هو مين اللى غلط انا ولا المجتمع

[midoabdeen]

السلام عليكم ورحة الله وبركاتة
اولا كدة انا شاب 22 سنة
معلش هو الموضوع طويل شوية بس للاسف دا حال المجتمع اللى باقينا عايشين فية
انا بصراحة جالى تشتت ذهنى من حاجات كتير اوى من المجتمع اللى احنا عايشين فية
كل حاجة غلط بقت صح ل وكمان الناس كلها بتجرى عليها
وكل حاجة صح بق غلط والناس كلها بقت بتبعد عنها

من الحاجات الغلط وبق صح
1-البنات
هو انت مش مصاحب لية
هو انت عايش ازاى من غير مايكون فى واحدة فى حياتك
انت مش راجل علشان مش بتعرف بنات كتير
انا بصراحة بسمع الكلام دا من معظم زمايلى
ياسيدى انا مش عايز دا انا بحب ادخل الباب من الشباك زى مابيقولوا انا عجبانى حياتى كدة
انا مش عايز احب الا الانسانة اللى ربنا قسمهالى انها تكون زوجتى
تلاقيهم يقولوا اززززززززززاى ياعنى انت لازم تصاحب واحدة وتبدا قصة حب علشان تنتهى بالجواز
مع انى اصلا يوم ما افكر امشى مع واحدة حتى لو حبيتها عمرى ما افكر اتجوزها
ومن كتر الكلام دا ولهفة كل الشباب على البنات بصفة عامة الواحد افتكر انة هو اللى غلط هنا اللى صح

2- السجاير
انت راجل اة مش بتشرب سجاير تبقى مش راجل
ازاى انت راجل ومش بتشرب سجاير او اى مكيفات
ازى ياعنى انت لازم على الاقل تكون فى مرحلة السجاير دا اذا كنت محترم اوى ياعنى
انما المرحلة الجاية هى مرحلة ما بعد السجاير وهى انك تحشيها وهكذا

3- النفاق
انت غشيم
انت لسانك طويل
انت جلمف
ياعنى هو الواحد لازم يبقى منافق علشان يعجب
انا واحد من الناس مش بعرف ابقى ب 100 وش
اللى فى قلبى على لسانى بس بالذوق ومن غير مااجرح حد او ازعل حد منى
بس من الواضح كدة ان دى حاجة مش كويسة
الواحد لازم يكون منافق اوى علشان يعجب الناس
لا واية فى وشك حبيبك اووووى
ومن ظهرك بيسب ويلعن فى اللى جابوااااااا...........
واللى اكتشفتة باردوا ان النوع دا بيعجب الناس اوى اللى هو محافظ اوى على كلامة قدامك مش بيقولك كلمة تزعلك بس يتكلم فى ظهرك

4- المنظرة
هو الواحد لازم يصبغ شعرة زى البغبغان كل خصلة لون
ويفردة كمان او يبقى عامل زى الانفد
او يتباهى على خلق الله علشان يبقى هو الواد الفت اللى مافيش زية بقى
طيب مادام الواحد محافظ على مظهرة ومش مهمل فى نفسة ونظيف اية بقى لازمتة التباهى والتنطيط على خلق الله ياعنى

5- الاصراف او التبزير
هو الواحد لازم يصرف كل اللى معاة علشان يبقى كدة هو الواد النزية
على فكرة انا فى اوقات ببقى فيها كدة بس باردوا ببقى واخد بالى شوية من الفلوس
انما فى ناس تانية ولا بتفرق معاهم خالص كانهم مش تعبانين فى فلوسهم خالص
ياعنى خير الامور الوسط الواحد يصرف ويمتع نفسة بس باردوا فى حدود


انما بقى من الحاجات الصح اللى بقت غلط
1- الاحترام
لو بتحترم اللى قدامك ومش بتغلط فى حد
فا انت كدة عيل سيس وجبان
وكمان قلبك دعيف اوىاوى
انا افتكر مرة والله واحد جارنا اكبر من والدى فى السن بيسئلنى ابوك ال.... فين
كان بيشتم ابويا بس بهزار ياعنى فانا قلتلة انا ابويا مش كدة
قال لابويا وكانت ليلة ..... سودا كلت علقة
دلوقتى الناس الكبيرة هى اللى المفروض تحترم الصغيرين
2- الصراحة
انت عيل عبيط اوى
هو انا علشان مش بحب احور على اللى قدامى ابقى عبيط
لما اعمل شغل لواحد ولقولة اية مشكلة الشغل من قبل ماعملة ابقى عبيط
لما اعمل شغل واخد حسابى من غير مادبح الزبون ابقى عبيط
لما اقول اية عيوب السلعة ابقى عبيط
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ولله انا مش عارف صبر نفسى ولا انفجر باللى جوايا ولا اخلص من البلد دى واهج منها خالص

لك الله يامصر

[max_ziro]

انت قولت ان خير الامور الوسط
مش لازم تبقى صحيح اوى
ولا مباشر اوى
خليك وسط
تعرف امتى تكون صريح و امتى تكون ملاوع .

[midoabdeen]

والله انا عن نفسى بعمل كدة
مع انى معترف ان اللوع اصلا غلط
بس براعى انى ماخمش حد

[casperinoo]

بص ياباشا اللي انت فيه ده الطبيعي ..اللي حواليك هما اللي غلط ..حاول تبعد عن النوعيه ديه ..لأنها مش هتركب معاك وشويه ممكن تبقي زيهم ...
اه نسبه كبيره من المجتمع بقت كده ...بس لسه فيه اللي شبهك ..
لا تقلق واثبت علي موقفك :)

[MohaMed_Refaat]

دة نتاج الفوضى العامة اللى ف البلد معلش لما نشوف هى رايحة على فين
وعامة كل لما الناس ظروفها المادية بتتعب حجات كتير بتتغير ومبادئ كتير بتفقد قيمتها واخلاق بتنعد كل يوم عن اللى قبلة .......

وبرضك الاعلام لية دور كبير من كتر الاسفاف اللى بيتعرض ايام مكان النظام البائد بياكل عقول الناس باعلام ساذج وهابط ويلهيم بية كل دة نتج عنة انهيار اخلاقى واجتماعى رهييييب قضى تماما على صفات الشخصية المصرية ......... بتاع زمااااااااان ....

[me_medoo]

بص ياحبيب قلبي ستي الله يرحمها قالت لي حكمه البلد الي بيبعدو فيها الثور حش وارميلو ، ومعنى المثل انك شفتهم بيعبدو الثور فهات شوية برسيم وارميلو شوية
انا معاك ان في حجات مش بتنفع وعيب وميصحش بس تعمل ايه في بلد. الناس فيها متعودين على التهريج وقلة الادب ، مش عاوز اقلك ان اوسخ شتيمه في الدنيا وتطير عليها رقاب العيال ولاد اللذينة بيسلمو على بعض بيها وهما بيبوسو بعض وبيدحكو كمان فعليه العوض ومنو العوض ، بس انا مش معاك في نقطه وحده اذا انتا في الجامعه حاول انك تتعرف على بنت مئدبة وتتقدم لاهلها علشان لمن ربنا يكرمك وتخلص جيش وتلاقي شغل متقعدش لسه هتدور من اول وجديد
وملي عندك كده اجندة تيلفونات بارقام البنات المؤدبين لان وقت ما تقول يا جواز هتتعب. علشان تدور على وحده والبنات الكويسة بتتخطف بدري بدري وربنا يوفقك يارب

[midoabdeen]

بص ياحبيب قلبي ستي الله يرحمها قالت لي حكمه البلد الي بيبعدو فيها الثور حش وارميلو ، ومعنى المثل انك شفتهم بيعبدو الثور فهات شوية برسيم وارميلو شوية

والله الكلام دا علشان تمشى امورك وهو دا اللى احنا بنعملة ساعات
بس مايبقاش هو دا اسلوب مجتمع كامل وفى جميع الاوقات

[shaddadfalcon1]

انت طبيعي جدا وربنا يكرمك ويثبتك علي الحق باذنه

[al_manara]

للاسف كلامك صح

[aif]

السلام عليكم ورحة الله وبركاتة

اولا كدة انا شاب 22 سنة
معلش هو الموضوع طويل شوية بس للاسف دا حال المجتمع اللى باقينا عايشين فية
انا بصراحة جالى تشتت ذهنى من حاجات كتير اوى من المجتمع اللى احنا عايشين فية
كل حاجة غلط بقت صح ل وكمان الناس كلها بتجرى عليها
وكل حاجة صح بق غلط والناس كلها بقت بتبعد عنها

من الحاجات الغلط وبق صح
1-البنات
هو انت مش مصاحب لية
هو انت عايش ازاى من غير مايكون فى واحدة فى حياتك
انت مش راجل علشان مش بتعرف بنات كتير
انا بصراحة بسمع الكلام دا من معظم زمايلى
ياسيدى انا مش عايز دا انا بحب ادخل الباب من الشباك زى مابيقولوا انا عجبانى حياتى كدة
انا مش عايز احب الا الانسانة اللى ربنا قسمهالى انها تكون زوجتى
تلاقيهم يقولوا اززززززززززاى ياعنى انت لازم تصاحب واحدة وتبدا قصة حب علشان تنتهى بالجواز
مع انى اصلا يوم ما افكر امشى مع واحدة حتى لو حبيتها عمرى ما افكر اتجوزها
ومن كتر الكلام دا ولهفة كل الشباب على البنات بصفة عامة الواحد افتكر انة هو اللى غلط هنا اللى صح

2- السجاير
انت راجل اة مش بتشرب سجاير تبقى مش راجل
ازاى انت راجل ومش بتشرب سجاير او اى مكيفات
ازى ياعنى انت لازم على الاقل تكون فى مرحلة السجاير دا اذا كنت محترم اوى ياعنى
انما المرحلة الجاية هى مرحلة ما بعد السجاير وهى انك تحشيها وهكذا

3- النفاق
انت غشيم
انت لسانك طويل
انت جلمف
ياعنى هو الواحد لازم يبقى منافق علشان يعجب
انا واحد من الناس مش بعرف ابقى ب 100 وش
اللى فى قلبى على لسانى بس بالذوق ومن غير مااجرح حد او ازعل حد منى
بس من الواضح كدة ان دى حاجة مش كويسة
الواحد لازم يكون منافق اوى علشان يعجب الناس
لا واية فى وشك حبيبك اووووى
ومن ظهرك بيسب ويلعن فى اللى جابوااااااا...........
واللى اكتشفتة باردوا ان النوع دا بيعجب الناس اوى اللى هو محافظ اوى على كلامة قدامك مش بيقولك كلمة تزعلك بس يتكلم فى ظهرك

4- المنظرة
هو الواحد لازم يصبغ شعرة زى البغبغان كل خصلة لون
ويفردة كمان او يبقى عامل زى الانفد
او يتباهى على خلق الله علشان يبقى هو الواد الفت اللى مافيش زية بقى
طيب مادام الواحد محافظ على مظهرة ومش مهمل فى نفسة ونظيف اية بقى لازمتة التباهى والتنطيط على خلق الله ياعنى

5- الاصراف او التبزير
هو الواحد لازم يصرف كل اللى معاة علشان يبقى كدة هو الواد النزية
على فكرة انا فى اوقات ببقى فيها كدة بس باردوا ببقى واخد بالى شوية من الفلوس
انما فى ناس تانية ولا بتفرق معاهم خالص كانهم مش تعبانين فى فلوسهم خالص
ياعنى خير الامور الوسط الواحد يصرف ويمتع نفسة بس باردوا فى حدود

انما بقى من الحاجات الصح اللى بقت غلط
1- الاحترام
لو بتحترم اللى قدامك ومش بتغلط فى حد
فا انت كدة عيل سيس وجبان
وكمان قلبك دعيف اوىاوى
انا افتكر مرة والله واحد جارنا اكبر من والدى فى السن بيسئلنى ابوك ال.... فين
كان بيشتم ابويا بس بهزار ياعنى فانا قلتلة انا ابويا مش كدة
قال لابويا وكانت ليلة ..... سودا كلت علقة
دلوقتى الناس الكبيرة هى اللى المفروض تحترم الصغيرين
2- الصراحة
انت عيل عبيط اوى
هو انا علشان مش بحب احور على اللى قدامى ابقى عبيط
لما اعمل شغل لواحد ولقولة اية مشكلة الشغل من قبل ماعملة ابقى عبيط
لما اعمل شغل واخد حسابى من غير مادبح الزبون ابقى عبيط
لما اقول اية عيوب السلعة ابقى عبيط
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولله انا مش عارف صبر نفسى ولا انفجر باللى جوايا ولا اخلص من البلد دى واهج منها خالص

لك الله يامصر

يا ميدو ......
النبي عليه الصلاة والسلام اجاب على تساؤلك
قال ايه ؟؟؟؟
قال لا تكن إمعة ( او كما قال عليه الصلاة والسلام ).... اذا احسن الناس احسنت واذا اساءوا اسأت ... ولكن اذا احسن الناس احسنت واذا اساءوا لم تنجرف وراء اساءتهم ....بل وتحاول نصحهم كمان لأن ده واجب عليك
طبيعي ان الانسان ممكن يتأثر بمن حوله .... وجايز جدا تلاقي نفسك بتنساق وراء اساءة الشباب من حولك فتفعل كما يفعلون ... ممكن تصاحب بنات ... ممكن تتعاطى مخدرات ممكن تنجرف الي اسوأ من كدة والعياذ بالله
طب والحل
اولا انك تثق بنفسك اكتر من كدة ..... لازم تكون واثق تماما انك انت اللي صح وهما اللي غلط
ثانيا ان تحسن اختيار من تصادقهم او تزاملهم
المرء على دين خلياه فلينظر احدكم من يخالل
اختيار الاصدقاء شيء محوري ....
لو انت بدل ما تقعد مع الاشكال اللي بتقول عليها دي قعدت مع ناس تانية اكثر احتراما وثقافة وعلما وخلقا .... ممكن تكتشف انك فعلا غير طبيعي ... لكن لاسباب تانية
ممكن تقعد مع شاب 22 سنة تلاقية بدأ بزنس وبيدير 50 موظف وانت لسة مش عارف ح تشتغل ايه
ممكن تقعد مع شاب 22 سنة تلاقية بيحضر ماجستير وانت لسة مش عارف ح تدرس ولا مش ح تكمل
ممكن شاب 22 سنة تلاقية عارف 4 لغات وانت لسة الانجليش عندك عاوز يتظبط
ممكن شاب 22 سنة تلاقية حافظ القرءان كاملا 5 قراءات ومعاه اجازات فيهم وانت مش حافظ جزء عم
ممكن ..... وهنا ح تلاقي نفسك مش طبيعى بالمقارنة بيهم وممكن ناس زي كدة يكونو سبب ودافع في رفع مستواك في شتى المجالات
نظرتك لنفسك ح تكون مقارنة بمن حولك ...... وانت اللي تقدر تحدد من حولك حسب تحديد المكان اللي بتروحه والنشاط اللي بتمارسه
..
..
اما بقى حكاية ازاي انت راجل وماتعرفش بنات .... ده لا مؤاخذة منطق الحيوانات في الغابة .... كل ذكر بيحدد الاناث بتاعته بناء على قوته وسيطرته ....... اللي يقولك كدة يبقى لا يرقى انه يطلق علية لقب انسان ...... ده اساسا المفروض ما يستاهلش انك تكلمه ولا تبص في خلقته .... واحسن كمان تبعد عنه خوفا من العدوى

[aif]

المرء على دين خلياه فلينظر احدكم من يخالل

المرء على دين خليله
آسف للخطأ الكيبوردي غير المقصود

[midoabdeen]

والله العظيم يا استاذ aif
كلام حضرتك فى الجون فعلا
بس المشكلة ان تقريبا 90% من الشباب دلوقتى منساقين ورا الكلام دا
ويرجعوا فى الاخر اصل البلد عمرها ما هتنظف ولا هاتتعدل
بجد والله الواحد نفسة البلد تتظبط او بمعنى اصح اخلاق الناس تتصحح

[aif]

والله العظيم يا استاذ aif
كلام حضرتك فى الجون فعلا
بس المشكلة ان تقريبا 90% من الشباب دلوقتى منساقين ورا الكلام دا
ويرجعوا فى الاخر اصل البلد عمرها ما هتنظف ولا هاتتعدل
بجد والله الواحد نفسة البلد تتظبط او بمعنى اصح اخلاق الناس تتصحح

يا ميدو مش 90% ولا حاجة
المشكلة اننا في مصر عددنا كتييير
لما تروح ديسكو تتخيل ان كل الشباب هناك من الزحمة
ولما تروح مسجد في التراويح بردو تتخيل ان الشباب كلهم بيصلو هناك من كتر الزحمة
ولما تروح اي مكان ح تلاقيه بردو زحمة
....
المهم تروح المكان الصح
انا عاوز اقولك مثل بسيط
انا عمري 47 سنة
الشيخ علاء .....ده شيخي اللي بيعلمني القرءان حاليا ..... خريج ازهر
رجل يحفظ القرءان كاملا وحاصل على إجازة بسند متصل الى رسول الله عليه الصلاة والسلام
وحاليا في طريقه للحصول على اجازة بالقراءات العشر ...... اكرر بالقراءات العشرة ... الـ 10 عشان محدش يقرأها غلط
وبجانب دراسته فهو يعمل كمحفظ قرءان في دار الشيخ المعصراوي للتحفيظ
الشيخ علاء ده عمره في العشرينات يعني من جيلك
....
أهو ده بقي فعلا اللي لما باشوفه واشوف امثاله باشعر ان انا مجرد صفر ع الشمال

...
من كلامك يا ميدو .... انت ينقصك التواجد في المكان المناسب .... ومع الاشخاص المناسبين
فيه ناس ممكن ترفعك الي اسمى الدرجات
وناس ممكن تغرقك للقاع والعياذ بالله
...
...
اللي زي الشيخ علاء ده لو التفت الى كل من يتهكم عليه من السفهاء ومن يتهمه بانه عايش في الماضي وانه لا يجاري الموضة ولا يشجع ابو تريكة ولا يلبس مثل عمرو زكي ولا يعرف اسماء الممثلين والراقصات ولا يسمع عمرو دياب ولا يلبس جينز بوسط ساقط
لو كان القى اليهم بالا ...... لم يكن الآن من خير الناس ( خيركم من تعلم القرءان وعلمه )
لم يكن الآن من اهل الله ( اهل القرءان هم اهل الله وخاصته )
لم يكن مع السفرة الكرام البررة ( الماهر بالقرءان مع السفرة الكرام البررة )
لم يكن ليتسبب في الباس ابويه تاج الكرامة بسبب حفظه للقرءان
....
وده مثل واحد في مجال واحد
فيه غيره آلاف في مجالات كثير ...... العلوم الشرعية والعلوم الدنيوية ... الثقافة والاقتصاد والتكنولوجيا والخ ... الخ
انما عشان شوية شباب ضايع يخلوك تزعزع ثقتك بنفسك ..... مايستحقوش انك تصاحبهم يا ميدو
ربنا يحفظك

[midoabdeen]

والله انا الحمد لله عندى ثقة فى نفسى جدا لانى اصلا متبهدل فى السوق والشغل من صغرى
بس ساعات لما الاقى ان الشباب كلة او على الاقل اللى بتعامل معاهم كلهم كدو وعلى فكرة كلهم دى بدون مبالغة بحس انى ساعات ببقى غلط علشان اهلى ربونى على الصح والغلط
وساعات تانية بيصعب عليا حالهم انهم اى حاجة غلط بيجروا وراها والبلد طبعا اساسها فى الشباب ياعنى فينا احنا




بس من خبرة حضرتك فى الحياة حضرتك شايف ان حال البلد ممكن يتظبط بالوضع اللى احنا فية دا ؟؟؟؟؟؟؟؟؟؟؟؟؟؟؟؟؟

[aif]

والله انا الحمد لله عندى ثقة فى نفسى جدا لانى اصلا متبهدل فى السوق والشغل من صغرى
بس ساعات لما الاقى ان الشباب كلة او على الاقل اللى بتعامل معاهم كلهم كدو وعلى فكرة كلهم دى بدون مبالغة بحس انى ساعات ببقى غلط علشان اهلى ربونى على الصح والغلط
وساعات تانية بيصعب عليا حالهم انهم اى حاجة غلط بيجروا وراها والبلد طبعا اساسها فى الشباب ياعنى فينا احنا




بس من خبرة حضرتك فى الحياة حضرتك شايف ان حال البلد ممكن يتظبط بالوضع اللى احنا فية دا ؟؟؟؟؟؟؟؟؟؟؟؟؟؟؟؟؟

ان شاء الله حال البلد يتصلح لكن مش في يوم ولا سنة ولا سنتين
انا متوقع الآتي وده قلته قبل كدة هنا وفي اماكن تانية
بعد سنتين من الثورة ............ سيبدأ الوضع الامني في البلد في الاستقرار يقف التدهور الاقتصادي
بعد 5 سنوات من الثورة ..... سيبدأ المواطن في الشعور بالتحسن في المعيشة والخدمات ونصبح في وضع مشابه لما كان قبل الثورة امنيا واقتصاديا
بعد 10 سنوات من الثورة ستكون مصر في بداية طريقها للانطلاق وسيكون مستوي الخدمات اصبح اعلى بكثير من السابق (صحة وتعليم ونظافة ومرور و....... )
بعد 15 سنة من الثورة ستكون مصر في نفس مستوى الدول الاوربية ( الغير عظمى ) مثل البرتغال واليونان واوربا الشرقية الحديثة
ده طبعا بمشيئة الله وبالادارة الامينة الواعية المتخصصة
اتمنى ان ده يحصل لاننا دولة لديها كل الامكانيات لذلك .... بل لأكثر من ذلك بكثير
عندنا غاز وبترول وفحم وذهب وفوسفات وقصدير ومنجنيز وحديد
عندنا نيل
عندنا شمس
عندنا رياح
عندنا ارض قابلة للاستصلاح
عندنا خزان مياة جوفية رهييييب
عندنا 3000 كيلو شواطيء
عندنا تاريخ
عندنا جغرافيا .... قناة السويس
عندنا يد عاملة ماهرة
عندنا جيش رقم 8 على العام
عندنا معادن وثروات
عندنل كل حاجة مش عند غيرنا
ينقصنا فقط قيادة تتقي الله وتديرنا ادارة علمية واخلاقية وماتسرقناش