المجلس الأعلى للقوات المسلحة يقبل إستقالة أحمد شفيق

[ABDULLAH AHMED]

انا رايح التحرير بكره و غيرى كتير

انا ابن تيت مثلا

ماتنقى الفاظك و احترم الاخرين لو سمحت

اظن قصده اللي نازل بهدف مظاهرة ضد الدكتور عصام شرف
وليس لمن نازل عشان المطالب الاخرى اللي لسه ما تحققتش
انا قرات عن رئيس الوزراء دلوقتي وان شاء الله يبقى اتعلم الدرس
وتبقى على ايده اصلاحات في هذه الفترة ويساعد على التطوير ان شاء الله

[gemy1]

طب و هو اللى نازل بكره ده رايح يعمل ايه بس انا عايز افهم !!!!!!! عايز الدكتور عصام شرف يدوس على زرار يصلح حال البلد كلها فى نفس اليوم اللى هايتولى فيه منصبه و لا ايه انا بس عايز افهم ايا كانت بقى المطالب !!! هى ليه الناس مش عارفه امتى تتكلم و امتى تسكت و امتى تتعقل الامور !

[kh_talaat]

ألف مبرووووووووك للشعب المصري العظيم

الشعب القوي .... الشجاع .... الصامد

تحيا مصر

لمن يريد التعرف على رئيس الوزراء الجديد عصام شرف

[youtube]http://www.youtube.com/watch?v=hEKoJaKws-M[/youtube]

[_Ahmed_casper_]

لا يا باشا متغلطنيش ربنا يكرمك انا بتكلم عن شخص محدد اللى كان فى البرنامج .... اقرا كلامى لو سمحت

[ABDULLAH AHMED]

لا يا باشا متغلطنيش ربنا يكرمك انا بتكلم عن شخص محدد اللى كان فى البرنامج .... اقرا كلامى لو سمحت

هوا اللي كان في البرنامج ده
كان نازل بكره ضد عصام شرف ؟؟؟؟

[shaddadfalcon1]

انا شايف ان بلاش مظاهرات بكره ونستني نشوف افعال رئيس الوزراء الجديد الأسبوع الجاي ايه وبعد كده نبقي نشوف الموضوع يستاهل مظاهرات ولا لآ

من وجهة نظري لو الناس نزلت مظاهرات تاني بكره في ناس كتيير هتقول هما الناس دي عايزه ايه تاني والمظاهره مش هيبقي ليها معني ولا قيمة زي الأول

[_Ahmed_casper_]

فى قناه النيل بعد ما قالو الخبر واحد اتصل استاذ علوم سياسيه بس مش عارف اسمه الصراحه مش فاكر بس المشكله ان اكيد فى كتيييييييير هينزلو بكره . ليه بقا اموووت و اعرف

[ahmedjumpo]

+1
مين عصام شرف ...أيه السي في بتاعه يعني؟

دكتور عصام شرف كان استاذ دكتور بكلية الهندسة جامعة القاهرة و كان بيدرسلى هندسة النقل و المرور و ماتعرفوش اد ايه الرجل ده محترم و يتميز بالعلم و الذكاؤ و التخطيط و كنا بنقعد معاه و نناقش مشاكل النقل فى مصر و الاسباب و الحلول و كان احد مساوئ المرور هو ان الداخلية هى اللى كانت مسئولة عنه

مش عصام شرف ده بتاع حادثة العبارة وتصادم القطارات؟؟؟
هههههههههههههههههه
أهلآلآلآلآلآلآآآآآآآآآ

لحقت يا استاذى تتطلع عليه اشاعة ده كان وزير نقل لاقل من عامين

[تامر.محمد]

يا باشا ده قبل مايعمل اى حاجه الناس انتقدته و اللى يقول ده بتاع العباره و قطر الصعيد واللى يقول لااااااا ده كان وزير ايام مبارك .كلام كلام كلام
و اللى علالى الضغط النهارده لقيت واحد استاذ علوم سياسيه التلفزيون بيتصل بيه المزيعه بتسأله ايه رد فعل الشارع على التجديد ده رد قال سنظل فى التحرير . كنت عايز اقوله تحرير ايه يابن التيييت . انا كنت حاسس اصلا انه مايعرفش ايه اللى حصل بس الاهم انه يلم الناس فى التحرير و خلاص

نصيحة لأخ من أخ
ركز في الوجه او الاسم اللي بيقول كذا
و شوف هل كان ده منطقه قبل كده ولا لأ
الحركة دي عادة بتبقى مفيدة جدا في فهم ايه اللي بيحصل

[aly_hosny]

يا جماعة وزير ال قطرين ال خبطو في بعض وال عبارة احمد منصور بتاع منصور شيفرولية مش عصام شرف
يا ريت ال مش عارف ما يرميش الناس بالباطل

[nour_nrc]

معلومات عن عصام شرف - 3-3-2011 السيرة الذاتية عن رئيس الوزراء الجديد عصام شرف asaf sharf 3saf cv 2011
السيرة الذاتية عن رئيس الوزراء الجديد عصام شرف Essam Sharaf, who is Essam 2011
خريج هندسة القاهرة .
-حاصل على ماجستير و دكتوراه من أمريكا.
-أكثر من 140 بحث فى مجال الطرق.
-حاصل على جائزة الدولة التشجعية ثلاث مرات.
-حاصل على جائزة رفيق الحريرى .
-حاصل على جائزة التميز من أمريكا .
-مستشار وزارة النقل فى دبى من أكثر من 25 عاما .
-مؤسس جمعية " عصر العلم " ( أعضاء شرف فيها : د\ البرادعى و د\ أحمد زويل ) .
-هو اول من رفع الحراسة عن نقابة المهندسين .
د/ عصام شرف الرجل المحترم الذي قال لا في وجه من يقولون «نعم وحاضر يا فندم، أوامرك»، وقدَّم استقالته قبل ثلاث سنوات، تاركاً مكتبه الفخم بوزارة النقل، لأنه أدرك أنه لا توجد إرادة سياسية لحل أزمات النقل بعد حادث قطار قليوب، وهو نفسه الرجل الذي أطلق مفاجأته الثانية الآن، وكشف أمس الأول عن أنه سيترك منصبه كرئيس للجنة التسيير بنقابة المهندسين، إذا لم تكن لدي الدولة والحراسة القضائية وأطراف الأزمة إرادة حاسمة لحل أزمة الحراسة القضائية، خاصة بعد صدور الحكم الأخير ببطلان شرعيتها. إنه الدكتور المهندس عصام شرف- وزير النقل الأسبق- الذي ترك منصبه كوزير للنقل لأنه رفض التستر علي الإهمال الحكومي بحق الناس. هذا المهندس الذي يعد من أكبر خبراء النقل في مصر والعالم العربي، لم يكن غريباً عليه أن يهدد بالانسحاب من دوره بنقابة المهندسين، لأنه ببساطة «معندوش حسابات مع حد، ما عدا وازع الضمير الذي ينتاب المواطن والمهندس الغيور علي بلده. «شرف» الذي أمهل نفسه فترة الستة أشهر كحد أقصي لتنفيذ قراره بالانسحاب لم يخف سعادته الشديدة بحكم إنهاء الحراسة علي نقابة المهندسين، بل إنه قال إنه يطلب من الحراس القضائيين ألا يستأنفوا ضد الحكم الأخير الذي أنهي بحسم شرعية الحراسة القضائية، حرصاً علي مصلحة المهندسين والمهنة رئيس لجنة التسيير أكد أن الأمور، رغم كل ما يحدث، باتجاه الحل وأن الانتخابات إن شاء الله ستجري عبر اتفاق لجنة التسيير مع أطراف الأزمة بما فيها حركة «مهندسون ضد الحراسة» علي عدة بدائل وحلول توفيقية سيتم الإعلان عنها قريباً، رافضاً تحميل لجنته أكثر من طاقتها «سيبونا يا جماعة نشتغل شوية، وكل شيء سيعلن وأنا متفائل بأن المهندسين بكل أطيافهم هيقدموا المصلحة العامة علي أي شيء آخر، وأنا دور لجنتي هينتهي بانتهاء الحراسة، وتحقق مطالب المهندسين، بس»!

[kh_talaat]

دعوات على «فيس بوك» تطالب «شرف» بأداء اليمين في ميدان التحرير.. وأنباء عن موافقته

http://www.almasryalyoum.com/node/337744

الله اكبر .... تحيا مصر

[Dr.Karim Emam]

دعوات على «فيس بوك» تطالب «شرف» بأداء اليمين في ميدان التحرير.. وأنباء عن موافقته

http://www.almasryalyoum.com/node/337744

الله اكبر .... تحيا مصر

ده لو عمل كده يبقى معلم فعلا :b4_388:

[kh_talaat]

ده لو عمل كده يبقى معلم فعلا :b4_388:

ان شاء الله هيحصل


دة هتاف بكره يا جماعة للي رايح التحرير

شلنا الراس و فاضل الديل...يلا يا شعب شد الحيل

قالوا اطمن قلت ازاي و أمن الدولة رايح جاي

مزهقناش مزهقناش ثورة كاملة يااما بلاش

[otefa]

دكتور عصام شرف كان استاذ دكتور بكلية الهندسة جامعة القاهرة و كان بيدرسلى هندسة النقل و المرور و ماتعرفوش اد ايه الرجل ده محترم و يتميز بالعلم و الذكاؤ و التخطيط و كنا بنقعد معاه و نناقش مشاكل النقل فى مصر و الاسباب و الحلول و كان احد مساوئ المرور هو ان الداخلية هى اللى كانت مسئولة عنه

شكرا على المعلومة.........مؤيد مبدأيا على الأقل ده زمل يعني هايدلع المهندسين أن شاء الله هههههه..........ونصبر ونشوف خطوطه العريضة على الأقل في تشكيله الحكومة.........تحياتي