حالة زهايمر كل 7 ثوان في مصر

[Falcon.Crest]

القاهرة ـ المصريون (رصد) : بتاريخ 3 - 12 - 2007
د. عبد المنعم عاشور رئيس جمعية الزهايمر أكد أن المرض انتشر في مصر بصورة كبيرة قائلاً: إنه من المتوقع أن تصل اعداد المصابين إلي 81 مليون عام 2040 حيث أن هناك حالة زهايمر جديدة كل 7 ثوان جاء ذلك خلال ندوة دور الإعلام والتعليم في مكافة الزهايمر بالتعاون مع كلية التمريض بعين شمس وأوضح د. عاشور أن أهم الأعراض والعلامات المبكرة للزهايمر النسيان المتقطع والتوهان وصعوبة اتقان أعمال جديدة وتكرار إعادة الاسئلة ومن الناحية العاطفية فيكون أقل مرونة وأكثر تصلباً ومتقلب المزاج ؛ حسب صحيفة الراية القطرية .

[HESHAM AMIN]

الشعب المصرى حيبقى عندة زهايمر
احسن حاجة علشان ينسى مشاكلة وهمومة

[محمد المصرى]

انا حاسس ان كل المديرين فى مصر عندهم زهايمر والحريم كمان

[m_aash]

طيب الحمد لله إنى مش لوحدى اللى عندى زهايمر :)

[Powert]

يعني لو جينا نحسبها

الدقيقة فيها 60 ثانية يعني 60 / 7 = 8

يعني 8 افراد كل دقيقة

والساعة فيها 60 دقيقة يعني 60* 8 = 480 برضه

يعني كل ساعة في تقريبا 500 واحد

واحنا 80 مليون

يبقى فاضلنا كام سنه ويجلنا الزهايمر لشعب كله ؟؟؟

:D:D:D:D

[Dr Ahmed]

انا حسبتها بالظبط زيك يا باورت
وكده فى اليوم الواحد حوالى 12343 واحد بيجيلهم الزهايمر
وفى أقل من 20 سنة يبقى كل الشعب انصاب

ودا يثبت لى ان الموضع مش دقيق ويبدو انه يقصد حالة كل 7 ثوانى فى العالم كله وليس مصر
والزهايمر عمره ماكان بالنتشار ده ، بالعكس من المفترض انه من الأمراض النادرة!!

[Powert]

هي فعلاً يادكتور الارقام دي خرافية وواضح انه يقصد انها في العالم كله

بس انت لو روحت لاي حد دلوقتي وقوتله حاجة يقولك .....أخ نسيت

....أخ مش فاكر .....أخ مش عارف اية .... ومعظم الناس كده والشباب بذات

انا لما كنت في الكلية من سنتين لما بكلم اي حد يقولي .....معلش نسيت

.....معلش مش فاكر.... حتى انا كمان لدرجة إن انت ممكن تقولي حاجة وبعد دقيقة

انسها واعرف ناس كتيير كده ولما بسأل حد يقولى الاسباب كتيير ......التلوث...

...مشاغل الحياة .....توترات اليومية ...... المشاكل.......الحالة النفسية .....

..وفي الاخر متعرفش توصل لنتيجة من اي حد غير .......اسف نسيت.......

.............. أة نسيت كنت عايز اقول اية تاني ...........
:):):):)

[eng_mkhalaf]

الموضوع دة مش داخل دماغى - بس إللى احنا فية لازم يبقى الواحد يتمنى يجيلة زهايمر علشان ميفتكرشى إللى بيحصل فية من الأخوة البعدة - ربنا يجعل كلمنا خفيف عليهم