اشياء مهمه جدا لراكبى الدراجات الناريه زيت على بنزين وبنزين بس

[well12m]

الاول نبدأ براكبى الدرجات الناريه زيت على بنزين لكى تحافظ على عمر الموتور وقوة سحبه بأستمرار وعدم العطل المفاجأ يجب اتباع الاتى

1 لا تضع اكتر من القميه المناسبه من الزيت على البنزين يعنى لكل خمسه لتر بنزين ربع زيت مش بكترو بيكون حلو لانك لو كترت الزيت عن كدة هتقابلك مشاكل كتير هتخنق الماكينه وتتلف شموع الاحتراق البوجيهات وتتعرض للتقطيع باستمرار
2 ثانيا تغير زيت الموتور كل الف كيلو مش اكتر انما ممكن اقل
3 الكشف الدورى على كل من سلك الدبرياج والفرامل كل فترة قصيرة
4 الكشف على البوجيهات بأستمرار وفى حاله وجودها مصمدة يجب الكشف على الكربرياتير والبكات لانها فى حاله انها واسعه تجعل البوجيهات تصمد بأستمرار حتى مع تغير بواحد جديد

5 الكشف على ضغط الهواء فى الاطارات ولا تزيد من الضغط المعروف لان زيادة الضغط يؤدى لانفجار الاطار مع السرعه لان مع السرعه الضغط يزيد تلقائى
6 الغسيل المستمر لكى لا تسرح البارومه فى الصاج وديه اخر تعليمات الصيانه الدوريه للحفاظ على عمر اطول واداء افضل بأستمرار بالنسبه لراكبى الدراجات بدون زيت على بنزين اتباع جميع التعلمات بدون اضافه زين على البنزين

وشكرا لكم وارجو ان اكون افادتكم ببعض ما اعرفو

[KHALED2010]

على فكرة فى معلومة احب اصححهالك كتر غسيل الماكينة هوا ال بيخليها تصدى ؟؟؟؟؟؟؟؟؟؟ ليه ..........
1/ عند الغسيل عمرك ما هتنشفها بدرجة 100 % صح لو نقطه فضلت هتصدى ماكنها ...
2/ يستحسن وده الاصح فوطه زفره وتمسح بيها الماكينة كلها والفوطه الزفره هتخليها بتلمع وعمرها ما تصدى ...
3/ مع احترامى لراى حضرتك فكر فى الكلمه قبل ماتقولها لان فى ناس لسه مش عارفه حاجه وهتقلدك تقليد اعمى يبقى انتا كده بتضرهم مش بتفيدهم ...
صح ولا انا غلطان
اخـــــــــوك فى الله (خــــــــــــــــــــــالد)

[galilio_mad]

معلش هو فى سؤال تاعبنى من زمان قوى و كل ما اسأله لحد ما يعرفش الرد

هيا باجاج على سبيل المثال لما نزلت الفسبا زمان , كان بيتحطلها زيت مع البنزين و لا دى افتكاسه من الابداعات المصرية ؟؟؟؟؟؟؟؟

اصلى مش متخيل قسبا و لا موتوسيكل فى شوارع اوروبا ماشى بيدخن بعبط زى ما باشوف عندنا

[KHALED2010]

معنى دخان يعنى زيت بيتحرق او ممكن عطل فى الماكينة فلو دخان خفيف يبقى هيا فيها عطل انها بتحرق زيت ولو دخان كتير يبقي هيا اكيد مصممة لكده

[blazer]

انا اول مره اسمع عن ان فىه حد بيحط زيت مع البنزين عشان يتحرق !
طب ايه فايدته ودوره فى عمليه الاحتراق !!
اعتقد ان دا مظهر من مظاهر التخلف الحضارى فى مصر ليس الا

[well12m]

احب ارد على الاخ خالد ياترى تحت الرفاف هتمسحها بفوطه ظفرة مكان الطين ولو سبت الطين دة هياكل الصاج لو كانت فسبا ولو كان موتوسيكل هياكل الشاسيه الطين كلو املاح ما ينفعش معاة غير الغسيل اما بخصوص نقطه الميه هتنشف فى ثوانى مجرد ما تمشى اما بالنسبه للى بيسأل على موضوع الزيت على البنزيت ديه مش افتكاسه ولا حاجه هو الموتور مصمم كدة لاسباب كتير بس ولو اتحط بمقدار صح عمرها ما هدخن اى ماكينه سواء كانت فسبا او موتوسيكل

[sasam6]

احب ارد على الاخ خالد ياترى تحت الرفاف هتمسحها بفوطه ظفرة مكان الطين ولو سبت الطين دة هياكل الصاج لو كانت فسبا ولو كان موتوسيكل هياكل الشاسيه الطين كلو املاح ما ينفعش معاة غير الغسيل اما بخصوص نقطه الميه هتنشف فى ثوانى مجرد ما تمشى اما بالنسبه للى بيسأل على موضوع الزيت على البنزيت ديه مش افتكاسه ولا حاجه هو الموتور مصمم كدة لاسباب كتير بس ولو اتحط بمقدار صح عمرها ما هدخن اى ماكينه سواء كانت فسبا او موتوسيكل

حتى الريس لازم يتحط زيت على البنزين ولا ده حاجة تانيه

[well12m]

لا طبعا الريس بنزين بس كل ما هو يدور بدون صبابات يوضع زيت على البنزين انما اى ماتور مصمم بصبابات لا يوضع عليه زيت على البنزين

[Diablo]

السلام عليكم ورحمة الله وبركاته احب اصحح شوية اخطاء للاخوة الاعضاء الموتوسيكل الى من غير صباب يبقى ستروك ومصمم عشان ياخد زيت وبنزين عشان البستم ميتسلخش والموتور يقفش ثانيا فيه ريسات تو ستروك بتاخد زيت على بنزين زى الى معايا هوندا nsr
زيت على بنزين وفيه السوزوكى rgv وفيه الياماها tzrوطبعا الموتوسيكل المشهور الجاوا واسم الشهرة توين وعلى فكرة المكن تو ستروك سحبه اجمد من الاربعة سلندر وخفيفة فى الوزن ومعلومة ليك يا استاذ بلازر ان المكن الى انت بتقول عليه متخلف ده محبوب فى اليابان وتايلاند ومشهور عن السى بى ار لان ده اصلا موتوسيكلات تراك وطبعا اليابنيين مش متخلفين ثانيا حاسبينها صح لان المكن ده عمره اطول من اى مكن تانى وانت ممكن تشوف الكلام ده على النت وهتلاقى المكنة دى اغلى من الريسات الجديدة لانها عمرها اطول

[KHALED2010]

النقطة ال بتقول هتنشف فى ثوانى قصدك من الحرارة مثلا لو من الحرارة هتكون مصيبة ليه
لان النقطة هتغلى الاول وبعدين تتبخر وهتاكل مكانها فى النيكل وكل العملية دى بتتم بسرعة انتا بتلاقة النقطة نشفت بس هيا سابت اثر مكانها بيظهر بعد كده

[well12m]

انا بصراحه مش عارف انت زعلان اوى كدة ليه انت حر وكل واحد حر فى ماكينتو يغسلها كل يوم يسبها من غير غسيل خالص كل واحد حر انا بقول معلومه وانت بتقول معلومه وكل واحد يقول معلومه والكل يستفيد ملوش داعى الهجوم دة على معلومه غسيل مهو بدون غسيل هتتسرح فيها البرومه انت ولا انت مش بتمشى فى ميه ولا طين على طول على الاسفلت بس ؟؟؟؟؟؟

[KHALED2010]

لا والله مش القصد بس الفكرة كلها انا بوضح نقطه انا جربتها بعد مرور 4 سنوات بالموتوسكل وكنت محافظ عليه جدا بس عرفت حاجة ان الاهتمام الزايد بيبوظ الحاجة وفعلا بدات الاحظ الشاسية كل يوم عن التانى لونه بقى برتقالى وانضفه وهوا هوا لحد ما بقى خشن جدا وبدا يشقق لحد ماجيت سنفرته ورشيته وبعت المكنة وجبت واحدة جديدة ومن ساعتها وانا بعاملها عادى لا اهتمام زيادة ولا اهمال زيادة اصل خير الامور الوسط ولا ايه يا مان
وارجو ان الاختلاف فى الراى لا يفسد للود قضية

[well12m]

انت معقد بقى من الغسيل هههههه

[elgdawy2007]

على فكرة فى معلومة احب اصححهالك كتر غسيل الماكينة هوا ال بيخليها تصدى ؟؟؟؟؟؟؟؟؟؟ ليه ..........
1/ عند الغسيل عمرك ما هتنشفها بدرجة 100 % صح لو نقطه فضلت هتصدى ماكنها ...
2/ يستحسن وده الاصح فوطه زفره وتمسح بيها الماكينة كلها والفوطه الزفره هتخليها بتلمع وعمرها ما تصدى ...
3/ مع احترامى لراى حضرتك فكر فى الكلمه قبل ماتقولها لان فى ناس لسه مش عارفه حاجه وهتقلدك تقليد اعمى يبقى انتا كده بتضرهم مش بتفيدهم ...
صح ولا انا غلطان
اخـــــــــوك فى الله (خــــــــــــــــــــــالد)