هل يوجد قطع غيار مستعملة ؟

[amigo_magdos]

السلام عليكم,
انا جديد في موضوع المتوسيكلات و محتاج جنط.
هوا في اي مكان يوجد به قطع غير موتوسيكلات مستعملة؟
زي العربيات المتخرطة كده او االعاملة حوادث و بتتباع قطع غيار.
في مكان معروف بقطع غير الموتوسيكلات المستعملة (استيراد, حوادث ... الخ)

[kikoo]

بص يا باشا القطع دى هتلاقيها عند زجمار وايمن فوزى بس على حسب الجنط
هو لمكنه ايه

[amigo_magdos]

هوا سكوتر سوزوكي برجمان.
الناس ديه فين او نمر تليفونات لو ممكن.

[kikoo]

لا يا باشا الناس دى بتتعامل فى الريسات بس انما الاسكوتر صدقنى ما اعرف
زجمار فى شارع 26 يوليو فى بولاق ابو العلا وايمن فوزى فى حى السفارات مدينه نصر

[amigo_magdos]

1000 شكر يا كيكو باشا.
يظهر كده لازم الف على الميكانيكية واحد واحد.
بس مافيش منطقة كده معروفة زي الحرافيين؟

[zoom2zoom]

هوا سكوتر سوزوكي برجمان.
الناس ديه فين او نمر تليفونات لو ممكن.

بص ياريس الجنط ده مش هيجي غير من برا عشان نكون واضحين
كاوتش البرجمان اصلا نادر في مصر ما بالك الجنط
حاول تشوفه اوردر من علي النت احسنلك دور في ebay او amazon
وانزل عند ايمونا اسال ياعم تجيبلي الجنط بكام وفي خلال اد ايه ؟؟ وقارن بين سعره وسعر النت لو لاقيه اغلي حاجات بسيطه خليك معاه ده مضمون

[amigo_magdos]

اماهو للاسباب ديه تحديد انا بدور على تخريط مش جديد.
الاقي نمرة تليفون ايمونا او مكانه ؟

[zoom2zoom]

اماهو للاسباب ديه تحديد انا بدور على تخريط مش جديد.
الاقي نمرة تليفون ايمونا او مكانه ؟

ايمونا مسافر امريكا دلوقت هتلاقي ناس تانيه في المحل هيساعدوك برضه
هو بعد كوبري التجنيد فا اتجاه ميدان المحكمه علي اليمين

[amigo_magdos]

1000 شكر يا كبير

[kikoo]

بص ياريس الجنط ده مش هيجي غير من برا عشان نكون واضحين
كاوتش البرجمان اصلا نادر في مصر ما بالك الجنط
حاول تشوفه اوردر من علي النت احسنلك دور في ebay او amazon
وانزل عند ايمونا اسال ياعم تجيبلي الجنط بكام وفي خلال اد ايه ؟؟ وقارن بين سعره وسعر النت لو لاقيه اغلي حاجات بسيطه خليك معاه ده مضمون

استااااااااااااااااااااااذ يا اتش