للبيع بمليون جنيه

[Egyzizo]

ماذا ينتفع الإنسان لو ربح العالم كله وخســر نفسه ؟؟!!

[Abdm]

السلام عليكم ورحمة الله وبركاته

انا شايف ان فى ناس اختارت الكرامه والذات وناس اختارت الفلوس بغض النظر عن الموضوع نفسه الا ان الاختيار تم من خلال المبداء
والبعض لم يصوت الا بعد معرفه الموضوع نفسه بمعنى انه بناءا على الموقف هيتم الاختيار

فى كام استفسار فى بعض المشاركات لفتوا نظرى
اولا الفلوس دى مش حرام
ثانيا الكرامه والذات هو المقصود بيهم سمعتك وشخصيتك وصفاتك بمعنى انك مقابل المبلغ ده تكون ادام الناس المقربين ليك
كذاب
منافق
انسان غير موثوق فيه
طماع

اما لو كدبت الناس دى وصممت انك على حق وانك انت اللى صح فستحرم من هذا المبلغ علما بان المبلغ ده حقك بس مش هاتقدر تاخده منهم الا برضاهم عنك

صديق واخ عزيز موروط فى هذه المشكله وفشلت انى اديله الحل وبعد موافقته فى عمل استطلاع واخذ بوجهات نظر اكبر عدد ممكن لافادته ارجو بجد التفاعل والنقاش بجديه فى تحديد مصير انسان وقف عاجزا امام هذا الموقف

يسيب حقه ويصون كرامته
ولا ينافق الناس وياخد حقه ؟ بس ادامه وادام نفسه واهله هايكون .......!!!!!!!!!


ارجو التفاعل

بص يا أبو أياد أنت كدة يعنى وضحت نص نص يعنى مش بالتفصيل لكن لو ينفع أسلوب المكر والمناورة لآخذ الحق على أن لا يظلم أحد فى الموضوع أو يكذب أحد وأن لا يكون هناك شهادة زور يعنى باللين والحيلة والمكر بدون ضرر لآحد . لا ضرر ولا ضرار . وبعد ما تأخذ حقك أخلع بعد كدة بعيد عنهم وأتركهم نهائى يعنى فترة مؤقتة لغاية ما تخلص مصلحتك .
نصيحة لازم يكون متأكد 100 فى 100 أنة بالآسلوب دة هيعرف يأخذ حقة وأنهم مش هيرجعوا يماطلوة تانى ويضحكوا علية وعلى رأى المثل . لا طال بلح الشام ولا عنب اليمن .
والله المستعان

[أبو إياد]

انت بتقول انى وضحت الامور نص نص
طيب محتاج تعرف ايه ؟ وانا هاحاول اوضحه

[أبو صلاح]

بص ياباشا
الموضوع كده قلب لاتجاه تاني خالص بعيد عن الكرامة والفلوس والكلام ده

خلاصة الكلام أخد الحق حرفة
وانا في حدود فهمي للموقف ده بعد لما آخد حقي يا اما اسامح اللي اخدت حقي منه يا اما ادوسه بالجزمة

يعني الكرامة والسمعة والضمير بعيد عن الحوار ده خالص

[ahmed4000]

انت سالت على حاجة حتاخد عليها فلوس بس حتهين نفسك صح؟
لكن اعتقد ده مختلف تماما عن ان ليك حق وبتحاول تاخده

ولا المقصود انك مثلا ليك حق بس علشان تاخده لازم مثلا تتذلل للى ليك حق عنده؟

[engahmedmahfouz]

انا ممكن اقول إشطى اخد المليون جنية و لما ييجي يقولي هات بقى كرامتك هقولو غور يلى إمشي بعيد دة انا معايا مليون جنية

طبعا" كرامتي و ذاتي

[أشرف العدوي]

طيب هو ليه ما فكرش ياخد حقه بطريقة تانية
ليه خيار الذل هو الوحيد علشان حقه يرجعله
ياريت توضيح

[mustafaibrahim]

عادى فيه ناس كتير اغنيا عندهم كرامة وعندهم ملايين

معتقدش ان فيه تعارض بينهم

[abogogo]

بص يا سيدي ردك الاخير غير مفهوم السؤال تماما فالمال حقي ولكن لأسترداده يجب ان اتنازل عن جزء من الكرامة والذات حتى استرده بص ياسيدي عن نفسي انا راجل صعيدي ولن اقبل ان اتزلل لأنسان مهما كان ولكن حقي اخده بدراعي غصب عن عين التخين لو هيطير فيها رقاب والهجوم خير وسيلة ده مبدئي وروحي ورزقي مش بيد اي انسان بيد الله عز وجل والانسان بيعيش مرة واحد فقط في الدنيا عشان كده تأخذ الدنيا غلابا بالدراع اياك والزل والخنوع لغير الله لن تأخذ حقك ابدا وستخسر ذاتك امام نفسك لو اخذت حقك بطريقة الزل والتنازلات والعرب خير دليل على كلامي واعان الله كل من اراد اخذ حقه

[أبو إياد]

نقطه ومن اول السطر
واسف انى مش قادر اوضح الموضوع بشكل مباشر
لكن هاقص قصه مشابه وهاتكون مثال يوضح ما اريد قوله

هانفترض ان فى مثلا شىء هو ليس ملك ولكنك تستنفع منه ولا يستنفع منه المالك (رغبه المالك) وهناك مستندات تثبت صحه هذا الاتفاق بشرط بعد وفاه المالك يستفيد منه الورثه علما بانك انت احد الورثه

وبعد فتره فوجئت بالمالك بانه يطالبك بالمستندات وبالاوراق لانك كاذب وغير موثوق فيك وطماع والا سوف تحرم من نصيبك فى الميراث

والراجل ده صرف الالف على الشىء ده

وقدم المستندات اللى بتثبت حقه للمالك خوفا على زعله وليس خوفا منه او على حقه

وطبعا الايد الخفيه هى باقى الورثه اللى اكيد مش محتاجين حاجه لانهم لو محتاجين ماكنوش عملوا كده

المهم ده مثال تقريبا يوضح الموضوع

صديقى ده محتار فى انه
يقطع علاقته بالناس دى نهائى وبالتالى باردو مش هايطول الميراث
ولا يودهم ويضحك على نفسه ويكون منافق ويكسب نصيبه
ولا ايه رايكوا ؟


انا رائى الشخصى انه مايضحكش على نفسه ولا ينافقهم ولو ليه رزق اكيد ربنا هايكون كاتبهوله ومايخسرش نفسه

لكنى خوفت انى اتسبب فى تحديد مسار اسره كامله واتحمل ذنبهم
علشان كده قولت اخد رايكم

[abogogo]

لا حيلة في الرزق ولا شفاعة في الموت