عاجل - انخفاض وشيك على جمارك السيارات

[Nader]

نايل موتورز
كتب نادر الطرابيشي

صرح السيد رئيس مصلحة الجمارك انه ينتظر تصريح من وزارة الصناعة والتجارة الخارجية ومن المفوضية الأوروبية لتطبيق رابع شريحة من الشرائح العشرة الخاصة باتفاقية الشراكة الأوروبية، بالإضافة إلى إصدار الرئاسة قراراً جمهورياً يقضى بتطبيقها من أول يناير 2013.

كما أضاف رئيس مصلحة الجمارك السيد صلحاوي أنه لا نية لوقف العمل بالاتفاقية مع الظروف السياسية التي تمر بها البلاد، مشيراً إلى أن في تطبيقها استفادة لقطاع كبير من مستهلكي السيارات في مصر.

ومن المنتظر أن تنخفض التعريفة الجمركية على السيارات الأوروبية فئة 1600 سي سى وما أقل من 1600 سي سي إلى 24% بدلاً من 40%، كما ستنخفض على فئة... | تابع باقي الخبر على موقع نايل موتورز |

[hossam_elwani]

خبر جميل بس ياترى بيطيق على ارض الواقع ؟؟؟؟؟؟

وغير كده كمان انخفاض الجنيه امام اليورو بلتهم انخفاض الجمرك

تحياتى

[Nader]

لازم الحكومة تطبقه، لكن محدش يقدر يمنعها من زيادة الضرائب مثلاً أو الرسوم على السيارات!

[S O P H O S]

جزاك الله خيرا
ولكن منذ زمن ومفيش اي شعور للمواطن المصري بأن يوجد شئ يقل ثمنه او انخفاض جمارك كمثال
بل العكس فراي فقط ..

[Ahmed Selim]

فرضاً لو الحكومة طبقت الإتفاقية كما هو مفترض و مزودتش الضرايب أو أى رسوم تانية على السيارات..................إنهيار الجنيه كفيل أنه يلتهم التخفيض و زيادة كمان......يعني ممكن فعلياً نلاقي أسعار السيارات عليت مش أنخفضت.

[bassol2000]

الجنيه غلب الكارنية وانا بقول نعم للاستقرار

[hossam_elwani]

فرضاً لو الحكومة طبقت الإتفاقية كما هو مفترض و مزودتش الضرايب أو أى رسوم تانية على السيارات..................إنهيار الجنيه كفيل أنه يلتهم التخفيض و زيادة كمان......يعني ممكن فعلياً نلاقي أسعار السيارات عليت مش أنخفضت.

طيب ممكن نحسبها سوى بالارقام ( انخفاض الجنيه من 5.75 الى 6.20 امام الدولار) ونسب التخفيض من 2011 الى 2013

[adiaa222]

الخبر ميهمش معظم المصريين لان انخفاض الجمارك هيكون على السيارات الاوربية يعنى مرسيدس بى ام دبليو - البيجو - يعنى العربيات الغالية اما العربيات المنتشرة فى مصر لن يحدث لها انخفاض فى السعر زى الهيونداى - والشيفرولية - كيا
فعلا الدعم فى مصر بيروح للمش محتاج

[Kareem.ElAraby]

متابع

[احمدعبدالعزيز]

طيب ما الاسعار كلها زاد حوالى 10 الى 15 الف جنيه فى بعد الموديلات وبعد الجمارك ما تنزل ترجع الى الاصل تانى يبقى الوكيل مش خسران حاجة واللى طالع عينه فى كل الاحوال هو المستهلك

[Ahmed Selim]

طيب ممكن نحسبها سوى بالارقام ( انخفاض الجنيه من 5.75 الى 6.20 امام الدولار) ونسب التخفيض من 2011 الى 2013

نحاول مع بعض بس مش عارف حسبتي هتكون صح ولا لأ............بس هنحسبها من 2012 ل 2013

لو عربية ب 10000 دولار فى 2012 فى بلدها يعني 57500 جم بدون ضرايب ولا جمارك و لا شحن ولا أي حاجة..........هنضيف الجمارك فى 2011 40% يبقى هتكون ب 80500 جم برضه بدون شحن ولا ضرايب و لا مكسب توكيل.

لو عربية ب 10000 دولار فى بلدها فى 2013 يعني 620000 جم بدون ضرايب ولا جمارك ولا شحن ولا مكسب توكيل..........هنضيف الجمارك 24% يبقى هتكون ب 76880 جم بدون ضرايب ولا شحن ولا مكسب وكيل.

يعني الفرق 3600 جم............بفرض ان الحكومة مزودتش الضرايب أو الرسوم :)

بينما فى حالة ثبات سعر الجنيه من 2012 ل 2013 العربية كانت هتبقى ب 71300 جم.........يعني الفرق 9200 جم

[ayman2]

تخفيض الجمارك بنسبه 10% سنويا يقابله تحايل من الحكومه بزياده ضريبه المبيعات ومصاريف الجبايه الأخرى بالأضافه لانخفاض قيمه الجنيه والنتيجه زياده الأسعار فياريت الجمارك تظل كما هى بدون انحفاض حتى لاترتفع الأسعار .... وعجبى واللى تعرفه أحسن من اللى ماتعرفوش

[mm_youssef]

اسعار السيارات بالفعل زادت سرقه عينى عينك

[Land_Cruiser]

اول ما قرأت الخبر قفز الى ذهنى المثل الشهير " الحدايه ما بتحدفش كتاكيت" دائما اللى بيعطوه باليمين بياخدوا قده مرتين تلاته بالشمال ومش هما وبس لأ معاهم التجار الجشعين اللى بيرفعوا الاسعار مع نفسهم عمال على بطال بالاوفر برايس بتاعهم علشان الاستلام الفورى و ارتفاع سعر العملات الاجنبيه المتواصل. يعنى لو سابوا كل حاجه زى ما هى يبقى افضل و يرحموا المواطن الغلبان من أساليب شفط دمه دى

[Elawany13]

أحلام اليقظة بتاعت كل سنة
بفكركم بموضوع السنة اللى فاتت

http://www.nilemotors.net/Nile/263173-2012-10-a.html