دراسة جدوى مصنع كربونات الكالسيوم

[MaZaGAngeE]

انت حسستنا ان الواحد ولا فاهم حاجة في اي حاجة
لو رحت قلت الحاجات دي للمدام هتقدر تعبك و مش هتقول لك هات لبن لمريم تاني
وهيا اللي هتجيب لك ورد المرة الجاية
بجد ربنا يوفقك

هههههههه
ما هيه عارفة كل التفاصيل بس لبن مريم ده حاجة تانية خالص ....

ليه بس مش فاهمه حاجة دي حكاية بسيطة بس شكلها من بعيد يخض ...
ان شاء الله هروح المحجر و أصور لكم مراجل التحجير و التصنيع بالصوت و الصورة عشان تكون الفكرة أوضح و أسهل و بالمرة أجرب الكاميرا الجديدة ...

[MaZaGAngeE]

دراسة قوية ومحتاجة قراية بتمعن بس يارتى فيها تصور مبدئى لتكلفة المصنع وراس المال كام بصورة اجمالية ومعدلات الربحية المتوقعة

كمان زى محضرتك ذكرت دايما المشكلة فى التسويق فايه وضع التسويق فيه؟
موضوع الكربون كمان هل عليه مشاكل لانى عارف ان فى حاجة اسمها بورصة للكربون بتباع فيه الشهادات الخاصة بالكربون ولو انتاجك زايد لازم تشترى شهادات تقليل الانبعاثات ولا الكلام ده مش شغال فى مصر

باشا دي كربونات كالسيوم مش كربون .... دي حاجة تانية خالص و مالهاش علاقة بالبورصة ...

[زينة الله]

طيب يا هندسة

بالنسبة لاماكن المحاجر حضرتك ذكرت محافظة المنيا فقط

يا ترى مافيش فى أماكن تانية ؟؟؟

أعرف إن بلبيس فيها محاجر للطفلة ... مش الطفلة هى الحجر الجيرى برضو ولا أنا غلطانة ؟؟

[crazylambada]

بسم الله ما شاء الله على حضرتك
دراسه رائعه :)

[M.Elsheikh]

الف شكر يا باشا

[ehab_mansour]

أحييك يا هندسة علي الدراسة القيمة
رأيي أولا في البداية بعد الاستعانه بالله نبدأ نعتمد علي الحصول علي المادة الخام من المحاجر الي شغاله فعلا عشان نخفض التكلفة المبدئية للمشروع بالاضافة الي تقليل تفاصيل وجزئيات المشروع مبدئيا حتي نستطيع السيطرة عليه وادارته
ثانيا من كلامك ان من طرق تقليل تكلفة التشغيل للمشروع هو انشاء المصنع في منطقة قريبة من المحاجر وكذلك في منطقة مثل محافظة المنيا حيث يمكنك أخذ أرض المشروع مجانا ودي احدي جوانب تقليل التكلفة المبدئية للمشروع
ثالثا ياريت من وجهة نظرك ومن خلال احتكاكك بهذه النوعية من الصناعة هنحتاج كوادر فنية (عمالة بكل فئاتها)قد ايه ؟ ياريت حصر مبدئي لأن دي احدي اهم أعمدة نجاح اي مشروع وعشان لو فيه حد عنده احدي هذه الكوادر الفنية ويثق فيه يبدأ يناقش معه المشروع وكيف يستطيع الاستعانة به
منتظر تعليقك يا هندسة والله الموفق ان شاء الله

[MaZaGAngeE]

طيب يا هندسة

بالنسبة لاماكن المحاجر حضرتك ذكرت محافظة المنيا فقط

يا ترى مافيش فى أماكن تانية ؟؟؟

أعرف إن بلبيس فيها محاجر للطفلة ... مش الطفلة هى الحجر الجيرى برضو ولا أنا غلطانة ؟؟

لا ده حاجة و ده حاجة تانية خالص
الحجر الجيري أبيض أو أبيض مائل للأصفر و أفضل مكان ليه المنيا و العريش و السويس و ده ترتيبهم بالأنقى و الأعلى في درجة البياض ...

بسم الله ما شاء الله على حضرتك
دراسه رائعه :)

الله يخليك ومنور موضوعنا

الف شكر يا باشا

على ايه يا باشا , أنا اللي أشكرك انك بتقرا موضوع متعب كده

[MaZaGAngeE]

أحييك يا هندسة علي الدراسة القيمة
رأيي أولا في البداية بعد الاستعانه بالله نبدأ نعتمد علي الحصول علي المادة الخام من المحاجر الي شغاله فعلا عشان نخفض التكلفة المبدئية للمشروع بالاضافة الي تقليل تفاصيل وجزئيات المشروع مبدئيا حتي نستطيع السيطرة عليه وادارته
ثانيا من كلامك ان من طرق تقليل تكلفة التشغيل للمشروع هو انشاء المصنع في منطقة قريبة من المحاجر وكذلك في منطقة مثل محافظة المنيا حيث يمكنك أخذ أرض المشروع مجانا ودي احدي جوانب تقليل التكلفة المبدئية للمشروع
ثالثا ياريت من وجهة نظرك ومن خلال احتكاكك بهذه النوعية من الصناعة هنحتاج كوادر فنية (عمالة بكل فئاتها)قد ايه ؟ ياريت حصر مبدئي لأن دي احدي اهم أعمدة نجاح اي مشروع وعشان لو فيه حد عنده احدي هذه الكوادر الفنية ويثق فيه يبدأ يناقش معه المشروع وكيف يستطيع الاستعانة به
منتظر تعليقك يا هندسة والله الموفق ان شاء الله

يا باشا أنا لسه في أول الموضوع و منتظر لما انتوا تقروا الجزء الأولاني و نتناقش فيه شوية و بعد كده هنكمل ...
و زي ما انت بتقول هنقلل المعدات و أحجامها مش عشان السيطرة لأ عشان تكلفة المعدات عالية , و فيما يخص المحجر طبعا في المرحلة الأولى من عمر المشروع هنشتري الخام من محاجر قائمة عشان فتح محجر هيحتاج عمالة و تكاليف هتكون عالية لو احنا عايزين منه 100 و لا 150 طن في اليوم ...

الكوادر الفنية المطلوبة بشكل عام مش بالتفصيل لأن ده هيجي في وقته لكن عشان تكون عندك صورة مبدئية :
كيمايئي و جيولوجي لو عندنا محجر , و 5 أو 8 عمال و فني معمل و سواق كلارك ده للوردية الواحدة و طبعا لأقل حجم من المعدات و كل ما هنزود أو نوسع أو نرفع من تكنولوجيا الصناعة هتزيد الانتاجيات و كمان هتظهر عندنا الاحتياج لمهندسين ميكانيكا و كهربا و فنيين صيانة ...

مش فاهم ايه الكادر اللي هتستعين بيه ؟ يعني انت عايزه يعمل ايه ؟
أنا موجود معاك هنا في الموضوع بنتناقش و بندرس الصناعة و جدواها عشان لو انت عايز تعمل المصنع ده تقدر تعمله بنفسك بدون ما تحتاج حد يكون معاك .....

[زينة الله]

طيب احنا لو عايزين نبدأ بمبلغ 500 ألف زى ما حضرتك بتقول

كدا هنشتغل على أى نوع من كربونات الكالسيوم الخشنة مثلا أو متوسطة الخشونة

أعتقد إن الناعمة ممكن تحتاج تكلفة أكبر ولا إية ؟

[MaZaGAngeE]

طيب احنا لو عايزين نبدأ بمبلغ 500 ألف زى ما حضرتك بتقول

كدا هنشتغل على أى نوع من كربونات الكالسيوم الخشنة مثلا أو متوسطة الخشونة

أعتقد إن الناعمة ممكن تحتاج تكلفة أكبر ولا إية ؟

لو ده كل رأس المال اللي ممكن نشغله , يبقى الأفضل نشتغل على الكربونات الخشنة لأن الخط هيدينا انتاجيات في متوسط 50 الى 70 طن في اليوم , و ممكن نشغل الخط على الكربونات الناعمة بس هيدينا تقريبا من 30 الى 40 طن في اليوم ,,,

عموما احنا بنشغل على حسب الطلبيات و مواعيد التسليم و أوامر البيع اللي بيوفرها مندوبين المبيعات ..

[زينة الله]

يعنى كدا بقى ما تقرقش و المصنع ممكن ينتج كربونات ناعمة أو خشنة

من غير ما نحتاج معدات إضافية أو تكلفة زيادة لانتاج الكربونات الناعمة ؟؟

[MaZaGAngeE]

يعنى كدا بقى ما تقرقش و المصنع ممكن ينتج كربونات ناعمة أو خشنة

من غير ما نحتاج معدات إضافية أو تكلفة زيادة لانتاج الكربونات الناعمة ؟؟

الفرق بيكون في الكميات المنتجة و كمان جودة المنتج بتقل شوية صغيرين عن خطوط الانتاج المخصصة للكربونات الناعمة لأن بيكون فيها قدرة أعلى من التحكم في أحجام الحبيبات , لكن بيكون فرق الجودة داخل الحدود المسموح بيها ....

بس فيه نقطة هنا :
لو هنشغل الخط الصغير على المنتج الناعم هتكون الانتاجية قليلة و ده يخيلنا ندور على مستهلك محتاج كميات قليلة لأن التعاقد بيكون على الكميات السنوية اللي المستهلك بيحتاجها , و لأن انتاجنا قليل بيكون الزبون ليه القوة في الفصال على الأسعار و بيخلي قوتنا أقل في فرض السعر ....

[زينة الله]

بس فيه نقطة هنا :
لو هنشغل الخط الصغير على المنتج الناعم هتكون الانتاجية قليلة و ده يخيلنا ندور على مستهلك محتاج كميات قليلة لأن التعاقد بيكون على الكميات السنوية اللي المستهلك بيحتاجها , و لأن انتاجنا قليل بيكون الزبون ليه القوة في الفصال على الأسعار و بيخلي قوتنا أقل في فرض السعر ....

نقطة مهمة جدا

و على كدا بقى لازم نعمل إحصاء للمستهلكين و اصحاب الصناعات اللى محتاجين الكربونات (الخشنة و الناعمة)

و نعرف بيحصلوا على احتياجاتهم من فين و بكام حاليا عشان نقدر ننافس فى السوق

مش كدا برضو ؟؟

[MaZaGAngeE]

نقطة مهمة جدا

و على كدا بقى لازم نعمل إحصاء للمستهلكين و اصحاب الصناعات اللى محتاجين الكربونات (الخشنة و الناعمة)

و نعرف بيحصلوا على احتياجاتهم من فين و بكام حاليا عشان نقدر ننافس فى السوق

مش كدا برضو ؟؟

طبعا
لازم نكون عارفين هنبيع لمين و متوسط الأسعار كام و متوسط التكلفة كام قبل ما ناخد قرار انشاء المصنع

[fiat128man]

دراسة رائعه ينقصها المصروفات والايرادات .....هل 500 الف شامله الاّلات والاجور والاصول الثابته كلها ؟ وكم يبلغ راس المال العامل ؟ والمبيعات لو افترضنا 50 طن يوميا كم سيبلغ سعر الطن ؟