عايز موبايل بالمواصفات دي

[tabeb]

السلام عليكم
يا جماعة عايز اشتري موبايل بالمواصفات دي

1-كاميرا عالية جدا وفيها فلاش(اهم حاجة الكاميرا)

2-خفيف الوزن

3-يقبل كارت ميموري لا يقل عن 4 جيجا

4-صوت عالي

5-فيه واي فاي

6-راديو اف ام

7-بطارية عمرها طويل

8- في حدود 2000-2500

[mrwho1982]

nokia e 96 1600 L.E in radioshack

[Imhotep]

ممكن تشوف سامسونج اس 8300 سعره 2200 و الكاميرا 8 ميجا بس مفيهوش واى فاى..... فى حاجات تانية فى السونى ايريكسون الكاميرا بتاعتها 8 ميجا و فيها واى فاى بس تمنها يكسر ال 3 الاف من التوكيل..... جايز من الموزعين تمنها يقل جزء لا بأس بيه.....

[Imhotep]

على مستوى ال 5 ميجا بكسل.... ال n82 فيه افضل كاميرا و فيه كمان كل المواصفات اللى انت عايزها.... و سعره فى الحدود اللى انت حاطتها برضه.....

[Terrible_DaRsH]

بالرغم من انى مش طايقه و عايز ابيعه الا انه فيه كل المواصفات دى و احسن كاميرا نوكيا نزلت .

Nokia N82

[TeXo]

السلام عليكم

انا كنت في نفس الحيره بتاعت حضرتك من اسبوعين تقريبا و كنت محتار بين ال N79 و N82 و بس بعد ما عملت مقارنه بين الاتنين لقيت ان الـ 97 اغلى حوالي 100 جنيه و بس فيه كام ميزه تستاهل الفرق و انا محتاجها فجبت تليفون نوكيا N79 بـ 1890 و الحمدلله مبسوط معاه شوف يا سيدي مميزاته

كاميرا 5 ميجا بكسل الفلاش اللي معاها اسمه LED هو يتمييز عن فلاش ال N82 انه بيشتغل مع الفيديو كمان (طبعا إضاءه مستمره) بعكس الزينون اللي مع N82 ما ينفعش يشتغل مع الفيديو

معاه ميموري 4 جيجا و حسب مواصفاته في المواقع يقدر يستحمل لحد 8 جيجا

فيه واي فاي ما جربتش سرعته بصراحه

فيه جي بي اس سريع و عملي جدا و فادني كتير

فيه راديو اف ام و فيه حاجه اسمها FM transmitter ده بيخلي تليفونك يشغل الاغاني او الملفات الصوتيه عموما على الراديو هتنفعك جامد في العربيه يعني تشغل اللي عالتليفون في العربيه من غير وصلات و لا حاجه

البطاريه تعتبر كويسه جدا يعني انا اول ما جبته كنت طبعا لسه بستكشف فيه فكنت بشحنه كل يوم مره الاستعمال بتاعي دلوقتي خف شويه بقيت مره كل يومين و احيانا تلاته و انت و استعمالك

بالنسبه للصوت جميل و نقي هو مش عالي جداا بس على حسب الجوده اللي بتسمعها..انا مش هعرف افيدك في النقطه دي كمان عشان انا اغلب الوقت في اماكن هاديه فبسمعه لما يرن على طول :)

كمان صحيح مع العلبه بيبقي في كابل تليفيزيون

و معاه عدد 3 ضهر للموبايل بالوان مختلفه لما بتغير الضهر الثيم بيتغير على حسب اللون اللي ركبته انا ما استعملتهاش لسه عشان عاجبني اللون الاسود :)

اسف لو طولت عليك اللينك ده فيه المواصفات بالتفصيل

http://www.gsmarena.com/nokia_n79-2497.php

[adel1414]

انصحك بوحش سونى اريكسون c905

[R A N A]

متابعة بإهتمام مع اختلافي في المواصفات اللي انا طالباها كالتالي:
1- كاميرا عالية (مش لازم جدا بس اكتر من 2 ميجا بيكسل) وفيها فلاش(اهم حاجة الكاميرا)

2-يقبل كارت ميموري لا يقل عن 2 جيجا

3- صوت عالي

4- فيه واي فاي

5- راديو اف ام

6- بطارية عمرها طويل
7 - ياريت لو في GPS كمان (مش شرط يكون سريع بس اهو يفي بالغرض وخلاص)

8- سعره يكون في حدود 1500 ولو في اقل يبقي ياريت

طبعاً عارفة اني بحلم عشان السعر اللي حاطاه قليل بس اهو اقترحوا برده عليا وربنا يسهل
متأسفة لو ازعجت صاحب الموضوع بطلبي هنا بس انا في نفس الحيرة برده حالياً وقلت يمكن وش الموضوع ده يطلع حلو عليا واوصل لحل

[Terrible_DaRsH]

لو تعرفى تجيبى موبايل من السعودية او بره مصر عموما يا رنا هقولك على موبايلات كتيرة فيها كل الامكانيات دى و ارخص من كده كمان .

[R A N A]

لو تعرفى تجيبى موبايل من السعودية او بره مصر عموما يا رنا هقولك على موبايلات كتيرة فيها كل الامكانيات دى و ارخص من كده كمان .

طب قول على الموديلات دي كده يامصطفى يمكن ربنا يكرم واعرف اخلى حد من بره يجيبلي بس مش عارفة لسة هايسافروا امتي وييجوا امتي؟ يعني ممكن السعودية أو دبي لو ربنا سهل.
وممكن انجلترا كمان بس متخوفة من نقطة ان ممكن الموبايل اللي هاييجي منها ميكونش بيشتغل هنا في مصر
عموما قوللي على الموديلات كدة وانا هاسألهم واشوف.
وميرسي على اهتمامك

[Terrible_DaRsH]

طب قول على الموديلات دي كده يامصطفى يمكن ربنا يكرم واعرف اخلى حد من بره يجيبلي بس مش عارفة لسة هايسافروا امتي وييجوا امتي؟ يعني ممكن السعودية أو دبي لو ربنا سهل.
وممكن انجلترا كمان بس متخوفة من نقطة ان ممكن الموبايل اللي هاييجي منها ميكونش بيشتغل هنا في مصر
عموما قوللي على الموديلات كدة وانا هاسألهم واشوف.
وميرسي على اهتمامك

طيب اولهم Nokia N78 ..

فيه جي بي اس وواير ليس و كاميرا 3,2 ميجا و كارت 2 جيجا و سعره لو هتجيبيه من السعودية 800 ريال ..

[fady.bekatcho]

متابعة بإهتمام مع اختلافي في المواصفات اللي انا طالباها كالتالي:
1- كاميرا عالية (مش لازم جدا بس اكتر من 2 ميجا بيكسل) وفيها فلاش(اهم حاجة الكاميرا)

2-يقبل كارت ميموري لا يقل عن 2 جيجا

3- صوت عالي

4- فيه واي فاي

5- راديو اف ام

6- بطارية عمرها طويل
7 - ياريت لو في gps كمان (مش شرط يكون سريع بس اهو يفي بالغرض وخلاص)

8- سعره يكون في حدود 1500 ولو في اقل يبقي ياريت

طبعاً عارفة اني بحلم عشان السعر اللي حاطاه قليل بس اهو اقترحوا برده عليا وربنا يسهل :ob_mak1[1]:
متأسفة لو ازعجت صاحب الموضوع بطلبي هنا بس انا في نفس الحيرة برده حالياً وقلت يمكن وش الموضوع ده يطلع حلو عليا واوصل لحل :ob_mak1[1]:

نوكيا 6210 فية كل الى انتى عايزة وب1500 او 1600 بس من غير ضمان

وتليفون جميل جدا هو مع اخويا

بس الى سمعتة انة هنا فى مصر بيجى من برة يعنى من غير ضمان

[tabeb]

شكرا ليكوا يا جماعة
الكفة مايلة لاتجاه سوني اريكسون حاليا
كاميرات سوني اريكسون كويسة جدا

[I.S.L.A.M]

متابعة بإهتمام مع اختلافي في المواصفات اللي انا طالباها كالتالي:
1- كاميرا عالية (مش لازم جدا بس اكتر من 2 ميجا بيكسل) وفيها فلاش(اهم حاجة الكاميرا)

2-يقبل كارت ميموري لا يقل عن 2 جيجا

3- صوت عالي

4- فيه واي فاي

5- راديو اف ام

6- بطارية عمرها طويل
7 - ياريت لو في gps كمان (مش شرط يكون سريع بس اهو يفي بالغرض وخلاص)

8- سعره يكون في حدود 1500 ولو في اقل يبقي ياريت

طبعاً عارفة اني بحلم عشان السعر اللي حاطاه قليل بس اهو اقترحوا برده عليا وربنا يسهل :ob_mak1[1]:
متأسفة لو ازعجت صاحب الموضوع بطلبي هنا بس انا في نفس الحيرة برده حالياً وقلت يمكن وش الموضوع ده يطلع حلو عليا واوصل لحل :ob_mak1[1]:

شوفى يارنا بمواصفاتك دى وسعرك المطلوب فيها احسن حاجة تجيبى نوكيا3310 استعمل خفيف يعنى7 او 8 سنين مش اكتر .

[mxz911]

طب ما حضرتك ممكن تشترى كاميرا ديجتال عاليه جدا وعمر ما كاميرت الموبايل هتبقى زى الكاميرا الديجتال ..

واشترى فى نفس الوقت موبايل حلو وبكاميرا حلوه برضه !!