بتركن البايك بتاعك فين

[khaled_sabry]

السلام عليكم
من صغرى و انا بحب الموتسكلات الريس اللى بتطلع فى الافلام الاجنبى
و كنت متخيل انى لما اكبر و اشتغل انى حشترى موتوسيكل و بعد كده عربيه - رغم ان مافيش حد فى عيلتى عنده موتوسيكل اصلا
لكن لاقيتني دخلت فى دوامة الحياه كالمعتاد و اشتغلت و اتجوزت و بعدها اول قرشين حوشتهم جبت بيهم عربيه علشان ماينفعشى طبعا اخد المدام و العيال على الموتسيكل
و اهه انا دلوقتى بقيت 32 سنه و لسه حتى معرفشى اسوق الموتوسيكل
و بصراحه طالعه فى دماغى دلوقتى انى اشترى موتوسيكل ريس روش كده - خاصه كمان ان الواحد بتطلع عينه فى زحمه المرور بالعربيه بينما الموتسكلات بتجرى جنبى
طبعا تعلم السواقه و استخراج الرخص و خلافه (على رخامتها ) مش عائق قصادى
العائق الحقيقى هو حركن الموتوسيكل (او البايك زى مابتقولو هنا) فين ؟؟
لأن مدخل البيت عندى مايسعشى انى احط موتوسيكل فيه - و لو جبته و ركنته فى الشارع يتهيألى حيبقى عرضه للسرقه حتى لو قطع غيار منه (مرايات عدادات ... الخ)
مع المعلوميه ان معظم الوقت الموتوسيكل ده حيبقى مركون لأنى حجيبه Just for fun
فانتو بتركنو موتوسيكلاتكم فين ؟؟؟

سؤال تانى - انهو افضل اشترى الموتوسيكل و اتعلم عليه و لا اتعلم الاول و بعد كده اشتريه
و ترشحولى موتوسيكل ايه ؟؟ انا عاوز حاجه يكون شكلها روش و ابن ناس مش زى موتوسيكلات جاوا او حلاوه مثلا - مش فارقه معايا صيني او غيره لأنى مش بعرف اميزهم و سعره التقريبى بكام

[elhelwany188]

السلام عليكم ورحمة الله وبركاته ...
نفس المشكلة عندى عايز جايب البايك بس الواحد خايف من السرقة ...
بضم صوتى الى صوت الاخ الفاضل صاحب الموضوع وارجو الافادة من الاخوة الزملاء اصحاب الخبرة ...

[khaled_sabry]

المشكله انى خايف اركن فى مدخل البيت حيبقى الموتوسيكل مسطبه خاصه انه مش حيتحرك كتير و كمان شويه الاقى غمازه مكسوره ولا عداد مكسور و كده
غير ان ممكن حد من الجيران يرخم و يقولى بديق المدخل
انا فيه فكره انى اركنه فى جراج جنب البيت - لكن معرفشى حياخد كام - هو كان بياخد 150 فى ركنه العربيات لكن ده موتوسيكل ماعتقدشى حياخد كده - لو حد عنده معلومات يقولى

[khaled_sabry]

سؤال كمان -( معلشى لسه جديد بقى )
و انا بتفرج على اعلانات الموتوسيكلات لاقيت الناس كاتبه (مش معلق نمر) كأنها حاجه مميزه للموتوسيكل !!! هو ايه الميزه فى الموتوسيكل انه مايبقاش عليه نمر !!! و بعد كده مش ده ممكن يعملى مشاكل لو وقفت بيه فى اشاره و لا حاجه !!!

على فكره انا بتكلم على موتوسيكل رايس مش اسكوتر

[تامر.محمد]

مش معلق نمر غالبا يعني ما رخصش و بالتالي ما مشيش , كسر زيرو يعني :)

[aliabdo]

و الله بركنه فى جراج بدفعه عليه 150 جنيه فى الشهر
موضوع مش معلق نمر يعنى لسه افراج جاى من بره المفروض بس فى ناس بتمشى سنه و اتنين بيه افراج كده

[saddam]

صديقي المواطن
الصح وقولا واحدا وعن تجارب
إنت تشوف حد معاه موتوسيكل وتديه كل يوم 50 أو 80 جنيه يعلمك سواقه في المكنة بتاعته وحتاخد يومين وغالبا في أول وقعة ولما حتشوف نظرة الناس ليك إنحدرت غالبا حتصرف نظر
بالنسبة للركنة فحتدفع لو كراج 50 جنيه وممكن تفصل غطاء جلد ليها ب 200 جنيه وغطا عادي ب 50 وفيه جراب صاج يكلف 1500 لو عندك مكان جنب عربيتك في الشارع حتخلي الحداد يعمل لك جراب شبه الجراب البلاستك اللي بيتحط عفى مكنة الخياطة المنزلية زمان وقفلين وتثبتهم في اﻷرض وشكرا إركنه سنين
بالنسبة ﻹختيار المكنة مبدئيا متاخدش ريس ياباني مستعمل عشان حتقضي حياتك في التصليح 22 ساعة تصليح و2 ساعة تركبه عشان تجرب تاني ويعطل وترجع تشتغل تاني وقطع غياره غالية يوكوهاما و هوندا وكاواساكي وطبعا هناك موتوسيكلات ب 250 أو 300 ألف سيبك منها زي هارلي دايفدسون ومن لف لفهم وبي إم دبليو
بالنسبة لما يعرض ويقول لسه مترخصتش مش معناها لسه جديدة دي ممكن تكون طالعة عينها لكن الفكرة إنها مش حتنقل وتبيع وتغير نمر وتروح من مرور لمرور حتاخد جواب الجمرك من الشركة وتروح ترخص بإسمك وطبعا غلط تمشي في الشارع من غير نمر وكل شوية الشرطة بتلمهم

قولا واحدا الصح لو مصر تاخد صيني جديد تاخد الهمر ضخم وفيه مكانين وقعدة مرتاحة وشبه فيه من هارلي دايفدسون الضخم أما لو مصر على ريس فخد ريس صيني آخر مرة كان عامل 9 آلاف وكمان عندك القفار بتاع الصحرا ده عظيم ومحترم وبتاع أرصفة عامل كان 6500

والنصيحة الصادقة وعشان مترميش فلوسك في اﻷرض وكمان اتنا عارف إنك حتجيبه وتبيعه أو ترميه فإنت تمسك العصاية من النص وبرضو مراتك وعيالك ليهم حق عليك ﻷن المثل بيقول الموتوسيكل قتال صاحبه بفتح وتشديد التاء يعني يا حتموت يا حتتكسر إن عاجلا أو آجلا وإنت غالي علينا وعشان تمسك العصاية من النص تجيب بيتش باجي صيني ب 9 آلاف فيه 4 كاوتش صغير وشبه بتاع المرور على كوبري أكتوبر بس أصغر شوية منها تاخده وتروح فيه البحر ورحلات السفاري ومعاك مرانك وعيالك وتستمتع بقيادته وكمان لما أطفالك يركبوا يستفادوا منه وتعيشهم أوقات جميلة في المصايف

وبالتوفيق وإلى اﻷمام ومن نصر إلى نصر
ودمتم للنضال

[محمد بلال]

صديقي المواطن
الصح وقولا واحدا وعن تجارب
إنت تشوف حد معاه موتوسيكل وتديه كل يوم 50 أو 80 جنيه يعلمك سواقه في المكنة بتاعته وحتاخد يومين وغالبا في أول وقعة ولما حتشوف نظرة الناس ليك إنحدرت غالبا حتصرف نظر
بالنسبة للركنة فحتدفع لو كراج 50 جنيه وممكن تفصل غطاء جلد ليها ب 200 جنيه وغطا عادي ب 50 وفيه جراب صاج يكلف 1500 لو عندك مكان جنب عربيتك في الشارع حتخلي الحداد يعمل لك جراب شبه الجراب البلاستك اللي بيتحط عفى مكنة الخياطة المنزلية زمان وقفلين وتثبتهم في اﻷرض وشكرا إركنه سنين
بالنسبة ﻹختيار المكنة مبدئيا متاخدش ريس ياباني مستعمل عشان حتقضي حياتك في التصليح 22 ساعة تصليح و2 ساعة تركبه عشان تجرب تاني ويعطل وترجع تشتغل تاني وقطع غياره غالية يوكوهاما و هوندا وكاواساكي وطبعا هناك موتوسيكلات ب 250 أو 300 ألف سيبك منها زي هارلي دايفدسون ومن لف لفهم وبي إم دبليو
بالنسبة لما يعرض ويقول لسه مترخصتش مش معناها لسه جديدة دي ممكن تكون طالعة عينها لكن الفكرة إنها مش حتنقل وتبيع وتغير نمر وتروح من مرور لمرور حتاخد جواب الجمرك من الشركة وتروح ترخص بإسمك وطبعا غلط تمشي في الشارع من غير نمر وكل شوية الشرطة بتلمهم

قولا واحدا الصح لو مصر تاخد صيني جديد تاخد الهمر ضخم وفيه مكانين وقعدة مرتاحة وشبه فيه من هارلي دايفدسون الضخم أما لو مصر على ريس فخد ريس صيني آخر مرة كان عامل 9 آلاف وكمان عندك القفار بتاع الصحرا ده عظيم ومحترم وبتاع أرصفة عامل كان 6500

والنصيحة الصادقة وعشان مترميش فلوسك في اﻷرض وكمان اتنا عارف إنك حتجيبه وتبيعه أو ترميه فإنت تمسك العصاية من النص وبرضو مراتك وعيالك ليهم حق عليك ﻷن المثل بيقول الموتوسيكل قتال صاحبه بفتح وتشديد التاء يعني يا حتموت يا حتتكسر إن عاجلا أو آجلا وإنت غالي علينا وعشان تمسك العصاية من النص تجيب بيتش باجي صيني ب 9 آلاف فيه 4 كاوتش صغير وشبه بتاع المرور على كوبري أكتوبر بس أصغر شوية منها تاخده وتروح فيه البحر ورحلات السفاري ومعاك مرانك وعيالك وتستمتع بقيادته وكمان لما أطفالك يركبوا يستفادوا منه وتعيشهم أوقات جميلة في المصايف

وبالتوفيق وإلى اﻷمام ومن نصر إلى نصر
ودمتم للنضال

ههههههه

[mhmdabdo]

كلام تمام اوي يا صدام ونفسي اقولو من زمان
بعيدا عن اني عندي بوكسر مترخص 3 سنين ماشي 1300 كم بس هههه
لكن فعلا خساره تجيب مستعمل ياباني مش حتستمتع
في حاجات كتير صيني حندي واشكال والالوان وخلي بالك سوق المستعمل حتي لو مش ماشي واقع
بالنسبه للسواقع سهله جدا ويمكن متقش خالص انا الحمد لله ولا وقعه ولا حادثه يمكن قربت من حوادث بسبب اهمال المكروباسات و اللي بتتعلم سوافه وغيره لكن الحمد لله ربنا ستر معايا كتير وفي ناس كتير اهم حاجه تعرف امتي تتدرب عالسواقه في البدايه وانشاء الله يومين بالكتير وتمشي حالك في الفضى الاول
عامتا فلوسك اللي حتشتري بيها حتكون مركونه يعني متفتكرش انها زي 128 يوم متعزها تبيعها فخليك في القليل حيتريحك جدا وحتي في صيانتها

[khaled_sabry]

صديقي المواطن
الصح وقولا واحدا وعن تجارب
إنت تشوف حد معاه موتوسيكل وتديه كل يوم 50 أو 80 جنيه يعلمك سواقه في المكنة بتاعته وحتاخد يومين وغالبا في أول وقعة ولما حتشوف نظرة الناس ليك إنحدرت غالبا حتصرف نظر
بالنسبة للركنة فحتدفع لو كراج 50 جنيه وممكن تفصل غطاء جلد ليها ب 200 جنيه وغطا عادي ب 50 وفيه جراب صاج يكلف 1500 لو عندك مكان جنب عربيتك في الشارع حتخلي الحداد يعمل لك جراب شبه الجراب البلاستك اللي بيتحط عفى مكنة الخياطة المنزلية زمان وقفلين وتثبتهم في اﻷرض وشكرا إركنه سنين
بالنسبة ﻹختيار المكنة مبدئيا متاخدش ريس ياباني مستعمل عشان حتقضي حياتك في التصليح 22 ساعة تصليح و2 ساعة تركبه عشان تجرب تاني ويعطل وترجع تشتغل تاني وقطع غياره غالية يوكوهاما و هوندا وكاواساكي وطبعا هناك موتوسيكلات ب 250 أو 300 ألف سيبك منها زي هارلي دايفدسون ومن لف لفهم وبي إم دبليو
بالنسبة لما يعرض ويقول لسه مترخصتش مش معناها لسه جديدة دي ممكن تكون طالعة عينها لكن الفكرة إنها مش حتنقل وتبيع وتغير نمر وتروح من مرور لمرور حتاخد جواب الجمرك من الشركة وتروح ترخص بإسمك وطبعا غلط تمشي في الشارع من غير نمر وكل شوية الشرطة بتلمهم

قولا واحدا الصح لو مصر تاخد صيني جديد تاخد الهمر ضخم وفيه مكانين وقعدة مرتاحة وشبه فيه من هارلي دايفدسون الضخم أما لو مصر على ريس فخد ريس صيني آخر مرة كان عامل 9 آلاف وكمان عندك القفار بتاع الصحرا ده عظيم ومحترم وبتاع أرصفة عامل كان 6500

والنصيحة الصادقة وعشان مترميش فلوسك في اﻷرض وكمان اتنا عارف إنك حتجيبه وتبيعه أو ترميه فإنت تمسك العصاية من النص وبرضو مراتك وعيالك ليهم حق عليك ﻷن المثل بيقول الموتوسيكل قتال صاحبه بفتح وتشديد التاء يعني يا حتموت يا حتتكسر إن عاجلا أو آجلا وإنت غالي علينا وعشان تمسك العصاية من النص تجيب بيتش باجي صيني ب 9 آلاف فيه 4 كاوتش صغير وشبه بتاع المرور على كوبري أكتوبر بس أصغر شوية منها تاخده وتروح فيه البحر ورحلات السفاري ومعاك مرانك وعيالك وتستمتع بقيادته وكمان لما أطفالك يركبوا يستفادوا منه وتعيشهم أوقات جميلة في المصايف

وبالتوفيق وإلى اﻷمام ومن نصر إلى نصر
ودمتم للنضال

هههههههههههههههه
استاااااااااذ و كلام من الاخر
بس زى مابتقول مراتى و عيالى لما يحبو يركبو حبقى اركبهم العربيه لكن البايك ده لمزاجى الشخصى - عاوز ابعد شويه بقى هما راشقنلى فى كل حاجه هههههههههههههه
و البيتش باجى لو ركبته العيال حيجرو ورايا و يقوليلى يا سى جونى ههههههههههه

بس انا عاوز اعرف شكل الريس صيني و القفار بتاع الصحرا - ياريت تديلى الماركات بالانجليزي علشان اشوف اشكالهم
على فكره انا اخرى فى الحوار ده فى حدود 9 الاف و مش حشترى دلقوتى انا عامل لنفسى فتره 6 اشهر تقريبا ادرس فيها السوق و ادرس فيها البايكات لأنى ماليش فيها نهائى
و اكتر حاجه تهمنى الشكل (علشان كده مصر على الريس) و مايهمنيش السرعه - يعنى لو الموتوسيكل اخره 80 شغال معايا

عامتا فلوسك اللي حتشتري بيها حتكون مركونه يعني متفتكرش انها زي 128 يوم متعزها تبيعها فخليك في القليل حيتريحك جدا وحتي في صيانتها

هو معلشى مافهمتش الجزئيه دى ؟؟؟
تقصد يعنى سهل انى ابيع البايك و لا لاء - لأن 128 صعبه فى بيعها برضه :)

[alfath8]

ممكن تجيب بينلى شبه المكن التريلا كده

http://content.bezaat.com.s3-external-3.amazonaws.com/306fbb3c-8a28-4304-b2c4-ffb34a671966.jpg

او كده

http://egybikers.com/images/userbikes/uploaddir/Photo0310.jpg

[aliabdo]

متقدرش تشبه الصينى باليابانى فى اى شيء غير انه على عجلتين
الى بيركب يبانى قادر على تمنه و عارف هو بيكرب ايه و الى بيكرب الصينى مناسب ليه و لاستخدامه
فى الاخر دى هوايه قبل ما تكون وسيله موصالات

[Silent~Dream]

اولا الركن فى جراج ب 50 جنيه فى الشهر عشان لو سبت كيلو طماطم فى الشارع هيتسرق بما بالك ببايك بالشى الفلانى ثانيا سواقه البايك ممتعه جدا ورياضه جميله بس خطيره ولازم تبقى حريص جدا و مركز جدا و رده فعل سريعه وليس عشوائيه لان ممكن شويه زيت يخلوك تقع و شروط السلامه اولها عدم التهور لان البايك بتغرك بسرعتها و وزنها الخفيف وثانيا سيفتى كامل ( خوذه- جوانتى- بوت- بدل كامله حته واحده او حتتين ) كل الوقت all gear all time عشان sweating better than bleeding و حضرتك الموتسيكلات الى مش معلقه نمر يعنى افراج جمركى و دى 3 انواع من الافراج اول نوع طالع عينه اهله و مغسول و يتباع بسعر هلامى ثانيا حالته معقوله و الناس ميرخصهوش و يبيعوه لبعض عشان يحتفظ بسعر الافراج ثالثا ولازم حد مخضرم فى المجال ده بايك افراج بحاله ممتازه وده قليل ولازم حد فاهم جدا عشان فيه نصب كثير و هو ده الى يستحق الفلوس و مصاريف صيانته معقوله غير كده انت بترمى فلوس فى الارض و انت مبتدأ هتتعلم على موتسيكل صينى الاساسيات ازاى تتحكم و تفرمل و ازاى تلف و الخ و خلى بالك ان ال shifting مختلف من الصينى للريس اليابانى او الالمانى الصينى تزود كله لتحت تقلل كله لفوق لكن اليابانى مثلا الاول تكه لتحت و نص تكه فوق n تكه كامله فوق تانى 2 بعدين 3 و هكذا و النازل نفس الكلام بس لتحت و بعدين تجيب يابانى حسب امكانياتك فى السواقه و عدم تهورك لان البايك اليابانى او غيره بيزيد عن الصينى فى كل حاجه بنسبه ضخمه و كبيره جدا فى الفرمله او التسارع و الخ لان عزم وهورس باور الصينى جنبيه 100 صفر على الشمال عندك الريس ال 919rr و ال 600 rr من هوندا الغيار الاول بتاعهم اخره فى حدود 80-100 بيوصلها فى حدود 3 ثوانى الى هو اصلا الموتسيكل الصينى يكون و لع و على الغيار الخامس و فئه ال 1000 فى معظم الشركات فى حدود 140-155 للغيار الاول لك ان تتخيل عشان كده بعد ما حضرتك تتعلم ارشحلك

honda cbr 400rr 1995-1998 فى رينج 25 الف افراج بحاله ممتازه لو لقيت نفسك بتسوق كويس و معقول

honda cbr 600rr 2004-2006فى رينج 42 الف جنيه افراج حاله ممتازه و ده لو لقيت نفسك perfect و تمكن عالى جدا جدا

او honda cbr 919 1998-1999 فى رينج 35 الف جنيه لو افراج حاله ممتازه و ده لو لقيت نفسك perfect و تمكن عالى جدا جدا

اتمنى اكون افدتك

[mhmdabdo]

ات 128 تتباع هوا ويمكن تكسب فيها كمان
عامتا انا برشحلك pulsar من بجاج شوفو وقولي رايك
محتر جدا جدا وشكله كويس والاهم انك حتلاقي كوزع معتمد عندك في منطقتك اكيد واسأل علي الموزع المعتمد من غبرو وهو بقا حيبقا يعيرك زيت والي اخره ويعملك صيانه وكدا

[khaled_sabry]

ات 128 تتباع هوا ويمكن تكسب فيها كمان
عامتا انا برشحلك pulsar من بجاج شوفو وقولي رايك
محتر جدا جدا وشكله كويس والاهم انك حتلاقي كوزع معتمد عندك في منطقتك اكيد واسأل علي الموزع المعتمد من غبرو وهو بقا حيبقا يعيرك زيت والي اخره ويعملك صيانه وكدا

شوفت شكله لزيز - بس قولى بيتباع فى حدود كام ؟؟؟