عايز حضانه في مدينة نصر

[shaddadfalcon1]

السلام عليكم ورحمة الله وبركاته

بعد اذن شباب المنتدي الكرام لو مفيهاش غلاسه كنت عايز اعرف الحضانات الموجوده في مدينة نصر وتكون قريبه من ذاكر حسين - الوفاء والأمل - شارع ذكريا عثمان

مش عايز حاجات غاليه قوي لان واحد صاحبي دلوقتي بساله بيقولي في حضانه اسمها لوسي ب 1500 جنيه في الشهر وكل اللي عملته اني تنحت

انا كنت بوديه في شارع الصداقه في سيدي بشر ب 40 جنيه في الشهر فهل هلاقي حاجه حنينه هنا ولا اقعده في البيت ولا اايه النظام

ابني عنده 3 سنين ونص

[omarmosalem]

أظن أقل حضانة هتبقى من 400 إلى 500 جنيه

[shaddadfalcon1]

أظن أقل حضانة هتبقى من 400 إلى 500 جنيه

نفسي افهم ليه ؟
ايه الذياده في الحضانات التانيه يعني
ده عيل هيروح يقعد ويلعب شويه وانا اصلا ابني بيروح يتلزق في الكرسي من ساعه مابوديه لحد ماارح انا ولا والدته تاخده

اخرهم هيلعبو شويه يعني

[احمد المصرى]

ما دا بيفرق من حضانه للتانيه انت بتقول ان ابنك بيروح يقعد على الكرسى .... الحضانه ال بى 450 او 1500 وبيكون فيها جانب تعليمى كبير جداااااااااااا مش مجرد مكان الاطفال تقعد فيه وخلاص لا بيتعلموا حساب وعربى وانجليزى وقرأن


وانا متفق معاك ان الاسعار دى كتيره على اى بيت بس دا الطبيعى حاليا والله اعلم

[mohamed9999]

فى فرق بين المكان اللى انت فيه و عارف كل كبيره و صغيره وبين مدينه نصر
كل الحضانات كده للاسف
انا بنتى فى حضانه فى شبرا وبتاخد 40ج فى الشهر
لكن لو حضانه كويسه فى رينج 400-500 فعلا

[shaddadfalcon1]

ياخبر ابيض
ده وجودي في مصر هيبقي علي خساره كده

ده المبلغ ده في الأسكندريه يدخله احلي حضانه

ياتري ام 400 ده نظامها ايه وفيها ايه ولو امكن عنوانهم ايه وليهم باصات ولا لآ

[shaddadfalcon1]

waiting for your opinions

[wesam_salom]

قلنا لك من الاول نار الاسكندريه ولا جنه القاهره

[heshamzaky]

ناحية الشوارع الى أنت طالبها الرينج حا يبقى من 400 على الاقل و أنت طالع
لو عايز حاجة اقل فى السعر ممكن فى حدود 200 جنية بالشهر تقريبا مش عارف السعر زاد و لا لآ بس اعتقد فى الحدود دى و ممكن ازيد شوية صغيرة

[sayed911]

انا فيه حضانة في مساكن شيراتون اسمها مدى ولكن برينج اعلى كمان من رقم جنبه 3 خانات !! وفيه في الرحاب كمان ولكن المعلومات منعدمة بصراحة بالنسبة لي

[zago]

انا رأيي تاخده معاك الشغل ارخص

[shaddadfalcon1]

انا رأيي تاخده معاك الشغل ارخص

هيبوظ كل حاجه

انا معنديش مشكله انه يقعد في البيت بس هو لما كنا في الأسكندريه كان بيروح حضانه ويلعب مع العيال وده اللي احنا كنا عايزينه
لو علي العلام فوالدته اصلا خريجة تربيه طفوله يعني ده تخصصها وتعلمه كويس بس اللعب مع الاطفال مش هيلاقيه في البيت

بس انا اعرف ان الحضانات الغاليه دي بتعلم كويس سواء في الأسلوب او انجليزي وحساب وكده يعني
ولا انا فاهم غلط وهي غاليه من اجل الغلاء وخلاص ؟

[shaddadfalcon1]

قلنا لك من الاول نار الاسكندريه ولا جنه القاهره

ظروف الشغل بقي نعمل ايه

ناحية الشوارع الى أنت طالبها الرينج حا يبقى من 400 على الاقل و أنت طالع
لو عايز حاجة اقل فى السعر ممكن فى حدود 200 جنية بالشهر تقريبا مش عارف السعر زاد و لا لآ بس اعتقد فى الحدود دى و ممكن ازيد شوية صغيرة

فين ياباشا
ممكن عنواين وياتري يبيعلمو العيال حاجه ولا غاليه عالفاضي عشان في مكان راقي

[heshamzaky]

لآ الحضانة مش بتعلم زى ما انت متخيل كدة
الغلو فى السعر علشان نظافة و مستوى الحضانة فية حضانات بها حمام سباحة صغير و شوبة العاب حلوة علشان كدة بتبقى غالية
بص فى ظهر مامورية ضرائب مدينة نصر الى فى شارع مكرم عبيد فية حضانة اسلامية و بيعلمو فيها قران بس مش عارف سعرها
و فية حضانات كتير جدا جدا جدا فى مدينة نصر باسعار معقولة نسبيا و فية حاجة اسمها استضافة يعنى بتدفع اليوم بيومة مش بالشهر
بص عارف شارع الطاقة الشارع الى فية النادى الاهلى فية كذا حضانة فى المنطقة دى اسال و اتفرج على الحضانات و فى عمارات الشروق فية حضانة سعرها معقول جدا جدا مش فاكر اسمها بس لو سالت حا تعرف توصل لها ممكن ابقى اجيبلك اسمها و تيلفونهم بكرة ان شاء الله

[shaddadfalcon1]

يعني مفيش فرق بينها وبين الحضانه اللي كنت بدفع فيها 40 جنيه لانها برده كانت نظيفه وكانو بيتعملو اناشيد وبيدهم حساب وكان في العاب وحمامات بس مفيش سباحه

امري الي الله هبقي اشوف كده

متشكر ليكم جميعا