سؤال بخصوص المعاهد الخاصه

[malibu]

ياريت حد من الى يعرف فى الموضوع ده يرد عليا
(((اخويا كان فى طيبه . قدم و دفع مصاريف الترم الاول بس ومراحش المعهد خالص
وديه تالت سنه والمعهد بعت اخطار ان ديه اخر سنه ليه و طالبين المصاريف المتاخره )))


السؤال بقا لازم المصاريف تتدفع عشان نسحب الورق و لا لأ

علما بانه حاليا بره مصر و هيكمل تعليمه بره
هما بيقولو عشان هو مقيد عندهم

لكم جزيل الشكر

[fady.bekatcho]

المفروض انة اول ما سافر كان يروح يسحب ورقة ويسحب قيدة من الجامعة

بس سوال هو مسافر من سنتين يعنى ؟

بس لو كدة يبقى لازم يدفع الفلوس والا هيترفع علية قضية

دا على حسب علمى

[خالد]

بص ياسيدى الفاضل : المعاهد الخاصة بتشرف عليها وزارة التعليم العالى ، وكل معهد له عدد معين من الطلبة كل سنة ، هذا العدد بناء على مساحة المعهد وإمكانياته التعليمية وعدد أعضاء هيئة التدريس ......ألخ ، وكذلك نسبة الطلبة الراسبين ، يعنى بالعربى أجمالى عدد الطلبة كلهم فى المعهد فى جميع السنوات الدراسية
بالنسبة لأخوك طالما هو مقيد عندهم فى المعهد من سنة أولى فكدة حجز مكان وتم قيده على ذمة المعهد وبالتالى تم خصمه من العدد اللى الوزارة هاتبعته كطلبة جدد للمعهد ، وبكدة لازم المعهد ياخد منه المصروفات طالما مقيد عنده
فطبعاً لازم يدفع
وممكن تروح حضرتك وزارة التعليم العالى - إدارة المعاهد الخاصة تقريباً فى لاظوغلى وتسأل بالظبط يدفع ولا لأ
أو ممكن يطنش خااااااااااااااااااالص ومايهوبش ناحية المعهد إذا كان مش محتاج الورق بتاعه
وممكن يطلع بدل الأوراق دى بدل فاقد من وزارة التربية والتعليم - شهادة ميلاد ...ألخ

[malibu]

يعنى هما حقههم فعلا يطالبو بالفلوس ؟
هو قدم الورق و دفع مصاريف تيرم و مارحش خاالص ولا حضر اى امتحان

[خالد]

يعنى هما حقههم فعلا يطالبو بالفلوس ؟
هو قدم الورق و دفع مصاريف تيرم و مارحش خاالص ولا حضر اى امتحان

والله أنا أعتقادى كده بس مش متأكد أن ده قانونى ولا لأ ، لأن المعاهد الخاصة بيستعبطوا قوى قوى
أحسن حاجة أنك تروح الوزارة فى لاظوغلى - إدارة المعاهد الخاصةوعلى فكرة المعاهد الخاصة بيترعبوا من الوزارة موووووووووت ، لأن أى مخالفة ممكن المعهد كله يتقفل
هما اللى هايقلولك على الصح
روح الوزارة أحسن وماتكسلش دى الآف هاتدفع مش كلام فاضى يعنى المشوار يستاهل التعب
وأبقى طمنا عملت أيه

[malibu]

انا عرضت عليهم ادفع رسوم تسجيل بس .من غير رسوم دراسه
قالولى لأ لازم المصاريف كامله بمصاريف الترم التانى الى لسه مبدأش عشان
اقدر اسحب الورق
طالبين 8000 و عايزينى ادفع مصاريف كتب كمان (السنه ب 3200)
مصاريف الكتب فى السنه 350
شكرا لكل الى ردو و شكر خاص ل أ. خالد

[malibu]

انا رحت الوزاره وفضلت نصف ساعه اشرح للموظف الغبى الموضوع من اوله .وفى اخر قالى مش اختصاصى. روح اداره المعاهد العليا
رحت ودخلت للمدير و كان رده (((طلما معكوش فلوس بتدخله عيالكو خاصه ليه ))) بالنص

المهم يمين شمال مفيش فايده
رحت على طيبه و قابلت سكرتير المدير .و دفعنى رسوم تسجيل بس

1200 فى السنه*3 سنين - 1600 كانو مدفوعين =2000

اشكر كل من حاول مساعدتى

[AhMeD EzZ]

انا رحت الوزاره وفضلت نصف ساعه اشرح للموظف الغبى الموضوع من اوله .وفى اخر قالى مش اختصاصى. روح اداره المعاهد العليا
رحت ودخلت للمدير و كان رده (((طلما معكوش فلوس بتدخله عيالكو خاصه ليه ))) بالنص

المهم يمين شمال مفيش فايده
رحت على طيبه و قابلت سكرتير المدير .و دفعنى رسوم تسجيل بس

1200 فى السنه*3 سنين - 1600 كانو مدفوعين =2000

اشكر كل من حاول مساعدتى

انا لو مكانك و قالي الكلمة دي ردي هيكون بسيط اوووي
" و انت مال اهلك "
مش هقوله غير كدة بكل برود
سوري لو الكلمة خارجة بس حاجة تحرق الدم

[malibu]

انا لو مكانك و قالي الكلمة دي ردي هيكون بسيط اوووي
" و انت مال اهلك "
مش هقوله غير كدة بكل برود
سوري لو الكلمة خارجة بس حاجة تحرق الدم

كل الكلام الى فى دماغك ده اتقال

بس لو حكيت الى حصل هاخد طرد

[خالد]

معلهش ياباشا بس الحمد لله أنك خلصت الموضوع ورسيت على 2000 ج بس معقولة
بس على فكرة ممكن تقدم شكوى فى مكتب الوزير لو الموضوع مضايقك قوى ، هاتعمل روشة للموظف التعبان ده ، كفاية أنه هيطلب فى التحقيق فى الوزارة ويتعلم الأدب شوية
على العموم ماتزعلش نفسك أغلب موظفين مصر كده
نتيجة كترة الحروب اللى البلد دى أتعرضتلها الناس خدت على الحرب
وفى الفترة الحالية مفيش حروب ، فبدأت الناس والشعب المصرى يحارب بعضه !!!
لأحظ كده الموظفين فى كل المصالح الحكومية زى مايكون بينهم وبين المواطن تار بايت وبيحاربه فعلاً !
لاحظ الناس فى الشوارع وفى المواصلات العامة وحتى أثناء السواقة كله بيحارب بعضه
لاحظ تعاملات الناس مع بعضها وتأملها بهدوء وأستدعى فكرة الحرب هتلاقى فعلاً حرب بين الشعب وبعضه !!!
ربنا يهدى الناس كلها
بجد أنا تعبت جداً من الناس فى البلد دى قلة أدب - بلطجة - فتونة - كدب - خداع - سرقة ونصب - سفالة موظفين - صوت عالى ......ألخ
مش عارف أتعامل مع الناس فى البلد دى خلاص !!! نفسى أهاجر أى بلد محترم !
يآااااااااااااه فين أيامك ياسويسرا !!
أدب - نظام - نظافة - أمانة - هدوء - أخلاص - أبتسامة بشوشة لمن يعرفك ومن لايعرفك - تعاون - صدق - جمال .... كل الصفات الحلوة اللى تتمناها فى الدنيا ،
أنا أيه بس اللى رجعنى البلد دى ؟!
يارب أوعدنا تانى ، أنا عاوز أروح كندا ، سمعت أنهم فاتحين باب الهجرة
يارب

[I.S.L.A.M]

اكيد الموظف ده كان متغاظ من اخوك وكان نفسه يروح يدرس بره ومعرفش اصل هو فيه ناس كده بتحب تطلع عقدها على البنى ادمين

[theman]

والله أنا أعتقادى كده بس مش متأكد أن ده قانونى ولا لأ ، لأن المعاهد الخاصة بيستعبطوا قوى قوى
أحسن حاجة أنك تروح الوزارة فى لاظوغلى - إدارة المعاهد الخاصةوعلى فكرة المعاهد الخاصة بيترعبوا من الوزارة موووووووووت ، لأن أى مخالفة ممكن المعهد كله يتقفل
هما اللى هايقلولك على الصح
روح الوزارة أحسن وماتكسلش دى الآف هاتدفع مش كلام فاضى يعنى المشوار يستاهل التعب
وأبقى طمنا عملت أيه

سلام عليكم انا عندي مشكلة انا مفصول من جامعة خاصة في مايو 2015 هستلمه اليومين دول علشان عليه مصاريف كتير والدنيا كانت مزنقة معايا قالولي عليك مصاريف 3 سنين وانا عايز اسحب ملفي علشان اقدم في الجيش مكونتش بروح ولا بحضر بس كنت مقيد لغاية لما اتفصلت السنة اللي فاتت حوالي 14000 قدمت طلب في رعاية الشباب في الجامعة قالولي هينزلوا من كل سنة 25% بس برضه ممكن المصاريف تكون عالية هل في مكان ممكن اروح اشتكي فيه يخفضلي المصاريف انا عندي ظروف مادية صعبة شوية وابويا مريض بالسرطان وبيتعالج في معهد ناصر علي نفقة الدولة هل في شكوي ممكن اعملها تجيب نتيجة في تخفيض المصاريف

[theman]

ياريت حد من الى يعرف فى الموضوع ده يرد عليا
(((اخويا كان فى طيبه . قدم و دفع مصاريف الترم الاول بس ومراحش المعهد خالص
وديه تالت سنه والمعهد بعت اخطار ان ديه اخر سنه ليه و طالبين المصاريف المتاخره )))


السؤال بقا لازم المصاريف تتدفع عشان نسحب الورق و لا لأ

علما بانه حاليا بره مصر و هيكمل تعليمه بره
هما بيقولو عشان هو مقيد عندهم

لكم جزيل الشكر

انا برضه عندي نفس المشكلة انا مفصول من جامعة خاصة ومش راضين يدوني جواب الفصل ولا الورق بتاعي الا لما ادفع مصاريف 3 سنين محضرتش منهم حاجة لاني كان عندي ظروف مادية صعبة مكنتش قادر ادفع المصاريف لما روحت اسال قالولي انت مفصول ومش هتاخد ورقك الا لما تدفع مصاريف 3 سنين مبلغ كبير طبعا حوالي 14000 المفروض اعمل ايه وهل بعد ما اخد ورقي ممكن اشوف اي معهد سنتين اخد منه شهادة وخلاص انا معايا ثانوية عامة من سنة 2007 هل اقدر اقدم بيها دلوقتي او السنة الجاية في معهد ويقبلوني وموضوع المصاريف هل في تصرف ممكن اعمله يخفض المصاريف شوية او مكان

[theman]

ياريت حد من الى يعرف فى الموضوع ده يرد عليا
(((اخويا كان فى طيبه . قدم و دفع مصاريف الترم الاول بس ومراحش المعهد خالص
وديه تالت سنه والمعهد بعت اخطار ان ديه اخر سنه ليه و طالبين المصاريف المتاخره )))


السؤال بقا لازم المصاريف تتدفع عشان نسحب الورق و لا لأ

علما بانه حاليا بره مصر و هيكمل تعليمه بره
هما بيقولو عشان هو مقيد عندهم

لكم جزيل الشكر

انا برضه عندي نفس المشكلة انا مفصول من جامعة خاصة ومش راضين يدوني جواب الفصل ولا الورق بتاعي الا لما ادفع مصاريف 3 سنين محضرتش منهم حاجة لاني كان عندي ظروف مادية صعبة مكنتش قادر ادفع المصاريف لما روحت اسال قالولي انت مفصول ومش هتاخد ورقك الا لما تدفع مصاريف 3 سنين مبلغ كبير طبعا حوالي 14000 المفروض اعمل ايه وهل في مكان ممكن اشتكى فيه ويخفضولي المصاريف و لا لا وهل ينفع اشوف اي معهد سنتين اخد منه شهادة وخلاص انا معايا ثانوية عامة من سنة 2007 هل اقدر اقدم بيها دلوقتي او السنة الجاية ويقبلوني