د.احمد خالد توفيق يكتب:عن شفيق والاسواني اتكلم

[nevozaky]

مقال تحفة
مفروض نغير نظرتنا للمسئول بقى و نعرف ان بابا هو بابا الله يدي له الصحة بس

مع احترامى لراْى حضرتك ايا كان حتى ولو اختلفنا فى الراْى .انا مش عجبنى اسلوب علاء الاْسوانى فى الحوار خالص .ده مش معناه ان نبقى زى فلاح كفر الهنادوة ونقعد تحت رجل رئيس الوزراء .لا نتعامل معه كموظف كبير فى الدولة يمثلنا ويمثل دولتنا .وبالتالى يجب احترامه وتقديره حتى لو اختلفنا فى راينا على انه يصلح او لا يصلح .ايا كان هناك اسلوب للحوار واداب الحديث والاحترام .ومش معنى انى اعلى صوتى واتكلم باسلوب غير لائق يبقى انا كده باتكلم بصوت الشعب .الواحد ممكن يوصل صوته وكل اللى عايز يقوله ويهاجم اللى عايز يهاجمه ويختلف فى الراْى زى ما هو عايز بس باسلوب مهذب واسلوب افضل من اللى تحدث به علاء الاسوانى .
صوت الحق دايما عالى حتى لو اللى طلبه كان بيتكلم بصوت واطى .فصوت الحق برضو هيوصل هيوصل بس باسلوب مهذب .وده رايى الشخصى .تقبل تحياتى

[AmAhmed]

النقاش المحتدم مش قلة ادب خصوصا و ان الكلام كله له معني مش سخرية و لا تريقة

شكرا علي نقل المقال

[nevozaky]

النقاش المحتدم مش قلة ادب خصوصا و ان الكلام كله له معني مش سخرية و لا تريقة

شكرا علي نقل المقال

فى فرق حضرتك من احتدام النقاش والكلام باسلوب غير مهذب مثال يعنى لما الفريق احمد شفيق بيقول لعلاء الاْسوانى انت مش فاهم انا اقصد ايه استنى افهمك راح علاء الاْسوانى رد وقال له انا فاهم كويس لاْ ده انا اللى هاْفهمك .هل ده الاسلوب المناسب للرد ولا ده اسلوب غير لائق .تقبل احترامى

[Abo_Lina]

شفيق رجل ضعيف و قليل الحيلة و غير مقنع ....
شهر كامل أضاعه في لا شيئ و مخاطبة الناس من خلف الشاشات ..
عصام شرف نزل إلى الميدان و إختلط بالشعب و تحاور مع المعاقين بل و وضع لنفسه مهلة زمنية لتحسين الأوضاع تقدر بشهرين
دي ناس عندها نشاط و عاوزة تشتغل و تفيد مواطني مصر .. بعيد عن أنا عملت و أنا أنجزت قبل ما أنت تتولد و الكلام المباركي القديم

[grand hand]

للاسف كتير منا لسه عايش فى الماضى
فى بلاد بره بيضربوا الوزرا بالطماطم والبيض الفاسد وبيجوا يعتذروا كمان
احنا هنا مش عايزين غير نهشك بس وندلع الباشا لحد ما يخلص بق الكدب بتاعه
كفاية خلاص الزمن ده انتهى
ولازم كل مسئول يعرف انه جادى يخدم الشعب بكل ما اوتى من قوة
ولو مأداش المهمة بتاعته بنسبة 100% مش هيلاقى حد يرحمه

[Abo_Lina]

فى فرق حضرتك من احتدام النقاش والكلام باسلوب غير مهذب مثال يعنى لما الفريق احمد شفيق بيقول لعلاء الاْسوانى انت مش فاهم انا اقصد ايه استنى افهمك راح علاء الاْسوانى رد وقال له انا فاهم كويس لاْ ده انا اللى هاْفهمك .هل ده الاسلوب المناسب للرد ولا ده اسلوب غير لائق .تقبل احترامى

طب أنت مش فاهم و أنا هافهمك
هل ترضى أنا أقولك كده ?
طبعا أسلوب هجومي غرضه فرض وجهة النظر و ليس الحوار

[heshamzaky]

أنا رأى بمنتهى الصراحة أن الاسوانى أسلوبة مستفز مش كويس
أنا ضد أن المواطن يتملق الحاكم أو رئيسة يعنى هناك أمثلة طريفة ساخرة كانت بتتقال على التملق مثل
أحلام سيادتك أوامر يا فندم
شخبطة سعادتك تخطيط لمستقلبنا يا فندم
شلوت سعادتك دفعة للأمام لنا يا فندم
هههههههههههههههههه كل دى شعارات أنا أرفضها تماما و بكرها جدا
بس برضو الحوار لازم يكون أرقى من كدة لان الصوت العالى و الملاحقة فى الكلام مش معناة منطلق قوة و أن صاحب اللسان الفصيح هو الى حجتة أقوى
أنا لا أتكلم عن أن أحمد شفيق صح و لا غلط و لا الاسوانى صح و لا غلط أنا بتكلم عن شكل أسلوب الحوار الى دار فيما بينهم و أسلوب الاسوانى كان مش حلو و بيقاطع كل بنى أدم بيتكلم و بيحشر نفسة بصورة نفرت مشاهدين للبرنامج من أسلوبة و شفيف أسلوبة بردو كان مستفز بس مش بنفس طريقة الاسوانى

[heshamzaky]

لأ مش حتخنق منك ولا حاجة... طالما الحوار فى حدود الادب و الذوق و الاحترام من حقك تقول كل حاجة انت عايزها

(واخد بالك يا اسوانى من الكلمتين اللى تحتهم خط؟)

mmamdouh

+++++++ 1111111111 أتفق معك تماما فى الموضوع دة الحوار لازم يبقى مهذب مش كأن اللقاء الى بيتذاع و العالم كلة بيتفرج علية يعطى أنطباع أننا بنتكلم بهمجية . أسلوب الاسوانى كان وحش و ناس كتير جدا جدا لا ليها فى السياسة و لا البتدنجان ما عجبهاش طريقة الاسوانى نهائيا

[nevozaky]

طب أنت مش فاهم و أنا هافهمك
هل ترضى أنا أقولك كده ?
طبعا أسلوب هجومي غرضه فرض وجهة النظر و ليس الحوار

انا مش مع حضرتك .هوه لما اقول لك استنى افهم حضرتك وانك مش فاهم هوه ده مقصود بى فرض وجهة النظر واسلوب هجومى ؟ما افتكرش بيبان من اسلوب الكلام ومجمل الحوار انى باتكلم عادى وقصدى افهمك ولا قصدى اهاجمك .وهيهاجمه ازاى والمفروض ان الفريق احمد شفيق هوه اللى كان بيجاوب .مثال تانى لما يسرى فودة يقول للفريق احمد شفيق احنا عايزين نقعد مع حضرتك وقت اكتر من كده ده لو وقت حضرتك يسمح وموجه كلامه للفريق احمد شفيق .يتدخل علاء الاْسوانى فى الكلام الغير موجهه ليه ويقول له ولو وقتى انا كمان يسمح .مع ان الفريق احمد شفيق مردش باْى كلام .على فكرة انا كنت باْحب علاء الاسوانى بس اسلوب كلامه معجبنيش خالص . على العموم ده رايى الشخصى .تقبل تحياتى

[AmAhmed]

فى فرق حضرتك من احتدام النقاش والكلام باسلوب غير مهذب مثال يعنى لما الفريق احمد شفيق بيقول لعلاء الاْسوانى انت مش فاهم انا اقصد ايه استنى افهمك راح علاء الاْسوانى رد وقال له انا فاهم كويس لاْ ده انا اللى هاْفهمك .هل ده الاسلوب المناسب للرد ولا ده اسلوب غير لائق .تقبل احترامى

انا شايف انه الاسلوب مفهوش مشكلة و من غير تحليل و لا قراءة مابين السطور

واحد بيقول لواحد انت مش فاهم سيبني افهمك
التاني رد قال له لا انا فاهم انت اللي مش فاهم سيبني افهمك
من الواضح ان في سوء تفاهم و ان السؤال بتكون اجابته في اتجاه بعيد عن السؤال نفسه و الفكرة المطروحة
و لان ده حوار علي مستقبل البلد و في برنامج محدود الوقت شئ طبيعي ان يكون فيه قوة و حدة
و في ناس بتدير الحوار لا طلعت فاصل و لا قاطعت الاسواني و لا طلبت منه التهدئة لان اللي بيعمله غلط

ده كده الناس مش حيعجبها لو طلبنا ان مرشحين الرئاسة يطلعوا مناظرات و يناقشوا بعض و يعرضوا خططهم لقيادة البلد و ينتقدوا خطط المرشحين المنافسين و حيعتبروا ده نوع من التطاول و قلة الادب

[تامر.محمد]

صح... لازم نعرف ان رئيس الوزارة موظف و لما نتكلم معاة نعللى صوتنا علية و نهلله و نقاطعة ولا اكننا فى موقف مكروباظ
MMamdouh

ههههههههههههههههههههه و الله شكلك هاتتخنق مني انا كمان لو ما كنتش مخنوق مني من الأول يا ممدوح

مع احترامى لراْى حضرتك ايا كان حتى ولو اختلفنا فى الراْى .انا مش عجبنى اسلوب علاء الاْسوانى فى الحوار خالص .ده مش معناه ان نبقى زى فلاح كفر الهنادوة ونقعد تحت رجل رئيس الوزراء .لا نتعامل معه كموظف كبير فى الدولة يمثلنا ويمثل دولتنا .وبالتالى يجب احترامه وتقديره حتى لو اختلفنا فى راينا على انه يصلح او لا يصلح .ايا كان هناك اسلوب للحوار واداب الحديث والاحترام .ومش معنى انى اعلى صوتى واتكلم باسلوب غير لائق يبقى انا كده باتكلم بصوت الشعب .الواحد ممكن يوصل صوته وكل اللى عايز يقوله ويهاجم اللى عايز يهاجمه ويختلف فى الراْى زى ما هو عايز بس باسلوب مهذب واسلوب افضل من اللى تحدث به علاء الاسوانى .
صوت الحق دايما عالى حتى لو اللى طلبه كان بيتكلم بصوت واطى .فصوت الحق برضو هيوصل هيوصل بس باسلوب مهذب .وده رايى الشخصى .تقبل تحياتى

يا فندم الطبيعي ان اي (انسان) يجب احترامه و تقديره , و الحقيقة و الواقع ان ده لازم يبقى متبادل , مش في اتجاه واحد .. الفيديو اهو , و يا ريت حضرتك تشوفي من اول الدقيقة 7 لحد ما شفيق بدأ يرد و الأسواني (اللي انا يعلم ربنا مش باطيقه بس الحيادية تفرض عليا اني لما يكون الحق معاه اقول انه معاه ) بيتكلم بمنتهى الهدوء و العقلانية
من اول ما شفيق بدأ يرد عند الدقيقة 11 , انا اللي شايفه ان بداية شفيق بداية مستفزة اصلا ( "بس تسيبني انا كمان اتكلم" , و هو ما كانش قال حاجة اصلا لسه عشان يكون التاني قاطعه ) , بس سيبنا من دي خالص , لأنه كان بيتكلم بأدب ... المشكلة هنا بدأت لما شفيق بدأ يرد على حاجات الأسواني ما قالهاش , و استمر الأسواني يقول له انا ما قلتش كده انا ما قلتش كده لحد ... نبرة شفيق بدأت تعلى على خفيف في وسط الدقيقة 13 ... لسه على خفيف اوي بس ماشي ... فضل شفيق يجاوب سؤال ما اتسألش اصلا , و لاحظي حضرتك معايا طريقة رد الأسواني الهادية جدا في الدقيقة 13.30 و الدقيقة 15.00 مثلا .. استمر الحوار بنفس المنوال , في الدقيقة 17.00 علي رتم الأسواني حاجة بسيطة و ما نقدرش نقول حاجة لأن شفيق عمل كده قبله ... 17.30 و ما بعدها شفيق بدأ اسلوبه يقلب على اسلوب الخناقة رسمي ( مقاطعا عدة مرات : له ايه ؟ انا راجل مسئول عن مطارات و طيارات ... له ايييييييييييه ؟ ) في حين كان الأسواني مابين نفس النبرة الهادية بتاعة الأول و النبرة السخنة على خفيف اللي طلع لها شفيق الأول ... و بعد كام مرة من دي بدأ الموضوع يفلت خالص

ده اللي انا شفته , و متفق تماما مع اللي جه في مقال بلال فضل

[youtube]http://www.youtube.com/watch?v=G6uOpkLctTk[/youtube]

[human]

+++++++ 1111111111 أتفق معك تماما فى الموضوع دة الحوار لازم يبقى مهذب مش كأن اللقاء الى بيتذاع و العالم كلة بيتفرج علية يعطى أنطباع أننا بنتكلم بهمجية . أسلوب الاسوانى كان وحش

انت مش فاهم انا هفهمك انا اصلا مهندس و بشتغل بقالى 10 سنين و مارضيتش اسيب بلدى ووطنى زى اللى سابوها و اسمع منى و سيبك من اللى تعرفه انا تكنوقراطى و عند فدان ارض جبته بفلوسى

ايه رأيك؟؟؟
قلتلك انك مش فاهم حاجه و برد عليك فى حاجه تانيه
تخيل فى ظل وضع حرج زى اللى احنا فيه و يبقى ده اسلوبك

و ناس كتير جدا جدا لا ليها فى السياسة و لا البتدنجان ما عجبهاش طريقة الاسوانى نهائيا

اكيد عشان مالهمش فى السياسه مش هيفهموا حاجه و يقولوا اى حاجه

[MEDO84EG]

من منطلق الرأي و الرأي الاخر نقول و الله المستعان
صحيح ان الفريق احمد شفيق يعتبر :
1-من اتباع النظام السابق
2-كان في حاجات لازم تتعمل و اتأخر فيها
3-تحس شويه ان عليه بعض المآخذ
لكن و علي الرغم من اي شيء احترمني و احترمك من باب ادب الحوار
لكن مش عاوزين حريه رأي تنقلب للعكس بمعني
ان مثلا ضباط الشرطه يبطلوا افترا علي الناس و الشعب ياخد حقه و زياده لدرجه ان الشعب يبقي هو اللي بيفتري علي الشرطه و نبقي بنطالب بعد كده بحقوق الشرطه
الموضوع هو الوسطيه
الموازنه بين دي و دي
و علشان مبقاش خرجت من الموضوع انا قصدي حريه الرأي مش معناها اني اتطاول علي اي حد
احترمه اه
و اسأله علي كل اللي انا عاوزه
و اختلف معاه في الرأي و دون اتهام لمن يخالفني في الرأي

[heshamzaky]

انت مش فاهم انا هفهمك انا اصلا مهندس و بشتغل بقالى 10 سنين و مارضيتش اسيب بلدى ووطنى زى اللى سابوها و اسمع منى و سيبك من اللى تعرفه انا تكنوقراطى و عند فدان ارض جبته بفلوسى

ايه رأيك؟؟؟
قلتلك انك مش فاهم حاجه و برد عليك فى حاجه تانيه
تخيل فى ظل وضع حرج زى اللى احنا فيه و يبقى ده اسلوبك




اكيد عشان مالهمش فى السياسه مش هيفهموا حاجه و يقولوا اى حاجه

أسلوبة مستفز و لا يقدر أداب الحوار و مش كل الى بيقولة يعجب الناس و أنا بقول أسلوبة ما عجبنيش و ضد أسلوبة و حسسنى أنة واقف فى موقف ميكروبصات مش حوار تيلفزيونى
و مش مهم ان الناس الى قالو رأيهم محنكين سياسيا و لا تبع أفكار معينة لآ أتكلمو عن أسلوب أدارة الحوار و قالو أن أسلوبة أسلوب همجى و أنا ضد أن الناس تقول أمين علشان فكرة الى أمامهم لاقت قبول لديهم و ما تحمكش بالعدل أنا بتكلم عن أسلوب الحوار الى دار بينهم تحديدا مش مضمون الحوار الى دار

[nevozaky]

يا فندم الطبيعي ان اي (انسان) يجب احترامه و تقديره , و الحقيقة و الواقع ان ده لازم يبقى متبادل , مش في اتجاه واحد .. الفيديو اهو , و يا ريت حضرتك تشوفي من اول الدقيقة 7 لحد ما شفيق بدأ يرد و الأسواني (اللي انا يعلم ربنا مش باطيقه بس الحيادية تفرض عليا اني لما يكون الحق معاه اقول انه معاه ) بيتكلم بمنتهى الهدوء و العقلانية
من اول ما شفيق بدأ يرد عند الدقيقة 11 , انا اللي شايفه ان بداية شفيق بداية مستفزة اصلا ( "بس تسيبني انا كمان اتكلم" , و هو ما كانش قال حاجة اصلا لسه عشان يكون التاني قاطعه ) , بس سيبنا من دي خالص , لأنه كان بيتكلم بأدب ... المشكلة هنا بدأت لما شفيق بدأ يرد على حاجات الأسواني ما قالهاش , و استمر الأسواني يقول له انا ما قلتش كده انا ما قلتش كده لحد ... نبرة شفيق بدأت تعلى على خفيف في وسط الدقيقة 13 ... لسه على خفيف اوي بس ماشي ... فضل شفيق يجاوب سؤال ما اتسألش اصلا , و لاحظي حضرتك معايا طريقة رد الأسواني الهادية جدا في الدقيقة 13.30 و الدقيقة 15.00 مثلا .. استمر الحوار بنفس المنوال , في الدقيقة 17.00 علي رتم الأسواني حاجة بسيطة و ما نقدرش نقول حاجة لأن شفيق عمل كده قبله ... 17.30 و ما بعدها شفيق بدأ اسلوبه يقلب على اسلوب الخناقة رسمي ( مقاطعا عدة مرات : له ايه ؟ انا راجل مسئول عن مطارات و طيارات ... له ايييييييييييه ؟ ) في حين كان الأسواني مابين نفس النبرة الهادية بتاعة الأول و النبرة السخنة على خفيف اللي طلع لها شفيق الأول ... و بعد كام مرة من دي بدأ الموضوع يفلت خالص

ده اللي انا شفته , و متفق تماما مع اللي جه في مقال بلال فضل

[youtube]http://www.youtube.com/watch?v=g6uopklcttk[/youtube]

بص حضرتك انا متفقة معاك ان الواحد ممكن يتناقش وبعدين من سخونة الموقف او الكلام ممكن الصوت يعلى شوية .بس انا باتكلم على اسلوب الكلام لموظف كبير فى الدولة .واكبر منى سنا بكتير .يعنى لو المدرس بتاعك مش كويس وانت شايفه انه مش بيعرف يشرح كويس ولو اختلفت معاه هتتكلم معاه باسلوب غير لائق ؟ ماافتكرش ان حضرتك هتعمل كده .وانا لسه قايلة فى المشاركة التانية .مثال تانى لما يسرى فودة قال للفريق احمد شفيق انه نفسه يقعد معاه فى البرنامج وقت اكتر من كده لو وقت الفريق احمد شفيق يسمح .احمد شفيق ما قالش ولا كلمة .راح علاء الاسوانى رد وقال لو وقتى انا كمان يسمح مع ان الكلام ما كنش موجه ليه اصلا .يعن اللى انا اقصده ازاى اتكلم باسلوب كويس واقول اللى انا عاوزه علشان اكون اسلوبى صح وقدوة لمن حولى وما اغلطش فى حد .