ياترى لسه في قلق في الشارع

[sara2001]

بإذن الله هارجع من بكره الشغل
بعد ما كان محدد إقامتي جبرياً في البيت من بعد الثوره
ياترى عند الجامعه والدقي والمهندسين لسه في قلق
سواء متظاهرين او بلطجيه
هل في طرق مقفوله او تحويل مروري في الطريق

[ahmad--ezzat]

بلاش احسن..... البلد لسا مقلوبه وفيه لجان شعبيه ومحدش يعرف ايه اللى ممكن يحصل...انا راى بلاش وتعرفى الاخبار من زمايلك بكره افضل

[AmAhmed]

انصح ان اي تحركات في الوقت ده تتم في تجمعات و للضرورة
لان البلطجية في بعض الاماكن بتستفرد بالاعداد القليلة

[sara2001]

بلاش احسن..... البلد لسا مقلوبه وفيه لجان شعبيه ومحدش يعرف ايه اللى ممكن يحصل...انا راى بلاش وتعرفى الاخبار من زمايلك بكره افضل

مش هينفع لازم اروح بكره
وزمايلي مش في نفس طريقي

انصح ان اي تحركات في الوقت ده تتم في تجمعات و للضرورة
لان البلطجية في بعض الاماكن بتستفرد بالاعداد القليلة

بعض الأماكن زي فين؟

[shod90]

بلاش احسن..... البلد لسا مقلوبه وفيه لجان شعبيه ومحدش يعرف ايه اللى ممكن يحصل...انا راى بلاش وتعرفى الاخبار من زمايلك بكره افضل

+11111111111

[sara2001]

طب هو في قلق في الطرق الي ذكرتها فوق؟ لو حد ساكن هناك يقول
بلاش العربيه علشان اللجان الشعبيه والتفتيش
التاكسي هيكون اضمن مش كده؟
بصراحه قلقتوني

[Jato.33]

بلاش احسن..... البلد لسا مقلوبه وفيه لجان شعبيه ومحدش يعرف ايه اللى ممكن يحصل...انا راى بلاش وتعرفى الاخبار من زمايلك بكره افضل

بشروا ولا تنفروا

يعني نجحنا في كسر حاجز الخوف الذي صنعته الداخلية وأجهزتها ... المدججة بكل ما أوتيت من أسلحة وبلطجية ... وإلي بقالها سنيييييييين بتعمله فينا

ومش قادرين نكسر حاجز الخوف إلي عمله شوية صيع من المطاريد

لازم ننزل وخصوصاً إن الشغل هيكون قبل مواعيد حظر التجول

لازم نعزل المعتصمين ... ونثبت للجميع وكل القنوات الفضائية التي تهلل على خرابها ... إن إحنا هنعيش ونكمل ونصلح ومش هنقعد نستنا لما نلاقي الأسطول الأمريكي على سواحل الإسكندرية وإحنا لسه عمالين نتفرج على الأخبار من البيت

[heshamzaky]

حظر التجول بكرة يبدأ من الساعة 7 مساء . يفضل عدم تحركك بمفردك و لو حا تضطرى للنزول لا تحملى معك سوى شنطة صغيرة و نقود قليلة و وزعى تلك النقود يعنى مش كلها فى الشنطة خبي جزء منها فى ملابسك كمخزون أحتياطى

[Ralliart]

خط سيرك ازاي ؟؟
لو بتعدي من شارع السودان فهو فيه قلق
الدقي والجامعه امان إلى حد ما
جامعة الدول واحمد عرابي أمان

[yoko]

فيه قلق لسه غمبارح إتمسك 4 في المنطقة ومعاهم أسلحة بالهبل والعربيه مسروقة

[sara2001]

حظر التجول بكرة يبدأ من الساعة 7 مساء . يفضل عدم تحركك بمفردك و لو حا تضطرى للنزول لا تحملى معك سوى شنطة صغيرة و نقود قليلة و وزعى تلك النقود يعنى مش كلها فى الشنطة خبي جزء منها فى ملابسك كمخزون أحتياطى

طب كويس
انا هارجع بدري بإذن الله
ومش هامشي غير طريق صغير بجانب البيت بمفردي

خط سيرك ازاي ؟؟
لو بتعدي من شارع السودان فهو فيه قلق
الدقي والجامعه امان إلى حد ما
جامعة الدول واحمد عرابي أمان

خط السير
من المنيل للمهندسين
بأعدي على كوبري الجامعه ومنها لمديرية امن الجيزه والدقي
والبطل احمد عبد العزيز
طب لبنان وشهاب اخبارهم ايه؟

فيه قلق لسه غمبارح إتمسك 4 في المنطقة ومعاهم أسلحة بالهبل والعربيه مسروقة

فين .... في المهندسين؟

[ahmad--ezzat]

بشروا ولا تنفروا

يعني نجحنا في كسر حاجز الخوف الذي صنعته الداخلية وأجهزتها ... المدججة بكل ما أوتيت من أسلحة وبلطجية ... وإلي بقالها سنيييييييين بتعمله فينا

ومش قادرين نكسر حاجز الخوف إلي عمله شوية صيع من المطاريد

لازم ننزل وخصوصاً إن الشغل هيكون قبل مواعيد حظر التجول

لازم نعزل المعتصمين ... ونثبت للجميع وكل القنوات الفضائية التي تهلل على خرابها ... إن إحنا هنعيش ونكمل ونصلح ومش هنقعد نستنا لما نلاقي الأسطول الأمريكي على سواحل الإسكندرية وإحنا لسه عمالين نتفرج على الأخبار من البيت

يابيه اسطول امريكى ايه وسواحل ايه وحواجز ايه وخوف ايه...وهو احنا اللى خايفن؟

احنا بنتكلم ان فيه خطر لما واحده تنزل الشارع وسط اللبش دة....انت مش معانا ولا ايه؟

[Ralliart]

خط السير
من المنيل للمهندسين
بأعدي على كوبري الجامعه ومنها لمديرية امن الجيزه والدقي
والبطل احمد عبد العزيز
طب لبنان وشهاب اخبارهم ايه؟

انا مشيت في معظم الشوارع دي امبارح بتاكسي كانت الدنيا كويسه بس مرحتش شهاب ولا لبنان واعتقد ان فيها حراسه لان المهندسين مليانه ناس مرخصه سلاح وجيش
بس يفضل يكون معاكي راجل لان الدنيا فاضيه جداً ومفيش ناس غير في اللجان الشعبيه

[yoko]

فين .... في المهندسين؟

لأ بعيد عنك النزهة الجديده (مصر الجديدة)

[M.Osman]

طب اخبار كورنيش العجوزة اية ؟
و الدائري و المحور ؟