معايا رخصة خاصة .... اشتغل بيها فى اية ؟؟؟؟

[aaa333]

السلام عليكم ورحمة الله وبركاتة

انا لسة اول مشاركة ليا فى المنتدى هنا معاكم يا احلى منتدى فى الدنيا

انا يا جماعة الحمد لله والشكر لية اتعلمت السواقة من فترة و و لا بأس بسواقتى يعنى نقدر نقول سواقتى متوسطة

وطلعت رخصة خاصة كمان من كام يوم

عاوز بقى اشتغل بيها عشان اجيب مصاريف الدراسة علما بانى لسة فى كلية واجيب اللى اتصرف لحد متعلمت السواقة وعرفت اطلع رخصة

فياريت يا جماعة تساعدونى وتدلونى ممكن اشتغل فى اية بيها ؟؟ وهل دوة يتطلب تفرغ تماما وللا ممكن مع الدراسة ( يعنى اشتغل فترة بعد المغرب بيها )؟؟

ياريت يا جماعة ما تنسونيش بالردود المفصلة

وشكرا ليكوا يا اجدع رجالة فى الدنيا

[mr_vampire]

متهيالي رخصة خاصة محدودة الاستخدام وهي سواق لاسرة مثلا . انما لو مهنية او تالتة تجيبلك شغل كويس ونقل خفيف. ربنا يوفقك

[misoalex]

ينفع تسوق بيها ملاكى او نص او ربع نقل او اى عربيه عليها نمر خاصه

لكن مينفعش تاكسى او اى عربيه اجره

ممكن تشتغل مندوب توزيع فى اى شركه بس للاسف لازم تكون بتسوق كويس جدااااااااا لان فيه اختبار وحيبقى صعب لو مسوقتش عربيات نص نقل جاز وخصوصا كمان لو صندوق متقفله من ورا يعنى
وطبعا حتمضى على ورق او ايصالات امانه عشان يضمنو البضاعه والعربيه الى معاك

ده كل الى ممكن تعمله برخصتك الخاصه فقط

رأى لو بتدور على شغل فى السواقه اسعى فى طلوع رخصه مهنيه حتى لو بالفلوس او تبع المدرسه القياده وربنا حيفتحلك مجالات شغل كتير ان شاء الله
بس مفيش حاجه اسمها سواقتى متوسطه طالما ناوى تسوق ومعاك ارواح او بضاعه يبقى لازم سواقتك ميختلفش عليها 2 واهم حاجه ثقه بنفسك

[hazoom2006]

انت بتقول لسة مطلع الرخصة من كام يوم يعنى لسة جديد وسواقتك متوسطة

الافضل تشوف شغل فى مجال تانى احسن

لانك لو خبط عربيه حد مش هيرحمك

[magyver]

انت بتقول لسة مطلع الرخصة من كام يوم يعنى لسة جديد وسواقتك متوسطة

الافضل تشوف شغل فى مجال تانى احسن

لانك لو خبط عربيه حد مش هيرحمك

+11111111111

[aaa333]

يا جماعة بسوق من زمان بس اتعلمتها فى مدرسة خاصة من بتوع السواقة وبسوق عربيات اصحابى عادى جدا بس مكنتش لسة طلعت رخصة
بس سمعت انى لو معايا رخصة ممكن الاقى بيها شغل فطلعتها اول معرفت كدة على طول

بس هو انا لقيت فى شغلة كويسة بس بتعتمد على انى اكون عندى عربية وهى فى حتة زى العاشر من رمضان
كنت هناك لقيت العربيات الملاكى بتشتغل زى التاكسى يعنى انت بتزمر للناس اللى واقفة والناس بتركب وتوديها الحتة اللى هما عاوزينها
وتاخد اجرتك ولما كلمت ناس من هناك عشان مثلا اركب عندهم عربييتهم لقيت بقى طلبات انك تركب عربيتهم ووصلات امانة على بياض
ودية هى المشكلة

بس انا ركبت العربيات دية كتير الملاكى دية وههى هى بس المشكلة عشان تجيب فلوس حلوة وتبعد عن عدم الضمير بتاع الناس اللى مشغلة العربيات دية كدة يعنى لو حصل زعل وسيبتة لا قدر الله ممكن يضربللك وصل زى اللى انت اديتهولة او ميديهوش ليك خالص ويدخللك السجن بية لازم يكون عندك عربية

وانا فكرت اجيب عربية 127 واعمل الموضوع دوة بس لقيتها فوق ال 12000 لو حالتها معقولة وطبعا دة مبلغ خرافى بالنسبة لطالب.

[misoalex]

اى حد حيديلك عربيه حيمضيك على ورق وصلات امانه او شيكات امال يضمن حقه ازاى انا لو عربيتى حعمل كده الحق ميزعلش

حتى الشركات بتاخد عليك شيك او اتنين ويتحطو فى ورقك فى حاله اى خسائر بياخدو حقهم منك

مفيش حاجه ببلاش فى الزمن ده لازم تتعب او تخاطر

[aaa333]

ى حد حيديلك عربيه حيمضيك على ورق وصلات امانه او شيكات امال يضمن حقه ازاى انا لو عربيتى حعمل كده الحق ميزعلش

حتى الشركات بتاخد عليك شيك او اتنين ويتحطو فى ورقك فى حاله اى خسائر بياخدو حقهم منك

مفيش حاجه ببلاش فى الزمن ده لازم تتعب او تخاطر

بس ماهو ممكن لما اسيبة يدينى وصل مضروب او ميرضاش يدينى الوصل اساسا هتحصل مشاكل وكلة هيبقى على دماغى انا
يبقوا هو كدة ضيعنى

[pro_samir]

شوف مكاتب الإيجار واتفق معاهم لأن ناس كتير بتكون عايزه العربيه بسواقها ، يعني ممكن تطلع انت مشاوير بالعربيات اللي تبع المكاتب

وبرضو في عائلات احيانا بيحتاجو حد يسوقلهم في مشاوير ، لكن الموضوع محتاج علاقات مع الوقت هتتعرف وممكن تعمل كروت وتوزعها

[misoalex]

بس ماهو ممكن لما اسيبة يدينى وصل مضروب او ميرضاش يدينى الوصل اساسا هتحصل مشاكل وكلة هيبقى على دماغى انا
يبقوا هو كدة ضيعنى

طبعا كل شيء محتمل

عشان كده انت الى تختار انت عاوز ايه