مشكلة زوجية عويصة

[cyborg_ift]

كيفكم اخواني الأعزاء

طبعا انا استأذنت من صاحب الموضوع قبل عرضه وبرجاء الرد بعنايه لأنها مشكله معقده

جاري متزوج من ست سنوات وربنا رزقه ببنت وولد حالته الماديه جيده بس كتر الديون والجمعيات والكلام ده قاطمه وسطه ... زوجته زي ما فيهه صفات جيده فيها صفات سيئه ايضا

هيه مؤدبه ومتدينه وصبوره وفي نفس الوقت عنديه جداااااااااا وشكاكه ومتحكمه لأبعد الحدود وفي وقت الخناق طويلة اللسان وساعات بتمد اديهه عليه وهوه كاظم جيد جدا للغيظ وبيمسك نفسه

بس حاليا الموضوع تطور بزياده وأصبح الكلام جارح بشده وبدأ يشعر بأنها تمقته وتكرهه بالرغم من انه يحبها جدا

وهو الأن في حيره من امره يتركها ويعيش وحيدا بالرغم من حبه لها ولكن في الوقت ذاته سيتضرر الأبناء في ذلك أم يحتمل مع صعوبة العيشه

[أبو صلاح]

هي وصلت لضرب ؟

ده انا بستحقر الراجل اللي بيضرب مراته علشان عارف انها اضعف منه

لكن توصل ان هي اللي تضربة ؟
مش متخيلها صراحة
ولو حصلت اعتقد دي نهاية القصة

ده بخلاف سوء التعامل

الموضوع محتاج وقفة قوية منته كرجل
لو عرف يعدل (مش يستحمل) واعتقد التعديل يبقى بالقوة بعد استنفاذ كل محاولات الرفق واللين يكمل حياته
لو معرفش يعدل منها يبقى مفيش حل الحل التاني

بس عايز انوه على حاجة
في بعص السيدات بتمر بمراحل من حياتها بتبقى متضايفة جدا وحساسة جدا وعصبية بس مش للدرجة دي
ابحث الاول عن السبب وقرر

[hosamsief]

مع كامل احترامي لجارك ده و مع كل احترامى للصفات التى حضرتك سردتها و منها (متدينه)!!!!!!!!!!!!!!!!!!
لكن لما توصل لمد الايد .... يبقى كده شكرا........
ربنا بيقول " و جعلنا بينكم موده و رحمه " و معتقدش ان الايه الكريمه ده موردتش على اى حد مسلم مش حتى متدين .... و لازم وقفه و واقفه جامدة فعلا .....
و اذا كانت العلاقه بينهم مش حتحافظ على الحد الادنى من الاحترام يبقى .... من وجهه نظرى انا على الاقل بلاشها احسن ......
و الكلام ده فكرنى بواحد راح يشترى لمراته شبشب عمال يدور على واحد مقاسه صغير و مراته بتقوله يا عم انا مقاسى 45 مش تلاتين ... قالها ما انا اللى هنضرب بيه ..........

[أحمد كمال]

قول له يسترجل و يشرب بيريل ...... بتمد ايدها عليه ................ يا حلاوتها !!!!!!


على فكرة ما يفتكرش انه لو كمل معاها ده لمصلحة العيال


البنت هتطلع قليلة الادب زي امها و مش هتحترم جوزها


و الولد هيتعقد من امه و من الستات و من الجواز و ممكن ينحرف !!!!!

[محمد عز]

وقت الخناق طويلة اللسان وساعات بتمد اديهه عليه

اسوء زوجة فى العالم هى سليطة اللسان وطويلة اليد

حل من اتنين

يطلقها ويرتاح ويحفظ ما تبقى من كرامته المتبقيه وده ان كان فيه حاجة متبقية

او

يهبدها العلقة المحترمة لما تجى تمد ايديها وكل ما تفكر تمد ايديها يروح واكلها العلقة المحترمة علشان تحرم

اما طول اللسان لا اظن انه ليه علاج بس ممكن برده لما تطول لسانها يهبدها العلقة المحترمة علشان تسكت

انا لا احبذ موضوع الضرب ده لانه للحيوانات فقط

ممكن

يهددها بالطلاق .... وانه هياخد الاولاد منها

للاسف مافيش تفاصيل كتير علشان الواحد يقدر يحكم

بس واضح انها قوية ومفتريه وهو لا حول له ولا قوة

من الاخر

1- يثور ويغير الاوضاع

2- يخنع ويستمر على ماهو فيه

3- يرحل بهدوء

[MNabeih]

حكاية مد اليد دي لو صح تبقي هزلت بكل معني الكلمة,
بس خلينا معاها للاخر بردو لازم تسمع من الزوجة الاول,
لأني بصراحة مش داخله دماغي حتت بتمد ايديها عليه و هو بيكظم غيظة
اصل مافيش راجل في الدنيا مراته تمد ايديها عليه و هو عادي, يديها قلم يلوحها و تتعدل معاه وقتي
انا بصراحة ما اقدرش اقول رايي غير لما تكون انت بردو سمعت من الزوجة.
اصلها صعبة, بس لو فعلا دة اللي بيحصل يتجوز عليها احسن عشان العيال

[amz2011]

بص ياباشا الستات كلها زى بعضها و احنا فى زمن لايوجد مكان للحب .
انا رائى يروح يتجوز عليها بدون ادنى تردد نهائى و لوجت تمد ايدها عليه يروح مديها قلمين من اللى هما يخالوها تنسى اهلهاز
يا اما هتركبه طول العمر و هتبقى شكله وحش قدام الناس و قدام اولاده

[alaasaid]

قول له يسترجل و يشرب بيريل ...... بتمد ايدها عليه ................ يا حلاوتها !!!!!!


على فكرة ما يفتكرش انه لو كمل معاها ده لمصلحة العيال


البنت هتطلع قليلة الادب زي امها و مش هتحترم جوزها


و الولد هيتعقد من امه و من الستات و من الجواز و ممكن ينحرف !!!!!

و الله انت برنس يا ا/ أحمد و بتجيب من الاخر , انا متفق معاك تماما فى الرأى

[cyborg_ift]

الراجل بيقول ان مد الايد بيكون كالأتي

انه في الخناق بيحاول يحايلهه ويحضنهه علشان تهدا بس هيه بتزق فيه جامد جدا وساعات بتضربه في بطنه وصدره ولعلمكم جاري ده مبيمدش ايده عليهه لسببين
الأول : لأنه يكره ضرب المرأه وهوه راجل عارف ربنا
الثاني : الراجل ده جته يا جدعان والله لما بيقف يسد الباب ولو خدت منه قلم تموت فيهه وهوه بيعطف عليهه وبيعاملهه بالحسنى

الشئ الوحيد اللي بيسكته بعد الخناق انهه بتقوله انهه غلطانه وانفعالهه بيكون خارج عن ارادتهه وبتعتذرله

موضوع كملن حكالى دلوقتي عليه انهه اوقات كتير بتطالبه بانه يكتبلهه الشقه والعربيه باسمها وهوه مش عارف ده طمع ولا ايه مع العلم انهه مش ماديه

[cyborg_ift]

التهديد بالطلاق مش هينفع معاهه لانهه عنديه لأبعد حد والزواج التاني هوه مش هيقدر عليه وكمبدأ هوه رافضه

[Ayman-Ahmed]

لا حول ولا قوة الا بالله.
طبعا زى ما قال معظم الاعضاء الضرب من الطرفين مرفوض تماما ومن الزوجة للزوج بيعتبر استهزاء.الخ

لو فى مكانه ممكن احاول بالهدوء والمحايلة الاول اتكلم واعرفها اننى مش هقدر اكمل طول ما طريقتها كدة واننى ماسك نفسى عنها لانها زوجتى وعشرتى وام اولادى,الخ

وان لم ترضى يبقى الاهل او حد عدل بيحترموا كلمته هما الاتنين

وان لم يكن يسيب البيت كام يوم ويقولها انه هيسيبها فترة لانه مش هيقدر يمسك نفسه اكتر ويخاف يمد ايده عليها ياذيها.

ولو يقدر يوديها جامع من اللى فيهم دروس بتديها حاجات متدينات وتتكلم معاها واحدة من الحاجات .

وان لم يكن بكل الحلول فميش غير الانفصال بس قبل الانفصال يعرض عليها اخر الحلول وهو طبيب نفسى.

بلاش يكتبلها اى حاجة ويقولها لما ربنا يفتكرنى كله بتاعكوا .ربما تكون عاوزة تنفصل وعاوزة حاجات طالبها منه.

[mado83]

قول له يسترجل و يشرب بيريل ...... بتمد ايدها عليه ................ يا حلاوتها !!!!!!


على فكرة ما يفتكرش انه لو كمل معاها ده لمصلحة العيال


البنت هتطلع قليلة الادب زي امها و مش هتحترم جوزها


و الولد هيتعقد من امه و من الستات و من الجواز و ممكن ينحرف !!!!!

++++1
بس ده عايز يشرب بيره مش بيريل:019f3b~14:

[medododo]

يتجوز عليها
بمعني لو هو مش قد تكاليف الزواج التاني
في ستات كتير حالها ميسور ومحتاجة ضهر
ومواقع الزواج علي النت كتير وأكيد هيلائي طلبه
ولازم يكون معرفها انه هيعمل كده يمكن تتظبط

[mailo]

الموضوع بسيط قوي قوي
هو ألم واحد على وشها هيظبطها عشان تتعلم الأدب إزاي تمد اديها عليه يعني
ساعتها هتعرف إنه بيعرف يضرب فـهتتلم

[أحمد كمال]

الراجل بيقول ان مد الايد بيكون كالأتي

انه في الخناق بيحاول يحايلهه ويحضنهه علشان تهدا بس هيه بتزق فيه جامد جدا وساعات بتضربه في بطنه وصدره ولعلمكم جاري ده مبيمدش ايده عليهه لسببين
الأول : لأنه يكره ضرب المرأه وهوه راجل عارف ربنا
الثاني : الراجل ده جته يا جدعان والله لما بيقف يسد الباب ولو خدت منه قلم تموت فيهه وهوه بيعطف عليهه وبيعاملهه بالحسنى

الشئ الوحيد اللي بيسكته بعد الخناق انهه بتقوله انهه غلطانه وانفعالهه بيكون خارج عن ارادتهه وبتعتذرله

موضوع كملن حكالى دلوقتي عليه انهه اوقات كتير بتطالبه بانه يكتبلهه الشقه والعربيه باسمها وهوه مش عارف ده طمع ولا ايه مع العلم انهه مش ماديه

فيه لفظ بيتقال في المواقف دي .......

مش عايز اتوقف

ما علينا

هي عايزاه يكتب الحاجة باسمها عشان تربطه لانها عارفة انه اكيد مش طايقها و مصيرها الطلاق



قول له اياه يكتب اي حاجة ان شالله يا رب عود كبريت


و اللي هي بتعمله مش عذر و لو ضربته يضربها