عاوز ادهن غرفة على السطح بنفسي !!

[ahmadmidop]

هيا اوضة على السطح هيا مدهونة بس بقالها زمااان فالدهان تحس ان هوا اصفر وهوا اصلا اللون كان اسمه سن الفيل تقريباا ههههههههه .... المهم لو انا حبيت ادهن الاوضة دي بنفسي ابض اعمل ايييييييييييه !!
هيا مدهونة زيت ..... هل ينفع ادهنها .... والمطلوب ايه .... ادوات ومواد خاام وشكرااا

اصلا الواحد بتطلع في دماغو افكار مجنونة ساعات وعاوز اجيب فيها طرابيزة بلياردوووبس حاجة حاجة هههههه

[chicobon]

الاول تدي وش او وشيين سانيتون مطفي علي اساس انك بتقول مدهونة زيت و بعد كده اديهي وشين او تلاتة بلاستيك و في حجات مش غاليه زي باكين 666 الجالون حوالي 75 جنيه و تعملها بي الروله

[OgsMc]

بص يا سيدى
اولا هيا شغلانه متعبه جدا اكتر من ما تتخيل وايديك ههتعب جامد ووقت كبير جدا
1.زى ما الاستاذ قال ..وش او وشين سانيتون لحد ما اللون الاصفر يتستر...السانيتون بيتخفف بنفض او جاز ابيض نضيف
2.وبعدين وشين دهان بلاستك على حسب الجوده الى انتا عاوزها
فى بلاستك باكين 666
وفى برما ستار بحوالى 52
وفى اغلى لو عاوز حاجه نضيفه
جلتكس 10000 و 20000
اوكيماتون
والبلاستك يتخف بالميه
بس لازم لما تخفف تاخد بالك متخففش اوى ولا تخليه تقيل عشان تعرف ترول

[ahmadmidop]

تمام يعني هما المرحلتين دول بس وشين سانيتون وبعدين البلاستيك

[Nistelrooy]

ههههه احنا بيقنا نعمل كل حاجة لنفسنا .. كدا الناس التانية هتسترزق منين بقي :)

[OgsMc]

تمام يعني هما المرحلتين دول بس وشين سانيتون وبعدين البلاستيك

وممكن تلون البلاستك بحاجه اسمها مركز اللوان بس تحط نقطه نقطه