفهم من صورهم علي الفيسبوك كانوا فضلوا مستنيين لحد لما عمرو دياب يرجع بالسلامه من جولته في أمريكا .
المهم أعدنا سلمنا علي بعض وسلامات طيبون , وللعلم والله الناس إستقبالهم ليا كان إستقبال أخوات لبعضهم . بأمانه حاجه فعلاً تفرح أكننا نعرفوا بعض من سنين مش أول مره نتقابلوا .
وبعد كده أتحركنا علي كافيه ( سفاري ) اللي علي بوابة الرسوم ... طبعاً أنا ركبت ورا أحمد سيسكو ... والراجل كان مصر إصرار تام إنه يضيعلي وراكي وهو سايق علي كوبري أكتوبر من كتر الزخانيق اللي هو بيدخل فيها بين العربيات ... طبعاً الراجل معزور ... مهو لو معملش كده مش حنوصلوا في سنتنا البيضا وخصوصاً وسط الزحمه المميته اللي في القاهره ... واللهي أنا حسيت ساعتها إن إسكندريه دي عامله ذي القاهره في الستينات ....
ولما وصلنا ( سفاري ) الناس عملوا معايا الواجب وذياده وطبعاً ده مش غريب من ناس كريمه ذي تـافـا و سيسكو ...وقعدنا ندردشوا و نرغوا كتير مع بعض وأكننا نعرفوا بعض من 10 سنين علي الأقل ...
وبعد كده دخلنا في المفيد و أتفقنا علي الألمونيا ( السبيب ) وحصل الأتفاق و الحمد لله . وللأمانه المكنه تستاهل كل قرش مدفوع فيها ولله الحمد ...
بعد كده سبت سيسكو و درش و توجهت علي بنزينة On The Run علشان أظبط حالي و أشربلي شوب نسكافيه قبل الدنيا متليل و أبداً رحلة العوده للإسكندريه بالمكنه الـ 1100 .
قبل ما أطلع علي الطريق جيت لابس الخوزه ( كنت عامل حسابي وجايبها معايا إحطياطي ) وجيت لابس الكمامه وجيت ضارب الأي بود في ودني وتوكلت علي الله و أنطلقت علي بركة الله وكنت سايب 100 جنيه في جيب القميص علشان مضطرش أطلع المحفظه من الشنطه علشان لو أحتجت فلوس علشان الكارته أو لو حبيت أحط بنزين أو حتي لو حب أي بلطجي يثبتني علي الطريق ...
أول لما عديت البوابه ودخلت في الطريق الصحراوي وبعد أول 10 كيلو حسيت بملل فظيععععععععععععع , ووحده غريبههههههههههههههه ... ولم تفلح الفنانه المبدعه ( أليسا ) في إخراجي من تلك الحاله الغريبه رغم إنها قاعده تجعر في ودني ..... وبعد 10 كيلو كمان كنت أفكر جدياً إني أرجع القاهره تاني وأحمل المكنه علي عربيه نقل لحد أليكس ,,, بس قولت ( هوووووووووووووب ) ... (عشان مخليش الدمعه تفط ) وقولت أسترجل وخوض التجربه .
فضلت ماشي ماشي ماشي ماشي ماشي ماشي ماشي ماشي ماشي ماشي وأليسا لسه بتجعر في ودني والدنيا كانت لسه منوره كويس والحمد لله ...
جيت قلت أيه رأيك يا واد يا بوشي لو نجرب إمكانيات المكنه الـ 1100 ونشوف أخرها فين ,,, جيت واقف علي جنب و جيت مسكت الأخت إليسا وأعتذرت لها وجيت مشغل تراك House من اللي قلبك يحبهم ,,, وجيت قايل دعاء الركوب مره ثانيه و الشهادتين وتوكلت علي الله ....
جيت جايب بالمكنه 75 ميل ( 120 كيلومتر تقريباً ) لقيت المكنه ذي الفل و مسكه نفسها و مسكه في الأسفلت ذي الحجره ( بسم الله ما شاء الله ولا حول ولا قوة إلا بالله ) . والحمد لله الأسفلت عشان جديد كان مساعدني جداً .. وجيت مثبت السرعه شويه .
بعدها قولت طيب منرفع الرهان شويه وجيت جايب 95 ميل ( 150 كيلومتر / ساعه تقريباً ) لقيت الدنيا ذي الفل والحمد لله جيت مثبت السرعه لحد ملقيت نفسي معدي من جنب الماستر ذي الفوريره .... جيت مفرمل وراجع تاني داخل عشان أشوف أيه أخبار البنزين ولسه فاضل فيه أد أيه ...
دخلت علي البنزينه وفتحت التنك لقيت التانك فيه أقل من النص حاجه بسيطه ,,, وأعتقد إن ده معدل كويس بالنسبه للجري اللي كنت بجريه ,,,, وجيت مفول المكنه وجي أضرب إيدي في جيبي علشان أطلع الـ 100 جنيه علشان أحسبه ,,, ملقتهاش ,,, أتريها طارت في الهوا شاشي وأنا بجري بالمكنه وأنا طبعاً محستش بحاجه ... مطبعن واحد قاعد يسمع إليسا عايزه يحس بحاجه برده ,,, دا الكرسي كان ممكن يطير وبرده محسش بحاجه ,,,
المهم عوضي علي ربنا والحمد لله إنها جت في ورق ... جيت محاسب الراجل ودخلت لقيت مباراة الأسماعيلي و تليفونات بني سويف شغاله قعدت خدتلي ربع ساعه كده علشان أهدي أعصاب وأريح من المشوار المؤلم ده ... وعلشان الأدرينالين هو كمان يريح شويه علشان يكمل المشوار معايا ومخلص أدرينالين في نص الطريق .
توكلت علي الله قلت أكمل الطريق ... وكانت الدنيا ساعتها أظلمت تماماً ... حسيت ساعتها إن الحظ إداني قفاه وبيقولي قابل يا معلم .
فالأول مشيت دنجا دنجا لحد لما حسيت بالملل تاني ,,, لقيت صوت جاي من بعيددددددددددد بيقولي هو أنت أخرك علي مكنه 1100 ذي دي 150 بس ...
جيت قايله يالا بيناااااااااا . وجيت حاطط 105 ميل ( حوالي 170 كيلومتر ) ... وفضلت مثبت السرعه شويه لحد ربنا مبتلاني بعربيه ألنترا الجديده معلقه نمر ليبي صاحبها نازل من بيتهم وناوي يموت أي حد راكب موتوسيكل ... أبن العبيطه يجري يجري يجري ويجي مفرمل قدامي , جيت سايبله الحاره الشمال ومشيت في النص ,,, جه جنمي وفتح الزجاج وقعد يتكلم ... طبعاً أنا متأكد أنه مجاش في مخه أني ممكن أكون مش سمعه إن مكنش علشان الخوزه اللي أنا لابسه فمش حسمعه علشان صوت الهوا اللي يطرش ... بس تقول إيه لواحد ليبي ربنا جعل أغبي واحد فيهم رئيس جمهوريه ... وفعلاً عذرت الجدافي علي اللي بيعمله فيهم ...
المهم أخونا ده فضل يغلس شويه وبعد كده غار في داهيه والحمد لله ...
بعدها سمعت صوت جي من بعيددددددددددددد بيقولي : ده أخرك بالمكنه الـ 1100 ... جيت مزود بنزين وحاطط الـ 115 ميل ( حوالي 185 كيلومتر / ساعه ) وفضلت مثبت شويه لحد محسيت إن كل الأدرينالين اللي في جسمي متجمع في الخوزه ... وحسيت بملك الموت جي جي ... والله فعلاً يا رجاله قلقت قوي وخصوصاً إن الأسفلت بقي ذي الزفت و التريلات بدأت تكتر قوي وحسيت إن المكنه كانت ممكن تقفل العداد بعد كده ,,, لكن أنا ساعتها حكون مع اللي راقدون تحت التراب ,,, أكيد عارفينهم ...
المهم فضلت إني أرجع لبيتي وعيالي النهارده وخلي الأنتحار يوم تاني من أوله ,,, وربنا وعدني بواحد راكب عربيه نيسان 4X4 بس جينتل قوي أول لما جه جنبي قعد يديني كلكسات ويشاورلي وأيده كده (
) وجه طالع قدامي بحوالي عشرين متر وماشي بنفس سرعتي أكنه موسع الطريق قدامي ... وبعدها توكل علي الله و مشي ...بعدها بشويه كنت حلبس كاوتش عربيه نقل تريلا من اللي بيكونوا مرميين علي الطريق , بس والحمد لله ربنا سترها علي فرق 5 سنتيمتر تقريباً .
بعدها لقيت أسطوره من أساطير العربيات النقل ... عربيه نقل فنطاس من بتوع البنزين أبن الـ ...... فاكر نفسه راكب عربيه 127 وقاعد ياخد غرز بين العربيات ... فعلاُ منظر كان لازم يتصور وكل لما ياخد غرز بيهيج التراب اللي موجود علي الأسفلت لحد لما حسيت إن حبات الرمل بتخبط في دراعي أكنها طلقت رصاصه ... وجه أبن الـ ...... ختم الشو بتاع ونزل بفرد الكاوتش الشمال كلها علي الرمله اللي علي شمال الأسفلت ... وساعتها قلب الطريق كله , كل العربيات بتجري علشان تهرب منه , وعمل سحابه من التراب ولا أكن مركز التجاره العالمي لما وقع .
المهم هربت من أمه وطلعت قدامه وجريت ... وساعتها شفت يافطه مكتوب عليها ( قرية الأسد ) وطبعاً دي معناها إننا خلاص دخلين علي إسكندريه .... فعلاً حسيت إني تعبـــــــــــــــــــــــــــــان قوي ومفرهد أخر حاجه ... وعلي طول جيت قولت ( هوووووووووووووب ) ... (عشان مخليش الدمعه تفط ) .
وبعدها شفت بوابة الأسكندريه وحسيت بأنتهاء أكثر من 200 كيلو من المعاناه و الضنا .... وقررت إني أول وأخر مره أطلع المشوار أبن الـ ...... ده تاني بالبايك .
لاكن رغم أحساسي الشديد جدا بالتعب و الأرهاق و العفانه ,,, إلا أنني كنت فرحان جداً باليايك وأنها فعلاً وبلا مبالغه تستاهل كل سحتوت أدفع فيها والحمد لله ...
وأحب أقول للأخوه الأعضاء شوية حاجات بناء علي التجربه اللي ذي الهباب دي وهي :
1-أياك أياك تطلع طلعه سودا ذي دي من غير أدوات السيفتي كامله إن أمكن .
2- منصحش حد يطلع علي الطريق ده بالليل , علشان معلهوش ولا عمود نور . والأسفلت في حتت كتير منه لسه متنيله بستسن نيله .. يعني التثبيت للركب .
3- متجريش بسرعه حتي لو جالك صوت منين يقولك متجري شويه علشان ننجز الطريق .
4- لو في إمكانيه ترفع المكنه علي عربيه نص نقل إعمالاً للمقوله الشهيره ( هين قرشك ولا تهين نفسك ) .
5- متحطش فلوس في جيب القميص وخصوصاً لو 100 جنيه .
6- لو قابلت أي واحد ليبي في الشارع قوله (( يالي أغبي واحد فيكم بقي رئيس جمهوريه )) .
7- لو قابلت أي واحد معاه عربيه نيسان 4X4 أخلع له القبعه وأشكره حتي لو متعرفوش .
8- أوعي تسمع أليسا وأنت سايق ’ عشان أنا حاسس إنها وش النحس كله .
9- لو حسيت أنك تعبان , قول ( هــــــــــــــــــوب ) وأكيد أنتم عارفين ليه .
والسلام عليكم ورحمة الله وبركاته ...
.gif "Majd(4)")
Comment