كده كتير - البلد بقت لعبة

[dr-mohamed]

يا دكتور انا لحقت اتظاهر او اعمل حاجه اليوم ده

انا قمت متأخر وكنت نازل اشوف ايه النظام فى الشارع

يعنى ملحقتش امشى فى المظاهره بتاعه يوم الجمعه

ايه رأيك نعمل واحده تانيه زيها الجمعه الجايه بس حد يصحينى بدرى بس حنجيب ظباط يضربونا منين

غلطة اللى عملوا المظاهرة انهم معملوهاش سواريه او على الاقل متاخر شوية علشان تلحق تشارك فيها
اوعدك لو حد قدر يتظاهر تاني في البلد دي ابقي اقولهم يعملوا المظاهرة متاخر شوية علشان تلحق تتظاهر معاهم لان بجد الثورة كانت هتفشل بسبب تاخيرك في النوم

وكله كوم وانى اجيب لك ظباط يضربونا دي كوم
يا ميزو الشرطة هنا بتتقلب في الكمان بتاعة اللجان الشعبية
العيال البلطجية بيبقوا واقفين بالسيوف في وسط الشارع وعربية الاتاري بتاعة الشرطة واقفة بعيد مستخبية منهم
اجيب لك شرطة منين انا دلوقت ؟؟؟؟؟؟؟؟

استاذ a.saad
انا اسف لو ردودي دايقتك .....
اعزروني يا جماعه لو طبعي بيبان هجومي او تهكمي في الردود .....
يمكن عشان طبيعتي اني عصبي + الكلام من ورا الكيبورد بيبقي جاف قوي .....
حبايب و مصريين؟؟؟؟؟؟ زي صافي يا لبن كده ههههههه

ايد يا شيتوس كلنا اخوات وحبايب وصافي يا لبن ولو انه ب6 جنيه اليومين دول

[cheetos_892005]

ايد يا شيتوس كلنا اخوات وحبايب وصافي يا لبن ولو انه ب6 جنيه اليومين دول

نمشيها لبن جهينه من ابو 7 جنيه اللتر

[misoalex]

انا لسه مخرفتش فى الكلام يا استاذ خميس
الصورة اللى انت حاططها طبعا دى همجية من الشرطة
لكن احنا بنتكلم على ناس اتقتلت وفيهم مجندين شرطة كمان يعنى ابعد من رش المياة او قنابل الغاز

طيب اديك قولت دى همجيهمن الشرطه يعنى معترف انهم همج
وانت نفسك لما عدينا من على مدريه الامن قولتلى دى مدريه الكلاب يعنى برضه معترف انهم كده

طيب بالله عليك لسه مصدق انهم قتلو الناس بحق
والناس هى الى اجبرتهم بالضرب بالرصاص

طيب لو حنتكلم على مجندى الشرطه الى اتضربو يبقى نتكلم عن العسكرى بتاع الجيش الى اتضرب رصاصه ميرى من ظابط والعسكرى كان راكب الدبابه ومطلع راسه والظابط ضربه طلقه فى راسه
لسه عمر اديب كان جايب واحد من اقاربه من شويه وبيقول الظابط مقبوض عليه فى الشرطه العسكريه
انا متابعتش الحلقه من اولها عشان اعرف التفاصل بالظبط
طيب ايه ذنيه العسكرى ده كان بيضرب الظابط هو كمان والظابط دافع عن نفسه

غلطة اللى عملوا المظاهرة انهم معملوهاش سواريه او على الاقل متاخر شوية علشان تلحق تشارك فيها
اوعدك لو حد قدر يتظاهر تاني في البلد دي ابقي اقولهم يعملوا المظاهرة متاخر شوية علشان تلحق تتظاهر معاهم لان بجد الثورة كانت هتفشل بسبب تاخيرك في النوم

وكله كوم وانى اجيب لك ظباط يضربونا دي كوم
يا ميزو الشرطة هنا بتتقلب في الكمان بتاعة اللجان الشعبية
العيال البلطجية بيبقوا واقفين بالسيوف في وسط الشارع وعربية الاتاري بتاعة الشرطة واقفة بعيد مستخبية منهم
اجيب لك شرطة منين انا دلوقت ؟؟؟؟؟؟؟؟

ههههههههههههه العيب فى الثوره هى الى قامت بدرى وانا لسه نايم
مهانش عليهم يدونى ميزد

بس بجد انا قولت دول حيطلعو فشارين ومفيش حاجه حتتعمل فى اسكندريه ولا مظاهرات ولا بتاع
وعشان كده نمت وانا مطمن
وقومت من النوم على الخبر الجامد ده مكنتش مصدق وطلعت جرى على السطح اشوف فيه ايه
بس كان يوم مش حيتكرر تانى


اه ده عندنا مفيش ظابط ظهر اصلا والله
عارف سايبين 5 عربيات بوكس مولعين قدام القسم
وعربيه امن مركذى فى ميدان الساعه فى نص لشارع وميدان الساعه ده حاجه كده زى محطه مصر عندنا

ومش عاوزين يشيلوهم على جنب بيقولك خليهم كده يكسرو عينهم

على فكره مش اول مره قسم المنتزه عندنا يتعمل فيه كده مره اتكسر من كام سنه والظباط اتضربو بسبب شاب الظابط موته زى خالد سعيد بس ساعتها مكانش فيه فيس بوك
وكذا مره فى ميدان الساعه البياعين يتلمو ويضربو الظابط اخر مره واد اخد منهم عربيه الاتارى وفضل يلف بيها ويخمس والظباط عماله تجرى هههههههههههههه بس اتنفخو بعديها

عشان كده الظباط خايفه تنزل عندنا لازم القسم يرجع تانى عشان العصابه تتلم

[hamdy]

الناس اللي قعدت من شغلها و البيوت اللي قفلت حسبي الله و نعم الوكيبل فكل واحد قاعد لغاية دلوقتي في التحرير

[cheetos_892005]

لا اله الا الله ......
يا جماعه هي كل بلد بتقوم فيها مظاهرات سلميه البلد بتخرب؟؟؟
ولا اللي حصل ده نتيجه العمليه السافله لسحب الامن و تهريب البلطجيه ؟؟؟؟؟
مال المعتصمين بقا و مال الشغل
انهرده خامس يوم الحياه ترجع طبيعيه مع وجود مظاهرات ((انهرده و امبارح و ايام 25 26 27 ))
الايام اللي الامن موجود فيها يعني من الاخر
مين اللي غلطان بقا ؟؟؟؟

[otefa]

و الله الناس حا تثور على شوية العيال و الناس الى فى التحرير مش فارقة بقى دة حزب زيد و لا عبيد الناس حالها وقف و كلة بيدور على مصلحتة على حس الشباب الى للأسف مش فاهمين حاجة و شوية عيال بتطلع فى التيليفزيون تتكلم و الله العظيم أى عيل فى دول لو كان دخل الجيش كان عرف يعنى أية يبقى راجل و يسترجل مش فالكر نفسة قاعد قعدة مع شوية شباب قعدة عرب بيصفو خناقة حاجة تقرف و دول بيتحركو زى اليويو و هما مش فاهمين فين اهاليهم دول الى مسرحينهم و سايبينهم كدة

[emam]

اولا - قبل اى كلام انا طول عمرى ناقم على احوال البلد وعلى الحزب الوطنى صاحب نسبة الى 99% فى انتخابات مجلس الشغل الاخيرة - وتفصيل المادة 76 من الدستور لتتناسب مع مرشح الحزب الحاكم فقط والبطالة والفقر وسوء معاملة المصريين فى الداخل والخارج .................... ولكن .

بقول حسبى الله ونعم الوكيل فى الى بيحصل فى البلد اليومين دول يا جماعة الى حصل يوم 25 دة كان شئ جميل جدا اننا نطالب بحقنا بس يوم الجمعة الموضوع بقا تخريب بدون وعى الخراب الى حصل فى البلد دة مين الى هيتحملة اقسام وسيارات الشرطة والمرور والمحاكم والمحليات وبعض السنترالات كل دة اتحرق حتى مكتب مصلحة الجوازات والهجرة الى جنب القسم اتحرق هو كمان طب دول كانو عزبو حد قبل كدة حرام والاسلحة الى اتسرقت وبنتهاجم بيها دولوقتى من البلطجية والسجون الى اتفتحت دة كلة مين هيدفع الفاتورة ؟؟؟؟ الحكومة !!!!!! الشعب الى هيدفع يعنى احنا الى نحرق فلوسنا بايدينا حرام والله حرام لمصلحة مين الخراب دة البلد بقت فوضى

والنتيجة اية بعد دة كل ؟؟؟

- خسائر بالمليارات يوميا
- شركات قفلت وقررت انهاء اعمالها بمصر
- 2.5 مليون شخص يعملون بالسياحة اتشردو
- ارتفاع فى معظم اسعار السلع الغذائية مع توقع بزيادة اكبر فى حالة استمرار التظاهر
- بيوت كثيرة مش لاقيين قوت يومهم
- شلل تام لمعظم المحلات التجارية بوسط البلد
- تدخل الدول الاجنبية فى الشئون الداخلية لمصر مع تهديد بالتدخل العسكرى فى حالة وجود مشاكل فى عبور ناقلات البترول من قناة السويس
- وجود حالة احباط عند جميع المصريين

يا جماعة الى يعرف حد من المتظاهرين فى ميدان التحرير - ياريت يقولة كفاية كدة نحافظ على المكاسب الى خدنا وعمرنا ما كنا هنخدها الى بالى عملتوة - لكن كفاية كدة - تم الاعلان امام جميع وكالات الانباء انه لن يترشح مرة اخرى - لن يرشح نجلة - تم تعيين نائب - محاكمة رمور الفساد - التعهد بالغاء قانون الطوارى - تعيين وزارة جديدة يراسها رجل محترم مشهود لة بالكفاءة - مش عيزين نخسر كل دة الموضوع ممكن يتعقد ونرجع نندم على كدة - حرام عليكم البلد هتضيع مننا

[otefa]

اولا - قبل اى كلام انا طول عمرى ناقم على احوال البلد وعلى الحزب الوطنى صاحب نسبة الى 99% فى انتخابات مجلس الشغل الاخيرة - وتفصيل المادة 76 من الدستور لتتناسب مع مرشح الحزب الحاكم فقط والبطالة والفقر وسوء معاملة المصريين فى الداخل والخارج .................... ولكن .

بقول حسبى الله ونعم الوكيل فى الى بيحصل فى البلد اليومين دول يا جماعة الى حصل يوم 25 دة كان شئ جميل جدا اننا نطالب بحقنا بس يوم الجمعة الموضوع بقا تخريب بدون وعى الخراب الى حصل فى البلد دة مين الى هيتحملة اقسام وسيارات الشرطة والمرور والمحاكم والمحليات وبعض السنترالات كل دة اتحرق حتى مكتب مصلحة الجوازات والهجرة الى جنب القسم اتحرق هو كمان طب دول كانو عزبو حد قبل كدة حرام والاسلحة الى اتسرقت وبنتهاجم بيها دولوقتى من البلطجية والسجون الى اتفتحت دة كلة مين هيدفع الفاتورة ؟؟؟؟ الحكومة !!!!!! الشعب الى هيدفع يعنى احنا الى نحرق فلوسنا بايدينا حرام والله حرام لمصلحة مين الخراب دة البلد بقت فوضى

والنتيجة اية بعد دة كل ؟؟؟

- خسائر بالمليارات يوميا
- شركات قفلت وقررت انهاء اعمالها بمصر
- 2.5 مليون شخص يعملون بالسياحة اتشردو
- ارتفاع فى معظم اسعار السلع الغذائية مع توقع بزيادة اكبر فى حالة استمرار التظاهر
- بيوت كثيرة مش لاقيين قوت يومهم
- شلل تام لمعظم المحلات التجارية بوسط البلد
- تدخل الدول الاجنبية فى الشئون الداخلية لمصر مع تهديد بالتدخل العسكرى فى حالة وجود مشاكل فى عبور ناقلات البترول من قناة السويس
- وجود حالة احباط عند جميع المصريين

يا جماعة الى يعرف حد من المتظاهرين فى ميدان التحرير - ياريت يقولة كفاية كدة نحافظ على المكاسب الى خدنا وعمرنا ما كنا هنخدها الى بالى عملتوة - لكن كفاية كدة - تم الاعلان امام جميع وكالات الانباء انه لن يترشح مرة اخرى - لن يرشح نجلة - تم تعيين نائب - محاكمة رمور الفساد - التعهد بالغاء قانون الطوارى - تعيين وزارة جديدة يراسها رجل محترم مشهود لة بالكفاءة - مش عيزين نخسر كل دة الموضوع ممكن يتعقد ونرجع نندم على كدة - حرام عليكم البلد هتضيع مننا

متفق تمامااااااااااااااااااااااا الحكمة والمنطق بيقول كده

[gemy1]

الموضوع ده حقيقى يا جماعه بجد اقسم بالله العظيم
استغاثة مواطنة مصريه على وشك ان تضع مولودها وزوجها فقد عمله بسبب ما يحدث:
بجد حرام عليكم كفاية كدا اعصابى تعبت من اللى بشوفه وانا رايحة الشغل مش الحرية اللى انتو بتتكملو عنها تخليكم تقفلو الشارع بتاع مجلس الشعب لحسابكم ومش عايزين تعدو حد لشغله وتقولولنا جايين ليه الشغل فى ناس وراها مسئوليات واسرة انتو عمركم مهتحسو عشان انتو فاضيين وبدون اى مسئولية والبنات اللى نايمة فى الشارع دى فين اهلها بجد اتقو الله شوية ولو حد مات تانى هيبقى ذنبه فى رقبتكم انتو حسبى الله ونعم الوكيل

[Samah AbdAllah]

Login | Facebook

[heshamzaky]

الموضوع ده حقيقى يا جماعه بجد اقسم بالله العظيم
استغاثة مواطنة مصريه على وشك ان تضع مولودها وزوجها فقد عمله بسبب ما يحدث:
بجد حرام عليكم كفاية كدا اعصابى تعبت من اللى بشوفه وانا رايحة الشغل مش الحرية اللى انتو بتتكملو عنها تخليكم تقفلو الشارع بتاع مجلس الشعب لحسابكم ومش عايزين تعدو حد لشغله وتقولولنا جايين ليه الشغل فى ناس وراها مسئوليات واسرة انتو عمركم مهتحسو عشان انتو فاضيين وبدون اى مسئولية والبنات اللى نايمة فى الشارع دى فين اهلها بجد اتقو الله شوية ولو حد مات تانى هيبقى ذنبه فى رقبتكم انتو حسبى الله ونعم الوكيل

يا أستاذة و الله اليوم فى أحد المصالح الحكومية ولد بيعمل (( ساعى ))) كان قاعد بيحكى أنة كان أمبارح فى التحرير و بمنتهى الهبل و السذاجة بيقول أنهم أحتلو مجلس الشعب و بكرة أن شاء الله حا يحتلو ماسبيرو هههههههههههههههه . الموظفين طبعا قعدو يسمعو منة الكلام للأخر و طبعا أحنا شعب بة فئات مختلفة فى كل شيىء و سألوة و كيف أحتليتم مجلس الشعب علشان يخرجو كل ما عندة و يسمعو القصة للنهاية و طبعا الولد البسيط فى الفكر بدأ يحكى بمنتهى الزهو و الفخر و كيفية أنهم وقفو موكب رئيس الوزراء ز بعد ما الموظفين سمعو قالو لة يا أبنى هما سابوبكم بمزاجهم و لو لا قدر الله كان حصل اشتباك كان زمان أمك بتعيط عليك دلوقتى و سالوة أية الفايدة من التجمهر هناك الواد معرفش يرد بأجابة مباشرة و صحيحة . أذن العملية عبارة عن تنفيس من قبل بعض الناس عن مطالب حقيقية و فئة كبيرة جدا جدا جدا مش عارفين الالف من كوز الذرة

[Samah AbdAllah]

الفئة اللى مش عارفة الالف من كوز الدرة دى النظام الفاسد هو اللى صنعها
حضرتك راكب عربية وعشان كده مش عارف تعدى تروح شغلك
انزل امشى على رجلك زى معظم الشعب الغلبان وساعتها هتوصل
الناس مش لاقية تاكل من زمان والمواطنة اللى زوجها فقد عمله وعلى وشك ان تضع مولودها
لو هى فى بلد خالية من الفساد كانت هتروح مستشفى حكومية مجانية
وكمان فى اختراع اسمه تأمين صحى

[heshamzaky]

أزيك يا باشمهندس أنا و الله ما أنا عارف أقول أية بس العملية بقت سلطة و أنا فاكر و الله مرة كنت ناحية السجن الحربى و كان بيتم تسليم مسجون ليهم و الله تحس برهبة شديدة جدا من المنظر بالرغم أنك مش شخصية من الشخصيات الطرية الناعمة بس السجن الحربى دة بجد تحس أنة مرعب مش زى السجون العادية حتى و الشباب و البنات الى بيترفصو و الله لو لا قدر الله حد فيهم دخل السجن أو الحجز حتا حا يعرف أنة ما شافش حاجة يا راجل دة الستات بيتحرشو ببعض و الرجالة بيتحرشو ببعض عالم السجون دة عالم تانى خالص لو لا قدر الله حد من الشباب دول وقع فى وسط ناس زى دول حا يمر بتجربة لن ينساها طول عمرة أبدا

[heshamzaky]

الفئة اللى مش عارفة الالف من كوز الدرة دى النظام الفاسد هو اللى صنعها
حضرتك راكب عربية وعشان كده مش عارف تعدى تروح شغلك
انزل امشى على رجلك زى معظم الشعب الغلبان وساعتها هتوصل
الناس مش لاقية تاكل من زمان والمواطنة اللى زوجها فقد عمله وعلى وشك ان تضع مولودها
لو هى فى بلد خالية من الفساد كانت هتروح مستشفى حكومية مجانية
وكمان فى اختراع اسمه تأمين صحى

لا تحكمى دون معرفة مين قالك أنى كنت راكب عربية ساعتها . و بعدين حكمتى أزاى أنى من الطبقة الغلبانة و لا الطبقة الغنية .و التأمين الصحى دة لا يصلح أساسا لاى فرد أنة يتعالج بية أى مستوصف الى تذكرتة ب 10 جنية افضل من التأمين الصحى الا بعض الامراض الى بتحتاج لعلاج ذو تكلفة عالية و باهظة و بالنسبة الفئة اللى مش عارفة الالف من كوز الدرة دى النظام الفاسد هو اللى صنعها. هو النظام حا يتدخل فى طريقة تفكيرة مهو أتعلم و أتعلم لقدر معين مجانى و نص الشباب متعلم جامعيا و للأسف لو طلبتى منة قراءة الجرائد بصوت عالى حا يتهتة فى الكلام . و الزميلة كان اعتراضها على الناس الى متجمهرة و موقفة حال الناس كلها

[wawoo]

يا جماعة الى يعرف حد من المتظاهرين فى ميدان التحرير - ياريت يقولة كفاية كدة نحافظ على المكاسب الى خدنا وعمرنا ما كنا هنخدها الى بالى عملتوة - لكن كفاية كدة - تم الاعلان امام جميع وكالات الانباء انه لن يترشح مرة اخرى - لن يرشح نجلة - تم تعيين نائب - محاكمة رمور الفساد - التعهد بالغاء قانون الطوارى - تعيين وزارة جديدة يراسها رجل محترم مشهود لة بالكفاءة - مش عيزين نخسر كل دة الموضوع ممكن يتعقد ونرجع نندم على كدة - حرام عليكم البلد هتضيع مننا

انا بتحصر على الشباب اللى فقد حياة و هو بيدافع عن حرية هذا البلد عشا ن يطلع راى زى دة يقولك كفاية

طيب كنتو فين السينين اللى فاتت دى كلها و الناس بتتظلم و الناس مهدور حقوقها والناس ثروتها بتتنهب .

اقولكم كنتو فين ..كنتو كل واحد فى شغلة و خلاص و ميهموش البلد تتسرق البلد تتنهب ..طلما هو عايش مستريح خلاص مش مهم ...و هما دول اللى بيقولو كفاية اليوم ..يبقى محدش فيكم كان فى يوم حيشارك فى مظاهرة او حيرجع حق مظلوم من اصلة

كفاية اية هو احنا اخدنا حاجة اصل ..كل اللى اخدناة مجرد كلام فى كلام و وعود بناخد زيها بقلنا 30 سنة

فوقو بقى من غسيل المخ بتاع القنوات المصرية الخبيثة دى ..خسائر مصر تجى اية جنب المليارات اللى اتنهبت جنب الغاز ثروة مصر القومية اللى بيتصدر الى اعدئنا بببلاش

عوزين تعيشو فى زل و هوان بقى عمركم براحتكم انما متلوموش الشرفاء و النبلاء اللى عندهم استعداد يضحو بحياتهم من اجل الحق مش يضحو بكام يومن من غير كابوتشينو و نيسكافية

اللى رجال مصر الشرفاء اللى فى الميدان وكل مييادين مصر ..اثبتو على موقفعكم ولا تلتفتو الى القلة اللى يهمها مصالحها فقط على حساب حرية مصر و مستقبل مصر

و عاوز ابلغكم ان هناك الاف المظهارات الان متجهة لميدان التحرير و كل الميادين المصرية و كلها اعضاء نقابات و مؤسسات و كلهم تركو اعملهم وتركو اشاغلهم عشان يشركو فى صنع مستقبل مصر ..مش يشتكو من كام يوم من غير شغل او كلام فارغ من دة