م . خ . ن . و . ق . هــــ

[cyborg_ift]

الحل الوحيد للخنقه وعن تجربه انك تخنقي اللي معاكي

أه والله بجد لما بتخنق جداً بقعد أخنق في مراتي لحد ما ألاقيهه مخنوقه أكتر مني ومش عارف ليه ساعتهه بحس إني سعيد جداً


الحل التاني سفريه لإسكندريه والقعاد على شاطئ ستانلي حبيبي

[shaddadfalcon1]

اي تسجيل من التسجيلات القديمه لعبد الباسط هتحل المشكله دي
وياسلام لو سمعتي طرائف الشيخ كشك هتستفادي وتضحكي كمان

انا بدخل في الموود ده كتير وببقي لا عارف اقرا ولا اتفرج علي تليفزيون ولا افلام واشتغل ولا حتي العب جيمز ولا حتي اخرج ولا اتكلم مع حد

بس الحمد لله بتبقي ازمه وتعدي
ساعات بيبقي ضغط شغل وساعات كمان بحس انه حسد
اقري المعوذتين برده مش هتخسري حاجه

[shaddadfalcon1]

لو ذهقانه قوي بقي ممكن تنزلي Lost او Prison Break وتعيشي

[FunnyMickey]

الحل الوحيد للخنقه وعن تجربه انك تخنقي اللي معاكي

أه والله بجد لما بتخنق جداً بقعد أخنق في مراتي لحد ما ألاقيهه مخنوقه أكتر مني ومش عارف ليه ساعتهه بحس إني سعيد جداً


الحل التاني سفريه لإسكندريه والقعاد على شاطئ ستانلي حبيبي

طب هيا يعني انسانه وحشه وخنيقه للدرجه اللي بتخليك كل ما تبقي مخنوق تطلع فيها
ولا هيا كويسه وانتا اللي بتفتري عليها

وليه مخلي حياتك الزوجيه بالشكل ده اصلا

[hh]

ربنا يكرمكم جميعا انا فعلا اخدت يومين كدا فمكان بحبه وكمان كانت خطوبة صحبتي الانتيم من يومين

وفرحتي بيها رفعت معنوياتي جدا:s_thum1[1]: ولله الحمد

ثانيا متشكرة جدا جدا علي اهتمامكم

ثالثا في رد بصراحة أضحكني كثيرا وياريت صاحبة الفاضل ميزعلش




شفتو بقي:c_laugh[1]::c_laugh[1]::c_laugh[1]::c_laugh[1]:

طيب كويس انك لقيتي حاجة تضحكك قوي كدة و انتي مكتئبة

بس مش كنتي تفهمينا ايه اللي بيضحك قوي كدة عشان نضحك معاكي

[cyborg_ift]

طب هيا يعني انسانه وحشه وخنيقه للدرجه اللي بتخليك كل ما تبقي مخنوق تطلع فيها
ولا هيا كويسه وانتا اللي بتفتري عليها

وليه مخلي حياتك الزوجيه بالشكل ده اصلا

بصراحه أنا المفتري ولعلمك الحياه الزوجيه متبقاش حلوه إلا إنك تنكش التاني كل شويه

[M!NA]

المشكلة في بلدنا فعلا... أن البنات اختياراتهم محدودة جدا...

و من الصعب أنهم يعملوا نفس اللي احنا بنعمله ...

دول حتى لو نزلوا يتمشوا حوالين البيت... هيتعرضوا لمضايقات و معاكسات...

و اللي منهم ضاربة بالنظام عرض الحائط و بتعمل اللي نفسها فيه.... دايما بتكون الفكرة المأخوذة

عنها أنها بنت مش كويسة.... (و الله أعلم بالنفوس و القلوب طبعا)

عموما أنا ليا رأي و ده لأي انسان عامة حاجة صحية ليه أنه يعملها...

حاولي تشتركي في نشاط مساعدة للأطفال المعاقين ذهنيا.... أو الأيتام... أو المسنين....

ايا كان ما يناسبك فيهم.... ما تتصوريش مدى السعادة اللي هتحصلي عليها من اسعادهم....

والله مش كلام اعلانات ولا 57357 و اتبرع ولو بجنيه و الحاجات ديه....

بس فعلا الأنشطة ديه بتدي سعادة و تعزية لا توصف للانسان.... دا غير الشكر اللي بيعيشه... على النعم اللي بيدرك أنه فيها لما بيشوف غيره...

[icehearted girl]

هوا حضرتك تقريبا تلات ارباع وقتي مستثمر في الانشطة دي فعلا ولله الحمد

[M!NA]

هوا حضرتك تقريبا تلات ارباع وقتي مستثمر في الانشطة دي فعلا ولله الحمد

المهم الكيف... مش الكم....

بمعني انشغال العقل و القلب بالحالات ديه... و التفكير في كل حالة... و ايه اللي ممكن نعمله عشان نحل مشكلة فلان... أو فلانه... و هكذا....

عموما دي كلها نصايح من واحد بيحاول يطبقهم... و لسة منجحش.... :)