بعد تفعيل دستور 71 بالموافقة على التعديلات إزاى هيفضل المجلس الأعلى بيحكم ؟؟؟؟؟؟؟؟؟؟؟

[jisso82]

دلوقتى لما الناس تقول نعم على التعديلات و يتم تفعيل دستور 71 مؤقتا زى ما بيقولوا إيه الشرعية اللى هيستند عليها المجلس الأعلى للقوات المسلحة لاستمراره فى حكم البلاد؟؟؟
عشان سؤالى يبقى أوضح طبعا الكل عارف إن تنازل الرئيس عن السلطة للجيش ما كانش دستورى و إن الجيش اكتسب شرعيته فى الحكم بتعطيل العمل بالدستور و الأهم بمساندته للثورة أى إنه اكتسب شرعيته فى الحكم من شرعية الثورة أما لو اتفعل دستور 71 مرة تانية و يا ريت رد الناس اللى فاهمة كلمة دستور يبقى المفروض إن الجيش يسلم السلطة مباشرة لرئيس المحكمة الدستورية العليا لحين انتخاب رئيس جديد و بلاش كلام من عينة إحنا فى ظروف استثنائية و الكلام الغريب ده لأنه لا يوجد استثناءات فى الدستور و كان أولى بالمجلس إنه يعدل المادة دى بالمرة عشان ما يقعش فى المطب الدستورى ده إلا إذا كنت فاهم غلط و حد عنده إجابة واضحة للسؤال

[tamatemo]

هاستاذن حضرتك تراجع علي اليوتيوب لقاء اللواء ممدوح شاهين "الشؤون القانونية في المجلس العسكري"

وحواره في المصري اليوم

وهتلاقي نا لو التعديلات مرت يبقي دا اقرار و اعلان دستوري علي المواد المفعلة من الدستور فقط وبقيت المواد مجمدة

فبالتالي الدستور يكون معطل الا في حالة المواد فقط التي تم تعديلها وفكها من التجميد هاتكون بمثابة اعلان دستوري مؤقت يحكم الفترة الحالية ليس الا

وليس احياء لدستور 71

وفي حالة نعم او حالة لا هايطلع كدا كدا اعلان دستوري

الفيديو
YouTube - ‫ط§ظ„ظ„ظˆط§ط، ظ…ظ…ط¯ظˆط ط´ط§ظ‡ظٹظ† : ط¯ط³طھظˆط± 71 ظ„ظ† ظٹط¹ظˆط¯ ظˆظ„ط§ طµظ„ط§طظٹط§طھ ظ„ظ„ط±ط¦ظٹط³‬‎

اتمني اني اكون رديت عليك

[jisso82]

رغم إنى شفت الحلقة كاملة و سمعت اللى قالوا بعدها لما قال إن الرئيس المنتخب هيحكم بدستور 71 مؤقتا إلا إنى هفترض مع حضرتك إن كلامك صح فين صلاحيات الرئيس المنتخب و لا لما ييجى هيبقى رئيس على الورق فقط لحين إصدار دستور جديد؟؟؟؟؟؟؟؟؟؟؟؟

[ahmedbatoos]

استاذي الكريم دستور 71 لن يعود تفعيلة هو سقط
بل سيتم في حالة الموافقة او رفض التعديلات اعلان دستوري في الحالتين
لكن لو رفضنا اعلان دستوري باحكام عامة زي بتاعت عبد الناصر
لو وافقنا اعلان دستوري بلتعديلات وبعض مواد الدستور القديم بشكل مؤقت عشان تمشي حال البلد وتيسرة لوضع دستور جديد واقامة حكومة ومجالس وندخل الحياة الديموقراطية

ودة كلام الجيش

■ ما الخطوة المقبلة إذا ما تمت الموافقة على التعديلات؟
- سيتم إجراء انتخابات برلمانية ثم رئاسية، ويعود العمل بالدستور القديم وفقا لما يقرره المجلس الأعلى للقوات المسلحة بصفته هو الذى عطل الدستور، ومن حقه أن يقرر العمل بالدستور، على أن يجتمع رئيس الجمهورية ورئيسا مجلسى الشعب والشورى لصياغة دستور جديد خلال فترة محددة.


■ ما الخطوات التى سيتخذها المجلس العسكرى إذا ما أسفرت نتيجة الاستفتاء عن رفض التعديلات؟
- فى كلتا الحالتين سيتم إعلان دستورى، ولكن مع اختلاف الإجراءات، فإذا ما جاءت النتيجة بـ«نعم»، ستكون المواد محل الاستفتاء هى أساس العمل، وإذا ما جاءت النتيجة بـ«لا» سيتم إعلان دستورى يتضمن أحكامًا عامة خلال فترة انتقالية وليس دستورًا جديدًا، فمثلا فى عام ١٩٥٢ تم عمل إعلان دستورى أول، ثم إعلان دستورى ثان، وتم فيهما وضع بعض النقاط، والعمل بها من عام ١٩٥٣ إلى ١٩٥٦، حتى تم عمل دستور جديد، وهو ما يسمى «الفترة الانتقالية».






اما بنسبة للمجلس وشرعيتة لو قلنا نعم هينقل شرعيتة للحياة المدنية . . لو قلنا لا يبقي هيبقي هو كل شئ ومفيش اي شئ غيرة !! . . وفي كل الحالات قراراتة وسياستة مستمدة من ثورة شعبية فملهاش اطار قانوني ملزم لها . . .

[ahmedbatoos]

بنسبة لصلحيات الرئيس وحسب من ما فهمتة من احد واضعي التعديلات شخصيا

1- الدستور القديم سقط سيتم فقط تفعيل مواد قليلة فية لادارة الحياة بشكل دستور بدل الفوضي
2-الاشياء الي حولها اختلاف او مشاكل هيتم تعديلها عادي زي مثلا قوانين الاحزاب بلاخطار بعد الموافقة علي التعديل الجيش قال هعملة بعد التعديل فا نفس الطريقة هما بيسابقوا الوقت عشان منقعش في حلقة الفوضي المفرغة زي تونس دلوقتي ونغلط نفس غلطهم
3-الرئيس القادم رؤية الجيش هيكون عالماني لان كل المرشحين والي ليهم شعبية كذلك من التيار دة ومجلس الشعب هيبقي فية 35% تيار اسلامي وباقي الطوائف والتيارات فا هيعمل توازن بين المؤسستين عشان يقعدوا ينكافوا في بعض ويراقبوا بعض عدل ومحدش ينفرد بمؤسسة