استفسار عن دايون 6

[mohamedvip]

ياجماعة انا عايز اشترى موتسكل صينى وبفكر اشترى الدايون 6

ياريت تفيدونى اذا كان كويس او فيه عيوب ؟

ياريت تذكرولى عيوبة ومميزاتة

واذا تنصحونى بموتسكل افضل منه اكون شاكر ليكو

انا بصراحة عجبنى الدايون 6 لان شكلة كويس وفرامل باكم وعداد ديجيتال

بس بصراحة معرفش اذا فيه عيوب او لا وياريت اللى جربة يقلى عدادة بيوصل لكام كيلو متر لانى سمعت ان عدادة بيزيد عن ال 140 كيلو متر ؟

منتظر رأى الجميع وشكرا ليكم مقدما

[joacky]

بـــــص عشان متستنـــاش كتير........... قليل أوى هنا الى فى المنتدى اللى بيفهم فى الصينى هنا كلوا ما بتعملش غير فى اليبانى وى بردك أستنة ممكن يكون فى حد لية خبـــرة فى الصينى ......تحياتى

[Hesham94]

اوووووووعى تلبس الخازوق الصينى !!!!

خليك فى sym fiddle لو الميزانية اخرها كدا معاك
دى فسبا تايلاندى وتمنها 6 الاف و شوية
او لو مش بتحب الفسب هاتلك بجاج بوكسر او ديسكفرى
لكن اووووووعى تجيب صينى
والله مش حتخلص من التصليح فيه !!

[abduo882000]

اوووووووعى تلبس الخازوق الصينى !!!!

خليك فى sym fiddle لو الميزانية اخرها كدا معاك
دى فسبا تايلاندى وتمنها 6 الاف و شوية
او لو مش بتحب الفسب هاتلك بجاج بوكسر او ديسكفرى
لكن اووووووعى تجيب صينى
والله مش حتخلص من التصليح فيه !!

+1111111111111111111

[mohamedvip]

الف شكر ياجماعة عالمساعدة وعلى النصيحة الحلوة وفعلا كان عندى حلاوة تايجر صينى وفعلا الصينى مشاكلة كتير

[m3_dolphen]

انت ميزانيتك فى حدود كام ؟

[karembob]

انا اسمع ان الدايون 6 دي اللي هي شبه السي بي فور الياباني لو هي المكنة دي كويسة وشكلها مش وحش انتا ممكن تشوف حد معا المكنة دي وتسالو عن المتانة والجري بتعها واهم حاجة تسالو عن الرعشة المكنة دي لو مفيهاش الرعشة اللي في المكن الصيني تبقي جمدا اوي

[mohamedvip]

بالنسبة لميزانيتى فهى 6500 جنية

وانا فعلا سئلت على المكنة ولكن للاسف كل واحد يقول كويسة وواحد يقول لا مش كويسة عشان كدة انا محتار

ودى صورة المكنة

[m3_dolphen]

المبلغ ده خسارة تدفعوا فى موتوسيكل صينى ,, الفيسبا احسن منه وخصوصا لو انت بتعرف تسوق هاتزهق منه بسرعة
ولو ممكن تضاعف المبلغ ممكن تفكر فى اليابانى بس مصاريفه كتير
واكتر حاجة ارشحهالك الباجاج الهندى جديد وخامات افضل من الصينى وقلة الصيانة وقلة المصاريف

[karembob]

هي دي المكنة اللي قصدي عليها المكنة دي ناس كتير شكرت فيها وهي بي مساعد نص وشكلها حلو شوف حد راكبها واتآكد ان هي مافيهاش الرعشي اللي في الصيني لو مفيش اتكل علي الله وهتها

[ztx]

هي دي المكنة اللي قصدي عليها المكنة دي ناس كتير شكرت فيها وهي بي مساعد نص وشكلها حلو شوف حد راكبها واتآكد ان هي مافيهاش الرعشي اللي في الصيني لو مفيش اتكل علي الله وهتها

+11111111111111

وصوتها ناعم تقدر تقول افضل حاجه بالصيني .

[mohamedvip]

شكرا لحضراتكم على الافادة
مبدئيا المكنة كويس على حسب رايكم
وانا برضو فى كتير ركبوها وشكرو فيها وفى ناس قليلة مشكرتش فيها
انا كان معايا حلاوة تايجر بعتها عشان اجيب المكنة دى
ان شاء الله هتوكل على الله واشتريها
جزاكم الله كل خير على النصيحة والافادة

[abduo882000]

انصحك ابعد عن الصينى وغنيلة كلة مشاكل وحوارات شكلة حلو اة اول سنة تمام لكن بعد كدة الله يعينك في عندك البجاج boxer 150 الهندي والناس بتشكر فيها ومكنة خارصة ملهاش صوت ومجربنها

[mohamedvip]

طيب ياجماعة لو زودت الميزانية شوية وحبيت اجيب حاجة يابانى هتكون فى حدود كام ؟
بس عايز حاجة جديدة لانى مش من هواة المستعمل
وبنفس الوقت متكنش غالية جامد بس تكون يابانى

وانا بصراحة داخله دماغى التريلا اليابانى ياريت تفيدونى بالاسعار وياريت اللى يعرف مكنة يابانى كويسة ومتكنش غالية ياريت يفيدنى بسعرها ونوعها ولو صورة للمكنة اكون شاكر ليكو

[ztx]

طيب ياجماعة لو زودت الميزانية شوية وحبيت اجيب حاجة يابانى هتكون فى حدود كام ؟
بس عايز حاجة جديدة لانى مش من هواة المستعمل
وبنفس الوقت متكنش غالية جامد بس تكون يابانى

وانا بصراحة داخله دماغى التريلا اليابانى ياريت تفيدونى بالاسعار وياريت اللى يعرف مكنة يابانى كويسة ومتكنش غالية ياريت يفيدنى بسعرها ونوعها ولو صورة للمكنة اكون شاكر ليكو

جديدة وياباني ممكن هوندا ايليت 125

عندك برضو البجاج كويس bajaj 220

ولو دورت علي ريس 250فاير حاجه نظيفة بكون افضل .

الميزانية هي الي تحكم يا باشا :)


تحياتي لك...