اين يتم استبدال النقود التالفة او المقطوعة

[greenday]

عندى عشرين جنيه مقطوعة اتخميت فيها لما كنت باخد الباقى من سواق التاكسى فدلوقتى اقدر اغيرها منين وهل اخدها بنفس القيمة لانى سمعت ناس بتقول ان استبدالها بنصف قيمتها

[damasry]

البنك المركزى بفروعه

[greenday]

طيب بيتخصم منها حاجة يعنى اخد العشرين جنيه عشرة جنيه

[Screenplays]

اي فرع للبنك المركزي

[aly_hosny]

من البنزينة

[bmw3m007]

طيب بيتخصم منها حاجة يعنى اخد العشرين جنيه عشرة جنيه

و ده كلام يتصدق يعني !
اكيد لأ مش هيتخصم

[greenday]

اصل فى بقال غلس قالى الكلام ده

[yoko]

لو معاك النصين مش هيتخصم نص واحد هتاخد نص قيمتها

[greenday]

هى مقطوع منها جزء من على الطرف حوالى نص الرقم اللى على الجنب

[yoko]

لو فيه نص مجهول رقمه يبقى هتاخد نص قيمتها بس

[greenday]

طيب هو فى شبابيك مخصصة لموضوع استبدال النقود التالفة فى البنك المركزى وفروعه ولا نظامه ايه عشان ابقى عارف وهل الحاجات دى بتبقى زحمة قوى زى البنوك الحكومية ولا التبديل مش هياخد وقت معلشى لو اسئلتى ساذجة شوية بس انا مجربتش الموضوع ومش عايز اضيع يوم كامل على استبدال عشرين جنيه وفى الأخر هاخدها عشرة جنيه يعنى مش هتجيب تمن المشوار

[homme49]

فرع البنك المركزى بشارع محمد فريد بجوار الفرع الرئيسى لبنك مصر (الفرع القديم الذى أسسه طلعت حرب)
هو الفرع الذى يقوم بالإستبدال للنقود التالفة فى القاهرة و هو غير مزدحم من الساعة 8.30 صباحا حتى العاشرة و النصف صباحا بعد ذلك يبدأ التوافد عليه من المحلات و الشركات لإستبدال ما تم تحصيله و تبين به أوراق تالفة
و يمكنك إستخدام مترو الأنفاق فى الذهاب هناك حيث أن هذة المنطقة تقع فى منتصف العاصمة و لا يسهل بها تواجد أماكن للركن - مترو الأنفاق محطة محمد نجيب

[greenday]

شكرا على ردك وجزاك الله كل خير

[د.أبونضال]

ولا بنك مركزي ولا حاجة يا جماعة ... تقدر تغيرها من شباك خزنة أي بنك لأن ده التزام من الدولة ... ده ورق النقدية زمان كان بيتكتب عليه "يتعهد البنك اللأهلي المصري بتسديد ما قيمته مثلا جنيه واحد لحامل هذه الورقة. أنا باحوش الخمسات والجنيهات المقطوعة في درج معين في البيت وساعات ما بيبقاش معايا فلوس خالص (في الصيف آخر الشهر غالبا) باروح الدرج ده وآخذ اللي فيه وباروح خزنة أي بنك (وعلشان الأمانة أنا عملت كده في البنك الأهلي اللي هو أصلا ممثل البنك المركزي في جميع أنحاء الجمهورية وكمان في بنك القاهرة) وبيغيرهم على طول طالما مش مزورين ولا نصين مختلفين...
تحياتي

[khaled_yassin]

ولا بنك مركزي ولا حاجة يا جماعة ... تقدر تغيرها من شباك خزنة أي بنك لأن ده التزام من الدولة ... ده ورق النقدية زمان كان بيتكتب عليه "يتعهد البنك اللأهلي المصري بتسديد ما قيمته مثلا جنيه واحد لحامل هذه الورقة. أنا باحوش الخمسات والجنيهات المقطوعة في درج معين في البيت وساعات ما بيبقاش معايا فلوس خالص (في الصيف آخر الشهر غالبا) باروح الدرج ده وآخذ اللي فيه وباروح خزنة أي بنك (وعلشان الأمانة أنا عملت كده في البنك الأهلي اللي هو أصلا ممثل البنك المركزي في جميع أنحاء الجمهورية وكمان في بنك القاهرة) وبيغيرهم على طول طالما مش مزورين ولا نصين مختلفين...
تحياتي

انسى لسة كنت فى البنك الاهلى ورفض يا باشا