Honda 200cc road master

[ahmed_mamdouh]

ياشباب لو سمحتو انا عملت مشاركه قبل كده كنت بدور على موتوسيكل معين ...وبعد كده واحد من الشباب المحترمين قالي على الموديل ده

HONDA 200CC ROAD MASTER

عايز بقى اعرف سعره كام ...انا بصراحه مش متأكد انه هو تحديدا ..لكنه شبه اللي بدور عليه جدا جدا جدا

ودي صور ال HONDA 200CC ROAD MASTER

ياريت بقى اللي يعرف موديل شبه ده او زيه يقولي بكام








اضغط هنا لمشاهدة الصورة بالحجم الطبيعي.

[Hesham94]

انت اكيد بتهزر!!!!!

دا انت لو لفيت مصر حته حته مش هتلاقيه ولو لاقينه مش حتعرف تصلحله مسمار!!!!!!!!!

دى تعتبر دلوقت انتيكا

ولو بتحب الحاجات الكلاسيك فى الاستيد والشادو وقطع غيارهم مرطرطه وشكلهم لذيذ اوى وخصوصا الاستيد

[Hesham94]

بس انا عاجبنى اوى الاحمر

شكله جاااااااااااااااااااااااااامد

وشكله سبعيناتى

[ahmed_mamdouh]

ياجماعه والله شفته كتير ...انا من الفيوم وشفته كتير هنا ...وكان عند واحد جارنا ..لكنه لما الصيني نزل كتير راح رافعه وجاب واحد صيني ...بس للاسف هو مش قاعد هنا والا كنت سألته ...الا بقى لو انا بحكي عن موديل تاني ...بس شبه ده جدا جدا جدا ...وكان صوته تحفه وسريع جدا ....يااااه ..ماكانش في حد بيشوف الموتوسيكل ده الا لا يتكلم عليه :))

[joacky]

أنتا قصدك على الموتوسيكل اللى كان سايقة نور الشريف فى فيلم كدة كان فية سفاح صح ههههههه اللى هوا لونة أسود دة جاوية جاوية هههههه العسكرى اللى بلغ عنة كان مسخرة أوىى

[SaberMan]

فى حالة أن حضرتك هاتستعمله فى المشاوير يقبى كده هترمى فلوسك من فوق السطوح

1- ملوش قطع غيار

2- اذا لقيته هايقبى اتهلك خلاص

3- هاتبيع و عايز فلسه هاتسمع نكت من اى حد يجيلك

فبلاش احسن واسألك الميكانيكى و محل قطع الغيار الهتتعامل معاه اذا كنت حضرتك قررت

أنا عندى تشترى هوندا ماجنا أو ستييد قدييم جدا و ده بلاش

و اذا كنت مابترتاحش للصينى ممكن البجاج الهندى مش وحش بيبتدى من 5000 لأو أكتر حاجه بسيطه و ممكن ب 8000 تجيب بجاج 180 على الزيرو و هايعيش معاك ان شاء الله و عملى .

فى الحاله التانيه حضرتك هاتقتنيه مثلا أو تعدله فديه حاجه ترجعلك .

[ahmed_mamdouh]

شكرا ياباشا على اهتمامك ...هو عاجبني فعلا وبتمنى الاقيه ..لكن ايه الموجود دلوقتي هوندا شبهه ومستعمل وليه قطع غيار ..وما اقصدش نسخه منه ..اقصد اللاستايل بتاعه يعني

[SaberMan]

تمام أعمل سيرش فى جوجل على الصور أكتب العنوان ده honda cb400 super four 1998 واتفرج على الصور و قلى رأيك ده اقرب حاجه للشكل الحضرتك عايزه و ليه قطع غيار و صيانه سهله و أسعار من أول 14 - 15 مثلا لحد 20 الف .

[ahmed_mamdouh]

تمام أعمل سيرش فى جوجل على الصور أكتب العنوان ده honda cb400 super four 1998 واتفرج على الصور و قلى رأيك ده اقرب حاجه للشكل الحضرتك عايزه و ليه قطع غيار و صيانه سهله و أسعار من أول 14 - 15 مثلا لحد 20 الف .

يا باشا انا متشكر جدا جدا على اهتمامك

[SaberMan]

honda cb400 super four 1998 العفو على ايه طلع شبه الشكل شويه ؟ و لا بعيد خالص

[ahmed_mamdouh]

اه تمام يا معلم ...بس هل في الاقل من كده شويه وبرضه هوندا ...وبرضه قطع غياره متوفرة
ولو تعرف برضه تقولي على اقل حاجه هوندا وتكون لسه ليها قطع غيار ..مش مشكله الشكل او الحجم

[ahmed_mamdouh]

بس بجد ال
Honda CB400 Super Four 1998



جاااااااااااااااااااامد اوي

[SaberMan]

طيب تمام ممكن ال honda rebel معرفش بالظبط الاسعار يعنى من 5000 مثلا 8000 حسب الحاله و الموديل و برضو أسأل حد عن سعره .

[GMC]

كلام صابر صح الموتوسيكل ده اخره انتيكه

انت تركب صيني زيرو ولا انك تركب البيس اوف شيت ديه ههههههههههه لو لقيته حتلاقي البرومه وكلاه ومع

مطب شديد حتلاقيه بقى اربع تربع كباب ههههههههههه بلاش ترمي فلوسك

لو عجبك الشكل فيه منه بجاج وصيني وسعره رخيص وعلى فكره حتلاقي منه هوندا موديلات جديده

انزل بولاق ابو العلى حتلاقي هوندا 125 و 200 سي سي بس السعر معرفش

[halim6]

مين قال ان البايك ده انتيكه اولا البايك ده كان فيه منه زيرو لحد قريب فى الالفينات الله اعلم كان متخزن ولا ايه ؟؟؟؟؟؟؟وكان معدى 11000 وكمان بايك جامد جداا وقطع غياره موجوده بس غاليه