سؤال للمهندسين المدنيين؟

[sayed911]

والله يا جماعة انا وصلتها بالطريقة اللي انا واصلة لعقلي بيها .. ومش عارف ليه انا شارب في دمغي انه الفرشة دي بتبقى موزعة الأحمال اللي ساقطة على القواعد والا الأحمال اللي ساقطة على القواعد ها تروح فين ؟؟؟ عشام كده انا مرتبهم في دماغي على انهم صورة مسلسل وحلقات مترابطة ورى بعض اي سلسلة فيهم بتقع بتعرض طريقة التحميل كلها للإختلاف .. وبصراحة انا اكثر من موقع زرته اذا في كان في القاهرة - جنوا ( ايطاليا ) - ميلانو - جدة - مع اختلاف الفكرة كان الغالبية بيطبق نفس فكرة الحصيرة بالضبط ... وتكون خرسانة عادية فقط .. ولكن الله المستعان استفدنا بمعلومة جديدة والحمد لله .

[hobiko]

بص نوع الأساسات ده اسمه raft foundation ناخد الموضوع بالترتيب و بالراحة

اى حفر فى الدنيا بيكون ليه قواعد من اهمها نوع التربة و المساحة الفاضية حوالين المنطقة المراد حفرها ازاى؟


نفرض ان التربة هنا رملية عشان تحفر فى تربة من النوع دة لازم تسند جوانب الحفر بتاعتك خصوصا كل ما يكون الحفر عميق لو ماسندتش جوانب الحفر ممكن التربة تهيل عليك و انت بتحفر

طبعا سند جوانب الحفر (بنسميه shoring) ده مكلف خصوصا كل ما كان الحفر عميق و كل ماكانت التربة سيئة (رملية)

طب نعمل ايه؟

نوسع حدود الحفر و نحفر بزاوية 45 بدل ما نحفر بزاوية قائمة و النوع ده من الحفر اسمه open cut excavation و بالتالى جوانب الحفر مش حتهيل عليا و انا بحفر و كمان ابقى وفرت تكاليف ال shoring

احيانا نبقى عايزين نحفر حاجة فى مكان ضيق محدود المساحة فغصبا عننا لازم نعمل shoring و احيانا برضه فى انواع من التربة ممكن تحفر و تقطع فيها زى التورتة و توصل للعمق اللى انت عايزه من غير ماتوسع حدود الحفر ولا تعمل shoring

طب سؤال كمان

مساحة المبنى مثلا 240 متر مربع معقولة ححتاج احفر ال 600 متر كلهم؟

طبعا ممكن تحتاج تحفر ال 600 متر كلهم حسب نوع التربة و عمق الحفر اللى بيتحدد على حسب تصميم ال foundation اللى بالتالى بيحدده نوع التربة و شكل و احجام ال loads

دى اجابة لسؤالك بس خد بالك ممكن يكون فيه اسباب تانية برضة بس ده فى تقديرى ممكن يكون السبب الرئيسى

[hobiko]

والله يا جماعة انا وصلتها بالطريقة اللي انا واصلة لعقلي بيها .. ومش عارف ليه انا شارب في دمغي انه الفرشة دي بتبقى موزعة الأحمال اللي ساقطة على القواعد والا الأحمال اللي ساقطة على القواعد ها تروح فين ؟؟؟ عشام كده انا مرتبهم في دماغي على انهم صورة مسلسل وحلقات مترابطة ورى بعض اي سلسلة فيهم بتقع بتعرض طريقة التحميل كلها للإختلاف .. وبصراحة انا اكثر من موقع زرته اذا في كان في القاهرة - جنوا ( ايطاليا ) - ميلانو - جدة - مع اختلاف الفكرة كان الغالبية بيطبق نفس فكرة الحصيرة بالضبط ... وتكون خرسانة عادية فقط .. ولكن الله المستعان استفدنا بمعلومة جديدة والحمد لله .

فرشة الخرسانة العادية دى اسمها mud mat دى كل لازمتها فى الحياة ان لما اجى اعمل قاعدة الخرسانة المسلحة (foundation) اشتغل عليها ليه عشان لو صبت المسلحة على التربة على طول التربة حتسحب المية اللى فى المسلحة و تخلبها تشقق

احيانا بنحط مشمع بين صبة الخرسانة المسلحة و التربة و نستغنى تماما عن mud mat

[sayed911]

طيب حضرتك تضمن منين انه المشمع ده ها يكون عامل عزل آمن مع السنين يعني انا اتعلمت انه فكرة الـ hydration على توفير المياه وبنعملها curing عشان اتأكد من التفاعل التام للجزيئات هل معنى فكرة المشمع فقط عشان اتأكد من عدم نفاذ التربة من الخرسانة المسلحة الى التربة ؟ ولا كفكرة عزل من المياه لجوفية ؟ لأنه مأعتقدتش انها تسد خالص في فكرة العزل من المياه الجوفية وعوامل الضغط ها تأثر عليه الى لو كان من اي نوع من المبلمرات اللي اعتقد سعرها في مصر عالي جدا ... وانا ان شاء الله الترم اللي جاي نازل soil mechanics and foundation فها اشرب الليلة دي كلها بالشفا ان شاء الله تعالا بس يا رب يفضل الموضوع موجود عشان اكون وصلت للفكرة الصح ..

[Ralliart]

شكراً يا بشمهندس hobiko هو ده اللي درسته فعلاً عن الخرسانه العاديه

هي التربه في المنطقه رمليه
بس انا عارف واحد باني ارض في تربه صخريه (كان بيكسر بشاكوش) والارض كبيره 1000 متر وبرضو حفرها كلها ودفع مبلغ محترم
مش عارف ده النظام السائد مع المقاولين ولا ايه

[Ralliart]

طيب حضرتك تضمن منين انه المشمع ده ها يكون عامل عزل آمن مع السنين يعني انا اتعلمت انه فكرة الـ hydration على توفير المياه وبنعملها curing عشان اتأكد من التفاعل التام للجزيئات هل معنى فكرة المشمع فقط عشان اتأكد من عدم نفاذ التربة من الخرسانة المسلحة الى التربة ؟ ولا كفكرة عزل من المياه لجوفية ؟ لأنه مأعتقدتش انها تسد خالص في فكرة العزل من المياه الجوفية وعوامل الضغط ها تأثر عليه الى لو كان من اي نوع من المبلمرات اللي اعتقد سعرها في مصر عالي جدا ... وانا ان شاء الله الترم اللي جاي نازل soil mechanics and foundation فها اشرب الليلة دي كلها بالشفا ان شاء الله تعالا بس يا رب يفضل الموضوع موجود عشان اكون وصلت للفكرة الصح ..

في الحتت اللي فيها مياه جوفيه بيبقى في عزل بالبيتومين المطاطي
انا شفت الحاجات دي في ارض زراعيه كانو بيحطو الخرسانه العاديه ويعزلو بيتومين وبعدين بيحطو طبقه تانيه وحوارات كتير بس انا مكنتش مركز معاهم لاني مكنتش ناوي اتخصص مدني

[korkor]

فرشة الخرسانة العادية دى اسمها mud mat دى كل لازمتها فى الحياة ان لما اجى اعمل قاعدة الخرسانة المسلحة (foundation) اشتغل عليها ليه عشان لو صبت المسلحة على التربة على طول التربة حتسحب المية اللى فى المسلحة و تخلبها تشقق

احيانا بنحط مشمع بين صبة الخرسانة المسلحة و التربة و نستغنى تماما عن mud mat

الخرسانه العاديه مش لازم تكون فرشه نضافه احيانا بيتم استخدامها فى نقل الحمل لما بيزيد سمكها عن 20 سم بتنقل جزء من الحمل مع القاعده المسلحه

[korkor]

في الحتت اللي فيها مياه جوفيه بيبقى في عزل بالبيتومين المطاطي
انا شفت الحاجات دي في ارض زراعيه كانو بيحطو الخرسانه العاديه ويعزلو بيتومين وبعدين بيحطو طبقه تانيه وحوارات كتير بس انا مكنتش مركز معاهم لاني مكنتش ناوي اتخصص مدني

برده موضوع عزل البيتومين ده مش للمناطق اللى فيها مياه جوفيه بس اى منطقه حتى لو مش فيها مياه جوفيه يجب عزل القواعد سواء بالبيتومين او بمواد اخرى طبقا لاهميه المنشأ وطريقه التنفيذ

[hussein]

بص ياباشا كلام الاخ كركور هوالصح وواضح انه مهندس مش لسه طالب يعنى اشتغل وفاهم و عارف
موضوع الصب على كامل مسطح الارض دا اسو ء حل ممكن تعمله ليه
1- اسباب غير هندسية زى اننك لما تيجى تزرع فى مسطح الجنينه اللى عندك و نفسك مثلا تزرع مانجة ولا نخل ولا اىحاجةليها جدر كبير شويه الشحرةجدرها مش هيقدر يخترق طبقة الخرسانة اللى هتكون قريبه جدا من سطح ارض الجنينة ( امتر بالكتير) فبالتالى الشجره هتوت اومش هتكبر - تانى حاجةلو عملت خرسانات ضخمة فى الاسوار مش هتعرف تزرع كويس جنب الاسوار
2- اسباب هندسية ودى باءه عايزه محاضره وانا بطىء فىالكتابه لكن ازاى كنت لازم ولابدتعمل فرشه عادية فالمفروض تعملها بسمك يساوى السمك اللى موجود فى التصميم اللى هو مش بيقل عن 25 سم مش 10 سم واقلب

[م. حاتم السباعي]

بص يا سيدي الفاضل
بما اني مهندس مدني و متخصص في الاعمال المساحية و امتلك شركة للاعمال المساحية بفضل الله
و اواجه كثيرا مواقف مثل هذه مع الملاك و مع مهندس الموقع او المقاول و سأشرح لك من وجهة نظري المتواضعة السر الخفي
طبعا مع احترامي لكل المشاركات من السادة الافاضل قبلي
لم يتطرق احد منهم لمشاكل مهندس الموقع
و سأتحدث بالبلدي كده علشان الناس اللي بتقول الموضوع مش هندسة دي اشتغالات
نحط نفسنا مكان مهندس الموقع او مقاول التنفيذ اللي بيبقي معندوش سوي اربع نقاط لقطعة الارض 600 م مثل حالة حضرتك ودي حالة صغيرة جدا انما هناك مساحات اكثر من 1500م مثلا
و عنده منسوب حفر مثلا 1,5 تخيل بقي لما يبقي النقاط الرئيسية له منسوبها مرتفع عن باقي الارض فالموضوع بيبوظ منه و ممكن النجار يكبس بالنجارة و تصل في بعض الاحيان لعشرة و عشرين سم
انما لما بتكون الارض امامه كلها منسوب واحد و بيعمل العادية (( فرشة نظافه )) فبيستطيع ساعتها انه يعمل رسم عليها لاماكن المسلحة بدون احتياج لخنزيرة علي اجناب الحفر و اسقاط نقاط و خلافه فبمجرد انه يثبت كام سيخ بيشد منهم كل ما يحتاجه في انجاز القواعد و رقابي الاعمده
طب لو هوه معندوش مشكلة في النقاط يعني مثلا محصور بين مبنيين في حالة بناء ففي هذه الحالة بيكون الافضل لمقاول الحفر انه يحفر كل المساحة هربا من انه يخل بجزء في جانب من الجناب فيعاقبه المالك بأنه يرجعه يكمله و لكن لما بيكون الحفر متكامل و بيكون في اغلب الاحيان ال 200 او 300 متر اللي حضرتك بتقول عليهم ليه نحفرهم هتجد انهم عبارة عن ردود في كامل حدود الارض يعني لازم (( تجير )) له الارض حتي يمشي عليها و هوه زي ما زميل قال قبلي ان هناك نوعيات من التربة بتحتاج سنادات و خلافة فبيكون الافضل الخروج من حيز الرسم علي الارض و الخوف من عدم تحقيق المساحة المطلوبة للفرشة العادية و الخوف من (( تهييل )) التربة علي اجناب الارض و من ثم التضييق علي النجاريين و هما بيشتغلو تحت في القواعد و نجد في الاخر بعد كل ذلك ان اللي هيفضل في كل جنب من الجناب بعد اقامة السور و وش القواعد الداخلية للمبني (( يا دوب متر او متر ونصف )) و عليه بيكون القرار الاسلم الحفر لكل الارض (( حقنا للدماء ))
و هذا مجرد رأي من واقع خبرة (( 13 )) سنة مرمطة مواقع
و لا انا (( مقاول حفر عاوز اهلب و لا انا مهندس تنفيذ خايب عاوز اريح نفسي و لا انا مالك خايف ادفع فلوس كتير
و انا اسف للاطالة و لكن اكيد الكلام ده بالتفصيل ممكن يفيد ولو اخ واحد معنا هنا في المنتدي


م.حاتم السباعي

[medociv]

ألف شكر يا بشمهندسين
انا كده فهمت بس كان عندي سؤال تاني
الجيران لما جم يحفرو حفرو من عندهم ورمو كل حاجه عندنا وقالو ملناش دعوه!!
هل اشتكيهم وكدا ولا احفر وخلاص وعوضي على ربنا لان في ناس قالت ان الشكوى بتاخد وقت وحقي مش هيجيلي

ازيك يا استاذي واهلا بيك وبصراحة الزملاء كلامهم تمام واحب اضيف بعض الحاجات
اولا الجيران دول بيستهبلو الصراحة عشان المفروض ناتج حفرهم المفروض يتخلصو منه لكن لو كويس (يعني مفهوش طفلة وده تشوف مهندس بتاع تربو واساسات يعرفها) ممكن تستخدمه في بناك والخرسانات والتشطيب بس بشرط يكون حلو
ثانيا : طبقا لتقرير التربة وتوصيات التاسيس ممكن يكون طالب احلال (اذا انتو عملتو احلال) او يكون عايز كده
لكن اذا انت مش عامل بدروم لا داعي انك تحفر كامل المساحة ابدا

عبدالحميد عبدالعزيز
مهندس انشائي