سؤال في المعاشات

[نور القمر]

دلوقت حد قال لماما انها ممكن تاخد معاش عند جدي المتوفي من 25 سنة الله يرحمه (قوات مسلحة) مدام الزوج توفى اللي هو بابا الله يرحمه مع العلم انها بتاخد معاش بابا
ولها اخت تاني نفس الظروف
هل الكلام ده صحيح ؟
ولو صحيح ايه المطلوب منها هي وخالتي من اوراق ؟

[power]

انا مش بفهم في المواضيع دي خالص بس انا شوفت واحده اخدت معاش والدها بعد سنين كتير فعلا من وفاه والدها بس علشان كان معاش جوزها قليل بس برضو اسالي حد بيفهم

[aif]

اللي اعرفه ان من حقها تاخد حصتها من معاش والدها بالاضافة الى معاش الزوج بحيث ان حصتها من المعاشين لا تتعدى الحد الاقضي وحصص التأمينات لها نظام تاني غير حصص الميراث
يعني مثلا لو حصتها من معاش الزوج 600 جنيه ..... وحصتها من معاش والدها 500 جنيه ..... وبفرض ان الحد الاقصى 1000 جنيه
يبقى يستحق لها 400 جنيه فقط من حصتها في معاش والدها
لكن مش متأكد انه باثر رجعي .... او من تاريخ تقديم الطلب
روحي للمكتب اللي فيه معاش الوالد ( جدك ) وح يطلبوا منك بعض الاوراق وما يفيد حصتها من معاش زوجها ( والدك ) وشهادة وفاة واعلام وراثة وبرنت تأمينات وموافقة بنك انه يتحول علية المعاش وشوية اوراق ..... بتقدمي و تتابعي ولا تيأسي ولا تزهقي

[نور القمر]

الف شكر لحضراتكم
هو لازم مكان معاش جدي ؟؟ ده كان في المنيا
ولا ممكن مكان تاني نسأل فيه

[aif]

الف شكر لحضراتكم
هو لازم مكان معاش جدي ؟؟ ده كان في المنيا
ولا ممكن مكان تاني نسأل فيه

معاش جدك حاليا ملفه موجود عي المكان الذي يوجد به آخر مستفيد منه
مين كان آخر حد بيصرف معاش جدك .... وكان بيصرفه منين ؟؟؟؟
وكل ده ممكن معرفته من الكمبيوتر
شوفي حد في التأمينات يسهللك كتير .... لكن الحق موجود بلا شك

[نور القمر]

شكرا يا حاج احمد جزاك الله خير

[icehearted girl]

اقولك ياستي اللي اعرفه

من حقها تاخد ايه بظبط... لو في فرق بين المعاشين يعني لو معاش باباكي مثلا 200 جنيه وهي معاش باباها 300 جنيه يبقي هتاخد الفرق فقط اللي هو 100 جنيه

ولو نفس القيمة او اقل مش هتاخد حاجة الا لو معاش باباكي اتوقف من حقها تاخد معاش والدها

[نور القمر]

امممممممم يعني لازم بردو نسأل في مكان المعاشات بتاع جدي

[aif]

على فكرة انا اقصد بالحد الاقصي انه الحد الاقصي المستحق لوالدتك مش الحد الاقصى للمعاشات ... وده بيتحدد حسب المعاشين واعتقد له حسبة عندهم

[A7MED_PHARMA]

من ناحية الفلوس
هي أكيد لها فلوس .. خالتي بتصرف معاش جوزها .. ومعاش جدي
لكن مش عارف بتصرف كام .. ولا نظام حساباتها إزاي؟