موقف يستحق الاشادة

[Ahmed Sharaf]

بالأمس كنت واقف فى الزحمة تحت كوبري غمرة , ولقيت في الجهة الاخرى شاب تقريباً 17 18 سنة نط من الأتوبيس وهو ماشي وجري .. انا إفتكرتة حرامي ( ربنا يسامحني ) ولقيتي جري جهة رجل كفيف كان ماشي وهايتشقلب في سلسلة حديد من اللي بيحجزوا بيها مكان للعربيات على ارتفاع 50سم تقريباً.
والحمد لله لحق الراجل وبعدة عنها ومشي بية وواضح انة كان هيعدية الشارع.
من إمبارح وانا عمال أدعيلة إن ربنا يباركلة في صحتة وشبابة.
بس كدة .. لقيت نفسي عايزكم تشاركوني في الموقف الجميل جداً دة.

[zaza_lanos]

لسه فى ناس بخير وشباب محترم
ربنا يباركله

[melmegharbel]

كويس جداً إنك كتبت الموضوع ده عشان ننشر الخير بدلا من الشر وده بيخلى الناس تبطل إكتئاب وتحس إن الدنيا لسة بخير

[مؤمنة]

ربنا يباركله بجد هى دى جدعنه المصريين

[Ahmed Sharaf]

كويس جداً إنك كتبت الموضوع ده عشان ننشر الخير بدلا من الشر وده بيخلى الناس تبطل إكتئاب وتحس إن الدنيا لسة بخير

بالضبط زي ما حضرتك قلت , وكمان شوف فية كام واحد دعالة بالخير وهيدعيلة لسة.

[abou_ruqi]

والله البلد بخير , وحتتخلص من ثوب الفساد قريب

[TAMER2020]

والله البلد بخير , وحتتخلص من ثوب الفساد قريب

أنا برضو عندى الاحساس ده و إن اليوم ده قرب اوى

[أبو إياد]

احلى حاجه فى المصرى مهما كانت ظروفه مدير غفير صغير كبير بلطجى حتى
لما بيلاقى فرصه ادامه للخير مابيفكرش وبيسعى ليها

[نور القمر]

الاصل الطيب لسه موجود
ربنا يبارك له
انا بصادف حاجات كتير كدة وخصوصا مع اعطال العربية بلاقي ربنا بيوقف لي اولاد الحلال لاني ولله الحمد مش بتأخر عن مساعدة اي بني ادم طالما في امكاني اساعده

[shadygalal669]

ربنا يباركله

[romeo_6887]

لسه البلد بخير و الحمد لله

[A.Saad]

انا هادعيله
لان انا مرة حصل لى تمزق غى اربطة القدم وجذع للمفصل بسبب الجنازير دى
والنتيجة
3 اسابيع فى الجبس
وعلاج طبيعى 3 شهور كمان

الله يبارك له ويمد له فى صحته

[ehab08]

ربنا يرزقه كل الخير
ويحميه وكثر من أمثاله

[ahmed-moga]

هو ده المصري ياجماعه النيل رواه والخير جواه أحنا مهما حصل جوانا الخير والله أنا أعرف واحد مشهور بالبلطجه وفي مره واحده ست وقعت وأغمي عليها جري وجاب كرسي وميه وقعد يفوقها لحد ماقامت وفاقت وفضل مسندها لحد ماوصلها لحد البيت الخير والطيبه موجوده جوانا بس مستنيه اللحظه المناسبه اللي بتطلع فيها وفعلا البركه في الشباب

[blazer]

ربنا يباركله فعلا ويرزقه خيرا
ياريت يا جماعه -اعتبروها دعوه للخير كدا :)-
اللى يبقى فى موقف يقدر يساعد فيه حد محتاج اوعى يتأخر عبيه
محدش عارف ممكن يكون الموقف دا سبب فى دخولك الجنه و تكون فى اعلى المراتب و الدرجات كمان
زى الحديث بتاع الرجل اللى سقى الكلب