الى السادة اعضاء المنتدى-هـــــام

[Karim_Monir]

ملحوظة:
على فكرة يا كريم يا منير انت عارف كويس جدا انا بحترمك وبقدرك اد ايه لكن ده مش معناه اني هقول حاضر لمجرد انك قلت ستوب لاني مش هقول ولا هعمل اي حاجة في حياتى الا اذا كنت مقتنع بيها ومؤمن بيها وبناء عليه مش هحذف توقيعي ولا هغير رايي ولما تسكت جرايدهم عن شتيميتنا ولو ليوم واحد هابقي افكر وقتها اغير رايي

وفي النهاية للجميع سواء اخذوا نفس موقفي او الموقف المضاد لكم كل الاحترام ما دام خلافنا لبيان الاراء المختلفة وليس لمجرد الاستفزاز كما فعل البعض في الايام الماضية

تحياتي للجميع

واضح انك مش قادر تميز انك تختلف معاهم او انك تهين المنتدى
ايوة
اهانة المنتدي بتدنى مستواه الحواري بكل الفاظ اللعان والشتيمة
عايز تشتم اشتم
بس مش لازم اسمعك وانت بتشتم
فهمتني
اللي عايز يعمل حاجة يعملها لكن مش لازم يزعق في وداني
هو ده اللي بقوله
ان قوانين المنتدى هاتطبق من اليوم الساعة 12 بعد منتصف الليل
اي عضو هايكون في توقيعه حاجة مهينة للجزائر كشعب كامل هايحذف توقيعه ويتم اتخاذ اجراء اداري معه
انا معرفش ايه العقوبة لكن اكيد المشرفين عارفين كويس وهايطبقوها
لان النهاردة عدى 9 ايام كاملة والمفروض الغضبة الاولى هدئت
ولازم نتصرف بحكمه ورويه

[Karim_Monir]

انا الحقيقه مش متأكد 100% اني فاهم حضرتك عايز ايه. بس اللي أقدر أؤكده ان محدش بيحاول يخليك تعمل عكس اللي انت مقتنع بيه و لا يملك انه يجبرك على حاجه.. و لكن انت محكوم بقوانين مجتمع (في الحاله دي قوانين نايل موتورز) و انت اخترت تلتزم بالقوانين دي.. يعني لازم ميكونش فيه تجاوزات في كلامك و لازم تغير توقيعك اذا كان لا يتفق مع قوانين المنتدى.

احييك على تفهمك ما اقصده تماما باشمهندس احمد

[Karim_Monir]

انا كلامي واضح جدا اني مش موافق على اجباري على تغيير رايي
واني مش هركب الموجة لمجرد ان اخونا كريم باعتباره مدير الموقع قال ستوب يبقي الكل يحط بقه في لسانه ويسكت
وقوانين نايل موتورز متهيالي مفيهاش ان لما نتاخد على قفانا وده رايي كتير من الاعضاء في كل الموضوعات اللى اتكلمت عن الموضوع ده يبقي مش من حقي انى اعترض واقول لا
ولما شوية همج يدوسوا على علم بلدي او يحرقوه يبقي المفروض انى اسكت او اقول برافو عليهم
وكلامي مفيهوش تجاوزات وانا مش صغير علشان استني حد يعرفني غلطي ولو فيه تجاوز تبقي الادارة توقع العقوبة اللى هي شايفاها

حضرتك مش عايز تستوعب ان كلامي تنبيه اداري وليس بصفة وديه
عشان اوضح تاني بطريقة رسمية
اي توقيع او مواضيع او مشاركات تهين الجزائر كشعب كامل هايتم التعامل معها اداريا كما يراه المشرف
وليس لمجرد لاني ركبت الموجه (وانا مش مدير الموقع على فكرة ده منصب كبير قوي عليا)وبقول ستوب
انا بقول وكلامي واضح للمرة التالتة ان ادارة المنتدى تحملت ثورة الغضب الاولى حتى هدوئها
لكننا لن نقبل تدني مستوى الحوار في المنتدى لاي سبب
علم بلادي وكرامه بلادي عمر ما الشتيمة واللعن والسباب هو اللي هايرجعهالي

[Samir Elshahawy]

تعليقا علي كلام الاخ/ كايرو و الاستاذ/ كريم منير ...

اللي عايز يعمل حاجة لرد الاعتبار و رد الاهانة يكون بالفعل و ليس بالكلام و السباب , هناك دعوة لعمل لقاء ووقفة أحتجاجية للمنتدي بعد العيد حضرتك ممكن تحضرها و تقول لنا أيه اللي ممكن نعمله لرد الصفعة للجزائر و لا أيه ؟؟؟

[Karim_Monir]

أستاذ كريم
كمبدأ أساسى ... الفكرة سديدة تماما والتعقل يحتم ذلك
ولن أدخل فى جدال أن كان كل الشعب يستحق أن يوضع بصمته فى نفس سلة الجانى أم لا
لن نجادل أن كانوا يستحقوا أن نهاجمهم أم لا لكنى أتفق أن أخذ حقنا لن يكون بالسباب

لكن عفوا أخى ماأفزعنى هو مفرداتك فى وصف التعليقات والتوقيعات والتى نوعت فيها تنوع لغوى على مفرد " القذارة " وماشابهه
ولو فرضنا أن البعض سقط لغويا فى هجومه فهل كان من اللائق أن تصفهم بنفس مفردات لغتهم؟؟؟؟؟؟؟؟

هكذا أصبحوا هم أفضل حالا لأنهم هاجموا وسبوا جناه أصابوا كرامتهم
أما أنت فقد أهنت أهل بلدك
أرجو أن يكون فى صدرك سعة لكلماتى التى لم تخرج عن اللائق وأن يكون فى المنتدى مساحة ديموقراطية بسيطة وليس كغيره من المنتديات العربية التى يتولاها سطويين أنخدعوا بسلطة مناصب وهمية على النت
وشكرا

اهلا وسهلا بك اخي الكريم
اطمئن لن تجد من هو اوسع صدرا في تقبل الراي الاخر مني
اي منصب وهمي
الحمد لله لم يتم كتابة لقب المنسق العام تحت اسمي سوى من شهور قليلة رغم كوني احد مؤسسي المنتدى وذلك فقط لسهولة الاتصال بشخص مفوض عندما تستدعي الحاجة
وانا ليس لي اي دور اشرافي في المنتدى بل هيا مهمة فريق كبير من المتطوعين
اما عن لفظ القذارة فبالفعل لو اريتك بععض م رايته لاطلقت عليها الفاظ اشد قوة من لفظة قذارة
وانا لم اهن اهل بلدي فاهل بلدي اهلى وكل اعضاء المنتدى اصدقائي واخوتي
لكن ان يصل الوضع للتبول والشذوذ واشياء اخرى لا استطيع ذكرها
فهذا اهانة للمكان واعضائة قبل اهانة شعب باكمله لان بعضهم اخطأ
تحياتي

[Karim_Monir]

انا معاك ولكن يجب ان لايهان احد سواء ومش عشان هو شعب مسلم يعنى المسيحين يهانو لاطبعا يجب عدم اهانة اى شعب مسيحى او مسلم

بالطبع وهذا ما اوضحته
ليس لكونهم مسلمين او مسيحين فلا فرق في الاحترام
لكن لكون بعضهم اناس محترمة لا ذنب لهم ان يهانو بسبب افعال غيرهم
تحياتي

[fathi_8290]

كل سنة وانت طيب يا أستاذ / كريم
وأنا بأييد كلامك وبشدة

[Karim_Monir]

بسم الله الرحمن الرحيم

الحمد لله والصلاة على سيدنا محمد سيد أنبيائه وخيرته وعلى آله وصحابته سادة الحق وأئمته


إن ما حدث من تداعيات بعد موقعة السودان – كما أطلق عليها البعض – يوجب علينا التوقف ومراجعة أنفسنا وأسمحوا لي أستعراض الآتي :

وأتقدم بأسفي لضعف الأسلوب فلست بصاحب قلم أو من المتخصصين في الكتابة ولكن فقط لم أتمالك أن أبقى صامتا فعذرا

اسمحلي احييك على اسلوبك الطيب

[نور القمر]

لو الموضوع ده نزل بدري شوية من كام يوم كنت هابقه اول المعارضين ليه لاننا كلنا كانت جوانا ناروساعة الغضب يعمى البصر والبصيرة
اه المصريين اتهانوا في السودان من الجزائريين وصحيح مصر اتهانت في الصحف الجزائرية
لكن التعميم تسطيح وكل شعب فيه الكويس والوحش
ولو كان اللي حصل مدبر فعلا من الحكومة الجزائرية فده مش معناه ان كل الشعب الجزائري سيئ وبالتالي مفيش داعي لسب واهانة كل ماهو جزائري
وانا بصراحة بشكر الزميل مهندس مصطفى 89اللي كان والده في الجزائر ونقلنا الصورة الجيدة للجزائريين الحقيقيين اللي ساعدوا والده
لانه هو اللي لفت نظري بطريقة غير مباشرة بعدم التعميم

[future_aya]

حقا
مصر تاج العلاء في مفرق الشرق.. ودراته فرائط عقدها

مصر إن قدر الإله مماتها ِ ..لا ترى الشرق يرفع الرأس بعدها

[zoldan]

انا طبعا باحيي الادب و التحضر وكل الكلام الجميل ده، بس انا هاوصل لكم كلمتين سمعتهم من واحد جزائري واصل، اكد لي ان المشجعيين اللي راحو هما فعلا بتوع سجن الحراش، وكمان قاللي انه لو كان مكان رئيس الجمهوريه بتاعهم كان بعت مليون مش عشره الاف !!!! انا علي فكره مهاجر بره مصر ، والي انا حاسس بيه انهم فخورين جدا باللي حصل، وهم بيفهموا المواقف المعتدله ضعف!!! عموما انا محتار فعلا فالموضوع ده ، والمشكله اني علي اختلاط بيهم ومشفتش واحد نادم علي اللي حصل

[hanafe22]

dfdfa

[babaro500]

خذوها مني من يتكلم على الجزائر أو الجزائريين فليحذر قول الله تعالى (( ستكتب شهادتهم ويسئلون)) فهل انت على استعداد ان تسأل عن ما تقول لآنه شهاده
راجع نفسك يا من تكتب ولا يستفذنك الغضب ان تقع في مصيبة لقول المصطفى صلى الله عليه وسلم (( ان العبد ليقول الكلمة من غضب الله لا يلقي لها بالا يهوي بها في جهنم سبعين خريفا )) احذر اخي الكريم الجزائر امة لها حق الاسلام والعروبة والانسانية فكل هذه حقوق راعيها قبل ان تكتب أو تشتم وخصوصا في مكان عام

[Karim_Monir]

[QUOTE=bondjames;3872151610]

كريم منير
والله كلام جميل لكنه لا يشفى غليل كم مصرى محب لبلده أهين
كما لو كان انت عايزنا نحافظ على بيتنا الثانى اللى مش بيحافظ علينا أساسا كما لو إنك ماشفتش الإهانات على شاشة التليفيزيون من حريمهم قبل المدعووين رجالهم
وبعدين يعنى أنا مجبر على الرد على الرسالة لأتمكن من تصفح المنتدى؟
لأ معلهش

كلامى ليس الغرض منه شفاء غليل كل مصري
كلامي الغرض منه احترام المكان الذي نلتقي فيه
فغالبية اعضاء هذا المكان المحترم اجتمعو هنا لكونه مكان محترم ولا مكان للاهانات والشتائم هنا
يمكنا ان ننقد
ان نناقش
ان نتوصل لحل
لكن لن نصل لاي شيئ سوى الانحدار باستخدامنا لتلك البذائات
وايه اللي خلى بيتك التاني ما يحافظش عليكم
عشان بيقولك يا ريت نستخدم لغة حوار راقي !!!!!!!!!
وبعدين حضرتك مش مجبر انك ترد على رسالتى
حضرتك مجبر انك تشاهدها قبل ما تتصفح المنتدى
منعا لتطبيق القواعد بطريقة تعسفية
واضح ان حضرتك مش واخد على المنتديات

[Karim_Monir]

بص ياباشا الأمور مش إجبار احنا كمصريين مستهدفين من كل البلاد والحقد دائما موجود فى بلاد كتييرة وانا مش لازم أتملق حضرتك علشان اعرف اتصفح المنتدى على العموم شكرا ياباشا المنتدى موجود واحنا كمان موجودين ( مصريين ) لازم ناخد حقنا وإسأل ياباشا الحطيست وهما يردوا عليك إيه الى حصل معانا فى السودان ولما تبقى فى السودان وتشوف الى حصل يبقى تتكلم بس والله الى حصل كتيير كتير قوى فوق الوصف واحنا عايزين حقنا واحنا مش هنسكت عن حقنا ....

الموضوع مفيهوش اي اجبار ولا تملق زي ما حضرتك بتقول
الموضوع فيه قوانين مكان لازم تحترم
حضرتك وافقت على احترام قوانين المكان ده قبل الاشتراك
انا مش طالب منك غير كدة
لان سواء حضرتك او حضرتي او اي عضو اخر سيتم تطبيق قوانين المنتدى عليهم من اليوم بخصوص كل ما يمس موضوع الجزائر
وده تنبيه اداري حضرتك مش موضوع ودي
وكوني عملت الموضوع باجبار المشاهدة قبل التصفح فده عشان مصلحة الاعضاء وعدم تطبيق القواعد بطريقة مفاجئة

ولازم نفهم حاجة واحدة
انا لست مؤيد لما حصل في السودان واما يبقي عار عليا كوني مصري
انا معترض على طريقة الاعتراض وهذا ابسط حقوقي وحقوق كل من اراد الدخول والتناقش بطريقة محترمة